நீங்கள் தேடியது "Liquid Nitrogen"

கர்நாடக மாநிலம் பெங்களூருவில் திரவ நைட்ரஜன் பான் சாப்பிட 12 வயது சிறுமியின் வயிற்றில் துளை விழுந்துள்ள சம்பவம் அதிர்ச்சியை ஏற்படுத்தியுள்ளது. இனிப்பு பீடா வகையான பான் என்பது வட இந்தியாவில் பிரசித்தி பெற்ற பாரம்பரிய பண்டம் ஆகும். சமீப காலங்களில் தென்னிந்தியாவிலும் இந்த பான் வகைகள் விரும்பி உண்ணப்பட்டு வருகின்றன. ஐஸ் பான் முதல் ஃபயர் பான் வரை பான் வகைகள் உருவாகி இளைஞர்களின் விருப்பத்தை தூண்டியுள்ளது.

இதில் புகையுடன் கூடிய திரவ நைட்ரஜன் பான் வகை உண்ணும்போது திரில் ஆன அனுபவத்தை தருவதால் சிறுவர்கள் அதனை அதிகம் விரும்புகின்றனர். ஆனால் அதுவே ஒரு சிறுமிக்கு கொடுங்கனவாக மாறியுள்ளது. பெங்களூருவில் 12 வயது சிறுமி திரவ நைட்ரஜன் பான் சாப்பிட்டுள்ளனர். சிறிது நேரத்திலேயே சிறுமிக்கு கடுமையான வயிற்று வலி ஏற்பட்டுள்ளது. இதனைத் தொடர்ந்து மருதுவமனையில் அனுமதிக்கப்பட்ட அந்த சிறுமியைப் பரிசோதித்த மருத்துவர்கள், சிறுமியின் வயிற்றில் துளை உருவாகியுள்ளதை கண்டறிந்துள்ளனர்.

இந்த துளை உருவாகுதலுக்கு பெர்ஃபோரேஷன் பெரிட்டோனிடிஸ் (perforation peritonitis) என்பது மருத்துவப் பெயர் ஆகும். வயிற்றில் உள்ள துளை விரிவடைவதைத் தடுக்க சிறுமிக்கு அறுவை சிகிச்சை செய்யப்பட்டது. சிறுமியின் வயிற்றின் ஒரு பகுதி, சுமார் 4×5 செ.மீ அளவு, அகற்றப்பட்டது. சிகிச்சைக்குப் பின் சிறுமி உடல் தேறி வருவதாக மருத்துவர்கள் தெரிவித்தனர்.

மேலும் உணவில் திரவ நைட்ரஜனை பயன்படுத்துவது கடுமையான விளைவுகளைத் ஏற்படுத்தும். திரவ நைட்ரஜனில் ஆவியாகும் இரசாயனமே இதற்கு காரணம் ஆகும். இந்த நீராவிகளை உள்ளிழுப்பது சுவாசிப்பதில் சிரமத்திற்கு வழிவகுக்கும் என்று மருத்துவர்கள் எச்சரிக்கின்றனர்.

புதுச்சேரி:

கர்நாடகாவில் ஸ்மோக் பிஸ்கெட் சாப்பிட்டு சிறுவன் துடிதுடித்த வீடியோ சமூக வலை தளங்களில் வைரலாகி பரபரப்பை ஏற்படுத்தி வருகிறது.

ஸ்மோக் பிஸ்கெட்டை குழந்தைகள் உட்கொள்ள வேண்டாம். அது, உயிருக்கு ஆபத்தை ஏற்படுத்தும் என, தமிழக உணவு பாதுகாப்பு துறை எச்சரிக்கை விடுத்து, அதனை தடுக்க, தனிப்படை களம் இறக்கியுள்ளது.

புதுச்சேரியிலும் இந்த வகை ஸ்மோக் பிஸ்கெட்டுகள் சர்வ சாதாரணமாக கிடைக்கிறது. திருமண விழாக்கள், பொருட்காட்சிகள் போன்ற இடங்களிலும் திரவ நைட்ரஜன் பயன்படுத்தி செய்யப்படும் ஸ்மோக் உணவு கிடைக்கிறது.

திரவ நைட்ரஜன் தான் தற்போது வித்தியாசமான உணவு என்ற பெயரில் பல இடங்களில் விற்பனை செய்யப்படுகிறது. காக்டெய்ல், மிட்டாய்கள், பிஸ்கெட்டுகள் அல்லது திரவ நைட்ரஜன் கலந்து செய்யப்படும் எந்த உணவாக இருந்தாலும் அது உடலில் மோசமான விளைவுகளை ஏற்படுத்தும் என்பதை அறியாமல் பெற்றோர்களும் தங்களது குழந்தைகளுக்கு அதனை வாங்கி கொடுக்கிறார்கள்.

உணவு விடுதிகளில் நைட்ரஜன் ஐஸ் கலந்த உணவுகளை விற்க தடை உள்ளது. இந்த டிரை ஐஸ்களை உணவுக்கு பயன்படுத்தினால் 10 ஆண்டுகள் சிறை தண்டனையும்,10 லட்சம் ரூபாய் அபராதம் விதிக்க முடியும்.

இதுதொடர்பாக, தமிழக அரசும் எச்சரிக்கை விடுத்துள்ளது. ஆனால் ஸ்மோக் பிஸ்கெட் விஷயத்தில் புதுச்சேரி அரசும், உணவு பாதுகாப்பு துறையும் மவுனமாக உள்ளது.

இந்த விஷயத்தில் உடனடியாக நடவடிக்கை எடுத்து, குழந்தைகளுக்கு அச்சுறுத்தலாக உள்ள ஸ்மோக் பிஸ்கெட் உள்ளிட்ட திரவ நைட்ரஜன் உணவுகளுக்கு கட்டுப்பாடுகளை விதிக்க வேண்டும் என்பது சமூக ஆர்வலர்களின் கோரிக்கையாக உள்ளது.

திரவ நைட்ரஜன் ஒழுங்காக கையாளப்படாவிட்டால் ஆபத்தானது. இது உடம்பில் ஏதாவது இடத்தில் பட்டால் உறைபனி அல்லது தீக்காயங்களை ஏற்படுத்தும். இந்த திரவ நைட்ரஜன் ஐஸ்க்ரீம் தயாரிக்கும் பொருட்கள் உறைவதுக்கு பயன்படுத்துவது.

நைட்ரஜன் ஆக்ஸைடு என்றால் என்ன? அதன் விளைவுகள்

இந்த திரவ நைட்ரஜன் என்பது மிகக்குறைந்த வெப்பநிலையில் திரவ நிலையில் இருக்கும் நைட்ரஜன் ஆகும். இது ஒரு நிறமற்ற, வாசனையற்ற திரவ நிலையில் உள்ள நைட்ரஜன் திரவம் ஆகும்.

இதன் டெம்பரேச்சர் மைனஸ் 190 டிகிரி செல்சியஸ். இதனுடைய முக்கியமான பயன்பாடு என்னவென்றால் ஐஸ்கிரீம், இறைச்சி வகைகளை படுத்துவதற்கு பெரிதும் பயன்படுகிறது.

இந்த திரவ நைட்ரஜனை பயன்படுத்தி எல்லா பொருட்களையும் பதப்படுத்தி பாதுகாக்க முடியும். திரவ நிலையில் இருந்து வாயுவாக வெளிவரக்கூடியது. இது திரவ நிலையில் இருது வாயுவாக மாறும்போது அதன் தன்மை மிகவும் ஆபத்தானது என்கின்றனர் மருத்துவர்கள்.

அதே நைட்ரஜன் வாயுக்கள் நம் உடலுக்குள் செல்லும் போது கடும் உடல் உபாதைகளை உண்டுபண்ணுகிறது. வயிற்றுவலி, மூச்சுத்திணறல் மற்றும் மரணம் ஏற்படுவதற்கு கூட அதிக வாய்ப்புகள் உண்டு. இந்த திரவ நைட்ரஜன் இன்ஸ்டண்ட்டாக எந்த பொருளையும் உறைய வைக்கும் தன்மை கொண்டது. அதுமட்டுமல்லாமல் திரவ நைட்ரஜன் ஆவியாகும் போது காற்றில் உள்ள ஆக்சிஜன் அளவை குறைக்கக்கூடியது. இதனால் தான் மூச்சுத்திணறல் ஏற்படுகிறது.

ஒரு லிட்டர் திரவ நைட்ரஜன் 700 லிட்டர் கியாஸ் வாயுவை வெளிப்படுத்தும் தன்மை கொண்டது. இதனால் திரவ நைட்ரஜனில் இருந்து வரும் நீராவி உடல் உள்ளுறுப்புகளுக்குள் சென்று திசுக்களை உறைய வைக்கும் தன்மை கொண்டது. இதனை அளவுக்கு அதிகமாக எடுத்துக்கொள்ளும் போது உடல் உறுப்புகளில் துளையை கூட ஏற்படுத்தக் கூடும். அந்த அளவிற்கு குளிர்ந்த உறைபனி தன்மையை உருவாக்கக் கூடியது.

பெரும்பாலும் உணவுத்துறையில் ஐஸ்கிரீம் துறையில் மட்டுமே இந்த நைட்ரஜனை பயன்படுத்தி வந்தனர். ஆனால் தற்போது ஒரு கேளிக்கையாக திரவ நைட்ரஜனை பயன்படுத்தி நைட்ரோ ஸ்நாக் என்ற பேரில் கேக், பிஸ்கெட், சாக்லேட் ஆகிய உணவுப்பொருட்களில் இதனை ஊற்றி விற்பனை செய்து வருகின்றனர். இதன் ஆபத்து தெரியாமலேயே மக்கள் இதனை பயன்படுத்தி வருகின்றனர்.

இந்த திரவ நைட்ரஜன் அளவுக்கு அதிகமாக சேர்க்கப்படும் போது அது பல பின்விளைவுகளை ஏற்படுத்தி மரணத்தை கொடுக்கும் என்று டாக்டர்கள் எச்சரிக்கிறார்கள்.

உணவுவகைகளில் இந்த நைட்ரஜனை பயன்படுத்தி நைட்ரோ பிஸ்கெட், நைட்ரோ கார்ன் போன்றவைகளில் பயன்படுத்துகின்றனர்.

 நிறைய பேர் இந்த திரவ நைட்ரஜனை ஒரு கொண்டாட்டத்தின் பேரில் கேளிக்கையாக சென்று சாப்பிட்டு வருகின்றனர். அப்படியே உணவினை சாப்பிடும் போது நைட்ரஜன் வாயு முழுவதும் உணவில் இருந்து வெளியேறிய பிறகு சாப்பிட்டால் ஆபத்து எதுவும் இல்லை.

ஆனால் இந்த திரவ நைட்ரஜனை உணவில் கலந்து சாப்பிடும் போது அந்த வாயுக்கள் வாய் மற்றும் மூக்கு வழியாக வெளியேறுவதை நாம் பார்த்திருப்போம். இந்த உணவுகளை நாம் சாப்பிடும் போது இந்த வாயுக்கள் நம் உடலில் எங்கெல்லாம் படுகிறதோ அந்த உறுப்புகள் எல்லாம் பாதிப்படைய வாய்ப்புகள் அதிகம். அதனால் உறுப்புகள் சேதம் அடையும்.

இந்த திரவ நைட்ரஜன் ஒரு துளி கண்களில் படும்போது கண்பார்வையை இழந்துவிடும் அபாயம் உண்டு. இதனால் நைட்ரோ ஸ்நாக்ஸ் சாப்பிடும் போது மிகவும் கவனமாக இருக்க வேண்டும். இதன் பாதிப்பு என்னவென்றால் எந்த அளவுக்கு நைட்ரோ ஸ்நாக்ஸ் சாப்பிடுகிறோமோ அந்த அளவிற்கு உடலின் உள் உறுப்புகளில் பாதிப்புகள் இருக்கும்.

இந்த திரவ நைட்ரஜன் உணவுகளில் இவ்வளவு தீங்குகள் இருக்கிறது என்பதை அறியாமலேயே மக்கள் அதனை ஒரு கேளிக்கை பொருளாக நினைத்து சாப்பிட்டு வருகின்றனர். இனியாவது இந்த மாதிரி உணவுகளை தவிர்ப்பது உடலுக்கு நல்லது.