என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
நீங்கள் தேடியது "ஸ்மார்ட்வாட்ச்"
- ஒன்பிளஸ் சம்மர் லாஞ்ச் நிகழ்ச்சி இத்தாலியில் நடைபெறுகிறது.
- ஒன்பிளஸ் நார்ட் 4 ஸ்மார்ட்போன் மெட்டல் டிசைன் கொண்டுள்ளது.
ஒன்பிளஸ் நிறுவனம் வருகிற 16 ஆம் தேதி ஒன்பிளஸ் சம்மர் லாஞ்ச் நிகழ்ச்சியை நடத்த இருக்கிறது. இந்த நிகழ்வில்- நார்டு 4, ஒன்பிளஸ் பேட் 2, ஒன்பிளஸ் வாட்ச் 2R மற்றும் நார்டு பட்ஸ் 3 ப்ரோ என மொத்தம் நான்கு சாதனங்களை அறிமுகம் செய்ய இருக்கிறது.
இதில் ஒன்பிளஸ் நார்ட் 4 5ஜி ஸ்மார்ட்போன் வித்தியாசமான டிசைன் கொன்ட ஒன்பிளஸ் ஏஸ் 3V மாடலின் ரிபிரான்ட் செய்யப்பட்ட மாடல் என்று கூறப்படுகிறது. இதேபோன்று ஒன்பிளஸ் பேட் 2 மாடல் ஒன்பிளஸ் பேட் ப்ரோ மாடலின் ரிபிரான்ட் செய்யப்பட்ட வெர்ஷன் என்று கூறப்படுகிறது.
புதிய ஒன்பிளஸ் நார்ட் 4 5ஜி மாடலில் மெட்டல் யுனிபாடி டிசைன் வழங்கப்படுகிறது. பட்ஸ் 3 ப்ரோ மாடல் பட்ஜெட் பிரிவில் ஆக்டிவ் நாய்ஸ் கேன்சலேஷன் வசதியை வழங்கும் என்று கூறப்படுகிறது. ஒன்பிளஸ் வாட்ச் 2R மாடல் குறைந்த எடை மற்றும் வயர் ஓ.எஸ். கொண்டிருக்கும் என்று தகவல் வெளியாகி உள்ளது.
ஒன்பிளஸ் நிறுவனத்தின் புதிய சாதனங்கள் அதன் சர்வதேச அறிமுகத்தின் போதே, இந்திய சந்தையில் வெளியாகும் என்று கூறப்படுகிறது.
- வாட்ச் S சீரிசின் மேம்பட்ட மாடலாக இருக்கும் என தகவல்.
- புதிய ஸ்மார்ட்வாட்ச் 380 எம்.ஏ.ஹெச். பேட்டரி கொண்டிருக்கலாம்.
ரியல்மி நிறுவனத்தின் முற்றிலும் புதிய ஸ்மார்ட்வாட்ச் மாடல் விரைவில் வெளியாகும் என்று அதிகம் எதிர்பார்க்கப்பட்டு வருகிறது. இந்த ஸ்மார்ட்வாட்ச் அந்நிறுவனம் கடந்த 2020 ஆம் ஆண்டு வெளியிட்ட வாட்ச் S சீரிசின் மேம்பட்ட மாடலாக இருக்கும் என்று தெரிகிறது.
அந்த வகையில் ரியல்மியின் புதிய ஸ்மார்வாட்ச் ரியல்மி வாட்ச் S2 என்ற பெயரில் அறிமுகமாகும் என்று தெரிகிறது. புதிய ஸ்மார்ட்வாட்ச் பற்றிய விவரங்கள் FCC வலைதளத்தில் லீக் ஆகி உள்ளது. அதில் புதிய ஸ்மார்ட்வாட்ச் RMW2401 என்ற மாடல் நம்பர் கொண்டுள்ளது. இதன் FCC ID - 2AUFRMW2401 ஆகும்.
இந்த வலைதள விவரங்களின் படி புதிய ஸ்மார்ட்வாட்ச் 380 எம்.ஏ.ஹெச். பேட்டரி கொண்டிருக்கும் என்று தெரியவந்துள்ளது. இத்துடன் வழங்கப்படும் சார்ஜர் 5 வாட் சார்ஜிங் வசதி கொண்டிருக்கிறது. இந்த சார்ஜர் A152A-090200U-CN1 எனும் மாடல் நம்பர் கொண்டுள்ளது.
புதிய ரியல்மி ஸ்மார்ட்வாட்ச் வலது புறத்தில் வட்ட வடிவம் கொண்ட பட்டன் மற்றும் கிரவுன் கொண்டிருக்கிறது. இதன் பின்புறம் சென்சார்கள் வழங்கப்படுகின்றன. தற்போது ரியல்மி ஸ்மார்ட்வாட்ச் விவரங்கள் FCC தளத்தில் லீக் ஆகி இருக்கும் நிலையில், இந்த மாடல் விரைவில் வெளியிடப்படும் என்று எதிர்பார்க்கலாம்.
- 17 சதவீதம் வரை குறைந்துள்ளது தெரியவந்துள்ளது.
- 22.62 டாலர்களில் இருந்து 18.59 டாலர்கள் ஆக சரிந்துள்ளது.
ஸ்மார்ட்போன், ஸ்மார்ட்வாட்ச், ஹெட்போன், இயர்பட்ஸ் என மின்னணு சாதனங்கள் சந்தை உலகளவில் எப்படி செயல்பட்டு வருகிறது என்பதை ஆய்வு செய்து அறிக்கை மூலம் அறிவிக்கும் அமைப்பு தான் சர்வதேச டேட்டா கார்ப்பரேஷன் (ஐ.டி.சி.).
ஒவ்வொரு சாதனமும் எந்த அளவுக்கு விற்பனையாகின்றன, அவற்றின் விலை எப்படி இருக்கிறது, பயனர்கள் அதை வாங்கும் விதம் என மின்னணு சாதனங்கள் விற்பனை குறித்த ஒவ்வொரு விவரமும், ஐ.டி.சி. வெளியிடும் அறிக்கையில் துல்லியமாக இடம்பெற்று இருக்கும்.
அந்த வரிசையில், ஐ.டி.சி. சமீபத்தில் வெளியிட்டுள்ள அறிக்கையில், ஸ்மார்ட்வாட்ச், இயர்பட்ஸ் விற்பனை மற்றும் அவற்றின் விலை குறித்த விவரங்கள் இடம்பெற்றுள்ளன. இதில், உலகளவில் அணிக்கூடிய சாதனங்கள் (Wearables) விலை முந்தைய ஆண்டுடன் ஒப்பிடும் போது 17 சதவீதம் வரை குறைந்துள்ளது தெரியவந்துள்ளது.
ஒட்டுமொத்தத்தில் அணியக்கூடிய சாதனங்களின் சராசரி விற்பனை விலை 2024 ஆண்டின் முதல் காலாண்டில் 22.62 டாலர்களில் இருந்து 18.59 டாலர்கள் ஆக சரிந்துள்ளது. இந்த விலை இதுவரை இல்லாத அளவுக்கு மிகவும் குறைவு ஆகும். ஆன்லைனில் அதிகப்படியான ஸ்டாக் இருப்பு மற்றும் குறைந்தளவு புதிய சாதனங்கள் அறிமுகம் செய்யப்பட்டதே விலை குறைப்புக்கு முக்கிய காரணம் ஆகும்.
ஸ்மார்ட்வாட்ச்களின் சராசரி விற்பனை விலை கடந்த ஆண்டுடன் ஒப்பிடும் போது 29.24 டாலர்களில் இருந்து 20.65 டாலர்களாக சரிந்துள்ளது. இதேபோன்று மேம்பட்ட ஸ்மார்ட்வாட்ச்களின் பங்கு 2.0 சதவீதத்தில் இருந்து 3.2 சதவீதமாக அதிகரித்துள்ளது. இந்திய அணியக்கூடிய சாதனங்கள் சந்தை முந்தைய ஆண்டுடன் ஒப்பிடும் போது 2.1 சதவீதம் அதிகரித்து இருக்கிறது.
ஐ.டி.சி. வெளியிட்டுள்ள அறிக்கையின் படி அணியக்கூடிய சாதனங்கள் சந்தையில் போட், நாய்ஸ், பயர்-போல்ட், பௌல்ட் மற்றும் ஒப்போ உள்ளிட்டவை முன்னணி இடத்தில் உள்ளன. கடந்த ஆண்டும் இதே நிறுவனங்கள் முன்னணியில் இருந்தது குறிப்பிடத்தக்கது.
- நாய்ஸ்ஃபிட் ஆக்டிவ் 2 மாடலில் ட்ரூசின்க் தொழில்நுட்பம் உள்ளது.
- இதில் 100-க்கும் அதிக ஸ்போர்ட்ஸ் மோட்கள் உள்ளன.
நாய்ஸ் நிறுவனத்தின் புதிய நாய்ஸ்ஃபிட் ஆக்டிவ் 2 ஸ்மார்ட்வாட்ச் மாடல் இந்திய சந்தையில் அறிமுகம் செய்யப்பட்டது. புதிய நாய்ஸ்ஃபிட் ஆக்டிவ் 2 மாடலில் 1.46 இன்ச் ஹைப்பர் விஷன் AMOLED டிஸ்ப்ளே, 466x466 பிக்சல் ரெசல்யூஷன் மற்றும் 600 நிட்ஸ் பிரைட்னஸ் உள்ளது.
இந்த ஸ்மார்ட்வாட்ச் ஏராளமான ஸ்டிராப் ஆப்ஷன்களில் கிடைக்கிறது. மெட்டல் பில்டு கொண்டிருக்கும் நாய்ஸ்ஃபிட் ஆக்டிவ் 2 மாடலில் சீராக இயங்கும் கிரவுன் உள்ளது. இத்துடன் 100-க்கும் அதிக ஸ்போர்ட்ஸ் மோட்கள், 150-க்கும் அதிக வாட்ச் ஃபேஸ்கள் வழங்கப்பட்டுள்ளன.
புதிய நாய்ஸ்ஃபிட் ஆக்டிவ் 2 மாடலில் ட்ரூசின்க் தொழில்நுட்பம் உள்ளது. இதன் மூலம் இடையூறு இல்லாமல் ப்ளூடூத் காலிங் மேற்கொள்ளலாம். இந்த வாட்ச்-இல் ப்ளூடூத் 5.3 கனெக்டிவிட்டி உள்ளது. இதில் உள்ள பேட்டரியை முழுமையாக சார்ஜ் செய்தால் அதிகபட்சம் 10 நாட்களுக்கு பேட்டரி பேக்கப் கிடைக்கும்.
நாய்ஸ்ஃபிட் ஆக்டிவ் 2 அம்சங்கள்:
1.46 இன்ச் ஹைப்பர் விஷன் AMOLED டிஸ்ப்ளே
ப்ளூடூத் 5.3
ட்ரூ சின்க் மூலம் ப்ளூடூத் காலிங் வசதி
150-க்கும் அதிக வாட்ச் ஃபேஸ்கள்
அதிகபட்சம் 10 நாட்களுக்கு பேட்டரி பேக்கப்
24x7 இதய துடிப்பு மாணிட்டரிங், SpO2, ஸ்லீப் டிராக்கிங்
100-க்கும் அதிக வொர்க்-அவுட் மோட்கள்
நோட்டிஃபிகேஷன் டிஸ்ப்ளே, வானிலை அப்டேட்கள்
கேமரா கண்ட்ரோல், மியூசிக் கண்ட்ரோல், டைமர்
ரிமைண்டர், கால்குலேட்டர்
நாய்ஸ்ஃபிட் ஆப்
IP68 தர வாட்டர் மற்றும் டஸ்ட் ரெசிஸ்டண்ட்
நாய்ஸ்ஃபிட் ஆக்டிவ் 2 ஸ்மார்ட்வாட்ச் விலை ரூ. 3 ஆயிரத்து 499 என்று நிர்ணயம் செய்யப்பட்டு உள்ளது. இதன் விற்பனை ப்ளிப்கார்ட் மற்றும் கோநாய்ஸ் வலைதளங்களில் நடைபெறுகிறது.
இந்த ஸ்மார்ட்வாட்ச் கிளாசிக் பிரவுன், கிளாசிக் பிளாக், விண்டேஜ் பிரவுன், காப்பர் பிளாக், மிட்நைட் பிளாக் மற்றும் காப்பர் பிளாக் நிறங்களில் கிடைக்கிறது. இத்துடன் லெதர் ஸ்டிராப் ஆப்ஷன் வழங்கப்படுகிறது.
- புதிய அமேஸ்பிட் மாடலில் 1.32 இன்ச் TFT LCD ஸ்கிரீன் உள்ளது.
- இந்த ஸ்மார்ட்வாட்ச் வாட்டர் ரெசிஸ்டன்ட் வசதி கொண்டிருக்கிறது.
அமேஸ்பிட் நிறுவனம் தனது முற்றிலும் புதிய ஸ்மார்ட்வாட்ச் - ஆக்டிவ் எட்ஜ் பெயரில் அறிமுகம் செய்தது. இந்த ஸ்மார்ட்வாட்ச் ரக்கட் ஸ்போர்ட் மற்றும் ஃபிட்னஸ் டிசைன், செயற்கைக்கோள் சார்ந்த ஜி.பி.எஸ். டிராக்கிங் அம்சம், ஏ.ஐ. வசதிகள், 16 நாட்கள் நீடிக்கும் பேட்டரி, வாட்டர் ரெசிஸ்டன்ட் வசதி உள்ளிட்டவை வழங்கப்பட்டு இருக்கிறது.
இத்துடன் 1.32 இன்ச் TFT LCD ஸ்கிரீன் வழங்கப்படுகிறது. எனினும், இந்த மாடலில் ப்ளூடூத் காலிங் மேற்கொள்வதற்காக மைக் மற்றும் ஸ்பீக்கர் வழங்கப்படவில்லை.
அமேஸ்பிட் ஆக்டிவ் எட்ஜ் அம்சங்கள்:
1.32 இன்ச் 360x360 பிக்சல் TFT LCD ஸ்கிரீன்
ப்ளூடூத் 5.0
செப் ஒ.எஸ். 2.0
பயோ டிராக்கர் 3
செப் கோச்
செப் கோச் மற்றும் டிராக் ரன் மோட்
ஸ்மார்ட் டிராஜெக்டரி கரெக்ஷன்
24 மணி நேர இதய துடிப்பு சென்சார்
ஸ்டிரெஸ் மானிட்டரிங்
ரிமைன்டர், கால் நோட்டிஃபிகேஷன்
ஸ்மார்ட்போன் ஆப் நோட்டிபிகேஷன்
மியூசிக் கண்ட்ரோல், கேமரா கண்ட்ரோல்
370 எம்.ஏ.ஹெச். பேட்டரி
16 நாட்களுக்கான பேட்டரி பேக்கப்
புதிய அமேஸ்பிட் ஆக்டிவ் எட்ஜ் மாடல் லாவா பிளாக், மிட்நைட் பல்ஸ் மற்றும் மின்ட் கிரீன் நிறங்களில் கிடைக்கிறது. இதன் விலை ரூ. 12 ஆயிரத்து 999 என நிர்ணயம் செய்யப்பட்டுள்ளது. விற்பனை அமேசான், அமேஸ்பிட் வலைதளங்கள் மற்றும் சில்லறை விற்பனை மையங்களில் பிப்ரவரி 27-ம் தேதி துவங்குகிறது.
- ஒன்பிளஸ் நிறுவனம் தனது ஒன்பிளஸ் வாட்ச் மாடலை அறிமுகம் செய்தது.
- இத்துடன் "It's about time," என்ற வாசகம் இடம்பெற்றுள்ளது.
ஒன்பிளஸ் நிறுவனத்தின் புதிய ஸ்மார்ட்வாட்ச் மாடலுக்கான டீசர் வெளியிடப்பட்டது. புதிய ஸ்மார்ட்வாட்ச் பற்றிய தகவல்கள் தொடர்ந்து வெளியாகி வந்த நிலையில், தற்போது இதற்கான டீசர் வெளியானது. முன்னதாக ஏப்ரல் 2021 வாக்கில் ஒன்பிளஸ் நிறுவனம் தனது ஒன்பிளஸ் வாட்ச் மாடலை அறிமுகம் செய்தது.
புதிய ஒன்பிளஸ் வாட்ச் 2 மாடல் அதன் முந்தைய வெர்ஷனை விட மேம்பட்ட அம்சங்களை கொண்டிருக்கும் என தெரிகிறது. இதற்காக அந்நிறுவனம் வெளியிட்டுள்ள டீசரில் ஸ்மார்ட்வாட்ச் டயல் மற்றும் வெளிப்புற வட்ட வடிவ டிசைன் வழங்கப்படுவது உறுதியாகி இருக்கிறது. இத்துடன் "It's about time," என்ற வாசகமும் இடம்பெற்றுள்ளது.
ஒன்பிளஸ் வாட்ச் 2 மாடலில் ஹோம் பட்டன் மற்றும் சுழலும் கிரவுன் வழங்கப்படும் என்று தெரியவந்துள்ளது. இது தொடர்பாக ஒன்பிளஸ் நிறுவனம் தனது ஒன்பிளஸ் கம்யூனிட்டியிலும் போஸ்ட் ஒன்றை பதிவிட்டுள்ளது. அதில் டீசர் படத்தை பகிர்ந்து, அது என்னவாக இருக்கும் என்று தவறான பதில்களை கமென்ட் செய்ய ஒன்பிளஸ் அதன் கம்யூனிட்டியில் இருப்பவர்களிடம் தெரிவித்துள்ளது.
- நாய்ஸ் ஸ்மார்ட்வாட்ச் ஸ்போர்ட்ஸ் மோட்கள் வழங்கப்பட்டுள்ளன.
- புதிய ஸ்மார்ட்வாட்ச்-இல் 200-க்கும் அதிக வாட்ச் ஃபேஸ்கள் உள்ளன.
நாய்ஸ் நிறுவனத்தின் முற்றிலும் புதிய ஸ்மார்ட்வாட்ச் மாடல் இந்திய சந்தையில் அறிமுகம் செய்யப்பட்டது. புதிய ஸ்மார்ட்வாட்ச் நாய்ஸ் கலர்ஃபிட் மேக்ரோ என்ற பெயரில் விற்பனை செய்யப்படுகிறது. புதிய நாய்ஸ் கலர்ஃபிட் மேக்ரோ மாடலில் 2 இன்ச் கர்வ்டு டிஸ்ப்ளே, நூற்றுக்கும் அதிக ஸ்போர்ட்ஸ் மோட்கள், உடல்நல அம்சங்கள், ப்ளூடூத் காலிங் என பல்வேறு அம்சங்கள் உள்ளன.
இத்துடன் 200-க்கும் அதிக கிளவுட் சார்ந்த வாட்ச் ஃபேஸ்கள், நாய்ஸ் ட்ரூ சின்க் டெக் மூலம் டயல் பேட் மற்றும் ரீசென்ட் கால் ஹிஸ்ட்ரியை இயக்கும் வசதி வழங்கப்படுகிறது. இந்த ஸ்மார்ட்வாட்ச்-இல் இன்-பில்ட் மைக்ரோபோன் மற்றும் ஸ்பீக்கர் வசதி உள்ளது. இதில் வாய்ஸ் அசிஸ்டன்ட் வசதியும் வழங்கப்பட்டுள்ளது.
நாய்ஸ் கலர்ஃபிட் மேக்ரோ அம்சங்கள்:
2.0 இன்ச் HD TFT LCD ஸ்கிரீன், 2.5D கர்வ்டு கிளாஸ் டிஸ்ப்ளே
200-க்கும் அதிக கிளவுட் சார்ந்த வாட்ச் ஃபேஸ்கள்
ப்ளூடூத் காலிங் வசதி
பில்ட்-இன் மைக்ரோபோன்
வாய்ஸ் அசிஸ்டன்ட் வசதி
ஹார்ட் ரேட், SpO2, ஸ்டிரெஸ் மானிடரிங்
115-க்கும் அதிக ஸ்போர்ட்ஸ் மோட்கள்
ஏழு நாட்களுக்கு பேக்கப் வழங்கும் பேட்டரி
நோட்டிஃபிகேஷன் டிஸ்ப்ளே
வானிலை அப்டேட்கள்
கேமரா மற்றும் மியூசிக் கன்ட்ரோல்
ரிமைன்டர், அலாரம், கால்குலேட்டர்
புதிய நாய்ஸ் கலர்ஃபிட் மேக்ரோ ஸ்மார்ட்வாட்ச் சிலிகான் ஸ்டிராப் ஆப்ஷன்களில் கிடைக்கிறது. இது மிஸ்ட் கிரே, ஸ்பேஸ் புளூ மற்றும் ஜெட் பிளாக் நிறங்களில் கிடைக்கிறது. இதன் லெதர் ஸ்டிராப் வேரியன்ட்கள் கிளாசிக் பிளாக், கிளாசிக் பிரவுன் நிறங்களிலும், மெட்டாலிக் ஸ்டிராப் வேரியன்ட் பிளாக் லின்க் மற்றும் சில்வர் லின்க் நிறங்களிலும் கிடைக்கிறது.
நாய்ஸ் கலர்ஃபிட் மேக்ரோ ஸ்மார்ட்வாட்ச் விலை ரூ. 1499 என நிர்ணயம் செய்யப்பட்டு உள்ளது. விற்பனை பிப்ரவரி 19-ம் தேதி துவங்க இருக்கிறது. அமேசான் தளத்தில் இந்த ஸ்மார்ட்வாட்ச் மிஸ்ட் கிரே, ஸ்பேஸ் புளூ மற்றும் ஜெட் பிளாக் நிற ஆப்ஷன்களின் விலை ரூ. 1399 என்றும் கிளாசிக் புளூ, கிளாசிக் பிரவுன் நிற ஆப்ஷன்களின் விலை ரூ. 1499 என்றும் பிளாக் லின்க் மற்றும் சில்வர் லின்க் விலை ரூ. 1599 என்றும் குறிப்பிடப்பட்டு உள்ளன.
- புது ஸ்மார்ட்வாட்ச் 100-க்கும் அதிக ஸ்போர்ட்ஸ் மோட்களை கொண்டுள்ளது.
- இதில் பத்து கான்டாக்ட்களை சேமித்துக் கொள்ளும் வசதி உள்ளது.
நுகர்வோர் மின்சாதன உற்பத்தியாளரான நாய்ஸ் நிறுவனம் இந்திய சந்தையில் தனது புதிய ஸ்மார்ட்வாட்ச் மாடலை அறிமுகம் செய்தது. நாய்ஸ் கலர்ஃபிட் க்ரோம் என்ற பெயரில் அறிமுகம் செய்யப்பட்டு இருக்கும் புதிய ஸ்மார்ட்வாட்ச் 1.5 இன்ச் AMOLED டிஸ்ப்ளே, 600 நிட்ஸ் பிரைட்னஸ், ப்ளூடூத் காலிங், உடல் ஆரோக்கிய அம்சங்களை கொண்டிருக்கிறது.
ஸ்டெயின்லெஸ் ஸ்டீல் மற்றும் அலாய் மூலம் உருவாக்கப்பட்டு இருக்கும் நாய்ஸ் கலர்ஃபிட் க்ரோம் மாடல் அதிக உறுதியான உணர்வை வழங்குகிறது. இத்துடன் ஆல்வேஸ் ஆன் டிஸ்ப்ளே, ப்ளூடூத் காலிங் வசதி, இன்-பில்ட் மைக்ரோபோன், ஸ்பீக்கர் போன்ற வசதிகள் வழங்கப்பட்டு உள்ளது. பயனர்கள் இதில் பத்து கான்டாக்ட்களை சேமித்துக் கொள்ளும் வசதியும் உள்ளது.
நாய்ஸ் கலர்ஃபிட் க்ரோம் ஸ்மார்ட்வாட்ச் 100-க்கும் அதிக ஸ்போர்ட்ஸ் மோட்களை கொண்டிருக்கிறது. இத்துடன் IP68 தர வாட்டர் மற்றும் டஸ்ட் ரெசிஸ்டன்ட் வசதி, அதிகபட்சம் பத்து நாட்களுக்கான பேட்டரி பேக்கப், ப்ளூடூத் காலிங் வசதியை பயன்படுத்தும் போது ஐந்து நாட்களுக்கு பேட்டரி பேக்கப் வழங்கும் திறன் கொண்டுள்ளது.
விலையை பொருத்தவரை நாய்ஸ் கலர்ஃபிட் க்ரோம் மாடல் ரூ. 4 ஆயிரத்து 999 என நிர்ணயம் செய்யப்பட்டு உள்ளது. இந்த ஸ்மார்ட்வாட்ச் எலைட் மிட்நைட் கோல்டு, எலைட் பிளாக் மற்றும் எலைட் சில்வர் என மூன்றுவிதமான நிறங்களில் கிடைக்கிறது.
- ஸ்மார்ட்வாட்ச்-இன் சில்வர் எடிஷன் வேரியண்ட்-ஐ அறிமுகம் செய்தது.
- வாட்ச் ப்ரோ சில்வர் எடிஷன் விற்பனை இந்த மாதமே துவங்க இருக்கிறது.
சி.எம்.எஃப். பை நத்திங் பிராண்ட் கடந்த ஆண்டு வாட்ச் ப்ரோ பெயரில் ஸ்மார்ட்வாட்ச்-ஐ அறிமுகம் செய்தது. இந்த வாட்ச் டார்க் கிரே மற்றும் மெட்டாலிக் கிரே என இரண்டு நிறங்களில் விற்பனை செய்யப்பட்டு வருகிறது. தற்போது இந்த பிராண்ட் தனது ஸ்மார்ட்வாட்ச்-இன் சில்வர் எடிஷன் வேரியண்ட்-ஐ அறிமுகம் செய்துள்ளது.
மினிமலிஸ்ட் டிசைன் அடிப்படையில் உருவாகி இருக்கும் சில்வர் எடிஷனில் அலுமினியம் அலாய் வாட்ச் ஃபிரேம் உள்ளது. இத்துடன் லைட் கிரே நிற ஸ்டிரைப்கள் உள்ளன. புதிய எடிஷன் அறிமுகம் செய்யப்பட்டு இருப்பதால் வாடிக்கையாளர்கள் சில்வர், ஆரஞ்சு, டார்க் கிரே மற்றும் ஆஷ் கிரே போன்ற நிறங்களில் ஒன்றை தேர்வு செய்யும் ஆப்ஷன் கிடைத்திருக்கிறது.
இந்திய சந்தையில் சி.எம்.எஃப். வாட்ச் ப்ரோ சில்வர் எடிஷன் விற்பனை இந்த மாதமே துவங்க இருக்கிறது. விற்பனை ப்ளிப்கார்ட், மிந்த்ரா, க்ரோமா, விஜய் சேல்ஸ் மற்றும் ஜெனரல் டிரேட் உள்ளிட்ட தளங்களில் நடைபெற இருக்கிறது. இதன் விலை ரூ. 4 ஆயிரத்து 999 என்று நிர்ணயம் செய்யப்பட்டு உள்ளது.
அம்சங்களை பொருத்தவரை சி.எம்.எஃப். வாட்ச் ப்ரோ மாடலில் பாலிஷ்டு மெட்டல் ஃபிரேம், பக்கவாட்டில் டயல், பிளாஸ்டிக் பேக் உள்ளது. இத்துடன் 1.96 இன்ச் AMOLED டிஸ்ப்ளே, 24 மணி நேர ஹெல்த் டிராக்கிங், ரியல் டைம் ஹார்ட் ரேட் மற்றும் பிளட் ஆக்சிஜன் சேச்சுரேஷன் மானிட்டரிங், ஸ்லீப் மற்றும் ஸ்டிரெஸ் டிராக்கிங் போன்ற வசதிகள் உள்ளன.
110-க்கும் அதிக ஸ்போர்ட்ஸ் மோட்களை கொண்டிருக்கும் வாட்ச் ப்ரோ மாடல் ப்ளூடூத் காலிங் மற்றும் ஏ.ஐ. தொழில்நுட்பம் கொண்டிருக்கிறது. இந்த ஸ்மார்ட்வாட்ச் 340 எம்.ஏ.ஹெச். பேட்டரி மூலம் சக்தியூட்டப்படுகிறது. இதனை முழுமையாக சார்ஜ் செய்தால் 13 நாட்களுக்கான பேட்டரி பேக்கப் கிடைக்கிறது. மேலும் IP68 தர வாட்டர் ரெசிஸ்டன்ட் வசதி உள்ளது.
- ஆப்பிள் வாட்ச்களை இறக்குமதி செய்ய சர்வதேச வர்த்தக கூட்டமைப்பு தடை.
- விற்பனையை மீண்டும் தொடங்கும் பணிகளில் ஆப்பிள் ஈடுபட்டுள்ளது.
ஆப்பிள் நிறுவனம் அமெரிக்காவில் தனது ஆப்பிள் வாட்ச் சீரிஸ் 9 மற்றும் ஆப்பிள் வாட்ச் அல்ட்ரா 2 மாடல்களின் விற்பனையை நிறுத்துவதாக அறிவித்து இருக்கிறது. ஆப்பிள் மற்றும் மருத்துவ தொழில்நுட்ப நிறுவனமான மசிமோ இடையே சர்வதேச வர்த்தக கூட்டமைப்பில் (ஐ.டி.சி.) நடைபெற்று வந்த காப்புரிமை தொடர்பான வழக்கில் ஆப்பிள் நிறுவனத்திற்கு எதிரான தீர்ப்பு வழங்கப்பட்டு இருக்கிறது.
இதன் காரணமாக அமெரிக்க சந்தையில் ஆப்பிள் நிறுவனத்தின் ஆப்பிள் வாட்ச் சீரிஸ் 9 மற்றும் ஆப்பிள் வாட்ச் அல்ட்ரா 2 மாடல்களை ஆப்பிள் ஆன்லைன் ஸ்டோர் மற்றும் ரீடெயில் ஸ்டோர்களில் வாடிக்கையாளர்களால் வாங்க முடியாது. அமெரிக்கா தவிர மற்ற நாடுகளில் இரு சாதனங்களின் விற்பனை தொடர்ந்து நடைபெறும் என்று அறிவிக்கப்பட்டுள்ளது.
இது தொடர்பாக 9டு5மேக் வெளியிட்டுள்ள தகவல்களில், பிலட் ஆக்சிஜன் சென்சிங் அம்சம் தொடர்பாக மசிமோ நிறுவனம் பதிவு செய்திருந்த காப்புரிமைகளை ஆப்பிள் மீறியது கண்டறியப்பட்டது. இதையடுத்து தேர்வு செய்யப்பட்ட ஆப்பிள் வாட்ச் மாடல்களை அமெரிக்காவுக்கு இறக்குமதி செய்ய சர்வதேச வர்த்தக கூட்டமைப்பு தடை விதித்துள்ளதாக குறிப்பிடப்பட்டு இருக்கிறது.
மசிமோ காப்புரிமை தொடர்பான குற்றச்சாட்டுகளை முழுமையாக மறுத்துள்ள ஆப்பிள் நிறுவனம் ஆப்பிள் வாட்ச் விற்பனையை மீண்டும் தொடர்வதற்கான பணிகளில் ஈடுபட்டு வருவதாக தெரிவித்துள்ளது. இந்த விவகாரம் தொடர்பாக அமெரிக்க அதிபர் ஜோ பைடன் டிசம்பர் 25-ம் தேதிக்குள் இறுதி முடிவை எடுக்க இருக்கிறார்.
இதைத் தொடர்ந்து டிசம்பர் 26-ம் தேதி சர்வதேச வர்த்தக கூட்டமைப்பின் தீர்ப்பை எதிர்த்து மேல்முறையீடு செய்ய ஆப்பிள் நிறுவனம் முடிவெடுத்துள்ளது. ஆப்பிள் மற்றும் மசிமோ இடையே காப்புரிமை சார்ந்த பிரச்சினை கடந்த 2020 ஆண்டு முதல் நடைபெற்று வருவது குறிப்பிடத்தக்கது.
- புதிய மாடலில் பிளாக் செராமிக் பேக் பேனல் வழங்கப்படுகிறது.
- ஆக்ஷன் பட்டன் பிளாஸ்டிக் மூலம் உருவாக்கப்படுகிறது.
ஆப்பிள் நிறுவனம் தனது ஆப்பிள் வாட்ச் அல்ட்ரா மாடலின் புது வெர்ஷனை உருவாக்கும் பணிகளில் ஈடுபட்டு வருவதாக தகவல் வெளியாகி உள்ளது. ஆப்பிள் வாட்ச் அல்ட்ராவின் ரிடிசைன் செய்யப்பட்ட மாடல் ரெண்டர்கள் எஃப்.சி.சி. தளத்தில் வெளியானதை தொடர்ந்து இந்த தகவல் வெளியாகி இருக்கிறது.
புதிய தகவல்களின் படி புதிய ஆப்பிள் வாட்ச் மாடல் ஆப்பிள் வாட்ச் அல்ட்ரா 2 மாடலில் இருப்பதை போன்ற ரக்கட் தோற்றம், வழக்கமான டிஜிட்டல் கிரவுன், ஆக்ஷன் பட்டன், ஸ்பீக்கர் கிரில், மைக்ரோபோன் உள்ளிட்டவைகளை கொண்டிருக்கிறது. இதன் பின்புறம் ஆப்பிள் வாட்ச் சீரிஸ் 9 மற்றும் பழைய மாடல்களில் இருப்பதை போன்ற பிளாக் செராமிக் பேக் பேனல் வழங்கப்பட்டு இருக்கிறது.
மேலும் இதில் உள்ள ஆக்ஷன் பட்டன் ரிடிசைன் செய்யப்பட்டு, பிளாஸ்டிக் மூலம் உருவாக்கப்பட்டு இருக்கும் என்று தெரிகிறது. உண்மையில் இந்த வாட்ச் விற்பனைக்கு வரும் பட்சத்தில், இந்த மாடல் அல்ட்ரா பிராண்டிங் இன்றி அறிமுகம் செய்யப்படும் என்று கூறப்படுகிறது. எனினும், இந்த ஆப்பிள் வாட்ச் விலை தற்போதைய மாடல்களை விட குறைந்த விலையில் கிடைக்கும் என்று தெரிகிறது.
செப்டம்பர் 2022 ஆண்டில் ஆப்பிள் நிறுவனம் தனது ஆப்பிள் வாட்ச் அல்ட்ரா மாடலையும், அதன்பிறகு கடந்த செப்டம்பரில் ஆப்பிள் வாட்ச் அல்ட்ரா 2 மாடலையும் அறிமுகம் செய்தது. இந்திய சந்தையில் ஆப்பிள் வாட்ச் அல்ட்ரா 2 மாடலின் விலை ரூ. 89 ஆயிரத்து 990 என்று நிர்ணயம் செய்யப்பட்டு இருக்கிறது.
ஆப்பிள் வாட்ச் அல்ட்ரா மற்றும் ஆப்பிள் வாட்ச் அல்ட்ரா 2 என இரு மாடல்களிலும் ஏரோஸ்பேஸ் ரக அலுமினிம்-தர டைட்டானியம் கேஸ், மெட்டல் ஆக்ஷன் பட்டன், சஃபயர் க்ரிஸ்டல் பிளாக் பேனல் வழங்கப்பட்டு உள்ளது.
- பில்ட்-இன் மைக்ரோபோன் மற்றும் ஸ்பீக்கர் வழங்கப்பட்டு இருக்கிறது.
- லுமோஸ் ஸ்மார்ட்வாட்ச்-இல் ஃபயர் போல்ட் ஹெல்த் சூட் உள்ளது.
ஃபயர் போல்ட் நிறுவனத்தின் முற்றிலும் புதிய ஸ்மார்ட்வாட்ச் மாடல் "லுமோஸ்" (Lumos) என்ற பெயரில் அறிமுகம் செய்யப்பட்டது. புதிய மாடல் அந்நிறுவனம் ஏற்கனவே அறிமுகம் செய்த சொலரிஸ் மற்றும் சொலெஸ் மாடல்களுடன் இணைகிறது. புதிய ஃபயர் போல்ட் லுமோஸ் மாடலில் 1.91 இன்ச் டிஸ்ப்ளே, ப்ளூடூத் காலிங், உடல்நல அம்சங்கள் மற்றும் பல்வேறு வசதிகள் உள்ளன.
இந்த ஸ்மார்ட்வாட்ச்-இல் உள்ள டிஸ்ப்ளே HD ஸ்கிரீன், 240x280 பிக்சல் ரெசல்யூஷன் கொண்டிருக்கிறது. இத்துடன் 100-க்கும் அதிகமான கிளவுட் சார்ந்த வாட்ச் ஃபேஸ்கள் உள்ளன. இத்துடன் பில்ட்-இன் மைக்ரோபோன் மற்றும் ஸ்பீக்கர் வழங்கப்பட்டு இருக்கிறது. இதை கொண்டு ப்ளூடூத் காலிங் மற்றும் வாய்ஸ் அசிஸ்டண்ட் போன்ற அம்சங்களை பயன்படுத்த முடியும்.
புதிய லுமோஸ் ஸ்மார்ட்வாட்ச்-இல் ஃபயர் போல்ட் ஹெல்த் சூட் உள்ளது. இதில் ஹார்ட் ரேட் டிராக்கிங், SpO2 டிராக்கிங் மற்றும் ஸ்லீப் டிராக்கிங் போன்ற வசதிகள் வழங்கப்பட்டுள்ளன. இத்துடன் 100-க்கும் அதிக ஸ்போர்ட்ஸ் மோட்கள் வழங்கப்பட்டு இருக்கின்றன. கூடுதல் அம்சங்களாக ஸ்மார்ட் நோட்டிஃபிகேஷன், பில்ட்-இன் கேம்ஸ் உள்ளன.
இவைதவிர வானிலை அப்டேட்கள், கால்குலேட்டர், மியூசிக், கேமரா கண்ட்ரோல் உள்ளிட்ட வசதிகளும் உள்ளன. புதிய ஃபயர் போல்ட் லுமோஸ் ஸ்மார்ட்வாட்ச் ரோஸ் கோல்டு, சில்வர், புளூ, பிளாக் மற்றும் கோல்டு என ஐந்துவிதமான நிறங்களில் கிடைக்கின்றன. இதன் விற்பனை அமேசான் மற்றும் ஃபயர் போல்ட் வலைத்தளங்களில் நவம்பர் 30-ம் தேதி துவங்குகிறது.
இந்திய சந்தையில் புதிய ஃபயர் போல்ட் லுமோஸ் ஸ்மார்ட்வாட்ச் ரூ. 1499 எனும் விலையில் விற்பனை செய்யப்பட இருக்கிறது. இது அறிமுக விலை என்பதால், எப்போது வேண்டுமானாலும் மாற்றப்படலாம் என்று தெரிகிறது.
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
