எல்ஜி நிறுவனத்தின் புதிய ஸ்மார்ட்போன் இந்தியாவில் அறிமுகம் செய்யப்பட்டுள்ளது. பட்ஜெட் விலையில் கிடைக்கும் புதிய ஸ்மார்ட்போன் எல்ஜி கேன்டி என அழைக்கப்படுகிறது. மாற்றக்கூடிய பேக் கவர் கான்செப்ட் கொண்டிருக்கும் புதிய ஸ்மார்ட்போன் செப்டம்பர் 1-ம் தேதி முதல் கிடைக்கும் என தெரிவிக்கப்பட்டுள்ளது.
5.0 இன்ச் ஹெச்.டி. ஆன்-செல் டச் டிஸ்ப்ளே, 720x1280 பிக்சல் ரெசல்யூஷன் மற்றும் 294ppi பிக்சல் டென்சிட்டி கொண்டுள்ளது. 1.3 ஜிகாஹெர்ட்ஸ் குவாட்-கோர் பிராசஸர், 2 ஜிபி ரேம், 16 ஜிபி மெமரி மற்றும் மெமரியை கூடுதலாக நீட்டிக்கும் வசதி வழங்கப்பட்டுள்ளது.
புகைப்படங்களை எடுக்க 8 எம்பி பிரைமரி கேமரா, எல்இடி ஃபிளாஷ், 5 எம்பி செல்ஃபி கேமரா வழங்கப்பட்டுள்ளது. இரண்டு கேமராக்களிலும் புகைப்படங்களை ஜிஃப் போன்று மாற்றும் வசதியும் வழங்கப்பட்டுள்ளது.
எல்ஜி கேன்டி சிறப்பம்சங்கள்:
- 5.0 இன்ச் ஹெச்.டி. ஆன்-செல் டச் டிஸ்ப்ளே
- 1.3 ஜிகாஹெர்ட்ஸ் குவாட்-கோர் பிராசஸர்
- 2 ஜிபி ரேம்
- 16 ஜிபி மெமரி
- மெமரியை கூடுதலாக நீட்டிக்கும் வசதி
- 8 எம்பி பிரைமரி கேமரா, எல்இடி ஃபிளாஷ்
- 5 எம்பி செல்ஃபி கேமரா
- எல்.டி.இ., வைபை. ப்ளூடூத், யுஎஸ்பி 2.0 டைப்-சி
- 2500 எம்.ஏ.ஹெச். பேட்டரி
இந்தியவில் எல்ஜி கேன்டி ஸ்மார்ட்போன் சில்வர், புளு மற்றும் கோல்டு நிறங்களில் கிடைக்கிறது. இத்துடன் பேக் கவர்களை மாற்றிக் கொள்ளும் வசதியும் வழங்கப்பட்டுள்ளது. புதிய எல்ஜி கேன்டி ஸ்மார்ட்போனின் விலை ரூ.6,699 என நிர்ணயம் செய்யப்பட்டுள்ளது. இதன் விற்பனை செப்டம்பர் 1-ம் தேதி முதல் துவங்குகிறது.
