நீங்கள் தேடியது "கவாசகி"

கவாசகி நிறுவனம் தனது 2024 எலிமினேட்டர் மாடலை சர்வதேச சந்தையில் அறிமுகம் செய்தது. குரூயிசர் மாடலான எலிமினேட்டர் பல்வேறு நாடுகளில் விற்பனை செய்யப்பட்டு வருகிறது. இந்திய சந்தையில் கவாசகி மற்றும் பஜாஜ் ஆட்டோ இடையேயான கூட்டணியில், 175சிசி குரூயிசர் மாடல் முன்னதாக விற்பனை செய்யப்பட்டு வந்தது.

அந்த வகையில், தற்போது 2024 வெர்ஷனில் எலிமினேட்டர் மாடல் மீண்டும் களமிறங்கி இருக்கிறது. இந்த முறை எலிமினேட்டர் மாடலில் 451சிசி, பேரலெல் டுவின் என்ஜின் வழங்கப்பட்டு உள்ளது. இந்த என்ஜின் கவசாகி நின்ஜா Z400 மாடலில் உள்ளதை சார்ந்து உருவாக்கப்பட்டு இருக்கிறது. புதிய எலிமினேட்டர் மாடல் நியோ-ரெட்ரோ டிசைன் கொண்டுள்ளது.

இத்துடன் வட்ட வடிவம் கொண்ட எல்இடி ஹெட்லேம்ப், மெகாஃபோன் எக்சாஸ்ட் உள்ளது. இதில் உள்ள அகலமான ஹேன்டில்பார் மற்றும் சென்ட்ரல் ஃபூட்பெக் அதிக சவுகரியமான அனுபவத்தை வழங்குகிறது. மேலும் இந்த மாடலில் வட்ட வடிவம் கொண்ட எல்சிடி இன்ஸ்ட்ரூமென்ட் பேனல் வழங்கப்பட்டு இருக்கிறது.

இது டிஜிட்டல் ஸ்பீடோமீட்டர், டக்கோமீட்டர், கியர் பொசிஷன் இன்டிகேட்டர், கடிகாரம், ஒடோமீட்டர், இரு ட்ரிப் மீட்டர்கள், ரேன்ஜ் மற்றும் ப்ளூடூத் கனெக்டிவிட்டி உள்ளிட்டவை வழங்கப்பட்டு இருக்கிறது. இந்த மாடல் முற்றிலும் புதிய குறைந்த எடை டிரெலிஸ் ஃபிரேம் கொண்டு உருவாக்கப்பட்டு இருக்கிறது. சஸ்பென்ஷனை பொருத்தவரை முன்புறம் 41 மில்லிமீட்டர் டெலிஸ்கோபிக் ஃபோர்க்குகள், பின்புறம் டுவின் ஷாக் அப்சார்பர்கள் உள்ளன.

பிரேக்கிங்கிற்கு இந்த மாடலின் முன்புறம் 310 மில்லிமீட்டர் செமி-ஃபுளோடிங் டிஸ்க் பிரேக்குகள், பின்புறம் 220 மில்லிமீட்டர் டிஸ்க் வழங்கப்பட்டு இருக்கிறது. இந்த மாடலில் 18 இன்ச் / 16 இன்ச் அலாய் வீல்கள் உள்ளன.

என்ஜினை பொருத்தவரை புதிய மாடல், ஏற்கனவே Z400 மாடலில் பயன்படுத்தப்படும் 399சிசி பேரலல் டுவின் யூனிட்-இல் ஸ்டிரோக் அளவை 6.8 மில்லிமீட்டர்கள் வரை நீட்டிக்கப்பட்டு இருக்கிறது. இந்த என்ஜின் செயல்திறன் பற்றி இதுவரை எந்த தகவலும் இல்லை. எனினும், இது Z400-இல் வெளிப்படுத்தும் 47.3 ஹெச்பி பவர், 37 நியூட்டன் மீட்டர் டார்க் இழுவிசையை விட அதிகளவு வெளிப்படுத்தும் என்று தெரிகிறது.

2024 கவாசகி எலிமினேட்டர் மாடல் அமெரிக்க சந்தையில் மட்டுமே விற்பனை செய்யப்படுகிறது. விரைவில் மற்ற நாடுகளிலும் அறிமுகம் செய்யப்படலாம். இந்த மாடலின் இந்திய வெளியீடு குறித்து இதுவரை எந்த தகவலும் இல்லை.

கவாசகி நிறுவனத்தின் எலெக்ட்ரிக் மோட்டார்சைக்கிள் மாடல்களின் வெளியீடு பற்றிய புதிய தகவல்கள் இணையத்தில் வெளியாகி உள்ளது. அந்த வகையில், கவாசகி நிறுவனம் தனது நின்ஜா இ-1 மற்றும் Z இ-1 மாடல்களை விரைவில் அறிமுகம் செய்ய இருக்கிறது.

அமெரிக்கா மற்றும் ஆஸ்திரேலியா சந்தைகளில் இரண்டு புதிய மாடல்களும் விரைவில் அறிமுகம் செய்யப்பட இருக்கின்றன. தற்போதைக்கு இந்த மாடல்களின் விற்பனைக்கு சர்வதேச சந்தையில் மட்டுமே அனுமதி வழங்கப்பட்டுள்ளன. இரண்டு மாடல்களிலும் 9 கிலோவாட் மோட்டார் வழங்கப்படுகிறது. இவை 3 கிலோவாட் ஹவர் திறன் வெளிப்படுத்தும் என்று கூறப்படுகிறது.

நின்ஜா இ-1 மாடலில் கூர்மையான முன்புறம், ஸ்ப்லிட் எல்இடி ஹெட்லைட், டிரான்ஸ்பேரன்ட் வின்ட்-ஸ்கிரீன் வழங்கப்படுகிறது. Z இ-1 மாடல் அளவில் சற்று சிறியதாக காட்சியளிக்கிறது. இரண்டு மாடல்களிலும் ஸ்ப்லிட் சீட்கள், அலாய் வீல்கள், டெலிஸ்கோபிக் முன்புற போர்க்குகள், மோனோஷாக் யூனிட் வழங்கப்படுகிறது.

இத்துடன் TFT ஸ்கிரீன், இரண்டு பேட்டரி லெவல் ரீட்-அவுட்கள், இ-பூஸ்ட் ஆப்ஷன் உள்ளிட்டவை வழங்கப்படும் என்று தெரிகிறது. இந்த இரு மாடல்கள் மட்டுமின்றி கவாசகி நிறுவனம் ஹைப்ரிட் மோட்டார்சைக்கிள் ஒன்றை உருவாக்கி வருவதாகவும் கூறப்படுகிறது. இந்த மாடல் தோற்றத்தில் நின்ஜா 650 போன்றே காட்சியளிக்கும் என்று தெரிகிறது.

கவாசகி நிறுவனத்தின் 2024 Z H2 மற்றும் Z H2 SE மாடல்கள் இந்திய சந்தையில் அறிமுகம் செய்யப்பட்டன. இவற்றின் விலை ரூ. 23 லட்சத்து 48 ஆயிரம், என்று துவங்குகிறது. இதன் பிரீமியம் மாடல் விலை ரூ. 27 லட்சத்து 76 ஆயிரம் என்று நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

இரு மாடல்களிலும் ஒரே மாதிரியான டிசைன் மற்றும் கூர்மையான ஹெட்லைட் கொண்டிருக்கிறது. இத்துடன் பிரமாண்ட பியூவல் டேன்க், ஸ்ப்லிட் ஸ்டைல் சீட்கள், சைடு ஸ்லங் எக்சாஸ்ட் மற்றும் 17 இன்ச் அலாய் வீல்கள் வழங்கப்பட்டுள்ளன. இதன் ஸ்டான்டர்டு மாடல் மெட்டாலிக் கார்பன் கிரே மற்றும் எபோனி பெயின்ட் நிறங்களில் கிடைக்கிறது.

அதிக பிரீமியம் மாடலான Z H2 SE மெட்டாலிக் மேட் கிராஃபீன்ஸ்டீல் கிரே மற்றும் எபோனி நிறங்களில் கிடைக்கிறது. இவற்றின் ஃபிரேம் மற்றும் என்ஜின் கவர்கள் பச்சை நிறம் கொண்டிருக்கின்றன. இரு மாடல்களிலும் ஒரே மாதிரியான மெக்கானிக்கல் அம்சங்கள் வழங்கப்பட்டுள்ளன. அதன்படி இவற்றில் 998சிசி, இன்லைன் நான்கு சிலிண்டர்கள் கொண்ட, லிக்விட் கூல்டு என்ஜின் வழங்கப்பட்டு இருக்கிறது.

இந்த என்ஜின் 197.2 ஹெச்பி பவர், 137 நியூட்டன் மீட்டர் டார்க் இழுவியை வெளிப்படுத்தும் திறன் கொண்டிருக்கிறது. இத்துடன் 6 ஸ்பீடு கியர்பாக்ஸ் வழங்கப்படுகிறது. பிரேக்கிங்கிற்கு முன்புறத்தில் 320mm டிஸ்க் பிரேக்குகள், பின்புறம் ஒற்றை 260mm டிஸ்க் வழங்கப்பட்டு இருக்கிறது. சஸ்பென்ஷனுக்கு மேனுவல் அட்ஜஸ்ட் வசதி கொண்ட சஸ்பென்ஷனும், SE வேரியண்டில் ஷோவா ஸ்கைஹூக் தொழில்நுட்பம் வழங்கப்பட்டு இருக்கிறது.

இந்திய சந்தையில் புதிய கவசாகி Z H2 சீரிஸ் மாடல்கள் டுகாட்டி ஸ்டிரீட்ஃபைட்டர் V4 மற்றும் பிஎம்டபிள்யூ S 1000 R மாடல்களுக்கு போட்டியாக அமைகின்றன. இரு மாடல்களுக்கான முன்பதிவு ஏற்கனவே துவங்கி நடைபெற்று வருகிறது.

கவாசகி நிறுவனத்தின் 2024 Z900RS சூப்பர்பைக் இந்திய சந்தையில் அறிமுகம் செய்யப்பட்டு இருக்கிறது. புதிய பைக்கின் விலை ரூ. 16 லட்சத்து 80 ஆயிரம், எக்ஸ்-ஷோரூம் என்று நிர்ணயம் செய்யப்பட்டு உள்ளது. 2024 கவாசகி Z900RS மாடல்- மெட்டாலிக் டயப்ளோ பிளாக் நிறத்தில் மட்டுமே கிடைக்கிறது. ஸ்டைலிங்கை பொருத்தவரை புதிய மாடல் அதன் முந்தைய வெர்ஷனை போன்றே காட்சியளிக்கிறது.

அதன்படி இந்த பைக்கின் முன்புறத்தில் வட்ட வடிவம் கொண்ட ஹெட்லைட், டுவின் பாட் இன்ஸ்ட்ரூமென்ட் கிளஸ்டர், டியர்-டிராப் வடிவம் கொண்ட ஃபியூவல் டேன்க், சிங்கில்-பீஸ் சாடில், சைடு ஸ்லங் எக்சாஸ்ட், ஸ்போக் ஸ்டைல் கேஸ்ட் வீல்கள் வழங்கப்பட்டு உள்ளன. முந்தைய மாடலை போன்றே 2024 மாடலிலும் ஃபுல் எல்இடி லைட்டிங், செமி டிஜிட்டல் இன்ஸ்ட்ரூமென்ட் கிளஸ்டர், டூயல் சேனல் ஏபிஎஸ், கவாசகி டிராக்ஷன் கண்ட்ரோல், அசிஸ்ட் மற்றும் ஸ்லிப்பர் கிளட்ச் வழங்கப்பட்டு இருக்கிறது.

மெக்கானிக்கல் அம்சங்களை பொருத்தவரை புதிய கவாசகி Z900RS மாடலில் 948சிசி, இன்லைன் நான்கு சிலிண்டர்கள் கொண்ட லிக்விட் கூல்டு என்ஜின் வழங்கப்பட்டு இருக்கிறது. இத்துடன் 6 ஸ்பீடு கியர்பாக்ஸ் வழங்கப்படுகிறது. இந்த என்ஜின் 107 ஹெச்பி பவர், 95 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது.

பிரேக்கிங்கிற்கு 300 மில்லிமீட்டர் முன்புற டிஸ்க் பிரேக்குகள், பின்புறம் 250 மில்லிமீட்டர் ரோட்டார், அப்சைடு டவுன் முன்புற ஃபோர்க்குகள், பின்புறம் மோனோஷாக் யூனிட் வழங்கப்படுகிறது. இந்திய சந்தையில் புதிய 2024 கவாசகி Z900RS மாடல் டிரையம்ப் போன்வில் T100 மற்றும் ஸ்பீடு டுவின் போன்ற மாடல்களுக்கு போட்டியாக அமைகிறது.

கவாசகி இந்தியா நிறுவனம் 2024 நின்ஜா H2 SX மற்றும் நின்ஜா H2 SX SE மாடல்களை அறிமுகம் செய்து இருக்கிறது. இரு சூப்பர்பைக் மாடல்களிலும் புதிய புகை விதிகளுக்கு பொருந்தும் என்ஜின் வழங்கப்பட்டு இருக்கிறது. இவைதவிர பைக்கின் பெரும்பாலான டிசைன், அம்சங்கள், ஹார்டுவேர் மற்றும் எலெக்ட்ரிக் அம்சங்கள் முந்தைய வெர்ஷனில் உள்ளதை போன்றே வழங்கப்பட்டு இருக்கிறது.

2024 கவாசகி மாடலில் கூர்மையான முன்புறம், எல்.இ.டி. ஹெட்லைட்கள், டிரான்ஸ்பேரன்ட் வைசர், சைடு ஃபேரிங்குகள் உள்ளன. இவை பைக்கிற்கு அதிரடி தோற்றத்தை வழங்குகின்றன. இரு மாடல்களிலும் ஸ்ப்லிட்-சீட் செட்டப், பக்கவாட்டில் மவுன்ட் செய்யப்பட்ட எக்சாஸ்ட் வழங்கப்பட்டு இருக்கிறது.

புதிய கவாசகி H2 SX மற்றும் H2 SX SE மாடலில் 998சிசி, சூப்பர்சார்ஜ் செய்யப்பட்ட, இன்-லைன் நான்கு சிலிண்டர் மோட்டார் வழங்கப்பட்டு இருக்கிறது. இந்த என்ஜின் 200 ஹெச்.பி. பவர், 137.3 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இத்துடன் 6 ஸ்பீடு கியர்பாக்ஸ் வழங்கப்பட்டு இருக்கிறது.

இரண்டு சூப்பர்பைக் மாடல்களிலும் அட்வான்ஸ்டு ரைடர் அசிஸ்டன்ஸ் சிஸ்டம், டயர் பிரெஷர் மானிட்டரிங் சிஸ்டம், வெஹிகில் ஹோல்டு அசிஸ்ட், பிலைன்ட் ஸ்பாட் டிடெக்ஷன், அடாப்டிவ் குரூயிஸ் கன்ட்ரோல், ஃபார்வேர்டு கொலிஷன் வார்னிங், ரைடு மோட்கள், டிராக்ஷன் கண்ட்ரோல், 6.5 இன்ச் டி.எஃப்.டி., ஸ்மார்ட்போன் கனெக்டிவிட்டி, ஏ.பி.எஸ். மற்றும் பல்வேறு வசதிகள் வழங்கப்படுகின்றன.

2024 கவாசகி நின்ஜா H2 SX மற்றும் நின்ஜா H2 SX SE மாடல்களின் விலை முறையே ரூ. 31 லட்சத்து 95 ஆயிரம், ரூ. 32 லட்சத்து 95 ஆயிரம் என்று நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது. இதன் ஸ்டான்டர்டு வேரியன்ட் மெட்டாலிக் டயப்லோ பிளாக் நிறத்திலும், H2 SX SE மாடல் மெட்டாலிக் கிராஃபைட் கிரே நிறத்திலும் கிடைக்கின்றன.

நின்ஜா e-1 மற்றும் Z e-1 மாடல்களுடன் கவாசகி நிறுவனம் நின்ஜா 7 ஹைப்ரிட் மாடல் விவரங்களையும் தெரிவித்து இருக்கிறது. அதன்படி நின்ஜா 7 ஹைப்ரிட் மோட்டார்சைக்கிளில் 451சிசி, பேரலல் டுவின் என்ஜின் மற்றும் எலெக்ட்ரிக் மோட்டார் வழங்கப்படுகிறது.

இந்த என்ஜின் மற்றும் எலெக்ட்ரிக் மோட்டார் இணைந்து 60 ஹெச்.பி. வரையிலான திறன் வெளிப்படுத்துகிறது. இதில் பெட்ரோல் என்ஜின் மட்டும் 48 ஹெச்.பி. மற்றும் எலெக்ட்ரிக் மோட்டார் 12 ஹெச்.பி. வரையிலான திறன் வெளிப்படுத்துகிறது. இந்த மாடலில் வழக்கமான கிளட்ச் கியர் ஷிஃப்டருக்கு மாற்றாக ஷிஃப்ட் பேடில்கள் வழங்கப்பட்டுள்ளன.

புதிய நின்ஜா 7 ஹைப்ரிட் மாடலை ஓட்டும் போது, பைக் எந்த கியரில் இருந்தாலும், பயனர்கள் ஒற்றை பட்டனை க்ளிக் செய்து தானாக முதலாவது கியருக்கு மாற்றிக் கொள்ள முடியும். இதில் உள்ள ஆட்டோமேடிக் லான்ச் பொசிஷன் ஃபைண்டர் இதற்கான வசதியை வழங்குகிறது. பைக்கை முழுமையாக நிறுத்தினால், என்ஜின் தானாக ஆஃப் ஆகிவிடும். பிறகு, திராடில் க்ரிப்-ஐ மீண்டும் முறுக்கினால், என்ஜின் ஸ்டார்ட் ஆகிவிடும்.

கவாசகியின் நின்ஜா 7 ஹைப்ரிட் மாடலில்: ஸ்போர்ட், ஹைப்ரிட், இகோ ஹைப்ரிட் மற்றும் EV போன்ற டிரைவிங் மோட்கள் உள்ளன. நின்ஜா மற்றும் Z e-1 மாடலில் உள்ளதை போன்றே இதிலும் ப்ளூடூத் வசதி கொண்ட TFT ஸ்கிரீன் வழங்கப்பட்டு இருக்கிறது. இதில் நோட்டிஃபிகேஷன் மற்றும் நேவிகேஷன் அம்சங்களை இயக்கலாம்.

நின்ஜா 7 ஹைப்ரிட் மாடலின் திறன் 650 முதல் 700 சிசி மாடலுக்கு இணையாக இருக்கும் என்றும் இதன் மைலேஜ் வழக்கமான 250 சிசி பைக்கிற்கு இணையாக இருக்கும் என்றும் கவாசகி நிறுவனம் தெரிவித்து இருக்கிறது. ஐரோப்பாவில் இந்த மாடல் அடுத்த ஆண்டு துவக்கத்தில் விற்பனைக்கு வருகிறது. இதன் இந்திய வெளியீடு குறித்து இதுவரை எந்த தகவலும் இல்லை. 

கவாசகி இந்தியா நிறுவனம் தனது நின்ஜா 400 மோட்டார்சைக்கிளுக்கு புதிய சலுகைகளை அறிவித்து இருக்கிறது. அதன்படி டிசம்பர் மாதம் முழுக்க நின்ஜா 400 மாடலை வாங்குவோருக்கு ரூ. 35 ஆயிரம் வரையிலான வவுச்சர் வழங்கப்படுகிறது.

எனினும், இதன் மதிப்பு மோட்டார்சைக்கிளின் எக்ஸ் ஷோரூம் விலை மற்றும் ஜி.எஸ்.டி. வரிகள் பொருத்து வேறுப்படும் என்று தெரிகிறது. மேலும் இவை ஸ்டாக் இருக்கும் வரை மட்டுமே வழங்கப்படும் என்று அறிவிக்கப்பட்டு உள்ளது.

கவாசகி நின்ஜா 400 மாடல் நின்ஜா 300 மற்றும் நின்ஜா 650 மாடல்களின் இடையில் நிலை நிறுத்தப்பட்டு இருக்கிறது. இதன் விலை ரூ. 5 லட்சத்து 24 ஆயிரம், எக்ஸ்-ஷோரூம் என்று நிர்ணயம் செய்யப்பட்டு உள்ளது. அந்த வகையில், இந்திய சந்தையில் விற்பனை செய்யப்படும் விலை உயர்ந்த 400சிசி மோட்டார்சைக்கிள் மாடலாக கவாசகி நின்ஜா 400 இருக்கிறது.

நின்ஜா 400 மாடலில் ஸ்ப்லிட் ரக எல்.இ.டி. ஹெட்லைட், டிரான்ஸ்பேரண்ட் வைசர் இடம்பெற்று இருக்கிறது. இதில் உள்ள 399சிசி டுவின் சிலிண்டர் மோட்டார் 47.5 ஹெச்.பி. பவர், 38 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இத்துடன் 6 ஸ்பீடு கியர்பாக்ஸ் வழங்கப்படுகிறது.

இந்திய சந்தையில் கவாசகி நின்ஜா 400 மாடல் கே.டி.எம். ஆர்.சி. 390, டி.வி.எஸ். அபாச்சி ஆர்.ஆர். 310 போன்ற மாடல்களுக்கு போட்டியாக அமைகிறது. 

கவாசகி நிறுவனம் தனது குறைந்த விலை மோட்டார்சைக்கிளின் புதிய வெர்ஷனை அறிமுகம் செய்து இருக்கிறது. W175 ஸ்டிரீட் என அழைக்கப்படும் புதிய கவாசகி பைக்கின் விலை ரூ. 1 லட்சத்து 35 ஆயிரம், எக்ஸ்-ஷோரூம் என்று நிர்ணயம் செய்யப்பட்டு உள்ளது. இது கவாசகி W175 ஸ்டாண்டர்டு மாடலை விட ரூ. 12 ஆயிரம் வரை அதிகம் ஆகும்.

புதிய கவாசகி W175 ஸ்டிரீட் மாடலில் அலாய் வீல்கள், டியூப்லெஸ் டயர்கள் வழங்கப்பட்டு இருக்கின்றன. இதன் ஸ்டாண்டர்டு மாடலில் வயர் ஸ்போக் வீல்கள் மற்றும் டியூப் டயர்கள் வழங்கப்பட்டுள்ளன. இரு மாடல்களின் வீல்கள் மற்றும் டயர்களில் எந்த மாற்றமும் மேற்கொள்ளப்படவில்லை. புதிய ஸ்டிரீட் மாடலின் சீட் உயரம், கிரவுண்ட் கிளியரன்ஸ் மற்றும் வீல்பேஸ் உள்ளிட்டவைகளில் சிறு மாற்றம் செய்யப்பட்டுள்ளது.

கவாசகி W175 ஸ்டிரீட் மாடலிலும் 177சிசி, ஏர் கூல்டு சிங்கில் சிலிண்டர் என்ஜின் வழங்கப்பட்டு இருக்கிறது. இந்த என்ஜின் 13 ஹெச்.பி. பவர், 13.2 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இந்த மாடலிலும் ஹாலோஜன் ஹெட்லைட் உள்ளது. புதிய கவாசகி W175 ஸ்டிரீட் மாடலின் தற்போதைய விலை அறிமுக சலுகையாகவே அறிவிக்கப்பட்டு இருக்கிறது.

எனினும், இந்த விலை எத்தனை யூனிட்களுக்கு பொருந்தும், எவ்வளவு காலத்திற்கு பொருந்தும் என்பது பற்றி எந்த தகவலும் இல்லை. இதேபோன்று இந்த மாடலின் முன்பதிவு மற்றும் வினியோகம் எப்போது துவங்கும் என்பது பற்றியும் எந்த தகவலும் இல்லை. 

கவாசகி நிறுவனத்தின் முற்றிலும் புதிய W175 மோட்டார்சைக்கிள் விலை இந்திய சந்தையில் குறைக்கப்பட்டு இருக்கிறது. சமீபத்தில் கவாசகி W175 மாடலின் புது வேரியண்ட் W175 ஸ்டிரீட் என்ற பெயரில் அறிமுகம் செய்யப்பட்டது. இதன் விலை ரூ. 1 லட்சத்து 35 ஆயிரம், எக்ஸ்-ஷோரூம் என நிர்ணயம் செய்யப்பட்டு இருந்தது.

இந்த நிலையில், கவாசகி W175 மாடலின் ஸ்டாண்டர்டு வேரியண்ட் விலை தற்போது ரூ. 25 ஆயிரம் குறைக்கப்பட்டு இருக்கிறது. முன்னதாக இந்த வேரியண்ட் விலை ரூ. 1 லட்சத்து 47 ஆயிரம் என துவங்கி அதிகபட்சம் ரூ. 1 லட்சத்து 49 ஆயிரம் வரை நிர்ணயம் செய்யப்பட்டு இருந்தது. தற்போது விலை குறைப்பின் படி இந்த மாடலின் விலை ரூ. 1 லட்சத்து 22 ஆயிரம் என துவங்கி ரூ. 1 லட்சத்து 31 ஆயிரம் என மாறி இருக்கிறது.

விலை குறைப்பு மட்டுமின்றி கவாசகி W175 மாடல் புதிய நிறங்களிலும் அறிமுகம் செய்யப்பட்டு இருக்கிறது. அந்த வகையில், கவாசகி W175 மெட்டாலிக் ஓசன் புளூ மற்றும் மெட்டாலிக் கிராஃபைட் கிரே என இரண்டு புதிய நிறங்களில் கிடைக்கிறது. இவற்றின் விலை முறையே ரூ. 1 லட்சத்து 31 ஆயிரம் மற்றும் ரூ. 1 லட்சத்து 29 ஆயிரம் ஆகும்.

இந்த இரண்டு நிறங்களும், எபோனி மற்றும் கேன்டி பெர்சிமோன் ரெட் நிறங்களுடன் இணைகின்றன. இவற்றின் விலை முறையே ரூ. 1 லட்சத்து 22 ஆயிரம் மற்றும் ரூ. 1 லட்சத்து 24 ஆயிரம் ஆகும். விலை குறைப்பு தவிர இந்த மாடலின் அம்சங்களில் வேறு எந்த மாற்றமும் மேற்கொள்ளப்படவில்லை. 

குறிப்பு: மேலே குறிப்பிடப்பட்டு இருக்கும் விலைகள் எக்ஸ்-ஷோரூம் அடிப்படையிலானது ஆகும். 

கவாசகி நிறுவனம் தனது எலிமினேட்டர் 450 மாடலை அடுத்த ஆண்டு துவக்கத்தில் அறிமுகம் செய்யலாம் என்று தகவல் வெளியாகி உள்ளது. முன்னதாக வெளியான தகவல்களில், கவாசகி எலிமினேட்டர் 450 மாடல் இந்தியா பைக் வார நிகழ்வில் அறிமுகம் செய்யப்படும் என கூறப்பட்டது. எனினும், இதற்கு மாற்றாக அந்நிறுவனம் W175 ஸ்டிரீட் மாடலை அறிமுகம் செய்தது.

இந்த நிலையில், தான், கவாசகி நிறுவனத்தின் எலிமினேட்டர் 450 க்ரூசர் மாடல் மோட்டார்சைக்கிள் அடுத்த ஆண்டு பிப்ரவரி முதல் மார்ச் மாதத்திற்குள் அறிமுகம் செய்யப்படும் என்று கூறப்படுகிறது. இந்திய வாடிக்கையாளர்களில் பலர் எலிமினேட்டர் 450 குறித்த தகவல்களை கவாசகியிடம் தொடர்ந்து கேட்டு வருவதாக தெரிகிறது.

தற்போது கவாசகி நிறுவனம் க்ரூயிசர் பிரிவில் வல்கன் எஸ் 650சிசி மாடலை விற்பனை செய்து வருகிறது. இதன் எடை 235 கிலோ ஆகும். இதன் காரணமாக இந்திய சந்தையில் 176 கிலோ எடை கொண்ட எலிமினேட்டர் மாடல் வல்கன் எஸ் மோட்டார்சைக்கிளை விட குறைந்த விலையில் கிடைக்கும் ஆப்ஷனாக அமையும்.

புதிய எலிமினேட்டர் 450 மாடலில் 451சிசி, பேரலல் டுவின் என்ஜின் வழங்கப்பட்டு இருக்கிறது. இந்த என்ஜின் 49 ஹெச்.பி. பவர் வெளிப்படுத்தும் திறன் கொண்டிருக்கிறது. இத்துடன் 6 ஸ்பீடு கியர்பாக்ஸ் வழங்கப்படுகிறது. இந்த மாடலில் டிரெலிஸ் ஃபிரேம் உள்ளது. மேலும் டெலிஸ்கோபிக் ஃபோர்க்குகள், டூயல் ஸ்ப்ரிங்குகள், இருபுறமும் டிஸ்க் பிரேக்குகள் வழங்கப்படுகின்றன.

இந்திய சந்தையில் கவாசகி எலிமினேட்டர் 450 மாடல் ராயல் என்பீல்டு சூப்பர் மீடியோர் 650-க்கு போட்டியாக அமையும். புதிய எலிமினேட்டர் 450 மாடல் இந்தியாவுக்கு முழுமையாக உருவாக்கப்பட்ட நிலையில், இறக்குமதி செய்யப்படுமா அல்லது பாகங்கள் கொண்டுவரப்பட்டு இந்தியாவில் அசெம்பில் செய்யப்படுமா என்பது கேள்விக்குறியாகவே உள்ளது. 

கவாசகி இந்தியா நிறுவனம் தனது 2024 நின்ஜா ZX-6R மோட்டார்சைக்கிளை இந்திய சந்தையில் அறிமுகம் செய்தது. புதிய நின்ஜா ZX-6R விலை ரூ. 11 லட்சத்து 09 ஆயிரம், எக்ஸ்-ஷோரூம் என்று நிர்ணயம் செய்யப்பட்டு உள்ளது. இது முந்தைய மாடலை விட ரூ. 60 ஆயிரம் வரை அதிகம் ஆகும்.

அப்டேட்களை பொருத்தவரை நின்ஜா ZX-6R மாடலில் மேம்பட்ட ஸ்டைலிங், தோற்றத்தில் முன்பை விட அதிக ஆக்ரோஷமாக காட்சியளிக்கிறது. இந்த மோட்டார்சைக்கிள் மெட்டாலிக் கிராஃபைட் கிரே மற்றும் லைம் கிரீன் என இரண்டு நிறங்களில் கிடைக்கிறது. 2024 ZX-6R மாடல் யூரோ 5 / பி.எஸ். 6 புகை விதிகளுக்கு பொருந்தும் வகையில் அப்டேட் செய்யப்பட்டுள்ளது.

அந்த வகையில், புதிய கவாசகி நின்ஜா ZX-6R மாடலில் 636 சிசி, இன்லைன் 4 சிலிண்டர்கள் கொண்ட என்ஜின் வழங்கப்பட்டு இருக்கிறது. இந்த என்ஜின் 128 ஹெச்.பி. பவர், 69 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இத்துடன் 6 ஸ்பீடு கியர்பாக்ஸ் மற்றும் குயிக்ஷிஃப்டர் வழங்கப்பட்டு இருக்கிறது.

புதிய மாடலில் பழைய எல்.சி.டி. யூனிட்-க்கு மாற்றாக அதிநவீன டி.எஃப்.டி. யூனிட் மற்றும் ப்ளூடூத் கனெக்டிவிட்டி வழங்கப்படுகிறது. இத்துடன் ரைடு மோட்கள் வழங்கப்படுகின்றன. இத்துடன் அட்ஜஸ்ட் செய்யக்கூடிய ஷோவா SFF-BP ஃபோர்க்குகள், லின்க் டைப் மோனோஷாக் வழங்கப்பட்டு இருக்கிறது. பிரேக்கிங்கிற்கு முன்புறம் 310mm டிஸ்க், பின்புறம் 220mm டிஸ்க் வழங்கப்படுகிறது.

கவாசகி நிறுவனம் தனது எலிமினேட்டர் மோட்டார்சைக்கிளை இந்திய சந்தையில் அறிமுகம் செய்தது. புதிய கவாசகி எலிமினேட்டர் விலை ரூ. 5 லட்சத்து 62 ஆயிரம், எக்ஸ்-ஷோரூம் என்று நிர்ணயம் செய்யப்பட்டு உள்ளது. குரூயிசர் மோட்டார்சைக்கிள் என்ற வகையில், இந்த மாடல் ராயல் என்பீல்டு சூப்பர் மீடியோர் 650-க்கு போட்டியாக அமைகிறது.

புதிய எலிமினேட்டர் மாடலுக்கான முன்பதிவு ஏற்கனவே துவங்கிவிட்ட நிலையில், விரைவில் வினியோகம் செய்யப்படும் என்று தகவல் வெளியாகி உள்ளது. இந்திய சந்தையில் ஏற்கனவே விற்பனை செய்யப்படும் நின்ஜா 400 மாடலில் உள்ள பாகங்கள் புதிய எலிமினேட்டரிலும் பயன்படுத்தப்பட்டு இருக்கிறது.

கவாசகி எலிமினேட்டர் மாடலில் 451சிசி, பேரலல் டுவின் என்ஜின் வழங்கப்பட்டு இருக்கிறது. இது 49 ஹெச்.பி. பவர், 38 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இந்த மோட்டார்சைக்கிள் ஸ்டீல் டிரெலிஸ் ஃபிரேம் கொண்டிருக்கிறது. இத்துடன் 18/16 இன்ச் அலாய் வீல், டெலிஸ்கோபிக் ஃபோர்க்குகள், பின்புறம் ஷாக் அப்சார்பர் வழங்கப்பட்டுள்ளது.

பிரேக்கிங்கிற்கு இருபுறமும் ஒற்றை டிஸ்க் பிரேக், டூயல் சேனல் ஏ.பி.எஸ். வழங்கப்பட்டு இருக்கிறது. இந்த மோட்டார்சைக்கிள் ஒட்டுமொத்த எடை 176 கிலோ ஆகும். இதன் கிரவுன்ட் கிளியரன்ஸ் 150 மில்லிமீட்டர் அளவில் இருக்கிறது. இந்த மாடலில் எல்.இ.டி. லைட்டிங், வட்ட வடிவம் கொண்ட எல்.சி.டி. ஸ்கிரீன், டூயல் சேனல் ஏ.பி.எஸ். உள்ளிட்டவை ஸ்டான்டர்டு அம்சமாக வழங்கப்படுகிறது.