நீங்கள் தேடியது "சியோமி"

சீனாவை சேர்ந்த ஸ்மார்ட்போன் நிறுவனம் சியோமி ரெட்மி K60 கேமிங் பெயரில் புது மாடலை உருவாக்கி வருவதாக தகவல் வெளியாகி உள்ளது. இந்த ஸ்மார்ட்போன் பற்றி சியோமி தரப்பில் இதுவரை எந்த தகவலும் வழங்கப்படவில்லை. புது ஸ்மார்ட்போன் விவரங்கள் IMEI டேட்டாபேஸ் வலைதளத்தில் 23011310C என மாடல் நம்பர் கொண்டிருக்கிறது.

இத்துடன் புது ஸ்மார்ட்போன் ஸ்னாப்டிராகன் 8 ஜென் 1 பிராசஸர் கொண்டிருக்கும் என்றும் முதற்கட்டமாக இந்த மாடல் சீன சந்தையில் அறிமுகம் செய்யப்படும் என்றும் கூறப்படுகிறது. ரெட்மி K60 கேமிங் மாடல் அடுத்த ஆண்டு வாக்கில் அறிமுகம் செய்யப்படும் என எதிர்பார்க்கலாம். இந்த ஸ்மார்ட்போன் "சாக்ரடிஸ்" எனும் குறியீட்டு பெயரில் உருவாக்கப்படுவதாக கூறப்படுகிறது. இந்த ஸ்மார்ட்போன் சீன சந்தையில் மட்டுமே அறிமுகம் செய்யப்படும் என்றும் கூறப்படுகிறது.

முன்னதாக ரெட்மி K60 சீரிஸ் பற்றிய விவரங்கள் இணையத்தில் லீக் ஆகி இருக்கின்றன. அதன்படி இந்த ஸ்மார்ட்போன் பன்ச் ஹோல் டிஸ்ப்ளே, 2K ரெசல்யூஷன், 100 வாட் பாஸ்ட் சார்ஜிங் வசதி, 50MP பிரைமரி கேமரா, இன் டிஸ்ப்ளே கைரேகை சென்சார் போன்ற அம்சங்களை கொண்டிருக்கும் என தெரிகிறது. சீன சந்தையில் பிப்ரவரி மாத வாக்கில் அறிமுகம் செய்யப்பட்ட ரெட்மி K50 கேமிங் எடிஷன் ஸ்மார்ட்போனின் மேம்பட்ட வெர்ஷனாக புதிய ரெட்மி K60 கேமிங் அறிமுகம் செய்யப்படுகிறது.

ரெட்மி K50 கேமிங் எடிஷன் மாடலில் 6.67 இன்ச் FHD+1080x2400 பிக்சல் AMOLED டிஸ்ப்ளே, 120Hz ரிப்ரெஷ் ரேட், குவாஸ்காம் ஸ்னாப்டிராகன் 8 ஜென் 1 பிராசஸர், அதிகபட்சம் 12 ஜிபி ரேம், 64MP பிரைமரி கேமராவுடன் மூன்று கேமரா செட்டப், 20MP செல்பி கேமரா, அதிகபட்சம் 256 ஜிபி மெமரி, 4700 எம்ஏஹெச் பேட்டரி உள்ளிட்டவை வழங்கப்பட்டு இருக்கிறது. இதன் விலை CNY 3299 இந்திய மதிப்பில் ரூ. 39 ஆயிரம் என நிர்ணயம் செய்யப்பட்டு உள்ளது.

சியோமி நிறுவனம் ஏற்கனவே அறிவித்தப்படி ரெட்மி நோட் 12 ப்ரோ, ரெட்மி நோட் 12 ப்ரோ பிளஸ் மற்றும் ரெட்மி நோட் 12 எக்ஸ்ப்ளோரர் எடிஷன் ஸ்மார்ட்போன்களை சீன சந்தையில் அறிமுகம் செய்தது. இவற்றில் AMOLED டிஸ்ப்ளே, 120Hz ரிப்ரெஷ் ரேட், எம்ஐயுஐ 13, 5000 எம்ஏஹெச் பேட்டரி, 16MP செல்பி கேமரா வழங்கப்பட்டுள்ளன.

சீன சந்தையில் ரெட்மி நோட் 12 ப்ரோ விலை RMB 1699 இந்திய மதிப்பில் ரூ. 19 ஆயிரத்து 380 என துவங்குகிறது. இதன் டாப் எண்ட் மாடல் விலை RMB 2099 இந்திய மதிப்பில் ரூ. 23 ஆயிரத்து 900 என நிர்ணம் செய்யப்பட்டு உள்ளது. ரெட்மி நோட் 12 ப்ரோ பிளஸ் விலை RMB 2099 இந்திய மதிப்பில் ரூ. 23 ஆயிரத்து 900 என துவங்குகிறது. இதன் டாப் எண்ட் மாடல் விலை RMB 2299 இந்திய மதிப்பில் ரூ. 26 ஆயிரத்து 200 ஆகும்.

ரெட்மி நோட் 12 எக்ஸ்ப்ளோரர் எடிஷன் அம்சங்கள்

6.67 இன்ச் FHD+OLED டிஸ்ப்ளே

மீடியாடெக் டிமென்சிட்டி 1080 பிராசஸர்

8 ஜிபி, 12 ஜிபி ரேம்

256 ஜிபி மெமரி

ஆண்ட்ராய்டு 12 சார்ந்த எம்ஐயுஐ 13

200MP பிரைமரி கேமரா

8MP அல்ட்ரா வைடு கேமரா

2MP மேக்ரோ கேமரா

16MP செல்பி கேமரா

பக்கவாட்டில் கைரேகை சென்சார்

5ஜி, 4ஜி எல்டிஇ, வைபை 6, ப்ளூடூத்

யுஎஸ்பி டைப் சி போர்ட்

4300 எம்ஏஹெச் பேட்டரி

210 வாட் பாஸ்ட் சார்ஜிங் வசதி

ரெட்மி நோட் 12 ப்ரோ மற்றும் 12 ப்ரோ பிளஸ் அம்சங்கள்:

6.67 இன்ச் FHD+OLED டிஸ்ப்ளே

மீடியாடெக் டிமென்சிட்டி 1080 பிராசஸர்

நோட் 12 ப்ரோ: 6 ஜிபி, 8 ஜிபி, 12 ஜிபி ரேம்

128 ஜிபி, 256 ஜிபி மெமரி

நோட் 12 ப்ரோ பிளஸ்: 8 ஜிபி, 12 ஜிபி ரேம், 256 ஜிபி மெமரி

ஆண்ட்ராய்டு 12 சார்ந்த எம்ஐயுஐ 13

நோட் 12 ப்ரோ பிளஸ்: 200MP பிரைமரி கேமரா, 8MP அல்ட்ரா வைடு, 2MP மேக்ரோ கேமரா

நோட் 12 ப்ரோ: 50MP பிரைமரி கேமரா, 8MP அல்ட்ரா வைடு, 2MP மேக்ரோ கேமரா

16MP செல்பி கேமரா

பக்கவாட்டில் கைரேகை சென்சார்

5ஜி, 4ஜி எல்டிஇ, வைபை 6, ப்ளூடூத்

யுஎஸ்பி டைப் சி போர்ட்

நோட் 12 ப்ரோ: 5000 எம்ஏஹெச் பேட்டரி, 67 வாட் பாஸ்ட் சார்ஜிங்

நோட் 12 ப்ரோ பிளஸ்: 5000 எம்ஏஹெச் பேட்டரி, 120 வாட் பாஸ்ட் சார்ஜிங்

ரெட்மி நோட் 12 சீரிஸ் ஸ்மார்ட்போன்களுடன் சியோமி நிறுவனம் சியோமி புக் ஏர் 13 மாடலையும் அறிமுகம் செய்து இருக்கிறது. புதிய சியோமி லேப்டாப், ரெட்மி நோட் 12 சீரிஸ் ஸ்மார்ட்போன்கள் மட்டுமின்றி புதிய ரெட்மி டிவி, ரெட்மி ப்ரோஜெக்டர், எலெக்ட்ரிக் ஹீட்டர் போன்ற சாதனங்களையும் சியோமி அறிமுகம் செய்தது.

புதிய சியோமி புக் ஏர் 13 மாடல் சியோமி இதுவரை அறிமுகம் செய்ததில் மிகவும் மெல்லியதாக உருவாக்கப்பட்டு இருக்கிறது. சியோமி புக் ஏர் 13 மாடலில் 13.3 இன்ச் 2880x1800 பிக்சல் E4 OLED டிஸ்ப்ளே, 60Hz ரிப்ரெஷ் ரேட், டால்பி விஷன், VESA டிஸ்ப்ளே HDR500 சப்போர்ட் வழங்கப்பட்டுள்ளது. இந்த லேப்டாப் 2-இன்-1 டிசைன் மற்றும் 360 டிகிரி ஹின்ஜ், டச் சப்போர்ட் உள்ளது.

இதனால் புதிய சியோமி புக் ஏர் 13 மாடலை பல்வேறு விதங்களில் பயன்படுத்த முடியும். இந்த லேப்டாப்பில் 6-சீரிஸ் அலுமினியம் அலாய், CNC கார்விங் வழிமுறை கொண்டு உருவாக்கப்பட்டுள்ளது. இதன் மொத்த எடை மற்றும் அளவு முறையே 1.2 கிலோ மற்றும் 12mm ஆகும்.

இந்த லேப்டாப்பில் டூயல் ஸ்டீரியோ ஸ்பீக்கர்கள், டால்பி அட்மோஸ் வசதி, டூயல் யூனிட் மைக்ரோபோன்கள், பேக்லிட் கீபோர்டு, கிளாஸ் டச்பேட், பவர் பட்டனில் கைரேகை சென்சார், 8MP கேமரா, 12th Gen இண்டெல் கோர் ஐ7 பிராசஸர், இண்டெல் ஐரிஸ் Xe GPU, அதிகபட்சம் 16 ஜிபி LPDDR5 ரேம், 512 ஜிபி SSD ஸ்டோரேஜ் வழங்கப்பட்டு இருக்கிறது.

மேலும் இதில் 58.3 வாட் ஹவர் பேட்டரி மற்றும் 65 வாட் பாஸ்ட் சார்ஜிங் வசதி உள்ளது. புதிய சியோமி புக் ஏர் 13 மாடல் விண்டோஸ் 11 ஒஎஸ், வைபை 6E, ப்ளூடூத் 5.2, இரண்டு தண்டர்போல்ட் 4 போர்ட்கள், ஆடியோ ஜாக் உள்ளிட்டவை வழங்கப்பட்டு இருக்கிறது.

சீன சந்தையில் சியோமி புக் ஏர் 13 மாடலின் விலை RMB 4999, இந்திய மதிப்பில் ரூ. 56 ஆயிரத்து 925 என நிர்ணயம் செய்யப்பட்டு உள்ளது. இந்த லேப்டாப் வைட் நிறத்தில் கிடைக்கிறது.

சியோமி நிறுவனம் ரெட்மி நோட் 12 சீரிஸ் மாடல்களை கடந்த வாரம் சீன சந்தையில் அறிமுகம் செய்யப்பட்டது. ரெட்மி நோட் 12 சீரிசில்- ரெட்மி நோட் 12, ரெட்மி நோட் 12 ப்ரோ, ரெட்மி நோட் 12 ப்ரோ பிளஸ் மாடல்கள் இடம்பெற்றுள்ளன. இவற்றில் ரெட்மி நோட் 12 ப்ரோ பிளஸ் மாடல் இந்திய சந்தையில் சியோமி 12i ஹைப்பர்சார்ஜ் பெயரில் அறிமுகம் செய்யப்படும் என தகவல் வெளியாகி உள்ளது.

ஸ்மார்ட்போன் சந்தை வல்லுனரான கேக்பர் ஸிபெக் (Kacper Skrzypek) ரெட்மி நோட் 12 ப்ரோ பிளஸ் ஸ்மார்ட்போன் இந்திய சந்தையில் சியோமி 12i ஹைப்பர்சார்ஜ் பெயரில் அறிமுகம் செய்யப்படும் என்று தனது ட்விட்டரில் தெரிவித்து இருக்கிறார். மேலும் இந்தியாவில் சியோமி 12i ஹைப்பர்சார்ஜ் பற்றிய விவரங்கள் இடம்பெற்று இருப்பதாக அவர் தெரிவித்து இருக்கிறார். சியோமி நிறுவனத்தின் ஹைப்பர்சார்ஜ் சீரிஸ் அதிவேக பாஸ்ட் சார்ஜிங் வசதியை வழங்குவதில் கவனம் செலுத்தி வருகிறது.

முன்னதாக இந்தியாவில் இந்த ஆண்டு துவக்கத்தில் சியோமி 11i ஹைப்பர்சார்ஜ் 5ஜி மாடலை அறிமுகம் செய்து இருந்தது. இதில் 120 வாட் பாஸ்ட் சார்ஜிங் வசதி வழங்கப்பட்டு இருக்கிறது. எனினும், சியோமி 11i 5ஜி மாடலில் 67 வாட் பாஸ்ட் சார்ஜிங் மட்டுமே வழங்கப்பட்டு உள்ளது.

சியோமி 12i ஹைப்பர்சார்ஜ் மாடலின் அம்சங்கள் சீன சந்தையில் அறிமுகம் செய்யப்பட்ட ரெட்மி நோட் 12 ப்ரோ பிளஸ் மாடலில் உள்ளதை போன்றே வழங்கப்படும் என எதிர்பார்க்கலாம். அந்த வகையில், சியோமி 12i ஹைப்பர்சார்ஜ் மாடலில் 6.67 இன்ச் FHD OLED டிஸ்ப்ளே, 120Hz ரிப்ரெஷ் ரேட், HDR10+ வசதி, மீடியாடெக் டிமென்சிட்டி 1080 பிராசஸர், மாலி-G68 GPU வழங்கப்படும் என தெரிகிறது.

ரெட்மி நோட் 12 ப்ரோ பிளஸ் மாடலில் 200MP பிரைமரி கேமராவுடன், மூன்று கேமரா சென்சார்களும், 16MP செல்பி கேமராவும் வழங்கப்பட்டு இருக்கிறது. இந்த ஸ்மார்ட்போன் 5000 எம்ஏஹெச் பேட்டரி கொண்டிருக்கிறது. இத்துடன் 120 வாட் பாஸ்ட் சார்ஜிங் வசதி கொண்டிருக்கிறது. மேலும் ஆண்ட்ராய்டு 12 சார்ந்த MIUI 13 ஒஎஸ் வழங்கப்பட்டு உள்ளது.

சியோமி நிறுவனம் பிரத்யேக டிசைன் கொண்ட புது பிளாக்‌ஷிப் ஸ்மார்ட்போன்களை அறிமுகம் செய்ய திட்டமிட்டுள்ளது. புது பிளாக்‌ஷிப் மாடல்களில் பிரீமியம் கேமரா அனுபவம், பிழை இல்லா செயல்திறன் என அசத்தலான வசதிகளை வழங்க சியோமி முடிவு செய்துள்ளது. இந்த வரிசையில் சியோமி 12S அல்ட்ரா கான்செப்ட் எடிஷனுக்கான டீசர் வெளியிடப்பட்டு இருக்கிறது. இந்த ஸ்மார்ட்போன் கூடுதலாக பொருத்திக் கொள்ளும் வசதி கொண்ட லெய்கா லென்ஸ் வழங்கப்பட்டு உள்ளது.

புதிய சியோமி பிளாக்‌ஷிப் மாடல் சாம்சங், ஆப்பிள், விவோ, ஒன்பிளஸ் என கேமரா அம்சங்கள் நிறைந்த ஸ்மார்ட்போன்களுக்கு போட்டியாக அமையும். சியோமி சீனா தனது வெய்போ மூலம் புதிய ஸ்மார்ட்போனிற்கான டீசர் வீடியோ, புகைப்படத்தை வெளியிட்டு இருக்கிறது. டீசர்களின் படி புது ஸ்மார்ட்போன் 1 இன்ச் பிரைமரி கேமரா கொண்டிருக்கும் என உறுதியாகி இருக்கிறது.

முழுமையான லெய்கா லென்ஸ் கொண்ட முதல் ஸ்மார்ட்போன் என்ற பெருமையை சியோமி 12S அல்ட்ரா கான்செப்ட் எடிஷன் பெற இருக்கிறது. இது புது ஸ்மார்ட்போனின் கேமரா திறனை ஒட்டுமொத்தமாக மேம்படுத்தும். புதிய சியோமி 12S அல்ட்ரா கான்செப்ட் எடிஷன் பிளாக்‌ஷிப் ஸ்மார்ட்போன் மட்டுமின்றி அலுவல்பூர்வ புகைப்பட சாதனமாகவும் செயல்படும் என எதிர்பார்க்கலாம்.

புதிய சியோமி 12S அல்ட்ரா கான்செப்ட் எடிஷன் மாடலில் இரண்டு 1-இன்ச் கேமரா சென்சார்கள் வழங்கப்படும் என சியோமி தலைமை செயல் அதிகாரி லெய் ஜூன் தெரிவித்து இருக்கிறார். இவற்றில் ஒரு லென்ஸ் செவ்வக சென்சார் ஆகும். மற்றொன்றில் வெளிப்புற லென்ஸ் ஒன்றை இணைத்துக் கொள்ளும் வசதி கொண்டிருக்கிறது. கூடுதல் லென்ஸ்-ஐ எளிதில் பொருத்தவும், கழற்றிக் கொள்ள ஏதுவாக அதனை நடுவில் பொருத்தி இருக்கிறது.

சியோமி 12S அல்ட்ரா கான்செப்ட் எடிஷனில் அல்ட்ரா வைடு லென்ஸ் வழங்கப்படுகிறது. எனினும், இதில் டெலிபோட்டோ லென்ஸ் வழங்கப்படவில்லை. இந்த ஸ்மார்ட்போனில் பொருத்தப்படும் கூடுதல் லென்ஸ் ஜூமிங் வசதியை வழங்கப்படும் என தெரிகிறது.

சியோமி நிறுவனம் ரெட்மி நோட் 12 சீரிசில் ஐந்து வெவ்வேறு ஸ்மார்ட்போன் மாடல்களை கடந்த வாரம் சீன சந்தையில் அறிமுகம் செய்தது. இவற்றில் சில மாடல்கள் இந்திய சந்தையில் ரிபிராண்டு செய்யப்பட இருக்கின்றன. இது குறித்து ஏற்கனவே வெளியான தகவல்களில் ரெட்மி நோட் 12 ப்ரோ பிளஸ் 5ஜி மாடல் சியோமி 12i ஹைப்பர்சார்ஜ் பெயரில் இந்த மாதம் அறிமுகம் செய்யப்படும் என்றும் ரெட்மி நோட் 12 5ஜி மாடல் போக்கோ பிராண்டிங்கில் இந்தியா வரும் என்றும் கூறப்பட்டது.

இந்த நிலையில், ரெட்மி நோட் 12 வென்னிலா மாடல் பிஐஎஸ் வலைதளத்தில் இடம்பெற்று இருக்கிறது. இந்த ஸ்மார்ட்போன் 22111317PI எனும் மாடல் நம்பர் கொண்டிருக்கிறது. ரெட்மி நோட் 12 ஸ்மார்ட்போனின் இந்திய வேரியண்ட் மாடல் நம்பரில் வேறுபாடு ஏற்படலாம் என்ற போதிலும், இது சீன சந்தையில் அறிமுகம் செய்யப்பட்ட ரெட்மி நோட் 12 5 ஜி மாடல் தான் என கூறப்படுகிறது. மேலும் இந்த மாடல் இம்மாத இறுதியில் அறிமுகம் செய்யப்படலாம் என்றும் தெரிகிறது.

அம்சங்களை பொருத்தவரை ரெட்மி நோட் 12 5ஜி மாடலில் 6.67 இன்ச் சாம்சங் OLED ஸ்கிரீன், 120Hz ரிப்ரெஷ் ரேட், ஸ்னாப்டிராகன் 4 ஜென் 1 பிராசஸர், அதிகபட்சம் 8 ஜிபி ரேம், 256 ஜிபி மெமரி, 48MP பிரைமரி கேமரா, 2MP கேமரா, 8MP செல்பி கேமரா, 5000 எம்ஏஹெச் பேட்டரி,33 வாட் பாஸ்ட் சார்ஜிங் வசதி போன்ற அம்சங்கள் வழங்கப்படலாம்.

சீன சந்தையில் அறிமுகம் செய்யப்பட்ட ரெட்மி நோட் 12 5ஜி மாடல் புளூ, வைட் மற்றும் பிளாக் என மூன்று விதமான நிறங்கள் மற்றும் நான்கு விதமான மெமரி ஆப்ஷன்களில் கிடைக்கிறது. இதன் துவக்க விலை RMB1199 இந்திய மதிப்பில் ரூ. 13 ஆயிரத்து 640 என நிர்ணயம் செய்யப்பட்டு உள்ளது.

ரெட்மி நோட் 12 சீரிஸ் ஸ்மார்ட்போன்கள் சீன சந்தையில் கடந்த மாதம் அறிமுகம் செய்யப்பட்டன. இதில் வென்னிலா ரெட்மி நோட் 12, ரெட்மி நோட் 12 ப்ரோ மற்றும் ரெட்மி நோட் 12 ப்ரோ பிளஸ் போன்ற மாடல்கள் இடம்பெற்றுள்ளன. சீன வெளியீட்டை தொடர்ந்து ரெட்மி நோட் 12 ப்ரோ பிளஸ் 5ஜி குளோபல் வேரியண்ட் FCC வலைதளத்தில் இடம்பெற்று இருந்தது. இதன் மூலம் இந்த ஸ்மார்ட்போன் விரைவில் சர்வதேச சந்தையில் அறிமுகமாகும் என்றும் கூறப்பட்டது.

தற்போது டிப்ஸ்டர் முகுல் ஷர்மா ரெட்மி நோட் 12 சீரிஸ் சர்வதேச வெளியீட்டு தகவல்களை தெரிவித்து இருக்கிறார். அதன்படி ரெட்மி நோட் 12 சீரிஸ் சீரியல் ப்ரோடஷன் ஆசியா மற்றும் ஐரோப்பியா பகுதிகளில் துவங்கி நடைபெற்று வருவதாக முகுல் ஷர்மா தெரிவித்துள்ளார். அதன்படி புதிய ரெட்மி நோட் 12 சீரிஸ் மாடல்கள் டிசம்பர் அல்லது அடுத்த ஆண்டு துவக்கத்தில் சர்வதேச சந்தையில் அறிமுகம் செய்யப்படலாம்.

ரெட்மி நோட் 12 ப்ரோ பிளஸ் 5ஜி மாடல் இந்திய சந்தையில் சியோமி 12i ஹைப்பர்சார்ஜ் பெயரில் அறிமுகம் செய்யப்படும் என தகவல்கள் வெளியாகி வருகின்றன. அம்சங்களை பொருத்தவரை ரெட்மி நோட் 12 ப்ரோ சீரிசில் 6.67 இன்ச் பன்ச் ஹோல் ரக 2400x1080 பிக்சல் ரெசல்யூஷன் கொண்ட OLED டிஸ்ப்ளே, 120Hz ரிப்ரெஷ் ரேட், மீடியாடெக் டிமென்சிட்டி 1080 பிராசஸர், LPDDR4x ரேம், UFS 2.2 மெமரி, 5000 எம்ஏஹெச் பேட்டரி வழங்கப்படுகிறது.

இத்துடன் ப்ரோ மற்றும் ப்ரோ பிளஸ் மாடல்களில் முறையே 67 வாட் மற்றும் 120 வாட் பாஸ்ட் சார்ஜிங் வசதி வழங்கப்படுகிறது. இதன் ப்ரோ மாடலில் 50MP கேமரா, OIS, ப்ரோ பிளஸ் மாடலில் 200MP கேமரா வழங்கப்பட்டு இருக்கிறது. இரு மாடல்களிலும் 8MP அல்ட்ரா வைடு கேமரா, 2MP மேக்ரோ கேமரா, 16MP செல்பி கேமரா சென்சார் வழங்கப்பட்டுள்ளது.

இவைதவிர பக்கவாட்டில் கைரேகை சென்சார், டூயல் ஸ்டீரியோ ஸ்பீக்கர்கள், எக்ஸ்-ஆக்சிஸ் லீனியர் வைப்ரேஷன் மோட்டார், 3.5mm ஹெட்போன் ஜாக், டூயல் சிம், 5ஜி, வைபை 6, GNSS, NFC மற்றும் யுஎஸ்பி டைப் சி போர்ட் வழங்கப்பட்டு இருக்கிறது. 

சியோமி 13 மாடல் சீன சந்தையிலேயே அடுத்த மாதம் தான் அறிமுகம் செய்யப்பட இருக்கிறது. இந்த நிலையில், சியோமி 13 மாடல் விவரங்கள் பிஐஎஸ் வலைதளத்தில் இடம்பெற்றுள்ளது. அந்த வகையில், இந்த ஸ்மார்ட்போனின் இந்திய வெளியீடு விரைவில் நடைபெறும் என எதிர்பார்க்கலாம்.

முன்னதாக வெளியான தகவல்களின் படி சியோமி 13 மாடலில் ஸ்னாப்டிராகன் 8 ஜென் 2 பிராசஸர், மூன்று கேமரா சென்சார்கள் வழங்கப்படும் என கூறப்பட்டது. தற்போது பிஐஎஸ் தளத்தில் இடம்பெற்று இருக்கும் சியோமி 13 மாடல் 2210132G எனும் மாடல் நம்பர் கொண்டிருக்கிறது. வழக்கம்போல் இந்த ஸ்மார்ட்போனின் சிறப்பம்சங்கள் எதுவும் பிஐஎஸ் தளத்தில் இடம்பெறவில்லை.

எனினும், இந்த ஸ்மார்ட்போன் எதிர்காலத்தில் இந்தியாவில் அறிமுகமாவது மட்டும் உறுதியாகி இருக்கிறது. முதற்கட்டமாக சியோமி 13 மாடல் சீன சந்தையில் அறிமுகம் செய்யப்படும் என்றும் அதன் பின் இந்தியா வரும் என்றும் எதிர்பார்க்கப்படுகிறது. ஏற்கனவே வெளியான தகவல்களில் சியோமி 13 ஸ்மாரட்போன் இதுவரை அறிவிக்கப்படாமல் இருக்கும் குவால்காம் ஸ்னாப்டிராகன் 8 ஜென் 2 பிராசஸர், 12 ஜிபி ரேம், 256 ஜிபி மெமரி கொண்டிருக்கும் என கூறப்படுகிறது.

இத்துடன் 6.2 இன்ச் FHD+ AMOLED டிஸ்ப்ளே, 1.5K ரெசல்யூஷன், 50MP பிரைமரி கேமரா, ஆண்ட்ராய்டு 13 சார்ந்த MIUI 14 ஒஎஸ் வழங்கப்படும் என தகவல் வெளியாகி உள்ளது. இதுதவிர இணையத்தில் வெளியான ரெண்டர்களின் படி சியோமி 13 ஸ்மார்ட்போன் ஃபிளாட் சர்ஃபேஸ், கூர்மையான எட்ஜ் மற்றும் மிக மெல்லிய பெசல்களை கொண்டிருக்கும் என்றும் இதன் மேல்புறத்தில் பன்ச் ஹோல் வழங்கப்படுகிறது.

ஸ்மார்ட்போன் பெட்டி போன்ற தோற்றம் பெறும் வகையில், அதன் ஓரங்களில் வளந்த டிசைனுக்கு மாற்றாக ஃபிளாட் சர்ஃபேஸ் காணப்படுகிறது. மேலும் இதில் மேம்பட்ட கேமரா மாட்யுல் உள்ளது. சதுரங்க வடிவம் கொண்ட கேமரா மாட்யுலில் மொத்தம் நான்கு சென்சார்கள் உள்ளது.

Photo Courtesy: OnLeaks x Comparedial

ரெட்மி ஸ்மார்ட் பேண்ட் மூலம் சியோமி நிறுவனம் ஃபிட்னஸ் டிராக்கர் சந்தையில் களமிறங்கியது. இதே மாடல் சர்வதேச சந்தையில் Mi ஸ்மார்ட் பேண்ட் C பெயரில் அறிமுகம் செய்யப்பட்டது. இதில் 1.08 இன்ச் TFT LCD கலர் பேனல், டச் இன்புட், 24 மணி நேர இதய துடிப்பு மாணிட்டரிங், 14 நாட்களுக்கு பேட்டரி பேக்கப் வசதி வழங்கப்பட்டு உள்ளது.

தற்போது சியோமி நிறுவனம் ரெட்மி ஸ்மார்ட் பேண்ட் 2 மாடலை அறிமுகம் செய்யும் பணிகளில் ஈடுபட்டு வருவதாக தெரிகிறது. மேலும் இந்த ஃபிட்னஸ் டிராக்கர் ஆசியா மற்றும் ஐரோப்பாவில் உற்பத்தி நிலையை எட்டி இருப்பதாக கூறப்படுகிறது. டிப்ஸ்டர் முகுல் ஷர்மா ரெட்மி ஸ்மார்ட் பேண்ட் 2 மற்றும் அதற்கான சார்ஜிங் டாக் உற்பத்தி துவங்கி விட்டதாக தெரிவித்து இருக்கிறார்.

புதிய ஃபிட்னஸ் டிராக்கர் அடுத்த ஆண்டு துவக்கத்தில் அறிமுகம் செய்யப்படும் என தெரிகிறது. இந்த ஃபிட்னஸ் பேண்ட் அம்சங்கள் பற்றி இதுவரை எந்த தகவலும் இல்லை. எனினும், விரைவில் இதன் அம்சங்கள் வெளியாகும் என எதிர்பார்க்கலாம். புதிய ஃபிட்னஸ் பேண்ட் மாடலில் ரெட்மி ஸ்மார்ட் பேண்ட்-ஐ விட மேம்பட்ட அம்சங்கள் வழங்கப்படும் என தெரிகிறது.

ரெட்மி ஸ்மார்ட் பேண்ட் அம்சங்கள்:

ரெட்மி ஸ்மார்ட் பேண்ட் மாடலில் 1.08 இன்ச் 16-பிட் கலர் TFT LCD பேனல், 128x200 பிக்சல் ரெசல்யூஷன், டச் இன்புட், 200 நிட்ஸ் பிரைட்னஸ் வழங்கப்பட்டு இருக்கிறது. இந்த ஃபிட்னஸ் பேண்ட் இதய துடிப்பு விவரங்களை ரியல்-டைமில் டிராக் செய்யும் வசதி கொண்டுள்ளது. மேலும் இதய துடிப்பில் சீரற்ற நிலை ஏற்பட்டால் எச்சரிக்கை செய்யும் வசதி கொண்டுள்ளது. இதில் 5 ஸ்போர்ட்ஸ் மோட்கள் உள்ளன.

இத்துடன் 50-க்கும் அதிக கஸ்டமைசேஷன் ஆப்ஷன்கள், யுஎஸ்பி சார்ஜிங், 130 எம்ஏஹெச் பேட்டரி உள்ளது. இதனை முழுமையாக சார்ஜ் செய்தால் 14 நாட்களுக்கு பேக்கப் வழங்குகிறது. ரெட்மி ஸ்மார்ட் பேண்ட் விலை 22 டாலர்கள், இந்திய மதிப்பில் ரூ. 1,793 என நிர்ணயம் செய்யப்பட்டு உள்ளது.

சியோமி நிறுவனத்தின் புதிய மடிக்கக்கூடிய ஸ்மார்ட்போன் ப்ரோடோடைப் மாடல் சமீபத்தில் தான் இணையத்தில் வெளியாகி இருந்தது. இந்த நிலையில், டிப்ஸ்டர் குபா வொசைசௌஸ்கி வெளியிட்டு இருக்கும் தகவல்களில் சியோமியின் புதிய ஃபோல்டபில் ஸ்மார்ட்போன் வெளிப்புறம் மடிக்கும் திறன் கொண்டிருக்கும் என கூறப்படுகிறது. இந்த ஸ்மார்ட்போன் ஸ்னாப்டிராகன் 855 பிராசஸர் மற்றும் 855 மோடெம் கொண்டிருக்கும் என தெரிகிறது.

"இந்த சாதனத்தின் விவரங்கள் மிகவும் கவனமாக பாதுகாக்கப்பட்டு வந்தன. எனினும், ஸ்மார்ட்போனின் சில யூனிட்கள் பொது வெளியில் கசிந்துள்ளது," என குபா வொசைசௌஸ்கி தெரிவித்து இருக்கிறார். சியோமி 13 சீரிஸ் வெளியீட்டு பணிகளில் சியோமி தற்போது அதிக கவனம் செலுத்தி வருகிறது. புதிய 13 சீரிசில்- சியோமி, 13 மற்றும் சியோமி 13 ப்ரோ மாடல்கள் இடம்பெற்று இருக்கும் என கூறப்படுகிறது. இவை முதலில் சீன சந்தையில் அறிமுகம் செய்யப்படுகின்றன.

இரு புதிய ஸ்மார்ட்போன்களில் சியோமி 13 ப்ரோ விவரங்களை டிப்ஸ்டர் யோகேஷ் ரார் வெளியிட்டு இருந்தார். அதில், புதிய சியோமி 13 ப்ரோ மாடலில் 6.7 இனஅச் E6 LTPO டிஸ்ப்ளே, 2K ரெசல்யூஷன், குவால்காம் ஸ்னாப்டிராகன் 8 ஜென் 2 பிராசஸர், அதிகபட்சம் 12 ஜிபி ரேம் வழங்கப்பட இருக்கிறது. இந்த ஸ்மார்ட்போன் 8 ஜிபி மற்றும் 12 ஜிபி ரேம் ஆப்ஷன்களில் கிடைக்கும் என தெரிகிறது. இத்துடன் 128 ஜிபி, 256 ஜிபி மற்றும் 512 ஜிபி மெமரி ஆப்ஷன்கள் வழங்கப்படுகின்றன.

சியோமி 13 ப்ரோ மாடலில் ஆண்ட்ராய்டு 13 ஒஎஸ், எம்ஐயுஐ 14, 50MP பிரைமரி கேமரா, 50MP அல்ட்ரா வைடு லென்ஸ், 50MP டெலிபோட்டோ லென்ஸ், 32MP செல்ஃபி கேமரா வழங்கப்படுகிறது. இந்த ஸ்மார்ட்போனின் கேமரா சென்சார்கள் லெய்கா பிராண்டிங் கொண்டிருக்கும் என கூறப்படுகிறது.

Photo Courtesy: Onleaks

சியோமி நிறுவனம் விரைவில் தனது புதிய ஃபிளாக்‌ஷிப் ஸ்மார்ட்போனினை அறிமுகம் செய்ய இருக்கிறது. எனினும், வெளியீட்டுக்கு முன் புதிய சியோமி 13 ஸ்மார்ட்போன் விவரங்கள் கீக்பென்ச் தளத்தில் லீக் ஆகி இருக்கிறது. சியோமி 13 சீரிசில், சியோமி 13 மற்றும் சியோமி 13 ப்ரோ என இரு மாடல்கள் அறிமுகம் செய்யப்பட உள்ளன. இதில் ப்ரோ மாடல் உயர் ரக அம்சங்களை கொண்டிருக்கும்.

அதன்படி புதிய சியோமி 13 சீரிஸ் ஸ்மார்ட்போன்களில் குவால்காம் ஸ்னாப்டிராகன் 8 ஜென் 2 பிராசஸர், அதிகபட்சம் 12 ஜிபி ரேம் வழங்கப்படும் என தெரியவந்துள்ளது. இந்த ஸ்மார்ட்போனில் அதிகம் அல்லது குறைந்த ரேம் கொண்ட வேரியண்ட்களும் அறிமுகம் செய்யப்படலாம். கீக்பென்ச் 5 லிஸ்டிங்கில் இந்த ஸ்மார்ட்போன் 2211133C எனும் மாடல் நம்பர் கொண்டிருக்கும் என தெரியவந்துள்ளது.

மேலும் ஆண்ட்ராய்டு 13 ஒஎஸ் சார்ந்த MIUI வழங்கப்படுகிறது. கீக்பென்ச் டெஸ்டிங்கின் சிங்கில் கோரில் 1497 புள்ளிகளையும், மல்டி கோர் டெஸ்டிங்கில் 5089 புள்ளிகளையும் பெற்று இருக்கிறது. இவை தவிர புதிய ஸ்மார்ட்போன் பற்றி வேறு எந்த தகவலும் கீக்பென்ச் தளத்தில் இடம்பெறவில்லை.

எனினும், முந்தைய தகவல்களின் படி சியோமி 13 மாடலில் லெய்கா பிராண்டு லென்ஸ், MIUI14 வழங்கப்படும் என கூறப்பட்டது. விரைவில் சியோமி 13 பற்றிய அறிவிப்பு மற்றும் ரெண்டர்கள் இணையத்தில் வெளியாகும் என எதிர்பார்க்கலாம்.

சியோமி நிறுவனம் சியோமி 13 சீரிஸ் வெளியீட்டு தேதியை அதிகாரப்பூர்வமாக அறிவித்து இருக்கிறது. முதற்கட்டமாக சியோமி 13 சீரிஸ் மாடல்கள் டிசம்பர் 01 ஆம் தேதி அறிமுகமாகிறது. சியோமி 13 சீரிசில்- சியோமி 13, சியோமி 13 ப்ரோ மற்றும் MIUI 14 உள்ளிட்டவை அறிவிக்கப்படும் என தெரிகிறது.

டீசரின் படி சியோமி 13 ஸ்மார்ட்போன் ஃபிளாட் ஸ்கிரீன், மற்றொரு மாடலில் வளைந்த ஸ்கிரீன் வழங்கப்படுவது தெரியவந்துள்ளது. முந்தைய மாடல்களை போன்றே இரு மாடல்களிலும் மெட்டல் ஃபிரேம் வழங்கப்படுகிறது. சியோமி 13 மாடலில் உள்ள ஃபிளாட் ஸ்கிரீன் உயர் ரக OLED பேனல், அல்ட்ரா நேரோ பெசல்கள் வழங்கப்படுவது உறுதியாகி இருக்கிறது. இந்த போன்களில் லெய்கா ஆப்டிக்ஸ் வழங்கப்படுகிறது.

முன்னதாக தனது அடுத்த ஃபிளாக்‌ஷிப் ஸ்மார்ட்போன்களில் ஸ்னாப்டிராகன் 8 ஜென் 2 பிராசஸர் வழங்கப்படும் என உறுதிப்படுத்தி இருந்தது. அந்த வகையில், சியோமி 13 மற்றும் சியோமி 13 ப்ரோ மாடல்களில் இந்த பிராசஸர் வழங்கப்படும் என தெரிகிறது. சியோமி 13 மாடலில் 6.2 இன்ச் FHD+ 120Hz OLED ஸ்கிரீன், சியோமி 13 ப்ரோ மாடலில் 6.7 இன்ச் சாம்சங் 2K E6 AMOLED வளைந்த ஸ்கிரீன் வழங்கப்படுகிறது.

சியோமி 13 ப்ரோ மாடலில் 1-இன்ச் சோனி IMX989 சென்சார், சியோமி 13 மாடலில் 50MP சோனி IMX8 சீரிஸ் பிரைமரி கேமரா வழங்கப்படுகிறது. இரு மாடல்களிலும் OIS சப்போர்ட் வழங்கப்படுகிறது. வெளியீட்டுக்கு முன் புதிய ஸ்மார்ட்போன்களின் விவரங்கள் வெளியாகும் என எதிர்பார்க்கலாம்.