நீங்கள் தேடியது "Push-Up"

இந்தியாவின் குஜராத் மாநிலத்தின் ரோஹ்தாஷ் ஒரு காலால் ஸ்டேண்டிங் புஷ்-அப்ஸ் (one-legged standing push-ups) எடுப்பதில் பாகிஸ்தான் சாதனையை முறியடித்துள்ளது.

ரோஹ்தாஷ் 27.875 கிலோ எடையை முதுகில் சுமந்து கொண்டு ஒரு மணி நேரத்தில் 704 புஷ்-அப்ஸ் எடுத்துள்ளார். இதற்கு முன்னதாக பாகிஸ்தான் நபர் 534 புஷ்-அப்ஸ் எடுத்ததே சாதனையாக இருந்தது. அவர் 27.200 கிலோவுடன் எடுத்த நிலையில் ரோஹ்தாஷ் 675 கிராம் எடை அதிகமாக வைத்து புஷ்-அப்ஸ் எடுத்துள்ளார்.

இது தொடர்பாக ரோஹ்தாஷ் சவுத்ரி கூறுகையில் "நான் தினந்தோறும் 4 மணி நேரம் பயிற்சி மேற்கொண்டு வந்ததேன். சாதனையை முறியடிக்க முயற்சித்தேன். ஆனால் இந்த சாதனை ஒவ்வொரு இந்தியருக்கும் சொந்தமானதாகும். ஆயிரத்திற்கும் அதிகமான சந்தோகம் அடைந்தவராக இந்த உணர்கிறேன். 22 நாட்களில் பாகிஸ்தான் சாதனையை முறியடித்துள்ளேன்.

இதற்கு முன்னதாக கடந்த ஜனவரி மாதம் 37 கிலோ எடையை வைத்துக் கொண்டு 537 புஷ்-அப்ஸ் என்ற ஸ்பெயின் சாதனையை 743 புஷ்-அப்ஸ் உடன் முறியடித்தார்.

திருப்பூர்:

உங்களை தேடி உங்கள் ஊரில் திட்டத்தின் கீழ் திருப்பூர் மாவட்ட கலெக்டர் கிறிஸ்துராஜ் பல்லடம் வட்டத்திற்குட்பட்ட பல்வேறு பகுதிகளில் ஆய்வு மேற்கொண்டார்.

ஆய்வின் ஒரு பகுதியாக பல்லடம் அரசு மேல்நிலை ப்பள்ளி மாணவர் விடுதியை ஆய்வு செய்தார். அப்போது அங்கு மாணவர்கள் வாலிபால் விளையாடிக் கொண்டிருந்தனர். அவர்களுடன் கலெக்டர் கிறிஸ்துராஜ் கலந்துரையாடினார். அப்போது மாணவர்கள் தங்களுடன் வாலிபால் விளையாட வருமாறு அழைத்தனர்.

மாணவர்கள் வற்புறுத்தலின் பேரில் கலெக்டர் போட்டியில் பங்கேற்றார். கலெக்டர் தலைமையில் ஒரு அணியும், மற்றொரு அணியும் மோதின. போட்டி தொடங்குவதற்கு முன்பாக மாணவர்களிடம் பேசிய கலெக்டர், இப்போட்டியில் தோல்வியடைந்தால் 10 தண்டால் எடுக்க வேண்டும் என்று சவால் விடுத்தார். அதனை 2 அணி மாணவர்களும் ஏற்றுக்கொண்டனர்.

இதையடுத்து போட்டி தொடங்கியது. விறு விறுப்பாக நடைபெற்ற போட்டியில் கலெக்டர் கிறிஸ்துராஜ் தலைமையிலான அணி தோல்வியடைந்தது. இதையடுத்து கலெக்டர் தனது அணி மாணவர்களுடன் சேர்ந்து 10 தண்டால் எடுத்தார். இது அங்கிருந்த அதிகாரிகள், பொதுமக்கள் மத்தியில் வியப்பை ஏற்படுத்தியது.