நீங்கள் தேடியது "மோட்டார்சைக்கிள்"

டுகாட்டி இந்தியா நிறுவனம் ஸ்க்ராம்ப்ளர் ஐகான் டார்க் பைக்கை இந்தியாவில் அறிமுகம் செய்தது

இந்த பைக்கின் விலை ரூ. 9.97 லட்சமாக (Ex-Showroom) நிர்ணயம் செய்யப்பட்டுள்ளது. டுகாட்டி அறிமுகப்படுத்திய பைக்குகளில் இது மிகவும் விலை குறைவான பைக் என்று சொல்லப்படுகிறது.

ஸ்க்ராம்ப்ளர் ஐகான் டார்க் பைக்கின் விலை இதற்கு முன்பு வெளியான ஸ்க்ராம்ப்ளர் ஐகான் மாடலை விட ரூ.94,000 குறைவாகும்.

டுகாட்டி ஸ்க்ராம்ப்ளர் ஐகான் டார்க் பைக் 803 சிசி ஏர்/ஆயில் கூல்டு எல்-ட்வின் எஞ்சின் மூலம் இயக்கப்படுகிறது.

இந்த எஞ்சின் 8,250 rpm இல் 73 hp ஆற்றலையும், 7,000 rpm இல் சுழலும் போது 65 Nm டார்க் விசையையும் உற்பத்தி செய்யும் வகையில் வடிவமைக்கப்பட்டுள்ளது.

முன்னதாக டுகாட்டி நிறுவனம் தனது டெசெர்ட் எக்ஸ் டிஸ்கவரி பைக்கை இந்தியாவில் அறிமுகம் செய்தது. இந்த பைக் ரூ.21.78 லட்சத்திற்கு விற்பனை செய்யப்படுகிறது.

ராயல் என்பீல்டு நிறுவனம் கடந்த ஆகஸ்ட் மாத வாக்கில் புதிய ஹண்டர் 350 மோட்டார்சைக்கிளை அறிமுகம் செய்தது. ஹண்டர் 350 மாடல் குறைந்த விலையில் எண்ட்ரி லெவல் ராயல் என்பீல்டு மோட்டார்சைக்கிளாக நிலை நிறுத்தப்பட்டு இருக்கிறது. இந்த நிலையில், புதிய ஹண்டர் 350 மாடல் விற்பனை விவரங்கள் வெளியாகி உள்ளது.

அதன்படி செப்டம்பர் மாதத்தில் மட்டும் ராயல் என்பீல்டு நிறுவனம் 17 ஆயிரத்து 118 ஹண்டர் 350 யூனிட்களை விற்பனை செய்ததாக அறிவித்து இருக்கிறது. இது ஆகஸ்ட் மாதத்தில் விற்பனையானதை விட குறைவு ஆகும். ஆகஸ்ட் மாதத்தில் 18 ஆயிரத்து 197 யூனிட்கள் விற்பனையாகி இருந்தது.

செப்டம்பரில் ஹோண்டா சிபி350 மாடல் மொத்தத்தில் 3 ஆயிரத்து 980 யூனிட்களே விற்பனையாகி இருக்கிறது. ஆகஸ்ட் மாதத்தில் 3 ஆயிரத்து 714 யூனிட்கள் விற்பனையானது. விற்பனையில் இவ்வளவு வித்தியாசம் ஏற்பட ஹண்டர் 350 மற்றும் சிபி350 விலை காரணமாக இருக்கலாம். இந்தியாவில் ராயல் என்பீல்டு ஹண்டர் 350 மாடல் விலை ரூ. 1 லட்சத்து 49 ஆயிரம் என துவங்குகிறது.

ஹோண்டா சிபி350 விலை ரூ. 2 லட்சம் என நிர்ணயம் செய்யப்பட்டு உள்ளது. விலை மட்டுமின்றி விற்பனை விற்பனை மற்றும் சர்வீஸ் நெட்வொர்க் உள்ளிட்டவையும் ராயல் என்பீல்டு விற்பனை அதிகரிக்க காரணமாக இருக்கும். ஹோண்டா தனது சிபி350 மோட்டார்சைக்கிளை பிங்விங் விற்பனை மையங்களிலேயே விற்பனை செய்து வருகிறது. 

கேடிஎம் நிறுவனம் 2023 RC 8C லிமிடெட் எடிஷன் டிராக்-ஒன்லி சூப்பர் ஸ்போர்ட் மோட்டார்சைக்கிள் ஆகும். சர்வதேச சந்தையில் அறிமுகமாகி இருக்கும் லிமிடெட் எடிஷன் மாடல் காஸ்மெடிக் மற்றும் மெக்கானிக்கல் மாற்றங்களை பெற்று இருக்கிறது. 2023 கேடிஎம் RC 8C மாடல் முற்றிலும் புதிய நிறம், ஏரோ பேக்கேஜில் மாற்றம், மேம்பட்ட எலெக்ட்ரிக் அம்சங்கள், உயர் ரக உபகரணங்களை கொண்டிருக்கிறது.

செயல்திறனை பொருத்தவரை 2023 கேடிஎம் RC 8C மாடல் 133 ஹெச்பி பவர், 98 நியூட்டன் மீட்டர் டார்க் இழுவிசையை வெளிப்படுத்துகிறது. புதிய மாட்கள், குறைந்த எடை கொண்ட டைட்டானியம் வால்வுகள், காண்ராட், இரு பிஸ்டன் ரிங், அதிக கம்ப்ரெஷன் ரேட், பெரிய திராட்டில் பாடி, போல்ஸ்டர் செய்யப்பட்ட பியூவல் பம்ப் / பிரெஷர் காரணமாக இந்த மாடலின் திறன் 6.9 ஹெச்பி வரை அதிகரித்து இருக்கிறது.

மேலும் இந்த மோட்டார்சைக்கிளின் கிளட்ச் பிரீலோடு அதிகரிக்கப்பட்டு, டாப் பேலன்சர் நீக்கப்பட்டு, கிரான்க்-கேஸ் பேலன்சர் அட்ஜஸ்ட் செய்யப்பட்டு இருப்பதாக கேடிஎம் தெரிவித்து உள்ளது. மேலும் இதன் தெர்மல் ஸ்டேபிலிட்டியை உறுதிப்படுத்த PANK ஆயில் கூலர் கூடுதலாக வழங்கப்பட்டு இருக்கிறது. 2023 கேடிஎம் RC 8C மாடலின் ஒட்டுமொத்த எடை 142 கிலோ ஆகும். இதில் உள்ள முற்றிலும் புது டைட்டானியம் அக்ரபோவிக் எக்சாஸ்ட் சிஸ்டம் எடை குறைய உதவுகிறது.

புதிய லிமிடெட் எடிஷன் RC 8C மாடலின் டிராக்‌ஷன் கண்ட்ரோல், மேப்பிங் மற்றும் என்ஜின் பிரேக்கிங் உள்ளிட்டவைகளை ரைடர்கள் கஸ்டமைஸ் செய்யும் வசதி வழங்கப்பட்டு இருக்கிறது. இத்துடன் ஸ்டீரிங் ஹெட், திராட்டில் ரெஸ்பான்ஸ், பிரெம்போ ஸ்டைல்மா கேலிப்பர், RCS 19 கோர்சா கோர்சா மாஸ்டர் சிலிண்டர் உள்ளிட்டவைகளில் அட்ஜஸ்ட்மெண்ட் செய்யும் வசதி வழங்கப்பட்டுள்ளது.

இதன் காக்பிட் பகுதியில் மேம்பட்ட டேஷ்போர்டு, ஜிபிஎஸ் டேட்டா லாகர், கேடிஎம் RC16 சார்ந்து உருவாக்கப்பட்ட ஹேண்டில்பார் ஸ்விட்ச்கள் உள்ளன. 2023 கேடிஎம் RC 8C மாடல் மொத்தத்தில் 200 யூனிட்களே உற்பத்தி செய்யப்பட உள்ளன. இவை ஒவ்வொன்றின் ட்ரிபில் கிளாம்பில் பிரத்யேக சீரியல் நம்பர் இடம்பெற்று இருக்கும்.

ராயல் என்பீல்டு நிறுவனம் சூப்பர் மீடியோர் 650 மோட்டார்சைக்கிளை அடுத்த மாதம் அறிமுகம் செய்யும் என தகவல் வெளியாகி உள்ளது. 2022 EICMA நிகழ்வில் அறிமுகம் செய்யப்பட்டு அதன் பின் இந்தியாவில் ரைடர் மேனியா 2022 நிகழ்வில் அறிமுகம் செய்யப்படும் என கூறப்படுகிறது.

கடந்த சில ஆண்டுகளாக சோதனை செய்யப்பட்டு வரும் குரூயிசர் மோட்டார்சைக்கிள் ஸ்பை படங்கள் இணையத்தில் வெளியாகி இருக்கின்றன. இண்டர்செப்டார் மாடல் அறிமுகம் செய்யப்பட்டு நான்கு ஆண்டுகள் ஆகிவிட்ட நிலையில், 650சிசி பிரிவில் புது மாடலை அறிமுகம் செய்ய ராயல் என்பீல்டு திட்டமிட்டு வருவதாக தெரிகிறது.

சர்வதேச வெளியீட்டை தொடர்ந்து நவம்பர் 18 முதல் 20 ஆம் தேதி வரை நடைபெற இருக்கும் 2022 ரைடர் மேனியா நிகழ்வில் சூப்பர் மீடியோர் 650 மாடல் அறிமுகம் செய்யப்படலாம். கிளாசிக் 500 மற்றும் புல்லட் 500 பயன்படுத்துவோர் இந்த மாடலுக்காக காத்திருக்கின்றனர்.

அதிக செயல்திறன் மற்றும் இருக்கை அமைப்பு காரணமாக இண்டர்செப்டார் 650 இந்த வாடிக்கையாளர்களுக்கு கச்சிதமான மாடலாக அமையவில்லை. இந்த பிரச்சினைகள் அனைத்திற்கும் சூப்பர் மீடியோர் 650 பதில் அளிக்கும் வகையில் உருவாக்கப்பட்டு இருக்கிறது. இந்த மாடலில் ஃபூட் பெக்-கள் முன்புறமாக அமைக்கப்பட்டு உள்ளது.

புதிய சூப்பர் மீடியோர் 650 விலை இண்டர்செப்டார் மாடலை விட ரூ. 20 ஆயிரம் வரை குறைவாக நிர்ணயம் செய்யப்படும் என கூறப்படுகிறது. அந்த வகையில் புதிய ராயல் என்பீல்டு சூப்பர் மீடியோர் 650 விலை ரூ. 3 லட்சத்து 05 ஆயிரம், எக்ஸ்-ஷோரூம் வரை நிர்ணயம் செய்யப்படும் என எதிர்பார்க்கலாம்.

Photo Courtesy: Bikewale

டிரையம்ப் மோட்டார்சைக்கிள்ஸ் நிறுவனம் லிமிடெட் எடிஷன் மோட்டார்சைக்கிள் மாடல்களை இந்திய சந்தையில் அறிமுகம் செய்து இருக்கிறது. மொத்தத்தில் எட்டு லிமிடெட் எடிஷன் மோட்டார்சைக்கிள்கள் விற்பனைக்கு வந்துள்ளன. இவை அனைத்திலும் க்ரோம் பினிஷ் செய்யப்பட்டு உள்ளது.

க்ரோம் எடிஷன்கள் ராக்கெட் மற்றும் போன்வில் ரக மாடல்களில் மட்டும் வழங்கப்பட்டு இருக்கிறது. இந்த லிமிடெட் எடிஷன் மாடல்கள் ஒரு வருடத்திற்கு மட்டுமே விற்பனைக்கு கிடைக்கும். எனினும், லிமிடெட் எடிஷன் மாடல்கள் மொத்தத்தில் எத்தனை யூனிட்கள் உற்பத்தி செய்யப்படும் என்பது குறித்து டிரையம்ப் நிறுவனம் சார்பில் எந்த தகவலும் வழங்கப்படவில்லை.

புதிய லிமிடெட் எடிஷன் க்ரோம் மாடல்கள் இந்தியா மட்டுமின்றி வெளிநாட்டு சந்தையிலும் விற்பனை செய்யப்பட உள்ளன. க்ரோம் எடிஷன் மோட்டார்சைக்கிள்களை உருவாக்க புது வொர்க்‌ஷாப் அமைக்கப்பட்டு இருப்பதாக டிரையம்ப் மோட்டார்சைக்கிள்ஸ் நிறுவனம் அறிவித்து இருக்கிறது. லிமிடெட் எடிஷன் மாடலில் கூடுதல் அக்சஸரிக்கள் மற்றும் பைக்கை சுற்றி க்ரோம் பினிஷ் செய்யப்படுகிறது.

க்ரோம் பினிஷ் செய்யப்பட்ட லிமிடெட் எடிஷன் சீரிசில் விலை உயர்ந்த ராக்கெட் 3 ஜிடி மாடலில் பியூவல் டேன்க் க்ரோம் பினிஷ் மற்றும் ரெட் அக்செண்ட் செய்யப்பட்டு உள்ளது. இத்துடன் ஜெட்-பிளாக் ஹெட்லைட், ஃபிளை ஸ்கிரீன், முன்புற மட்கார்ட், ரேடியேட்டர் கௌல்கள், சைடு பேனல்கள், ரியர் பாடிவொர்க் செய்யப்பட்டு உள்ளது. இதன் விலை ரூ. 21 லட்சத்து 40 ஆயிரம் என நிர்ணயம் செய்யப்பட்டு உள்ளது.

ராக்கெட் 3 மாடலிலும் க்ரோம் பியூவல் டேன்க், பிளாக் அக்செண்ட் செய்யப்பட்டு உள்ளது. இந்த மாடலில் பிளாக் ஃபிளை ஸ்கிரீன், ஹெட்லைட் கௌல்கள், முன்புற மட்கார்ட், ரேடியேட்டர் கௌல்கள், சைடு பேனல்கள் மற்றும் ரியர் பாடிவொர்க் செய்யப்பட்டு உள்ளது. இதன் விலை ரூ. 20 லட்சத்து 80 ஆயிரம் ஆகும்.

போன்வில் டி120 க்ரோம் எடிஷனில் க்ரோம் டேன்க், புளூ அக்செண்ட்கள், பிளாக் மட்கார்ட், சைடு பேனல்கள் வழங்கப்பட்டுள்ளன. இதன் விலை ரூ. 11 லட்சத்து 89 ஆயிரம் ஆகும். இதன் பாபர் மாடலிலும் க்ரோம் பியூவல் டேன்க், பிளாக் அக்செண்ட்கள், 3டி டிரையம்ப் பேட்ஜிங் செய்யப்பட்டுள்ளது. இதன் விலை ரூ. 12 லட்சத்து 85 ஆயிரம் என நிர்ணயம் செய்யப்பட்டு உள்ளது.

பேன்வில் ஸ்பீடுமாஸ்டர் க்ரோம் எடிஷன் விலை ரூ. 12 லட்சத்து 85 ஆயிரம் ஆகும். இதில் க்ரோம் பியூவல் டேன்க் மற்றும் ரெட் சரவுண்ட்கள் செய்யப்பட்டுள்ளது. போன்வில் டி100 மாடலில் புளூ பியூவல் டேன்க், க்ரோம் மெட்டல் ஸ்ட்ரிப்கள் வழங்கப்பட்டுள்ளன. இதில் க்ரோம் பேட்ஜ் வழங்கப்பட்டுள்ளன.

ஸ்பீடு ட்வின் 900 மற்றும் ஸ்கிராம்ப்ளர் 900 மாடல்களின் விலை முறையே ரூ. 8 லட்சத்து 84 ஆயிரம், ரூ. 9 லட்சத்து 94 ஆயிரம் என நிர்ணயம் செய்யப்பட்டு உள்ளது. இந்த மோட்டார்சைக்கிள் மாடல்களுக்கான முன்பதிவு ஏற்கனேவே துவங்கி நடைபெற்று வருகிறது. வினியோகம் விரைவில் துவங்குகிறது.

கேடிஎம் நிறுவனம் 2023 கேடிஎம் 1290 சூப்பர் டியூக் மோட்டார்சைக்கிளை விரைவில் அறிமுகம் செய்ய இருக்கிறது. இது கேடிஎம் நிறுவனத்தின் பிளாக்‌ஷிப் நேக்கட் ஸ்டிரீட் பைக் ஆகும். இந்த ஆண்டு மே மாதம் முதல் 1290 சூப்பர் டியூக் மாடல் டெஸ்டிங் நடைபெற்று வருகிறது.

இந்த நிலையில், 2023 கேடிஎம் 1290 சூப்பர் டியூக் மாடலின் புது ஸ்பை படங்கள் இணையத்தில் வெளியாகி உள்ளது. முந்தைய ஸ்பை படங்களை போன்றே, தற்போது வெளியாகி இருக்கும் ஸ்பை படங்களிலும் புது பைக்கின் டிசைன் தெளிவாக தெரிகிறது. வழக்கமான ஹெட்லேம்ப் மற்றும் கிளாஸ் ஸ்கிரீனுக்கு பதில் இந்த மோட்டார்சைக்கிளில் ஆங்குலர் காண்டர் செய்யப்பட்ட முன்புற கௌல், எல்இடி ப்ரோஜெக்டர் ஹெட்லேம்ப் வழங்கப்பட்டு உள்ளது.

இதன் பியூவல் டேன்க் பகுதியில் கூர்மையான மற்றும் மஸ்குலர் எக்ஸ்டென்ஷன்கள் உள்ளன. இந்த பைக்கின் பின்புறமும் அதிகளவு மாற்றப்பட்டு இருக்கிறது. இந்த மாற்றங்கள் மட்டுமின்றி தொழில்நுட்ப ரீதியில் அதிக அம்சங்களை புதிய 1290 சூப்பர் டியூக் பெறும் என கூறப்படுகிறது. புதிய சூப்பர் டியூக் மாடலின் என்ஜின் கேசிங்கில் எவ்வித மாற்றமும் மேற்கொள்ளப்படவில்லை.

டெஸ்டிங் செய்யப்படும் யூனிட்களில் எக்சாஸ்ட் ஹெடரில் சென்சார்கள் பொருத்தப்பட்டு இருந்தன. இதன் காரணமாக 1308சிசி, LC8, வி ட்வின் என்ஜினில் மாற்றங்கள் செய்யப்பட்டு இருக்கும் என எதிர்பார்க்கலாம். 2023 கேடிஎம் சூப்பர் டியூக் மாடல் அடுத்த ஆண்டு வாக்கில் அறிமுகம் செய்யப்படும் என கூறப்படுகிறது.

Photo Courtesy: carspymedia

டுகாட்டி நிறுவனம் புதிய டயவெல் V4 மோட்டார்சைக்கிளை அறிமுகம் செய்து இருக்கிறது. புதிய டயவெல் V4 மாடலில் ஏர் இண்டேக், எல்இடி லைட்டிங், குவாட்ருபில் மெஷின் கன் டெயில் பைப் எக்சாஸ்ட், V4 கிராண்டூரிஸ்மோ என்ஜின் வழங்கப்பட்டு இருக்கிறது.

இதில் உள்ள 1158சிசி V4 என்ஜின் 166 ஹெச்பி பவர், 126 நியூட்டன் மீட்டர் டார்க் இழுவிசையை வெளிப்படுத்துகிறது. 2023 டுகாட்டி டயவெல் V4 மாடல் எடை குறைவாகவும், அதிக கச்சிதமாகவும் உருவாக்கப்பட்டு இருக்கிறது. பராமரிப்பை பொருத்தவரை "பிக்" சர்வீஸ் செய்வதற்கான இடைவெளி 60 ஆயிரம் கிலோமீட்டர்கள் என நிர்ணயம் செய்யப்பட்டு உள்ளது. இதில் உள்ள டி-ஆக்டிவேஷன் சிஸ்டம் என்ஜினில் உள்ள சிலிண்டர்களை பயன்பாட்டுக்கு ஏற்ப பயன்படுத்துகிறது.

சஸ்பென்ஷனை பொருத்தவரை டுகாட்டி டயவெல் V4 மாடலில் இன்வர்ட் செய்யப்பட்ட 50mm போர்க்குகள், கன்டிலிவர் ரியர் சஸ்பென்ஷன் வழங்கப்பட்டு இருக்கிறது. இரு சஸ்பென்ஷனையும் அட்ஜஸ்ட் செய்யும் வசதி வழங்கப்பட்டு உள்ளது. பிரேக்கிங் சிஸ்டத்தை பொருத்தவரை பிரெம்போ ஸ்டைல்மா கேலிப்பர்கள், முன்புறம் 330mm ட்வின் டிஸ்க் செட்டப் வழங்கப்பட்டு இருக்கிறது.

புதிய 2023 டுகாட்டி டயவெல் V4 மாடலில்- ஸ்போர்ட், டூரிங் மற்றும் அர்பன் என மூன்று விதமான டிரைவிங் மோட்கள் உள்ளன. இத்துடன் டுகாட்டி டிராக்‌ஷன், ஏபிஎஸ் கார்னெரிங் மற்றும் டுகாட்டி வீலி கண்ட்ரோல் போன்ற வசதிகள் வழங்கப்பட்டுள்ளன. இத்துடன் குரூயிஸ் கண்ட்ரோல் வசதியும் வழங்கப்பட்டு இருக்கிறது.

சுசுகி நிறுவனம் ஹயபுசா லிமிடெட் எடிஷன் மாடலை அறிமுகம் செய்து இருக்கிறது. புதிய லிமிடெட் எடிஷன் மாடல் "Bol d'Or " என அழைக்கப்படுகிறது. ஹயபுசா லிமிடெட் எடிஷன் மாடலில் காஸ்மெடிக் மற்றும் மெக்கானிக்கல் அப்டேட்கள் செய்யப்பட்டு உள்ளன. இந்த மாடலில் ஹயபுசாவின் பாரம்பரிய அம்சங்களுடன் புதிய பெயிண்ட் மற்றும் விசேஷ ஸ்டிக்கரிங் செய்யப்பட்டு இருக்கிறது.

ஹயபுசா ஸ்டாண்டர்டு மாடலுடன் ஒப்பிடும் போது புதிய மாடலில் பெரிய விண்ட்ஸ்கிரீன் வழங்கப்பட்டு இருக்கிறது. இதுதவிர ஃபிளாட் சேடில், ரியர் சீட் கௌல், முன்புற பிரேக் மற்றும் கிளட்ச் லீவர் அப்கிரேடு, சிறிய டெயில் வழங்கப்பட்டுள்ளது. இந்த மாடலிலும் 1340 சிசி லிக்விட் கூல்டு இன்-லைன், நான்கு சிலிண்டர்கள் கொண்ட என்ஜின் வழங்கப்பட்டு இருக்கிறது. இத்துடன் அக்ரபோவிக் எக்சாஸ்ட் வழங்கப்பட்டு இருக்கிறது.

இதன் என்ஜின் கிரான்க்-கேஸ் தற்போது கார்பன் பைபர் மூலம் உருவாக்கப்பட்டு இருக்கிறது. புதிய சுசுகி ஹயபுசா "Bol d'Or" எடிஷன் மொத்தத்தில் 100 யூனிட்களே விற்பனை செய்யப்பட உள்ளன. இது பிரான்ஸ் நாட்டு சந்தையில் மட்டும் விற்பனை செய்யப்பட இருக்கிறது.

சுசுகி ஹயபுசா Bol d'Or லிமிடெட் எடிஷன் விலை 27 ஆயிரத்து 499 யூரோக்கள், இந்திய மதிப்பில் ரூ. 22 லட்சத்து 60 ஆயிரம் என நிர்ணயம் செய்யப்பட்டு உள்ளது. தற்போது விற்பனை செய்யப்படும் சுசுகி ஹயபுசா ஸ்டாண்டர்டு மாடலை லிமிடெட் எடிஷன் விலை அதிகம் ஆகும். இந்தியாவில் சுசுகி ஹயபுசா மாடலின் விலை ரூ. 16 லட்சத்து 41 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது.

இந்தியா யமஹா மோட்டார் நிறுவனம் நாடு முழுக்க 100 புளூ ஸ்கொயர் விற்பனை மையங்களை கட்டமைத்துள்ளது. இந்திய சந்தையில் ரிடெயில் விற்பனையை உறுதிப்படுத்த 3s நெட்வொர்க்கை யமஹா புளூ தீமிற்குள் கொண்டு வரவும் யமஹா திட்டமிட்டுள்ளது.

இதுமட்டுமின்றி புளூ ஸ்கொயர் விற்பனை மையங்கள் யமஹா சர்வதேச சந்தையில் விற்பனை செய்யும் மாடல்களை இந்தியாவுக்கு கொண்டுவரும் என யமஹா தெரிவித்துள்ளது. எந்தெந்த மாடல்கள் அறிமுகம் செய்யப்படும் என்பது குறித்து எந்த தகவலும் வெளியிடப்படவில்லை. எனினும், யமஹா டெனர் 700 அட்வென்ச்சர் பைக் இந்தியாவில் அறிமுகம் செய்யப்படலாம் என எதிர்பார்க்கப்படுகிறது.

வாடிக்கையாளர்கள் எதிர்பார்ப்புகளை பூர்த்தி செய்யும் ஒற்றை களமாக புளூ ஸ்கொயர் விற்பனை மையம் துவங்கப்பட்டது. யமஹாவின் ரேசிங் டிஎன்ஏவுடன் வாடிக்கையாளர்கள் இணையும் நோக்கில் புளூ ஸ்கொயர் விற்பனை மையங்கள் உருவாக்கப்பட்டு இருக்கின்றன. யமஹா உருவாக்கி இருக்கும் புளூ ஸ்டிரீக்ஸ் ரைடர் குழுவில் வாடிக்கையாளர்கள் இணையவும் புளூ ஸ்கொயர் விற்பனை மையங்கள் பாலமாக செயல்படுகின்றன.

இந்தியாவில் ஒவ்வொரு புளு ஸ்கொயர் விற்பனையகமும் யமஹா நிறுவனத்தின் பிரீமியம் மோட்டார்சைக்கிள் மற்றும் ஸ்கூட்டர்கள்- யமஹா YZF R15M, யமஹா ஏரோக்ஸ் 155 போன்ற மாடல்களை காட்சிப்படுத்தி வருகின்றன. இத்துடன் புளூ ஸ்கொயர் விற்பனை மையங்களில் யமஹாவின் சர்வதேச மாடல்களை அறிமுகம் செய்யவும் திட்டமிடப்பட்டுள்ளது.

ராயல் என்பீல்டு நிறுவனம் சூப்பர் மீடியோர் மோட்டார்சைக்கிளுக்கான டீசரை வெளியிட்டு உள்ளது. ராயல் என்பீல்டு நிறுவனத்தின் அதிகாரப்பூர்வ யூடியூப் சேனலில் புது மோட்டார்சைக்கிள் டீசர் வெளியாகி இருக்கிறது. புதிய சூப்பர் மீடியோர் 650 மோட்டார்சைக்கிளை இத்தாலியில் நடைபெற இருக்கும் 2022 EICMA நிகழ்வில் அறிமுகம் செய்ய இருக்கிறது. இந்த மோட்டார்சைக்கிள் நவம்பர் 8 ஆம் தேதி அறிமுகம் செய்யப்படுகிறது.

EICMA நிகழ்வில் அறிமுகமாகும் ராயல் என்பீல்டு நிறுவனத்தின் ஒற்றை பெரிய மோட்டார்சைக்கிள் இது ஆகும். இதே நிகழ்வில் ராயல் என்பீல்டு நிறுவனம் கான்செப்ட் மாடலை அறிமுகம் செய்யும் என்றும் எதிர்பார்க்கப்படுகிறது. 650சிசி பிரிவில் ராயல் என்பீல்டு அறிமுகம் செய்யும் முதல் மோட்டார்சைக்கிள் இது ஆகும்.

புதிய குரூயிசர் மோட்டார்சைக்கிள் இதுவரை எந்த மாடலும் அறிமுகம் செய்யப்படாத பெரிய சந்தையில் அறிமுகம் செய்யப்பட இருக்கிறது. 650சிசி பிரிவில் இண்டர்செப்டார் 650 மாடல் அதன் விலை மூலம் பெரும் வரவேற்பை பெற்று இருக்கிறது. இதே போன்ற வரவேற்பு சூப்பர் மீடியோர் 650 மோட்டார்சைக்கிளிலும் தொடரும் என எதிர்பார்க்கப்படுகிறது. புதிய சூப்பர் மீடியோர் 650 விலை இண்டர்செப்டார் 650 மாடலை விட அதிகமாக இருக்கும் என தெரிகிறது.

இந்திய சந்தையில் புதிய சூப்பர் மீடியோர் 650 மோட்டார்சைக்கிள் 2022 ரைடர் மேனியா நிகழ்வின் போது அறிமுகம் செய்யப்படலாம் என கூறப்படுகிறது. 2022 ரைடர் மேனியா நிகழ்வு நவம்பர் 18 முதல் நவம்பர் 20 ஆம் தேதி வரை கோவாவில் நடைபெற இருக்கிறது. இந்த நிகழ்வில் ராயல் என்பீல்டு வாடிக்கையாளர்கள் புதிய பைக்கை நேரில் பார்ப்பதோடு, அதனை தொட்டு அனுபவிக்க முடியும்.

Photo Courtesy: Bikewale

ஹோண்டா இந்தியா நிறுவனம் புதிய CB500F மோட்டார்சைக்கிளை பெங்களூருவில் உள்ள பிங்விங் விற்பனை மையத்தில் காட்சிப்படுத்தி இருக்கிறது. மோட்டார்சைக்கிள் அறிமுகமாகும் முன் அதனை விற்பனையகத்தில் காட்சிப்படுத்துவது ஹோண்டா நிறுவனத்திற்கு முதல் முறை ஆகும்.

புதிய மோட்டார்சைக்கிளை பார்க்க வருமாறு விற்பனையகம் சார்பில் வாடிக்கையாளர்களுக்கு அழைப்பு விடுக்கப்பட்டு இருக்கிறது. இதன் மூலம் புதிய மோட்டார்சைக்கிளுக்கு இந்திய சந்தையில் அதிக வரவேற்பு கிடைக்கும் என தெரிகிறது. இதைத் தொடர்ந்து வெளியீடு நடைபெற இருக்கிறது.

ஹோண்டா CB500F மாடலில் 471சிசி, பேரலல் ட்வின், லிக்விட் கூல்டு என்ஜின் வழங்கப்பட்டு இருக்கிறது. இந்த என்ஜின் 47 ஹெச்பி பவர், 43 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 6 ஸ்பீடு கியர்பாக்ஸ் வழங்கப்பட்டு இருக்கிறது. இதுதவிர ஸ்லிப்ட் மற்றும் அசிஸ்ட் வசதி வழங்கப்பட்டு உள்ளது.

ஹார்டுவேரை பொருத்தவரை ஹோண்டா CB500F மாடலில் முன்புறம் 41 மில்லிமீட்டர் ஷோவா செபரேட் பன்ஷன் போர்க் பிக் பிஸ்டன், பின்புறம் மோனோ ஷாக் யூனிட்கள் வழங்கப்பட்டுள்ளன. பிரேக்கிங்கிற்கு முன்புறம் ட்வின் டிஸ்க் பிரேக்குகளும், பின்புறம் ஒற்றை டிஸ்க் வழங்கப்பட்டுள்ளது.

Photo Courtesy: TeamBHP

ராயல் என்பீல்டு நிறுவனத்தின் அதிகம் எதிர்பார்க்கப்பட்ட மிடில் வெயிட் குரூயிசர், சூப்பர் மீடியோர் 650 மாடல் இத்தாலி நாட்டின் மிலன் நகரில் நடைபெற்று வரும் 2022 EICMA விழாவில் அறிமுகம் செய்யப்பட்டு இருக்கிறது. புதிய சூப்பர் மீடியோர் 650 மாடல் இண்டர்செப்டார் 650 மற்றும் காண்டினெண்டல் GT 650 போன்ற மாடல்களை போன்ற பிளாட்பார்மில் உருவாக்கப்பட்டு இருக்கிறது.

சூப்பர் மீடியோர் 650 மாடல் 1500mm அளவில் வீல்பேஸ் கொண்டிருக்கிறது. இதன் டிசைன் மீடியோர் 350 மாடலில் உள்ளதை போன்றே வழங்கப்பட்டு இருக்கிறது. எனினும், இந்த மாடல் அதிக பிரீமியம் தோற்றம் கொண்டிருக்கிறது. ஸ்டாண்டர்டு மற்றும் டூரர் என இரண்டு வித வேரியண்ட்களில் இந்த மோட்டார்சைக்கிள் அறிமுகம் செய்யப்பட்டு உள்ளது. இதில் ஸ்டாண்டர்டு மாடல் ஐந்து நிறங்களிலும், டூரர் மாடல் இரண்டு வித நிறங்களிலும் கிடைக்கிறது.

இத்துடன் டூரர் மாடலில் ஏராளமான சவுகரிய வசதிகள், உயரமான விண்ட்-ஸ்கிரீன், பில்லியன் பேக்ரெஸ்ட், டூயல் சீட்கள், பேனியர்கள், டூரிங் ஹேண்டில்பார் மற்றும் பெரிய பூட்பெக் உள்ளிட்டவை வழங்கப்பட்டு உள்ளது. இந்த மாடலிலும் 648சிசி, பேரலெல் ட்வின் என்ஜின் தான் வழங்கப்பட்டு இருக்கிறது. இந்த என்ஜின் 46.2 ஹெச்பி பவர், 52 நியூட்டன் மீட்டர் டார்க் இழுவிசையை வெளிப்படுத்துகிறது.

புதிய சூப்பர் மீடியோர் 650 மாடலில் 19-16 இன்ச் அலாய் வீல்கள், 43mm அப்சைடு-டவுன் போர்க்குகள், டூயல் ஸ்ப்ரிங்குகள் வழங்கப்பட்டு உள்ளன. பிரேக்கிங்கிற்கு முன்புறம் 320mm டிஸ்க், பின்புறத்தில் 300mm ரோடோடார் வழங்கப்பட்டு இருக்கிறது. இதில் செமி டிஜிட்டல் இன்ஸ்ட்ரூமெண்ட் கிளஸ்டர், ட்ரிப்பர் நேவிகேஷன் சிஸ்டம், எல்இடி ஹெட்லேம்ப், டெயில் லேம்ப் வழங்கப்பட்டு இருக்கிறது.