தேனி:
போடி குலாளர் பாளையம் தண்ணீர் தொட்டி அருகே வசித்து வருபவர் ராஜேஷ். இவரது மனைவி கவுசல்யா (வயது 22). இவர்களுக்கு ரக்ஷிதரன் என்ற 8 மாத கைக்குழந்தை உள்ளது. ராஜேஷ் கட்டிட வேலை செய்து வருகிறார். சம்பவத்தன்று தனது ைகக்குழந்தையுடன் வெளியே சென்ற கவுசல்யா மாயமானார். பல இடங்களில் தேடியும் கிடைக்கவில்லை. இது குறித்து போடி டவுன் போலீசார் விசாரித்து வருகின்றனர்.
பெரியகுளம் நேருநகர் ஆரோக்கியமாதா தெருவைச் சேர்ந்த புகழேந்திரன் மகள் அகிலா (வயது 21). சம்பவத்தன்று வீட்டில் இருந்த அகிலா மாயமானார். இது குறித்து அவரது தாய் மகேஷ்வரி கொடுத்த புகாரின் பேரில் பெரியகுளம் போலீசார் விசாரித்து வருகின்றனர்.
ஜெயமங்கலம் அருகே உள்ள மேல்மங்கலம் அம்மாபட்டி தெருவைச் சேர்ந்த ஈஸ்வரன் மகள் ஆர்த்தி (21). இவருக்கு திருமணமாகி தற்போது மகப்பேறுக்காக தனது தாய் வீட்டுக்கு வந்திருந்தார். சம்பவத்தன்று பெரியகுளத்தில் உள்ள கம்ப்யூட்டர் சென்டருக்கு செல்வதாக கூறிச் சென்றவர் மாயமானார்.
இது குறித்து அவரது தாய் தமிழ்செல்வி கொடுத்த புகாரின் பேரில் ஜெயமங்கலம் போலீசார் அவரை தேடி வருகின்றனர். மேல்மங்கலம் அம்மாபட்டி தெருவைச் சேர்ந்த கர்ணன் மகள் அபி (16). 10ம் வகுப்பு வரை படித்து விட்டு வீட்டில் இருந்தார். சம்பவத்தன்று வீட்டை விட்டு சென்றவர் மாயமானார். இது குறித்து ஜெயமங்கலம் போலீசார் விசாரித்து வருகின்றனர்.
சின்னமனூர் பூலன்தெருவைச் சேர்ந்த ஜெயபாஸ்கரன் மகன் பிரதீப் (42). இவர் சென்னையில் தனியார் நிறுவனத்தில் வேலை பார்த்து வந்தார். சம்பவத்தன்று சொந்த ஊருக்கு சென்று விட்டு தூத்துக்குடி செல்வதாக வீட்டில் கூறிச் சென்றார். ஆனால் அவர் அங்கு செல்ல வில்லை என தெரிய வந்தது. இது குறித்து சின்னமனூர் போலீசார் விசாரணை நடத்தி வருகின்றனர்.
உத்தமபாளையம் அருகே உள்ள அணைப்பட்டி 2வது வார்டு கிழக்கு தெருவைச் சேர்ந்தவர் ராமமூர்த்தி (45). இவர் சம்பவத்தன்று தனது மாடுகளுக்கு புல் அறுத்து கொண்டு வருவதாக தனது மனைவியிடம் கூறிச் சென்றார். ஆனால் அதன் பிறகு மாயமானார். இது குறித்து அவரது மனைவி செல்வி ராயப்பன்பட்டி போலீஸ் நிலையத்தில் கொடுத்த புகாரின் பேரில் போலீசார் அவரை தேடி வருகின்றனர்.
