நீங்கள் தேடியது "ராமர்"

தஞ்சை மாவட்டம் கும்பகோணத்திலிருந்து சுவாமிமலை வழியாக திருவைக்காவூர் செல்லும் பாதையில் 5 கிலோ மீட்டர் தூரத்தில் உள்ள திருப்புள்ள பூதங்குடி கிராமத்தில் அமைந்துள்ளது வல்வில் ராமர் கோவில்.

சோழர்களால் கட்டப்பட்ட இக்கோவிலில் ராமர் சயன கோணத்தில் காட்சியளிக்கிறார். அதே போல் பெருமாள் கிழக்கு நோக்கி புஜங்க சயனத்தில் சோபன விமானத்தின் கீழ் காட்சியளிக்கிறார். புதனுக்குரிய பரிகார தலமான இக்கோவிலில் பித்ருக்களுக்கு பரிகாரம் செய்வது உண்டு. பெருமாளின் மங்களா சாசனம் பெற்ற 108 திவ்ய தேசங்களில் இக்கோவில் 10-வது திவ்ய தேசமாகும்.

இக்கோவிலின் பிரகாரத்தில் நரசிம்மர் தனியே சன்னதி கொண்டிருக்கிறார். இவர் யோக நரசிம்மர். இவர் காலடியில் ராமன் விக்கிரகம் காணப்படுகிறது. இந்த ராமருக்கும் மூலவர் வல்வில் ராமருக்கும் கண் திருஷ்டி பட்டு விடாதபடி இந்த நரசிம்மர் பார்த்துக் கொள்வதாக கூறப்படுகிறது. அதுமட்டுமல்ல, அதுமட்டுமின்றி பக்தர்களின் உத்தியோகம், திருமணம், சந்தான பாக்கியம் சம்பந்தமான குறைகளையும் தீர்த்து வைக்கிறார்.

காஞ்சிபுரத்துக்கு அருகே உள்ள திருப்புட்குழி திவ்ய தேசத்திலும் ஜடாயுவுக்கு ராமன் இறுதிக்கைங்கர் யங்களைச் செய்தான் என்ற தலபுராணக் குறிப்பு இருந்தாலும் திருப்புள்ள பூதங்குடியைப் பொறுத்த வரை பூமிதேவியுடன் அந்த சாங்கியங்களை அவன் அனுசரித்தான் என்ற வகையில் சற்றே மாறுபட்டிருக்கிறது. இப்படி தன் தந்தைக்கு நிகரான ஜடாயுவுக்கு அந்தி மக்கிரியைகளை நிறைவேற்றிய ராமன் இத்தலத்தில் ஓய்வு கொண்டான்.

ஏற்கனவே சீதையைப் பிரிந்த துக்கம், இப்போது ஜடாயுவை இழந்து விட்ட சோகம் எல்லாமுமாகச் சேர்ந்து அவனை மிகவும் களைப்படைய வைத்திருக்கும் போலிருக்கிறது. ஆகவே இந்த புள்ள பூதங்குடியில் ஓய்வெடுத்து கொண்டான். அந்த நிலையே சயனக்கோல ராமபிரானாக இன்றளவும் நமக்கு தரிசனம் கிடைக்கிறது.

ஜடாயுவாகிய புள்ளிற்கு மோட்ச கதி அளித்து, அதன் பூத உடலுக்குச் செய்ய வேண்டிய கர்மாக்களை ராமன் செய்ததால் இந்தத் தலம் புள்ளபூதங்குடி என்றாகியது. ஸ்ரீரங்கம் போலவே இந்தத் தலமும் காவிரி, கொள்ளிடம் நதிகளுக்கு நடுவே அமைந்திருக்கிறது. நீத்தார் கடன் நிறைவேற்றும் பாரம்பரியத்தில் வந்த ஒவ்வொருவரும், வடநாட்டில் உள்ள பிரபலமான கயா தலத்தில் அதனை மேற்கொண்டால் என்ன நற்பலன்கள் கிட்டுமோ அந்தப் பலன்கள் எல்லாம் கொஞ்சமும் குறைவின்றி, இந்தத் தலத்தில் மேற்கொள்பவர்களுக்கும் கிட்டும்.

புராண காலத்தில் குருவால் ஏற்பட்ட மாற்றங்களை எடுத்துரைக்கும் பாடல் இது. 1, 3, 8, 4, 6, 12 ஆகிய இடங்களில் குரு சஞ்சரிக்கும் போது நடந்தது என்ன என்று இந்த பாடல் சொல்லுகிறது.

‘ஜென்ம ராமர் வனத்திலே
சீதையைச் சிறை வைத்ததும்,
தீதிலா தொரு மூன்றிலே
துரியோதனன் படை மாண்டதும்,
இன்மை எட்டினில் வாலி
பட்டமிழந்து போம் படியானதும்,
ஈசனார் ஒரு பத்திலே
தலையோட்டிலே யிரந்துண்டதும்
தருமபுத்திரர் நாலிலே
வனவாசம் அப்படிப் போனதும்,
சத்திய மாமுனி ஆறிலே
இரு காலிலே தளை
பூண்டதும்,
வன்மை யற்றிட ராவணம் முடி
பனிரெண்டினில் வீழ்ந்ததும்.
மன்னு மா குரு சாரி
மாமனை வாழ்விலா
துறமென்பவே!’

இந்தப் பாடல் மூலம் நாம் அறிந்து கொள்வது: ராமர் வனவாசம் சென்ற பொழுது அவருக்கு ஜென்ம குரு ஆதிக்கம் இருந்திருக்கிறது. அதுதான் வனவாசம் சென்றதற்கு காரணம் என்பர். ஜென்ம ராசியில் குரு சஞ்சரிக்கும் பொழுது பயணங்கள் அதிகரிக்கலாம். ஆதிபத்தியம் நன்றாக இருந்தால் எதைப்பற்றியும் கவலைப்படத் தேவையில்லை. வழிபாடே வளர்ச்சி கூட்டும். 

லக்னோ:

வருகிற 2019-ம் ஆண்டு பாராளுமன்றத்துக்கு தேர்தல் நடைபெற உள்ளது. தேர்தலை சந்திக்க ஆளும் பா.ஜனதா கட்சியும், எதிர்க்கட்சியான காங்கிரசும் தயாராகி வருகின்றன.

இதில் வாக்காளர்களை கவர பலவித உத்திகளை கையாள கட்சிகள் வியூகம் வகுத்து வருகின்றன. மக்கள் பிரச்சினைகள் நலத்திட்டங்களை சொல்லி வாக்கு கேட்பது ஒருபுறம் இருக்க கடவுள்கள் பெயரால் மக்களை கவரும் முயற்சியும் நடைபெற்று வருகிறது.

உத்தரப்பிரதேசத்தில் ஆளும் பா.ஜனதா ஏற்கனவே ராமர் கோவில் கட்டியே தீருவோம் என்று கூறியுள்ளது. இதன் மூலம் இந்துக்கள் ஓட்டுகளை பா.ஜனதா தன் பக்கம் இழுக்க முயற்சித்து வருகிறது. இதே போல் காங்கிரசும் சமாஜ்வாடி கட்சியும் இந்துக் கடவுள்கள் பக்கம் கவனம் சொலுத்த தொடங்கியுள்ளன.



அவருக்கு காங்கிரஸ் தொண்டர்கள் சிவபக்தர்கள் போல் உடை அணிந்து வரவேற்றனர். பர்சத்கஞ்ச் பகுதிக்கு சென்ற போது அவருக்கு சிலர் சிவன் படத்தை பரிசளித்தனர். ராகுல்காந்தியும் நெற்றியில் குங்குமம் இட்டு சிவபக்தரைப் போலவே இருந்தார். இந்த வீடியோ சமூகவலைதளங்களில் வைரலாக பரவியது. இதன் மூலம் ராகுல்காந்தியும், காங்கிரசும் இந்துக்களை கவரும் முயற்சியில் ஈடுபட்டுள்ளது தெரிய வந்தது.

இந்த கட்சிகளுக்கு போட்டியாக சமாஜ்வாடி கட்சியும் கடவுள் பக்கம் கவனம் செலுத்த தொடங்கியது. இந்த கட்சி விஷ்ணு கோவில் கட்டுவோம் என்று அறிவித்துள்ளது.

இது தொடர்பாக சமாஜ்வாடி தலைவர் அகிலேஷ் யாதவ் கூறுகையில், கம்போடியாவில் உள்ள அங்கோர் வாட் கோவில் போல் உத்தரப்பிரதேசத்தில் பிரமாண்டமான விஷ்ணு கோவில் கட்டுவோம் என்று உறுதி அளித்துள்ளார். கட்சிகளின் இந்த நடவடிக்கைகள் வருகிற பாராளுமன்ற தேர்தலில் புதிய தாக்கத்தை ஏற்படுத்தும் என்று எதிர்பார்க்கப்படுகிறது.

உத்தரப்பிரதேசத்தில் ராமர் கோவில் கட்டும் பிரச்சினை நீண்ட காலமாக இருந்து வருகிறது. கடந்த பாராளுமன்ற தேர்தலில் 80 தொகுதிகள் கொண்ட இந்த மாநிலத்தில் பா.ஜனதா 71 இடங்களை கைப்பற்றியது. அதன் கூட்டணி கட்சியான அப்னா தள் 2 தொகுதிகளில் வெற்றி பெற்றது. இதனால் பா.ஜனதாவுக்கு பாராளுமன்றத்தில் தனிப்பெரும் மெஜாரிட்டி கிடைத்தது.

சமாஜ்வாடிகட்சி 5 தொகுதிகளையும், காங்கிரஸ் 2 தொகுதிகளையும் மட்டுமே கைப்பற்ற முடிந்தது. #RahulGandhi #Akileshyadav #BJP #Samajwadi

கர்நாடக மாநிலத்தில் உள்ள கிரவுஞ்சகிரி, சுப்பிரமணியர் கோவில் கொண்டிருக்கும் மலை வாசஸ்தலம். பெங்களூருவில் இருந்து பெல்லாரி செல்லும் சாலையில் ஹோஸ்பெட் என்ற ரெயில் நிலையத்தில் இறங்கி இந்த இடத்திற்குச் செல்லலாம். இந்த மலைக்கோவிலில் முருகப்பெருமான் தனது மனைவிகளான வள்ளி, தெய்வானை இல்லாமல் தனித்து இருக்கிறார். இந்தக் கோவிலில் அம்பாளுக்கு தனிச் சன்னிதி இருக்கிறது.

இத்தல முருகப்பெருமானின் காலடியில் ராமர், லட்சுமணர் அமர்ந்திருப்பது எங்கும் காணக் கிடைக்காத அரிய காட்சியாகும். ராவணனுடன் போரிட்டு சீதையை மீட்டதும், ராமரும், லட்சுமணரும் இங்கு வந்து முருகப்பெருமானுக்கு பூஜை செய்ததாக சொல்லப்படுகிறது. கோவிலுக்குள் சீதையை அழைத்துச் செல்லாமல், அனுமனை காவலுக்கு வைத்து விட்டு, ராமரும் லட்சுமணரும் மட்டும் சென்றதால், அவர்களுக்கு மட்டுமே சிலை உள்ளதாக கூறப்படுகிறது.

ஒருமுறை பார்வதி தேவிக்கும், முருகப்பெருமானுக்கும் வாக்கு வாதம் ஏற்பட்டது. அப்போது பார்வதிதேவி முருகப்பெருமானிடம், ‘நான் கொடுத்த பால்தானே உன்னை வளர்த்தது’ என்று கேட்க, முருகப்பெருமான் ‘அந்தப் பால் எனக்கு வேண்டாம்’ என்று கக்கி விட்டதாக ஒரு ஐதீகம் சொல்லப்படுகிறது. அந்த பால், இங்குள்ள மலைமீது உறைந்து வெள்ளைக் கல்லாக மாறியதாக நம்பப்படுகிறது. இந்த வெள்ளை நிறக் கல், பால் நிறத்தில், தொட்டுப் பார்த்தால் நல்ல நறுமணி விபூதி போல் காட்சி தருகிறது. இந்த ஆலயத்தில் முருகன் சன்னிதியில் பிரசாதமாக அதுதான் தரப்படுகிறது. நோய் தீர்க்கும் அருமருந்தாக அது இருக்கிறதாம். 

ஆமதாபாத்:

குஜராத் மாநிலத்தில், ஆங்கில வழியில் பிளஸ்-2 படிக்கும் மாணவர்கள் சமஸ்கிருதத்தை விருப்பப்பாடமாக தேர்வு செய்து படித்து வருகிறார்கள்.

பிளஸ்-2 சமஸ்கிருத பாட புத்தகத்தில் ‘சமஸ்கிருதமும், இலக்கியமும்’ என்கிற பாடம் வருகிறது. இதில் ராமாயணம் பற்றிய தொடக்க உரை இடம் பெற்றிருக்கிறது.

அதில் சீதையை ராமர் கடத்தியதாகவும், லட்சுமணன் ராமருக்கு உபதேசம் செய்ததாகவும் கூறப்பட்டு இருந்தது. இதனை படித்த மாணவர்கள் அதிர்ச்சி அடைந்தனர். இந்த விவகாரம் பெரும் சர்ச்சையை ஏற்படுத்தியது.

இதுபற்றி மாநில அரசின் பாடநூல் நிறுவன செயல் தலைவர் நிதின் பெதானி விளக்கம் அளிக்கையில் “மொழி பெயர்ப்பின் போது கவனக்குறைவின் காரணமாக ஏற்பட்ட பிழை இது. ‘கைவிடப்பட்ட’ என்ற வார்த்தை ஆங்கிலத்தில் ‘கடத்தப்பட்ட’ என தவறாக மொழிபெயர்க்கப்பட்டு விட்டது. இந்த பாடத்தை பயிற்றுவிக்கும் போது, குறிப்பிட்ட அந்த வார்த்தையை திருத்தி பயிற்றுவிக்கும்படி ஆசிரியர்களுக்கு அறிவுறுத்தப்பட்டு உள்ளது. இது தொடர்பாக விசாரணைக்கு உத்தரவிட்டு இருக்கிறது” என்றார்.

இருப்பினும் ஒரு வார்த்தையை மாற்றியதால் ராமாயணத்தின் அடிப்படையே தவறாகி விட்டதாக ஆன்மிகவாதிகள் வருத்தத்துடன் தெரிவித்தனர்.  #Ramayana #Gujarat #SchoolBook