நீங்கள் தேடியது "தீபா கர்மாகர்"

ஒலிம்பிக் போட்டிக்கு தகுதி பெற்ற நாட்டின் முதல் இந்திய ஜிம்னாஸ்டிக் வீராங்கனை என்ற பெருமை கொண்ட, தீபா கர்மாகர் அண்மையில் ஓய்வு பெறுவதாக அறிவித்துள்ளார்.

இந்தாண்டு உஸ்பெகிஸ்தானில் நடைபெற்ற ஆசிய மகளிர் சீனியர் சாம்பியன்ஷிப் போட்டியின் வால்ட் பிரிவில் இந்திய வீராங்கனை தீபா கர்மாகர் தங்கப்பதக்கம் வென்றார். ஆசிய சாம்பியன்ஷிப் போட்டியில் வால்ட் பிரிவில் இந்தியா பெற்ற முதல் தங்கம் இது என்பது குறிப்பிடத்தக்கது.

இந்நிலையில் தனது கடந்த கால விளையாட்டு அனுபவங்கள் குறித்து தீபா கர்மாகர் பகிர்ந்துள்ளார்.

தனியார் செய்தி நிறுவனத்திற்கு பேட்டி அளித்த தீபா கர்மாகர், "தனது ஆரம்பகால பயிற்சியாளர் ஒருவர் தன்னை எருமை என்று சொல்லி கேலி தொடர்ச்சியாக கேலி செய்தார். 2014 ஆம் ஆண்டு நடைபெற்ற ஆசிய சாம்பியன்ஷிப் தொடரில் வெண்கல பதக்கம் வென்று என்னை கேலி செய்தவர்களுக்கு நான் பதிலடி கொடுத்தேன். என்னை எருமை என்று கிண்டலடித்து பயிற்சியாளர் நான் பதக்கம் வென்ற பிறகு பூங்கொத்துகளுடன் என்னை வரவேற்க்க விமான நிலையம் வந்தார்" என்று தெரிவித்துள்ளார்.

டெல்லி:

ஒலிம்பிக் போட்டிக்கு தகுதி பெற்ற நாட்டின் முதல் ஜிம்னாஸ்டிக் வீராங்கனை என்ற பெருமை கொண்ட, தீபா கர்மாகர் இன்று தனது ஓய்வை அறிவித்துள்ளார்.

ஓய்வு குறித்து அவர் கூறியதாவது:-

நீண்ட யோசனைக்குப் பிறகு, ஜிம்னாஸ்டிக்சில் இருந்து ஓய்வு பெறுவதாக முடிவு செய்தேன். இந்த முடிவு எனக்கு எளிதானது அல்ல, ஆனால் இது சரியான நேரம். ஜிம்னாஸ்டிக்ஸ் எனது வாழ்க்கையின் ஒரு பெரிய பகுதியாகும். மேலும் ஒவ்வொரு கணத்திற்கும் உயர்வு, தாழ்வு மற்றும் இடையில் உள்ள எல்லாவற்றிற்கும் நான் நன்றியுள்ளவனாக இருக்கிறேன்.

ஐந்து வயது தீபா, அவளது தட்டையான பாதங்களால் ஒருபோதும் ஜிம்னாஸ்ட் ஆக முடியாது என்று சொன்னது எனக்கு நினைவிருக்கிறது. இன்று எனது சாதனைகளை கண்டு நான் மிகவும் பெருமைப்படுகிறேன். உலக அரங்கில் இந்தியாவைப் பிரதிநிதித்துவப்படுத்தி பதக்கங்களை வென்றது மற்றும் ரியோ ஒலிம்பிக்கில் ப்ரொடுனோவா வால்ட் சிறப்பாக செயல்பட்டது எனது வாழ்க்கையில் மறக்க முடியாத தருணம். இன்று தீபாவை பார்க்கும்போது எனக்கு மிகவும் மகிழ்ச்சியாக இருக்கிறது, ஏனென்றால் அவளுக்கு கனவு காணும் தைரியம் இருந்தது.

எனது கடைசி வெற்றி ஆசிய ஜிம்னாஸ்டிக்ஸ் சாம்பியன்ஷிப் தாஷ்கண்ட், ஒரு திருப்புமுனையாக இருந்தது. ஏனென்றால் நான் என் உடலை மேலும் தள்ள முடியும் என்று உணர்ந்தேன். ஆனால் சில நேரங்களில் நம் உடல் ஓய்வெடுக்கும் நேரம் என்று சொல்கிறது, ஆனால் இதயம் இன்றும் இல்லை.

கடந்த 25 ஆண்டுகளாக என்னை வழிநடத்தி, எனக்கு மிகப்பெரிய பலமாக இருந்த எனது பயிற்சியாளர்கள் பிஷ்வேஷ்வர் நந்தி சார் மற்றும் சோமா மேம் ஆகியோருக்கு நன்றி தெரிவிக்க விரும்புகிறேன். நான் பெற்ற ஆதரவிற்காக, திரிபுரா அரசு, ஜிம்னாஸ்டிக்ஸ் கூட்டமைப்பு, இந்திய விளையாட்டு ஆணையம், கோஸ்போர்ட்ஸ் அறக்கட்டளை மற்றும் மெராகி ஸ்போர்ட் & என்டர்டெயின்மென்ட் ஆகியவற்றுக்கு எனது நன்றியைத் தெரிவித்துக் கொள்கிறேன். இறுதியாக, எனது நல்ல மற்றும் கெட்ட நாட்களில் எப்போதும் என்னுடன் இருந்த எனது குடும்பத்திற்கு.

நான் ஓய்வு பெறுகிறேன் என்று எழுதினேன். ஆனால் ஜிம்னாஸ்டிக்ஸுடனான எனது தொடர்பு ஒருபோதும் இழக்கப்படாது. என்னைப் போன்ற மற்ற பெண்களுக்கு பாதுகாப்பான வழிகாட்டிகள், பயிற்சியாளர்கள் மற்றும் ஆதரவை வழங்குவதன் மூலம் இந்த விளையாட்டை மீண்டும் உயிர்ப்பிக்க விரும்புகிறேன். மீண்டும் ஒருமுறை, எனது பயணத்தின் ஒரு பகுதியாக இருப்பதற்கு அனைவருக்கும் நன்றி.

இவ்வாறு தீபா கர்மாகர் கூறினார்.

தாஷ்கண்ட்:

உஸ்பெகிஸ்தானில் ஆசிய மகளிர் சீனியர் சாம்பியன்ஷிப் போட்டி நடைபெற்று வருகிறது. இதில் வால்ட் பிரிவில் இந்திய வீராங்கனை தீபா கர்மாகர் பங்கேற்றார்.

தீபா கர்மாகர் வால்ட் பிரிவில் 13.566 புள்ளிகள் பெற்று தங்கப்பதக்கம் வென்றார். தென் கொரியா வெள்ளிப்பதக்கம் வென்றது.

ஆசிய சாம்பியன்ஷிப் போட்டியில் இந்தியா பெற்ற முதல் தங்கம் இது என்பது குறிப்பிடத்தக்கது.

இந்திய ஜிம்னாஸ்டிக் வீராங்கனைதீபா கர்மாகர். திரிபுராவை சேர்ந்த தீபா கர்மாகர், கடந்த 2016-ம் ஆண்டு ரியோ ஒலிம்பிக்கில் ஜிம்னாஸ்டிக் போட்டியில் 4-வது இடம் பிடித்தார். இந்தியா சார்பாக பங்கேற்ற முதல் பெண் ஜிம்னாஸ்டிக்ஸ் வீராங்கனை என்ற பெருமையையும் பெற்றார்.

இந்நிலையில், அவர் ஊக்கமருந்து விதிகளை மீறியதாக 2 ஆண்டுகள் தடை விதிக்கப்பட்டுள்ளதாகவும், அதனை அவர் எதிர்கொண்டு வருவதாகவும் தகவல் வெளியானது.

தீபா கர்மாகரின் இடைக்கால தடை பரபரப்பாக பேசப்பட்டு வந்த நிலையில், இந்திய ஜிம்னாஸ்டிக்ஸ் கூட்டமைப்பு மற்றும் சர்வதேச ஜிம்னாஸ்டிக்ஸ் கூட்டமைப்பு மௌனம் காத்துவந்தது. அதனால் தீபா கர்மாகரின் தடை குறித்து அதிகாரப்பூர்வமாக எதுவும் தெரியாமல் இருந்துவந்தது.

இந்த தடை குறித்து தீபா கர்மாகர் மற்றும் அவரது பயிற்சியாளர் பிஷ்வேஷ்வர் நந்தி ஆகியோரும் தெளிவுபடுத்தாமல் இருந்தனர். இந்நிலையில், தீபா கர்மாகருக்கு ஊக்கமருந்து விவகாரத்தில் 21 மாதங்கள் தடை விதிக்கப்பட்டதை உறுதி செய்துள்ளது சர்வதேச ஊக்கமருந்து எதிர்ப்பு ஏஜென்சி. வரும் ஜூலை 10 வரை இந்த தடை உள்ளதாக தெரிவிக்கப்பட்டுள்ளது.