பெரம்பலூர்:
பெரம்பலூரில் தந்தை பெரியாரின் 144 வது பிறந்த தின விழா மிக சிறப்பாக கொண்டாடப்பட்டது.
பெரம்பலூரில் பழைய பேருந்து நிலையம் அருகே உள்ள அவரது பெரியார் சிலைக்கு திராவிட கட்சியினர் மாவட்ட தலைவர் தங்கராசுதலைமையிலும், முன்னாள் பகுத்தறிவு செயலாளர் தி.மு.க. பொதுக்குழு உறுப்பினர் ஓவியர் முகுந்தன் முன்னிலையிலும் அக்கட்சியினர் மாலை அணிவித்து மரியாதை செலுத்தினர்.
இந்த நிகழ்ச்சியில் பொதுமக்களுக்கு இனிப்புகள் வழங்கப்பட்டது.
இதேபோல் விடுதலை சிறுத்தைகள் கட்சியின் சார்பில் பெரம்பலூர் புதிய பேருந்து நிலையத்தில் அமைக்கப்பட்டுள்ள பெரியாரின் திரு உருவ படத்திற்கு, கட்சியின் மாவட்ட செயலாளர் தமிழ் மாணிக்கம் தலைமையில் மலர் தூவி மரியாதை செலுத்தினர். பின்னர் சமூக நீதி நாள் உறுதிமொழியை அக்கட்சியினர் ஏற்றனர். பின்னர் இனிப்புகள் வழங்கி கொண்டாடினர். இதே போல் லோக் ஜனசக்தி கட்சியின் சார்பில், மாநில விவசாய அணி தலைவர் பீல்வாடி சீனிவாசன் தலைமையில் பெரம்பலூர் பழைய பேருந்து நிலையத்தில் உள்ள பெரியாரின் உருவ சிலைக்கு மாலை அணிவித்து அக்கட்சியினர் இனிப்புகள் வழங்கி கொண்டாடினார்.
