நீங்கள் தேடியது "உள்நாட்டு உற்பத்தி"

நடப்பு ஆண்டின் ஏப்ரல் - ஜூன் மாத காலாண்டிற்கான நாட்டின் மொத்த உள்நாட்டு உற்பத்தி [ஜிடிபி] வளர்ச்சி 6.7 சதவீதமாக உள்ளது என தேசிய புள்ளியியல் அலுவலகம் அறிக்கை வெளியிட்டுள்ளது. இது கடந்த 5 காலாண்டுகளில் மிகக்குறைவான ஜிடிபி வளர்ச்சியாகும். மேலும் கடந்த நிதியாண்டில் 8.2 ஆக இருந்த ஜிடிபி வளர்ச்சி தற்போதைய காலாண்டில் குறைந்துள்ளது.

மொத்த ஜிடிபி வளர்ச்சி பின்னடைவைச் சந்திக்க முக்கியக் காரணமாகக் கடந்த ஆண்டு ஏப்ரல் - ஜூன் காலாண்டில் 3.7 சதவீதமாக இருந்த வேளாண் துறை வளர்ச்சி நடப்பு காலாண்டில் 2.0 சதவீதமாகக் குறைந்துள்ளதே காரணம் என்று கூறப்படுகிறது.

ஆனால் உற்பத்தித் துறையில் கடந்த ஆண்டு ஏப்ரல் - ஜூன் இடையேயான காலாண்டிலிருந்த 6.2 சதவீத வளர்ச்சி 0.8 சதவீதம் அதிகரித்து நடப்பு காலாண்டில் 7.0 சதவீதமாக உயர்ந்துள்ளது. இருப்பினும் நாட்டின் மொத்த ஜிடிபி வளர்ச்சியில் ஏற்பட்டுள்ள இந்த சரிவால் வரும் திங்கள்கிழமை பங்குச்சந்தை சரிவை சந்திக்கலாம் என வல்லுநர்கள் தெரிவிக்கின்றனர். 

புதுடெல்லி:

இந்தியாவில் 2023-24-ம் நிதியாண்டிற்கான ஆய்வு அறிக்கையை கிரெடிட் ரேட்டிங் இன்பர்மேசன் சர்வீஸ் ஆய்வு மையம் மேற்கொண்டது. அதன் அறிக்கை தற்போது வெளியாகி உள்ளது.

இந்த அறிக்கையில் 2023-24-ம் நிதி ஆண்டில் இந்தியாவின் மொத்த உள்நாட்டு உற்பத்தி 6 சதவீதமாக உயரும் என்று கூறப்பட்டுள்ளது. இந்த வளர்ச்சி விகிதம் இந்திய ரிசர்வ் வங்கியின் 6.4 சதவீத வளர்ச்சி மற்றும் பொருளாதார ஆய்வின் கணிப்பை விட குறைவாக உள்ளது.

இது தொடர்பாக ஆய்வாளர்கள் கூறும்போது, 2023-ம் நிதியாண்டில் தேசிய புள்ளியியல் அமைப்பு மதிப்பிட்டுள்ள 7 சதவீதத்துடன் ஒப்பிடும் போது 2024-ம் நிதியாண்டில் இந்தியாவின் ஒட்டுமொத்த உள்நாட்டு உற்பத்தி வளர்ச்சி 6 சதவீதத்தை எட்டும் என்று எதிர்ப்பார்ப்பதாக கூறியுள்ளனர்.

உலக பொருளாதாரம் குறைந்து வருகிறது. இதன் காரணமாக நாட்டின் வளர்ச்சிக்கு எதிர்மறையான தாக்கம் ஏற்படலாம். அதோடு கச்சா எண்ணை மற்றும் பொருட்களின் விலை ஏற்ற, இறக்கத்துடன் காணப்படுவதும் பொருளாதார வளர்ச்சியை பாதிக்கும் எனவும் அறிக்கையில் கூறப்பட்டுள்ளது.