இந்தியாவில் அதிகம் விற்பனையாகும் ஹேட்ச்பேக் மாடல்களில் ஒன்றாக ரெனால்ட் க்விட் இருக்கிறது. அந்த வகையில் அந்நிறுவனம் ஃபேஸ்லிஃப்ட்டெட் மாடலை இந்தியாவில் வெளியிட தயாராகி வருகிறது.
ரெனால்ட் க்விட் ஃபேஸ்லிஃப்ட்டெட் வெர்ஷன் இந்தியாவில் சோதனை செய்யப்படும் புகைப்படங்களை மோட்டார்ஆக்டேன் வெளியிட்டிருக்கிறது. புதிய புகைப்படங்களில் புதிய கார் விரைவில் வெளியிடப்பட இருப்பது தெரியவந்துள்ளது.
ரெனால்ட் க்விட் ஃபேஸ்லிஃப்ட் மாடலின் வெளிப்புறங்களில் சில மாற்றங்கள் செய்யப்பட்டுள்ளது. 2018 ரெனால்ட் க்விட் மாடலின் முன்பக்க கிரில் க்ரோம் செய்யப்பட்டு, காரின் பக்கவாட்டில் க்விட் பிரான்டிங் மற்றும் கதவோரங்களில் ஸ்டிரைப் செய்யப்பட்டுள்ளது. இதுதவிர காரில் எவ்வித மாற்றங்களும் மேற்கொள்ளப்படவில்லை.
புதிய ரெனால்ட் க்விட் மாடலின் பின்புற இருக்கைகளில் 12 வோல்ட் சார்ஜிங் சாக்கெட், கைப்பிடிகளில் க்ரோம் கார்னிஷ் மற்றும் ரிவர்ஸ் பார்க்கிங் கேமரா உள்ளிட்ட அம்சங்கள் வழங்கப்படுகிறது.
இன்ஜின் அம்சங்களை பொருத்த வரை ரெனால்ட் க்விட் ஃபேஸ்லிஃப்ட் மாடலில் 800சிசி மற்றும் 1.0 லிட்டர் 3-சிலிண்டர் பெட்ரோல் இன்ஜின் மற்றும் 5-ஸ்பீடு கியர்பாக்ஸ் வழங்கப்படலாம். இதன் 1.0 லிட்டர் இன்ஜினில் 5 ஸ்பீடு AMT கியர்பாக்ஸ் வழங்கப்படலாம் என எதிர்பார்க்கப்படுகிறது. #Renault #KwidFacelifet
புகைப்படம்: நன்றி MotorOctane
