நீங்கள் தேடியது "tanker lorry"

செய்துங்கநல்லூர்:

நெல்லை மாவட்டம் முக்கூடல் அருகே உள்ள சிங்கம்பாறையை சேர்ந்தவர் ராசா சேவியர் மகன் மில்டன். இவர் நேற்று இரவு தூத்துக்குடியில் இருந்து தனது லோடு வேனில் மீன் ஏற்றிக் கொண்டு நெல்லையை நோக்கி வந்து கொண்டிருந்தார்.

டேங்கர் லாரி மோதி விபத்து

இரவு 11 மணிக்கு வல்ல நாடு துப்பாக்கி சுடுதளம் அருகே வந்து கொண்டிருந்த போது முன்னால் சென்று கொண்டிருந்த கியாஸ் டேங்கர் லாரியை முந்தி இடது புறமாக திருப்பி உள்ளார். அப்போது டேங்கர் லாரியின் முன் புறத்தில் மோதி லோடு வேன் சாலை யின் ஓரமாக கவிழ்ந்தது.

இதில் லோடு வேனில் பின்புறமாக பயணம் செய்த கோபாலசமுத்திரம் அகதி கள் முகாமை சேர்ந்த செல்வராஜ் (வயது 62) என்பவர் சம்பவ இடத்தி லேயே உயிரிழந்தார். மேலும் நெல்லை மாவட்டம் சிங்கம் பாறை சேர்ந்த ஆரோக்கிய ரூபன், இலந்தைகுளத்தை சேர்ந்த வர்கீஸ், திருவேங்கட நாதபுரம் பாலாஜி நகரை சேர்ந்த சந்திரன், திருவேங்கட நாதபுரத்தை சேர்ந்த பெரியதுரை ஆகிய 5 பேர் படுகாயம் அடைந்த னர்.

தீவிர சிகிச்சை

இது குறித்து தகவல் அறிந்தவுடன் முறப்பநாடு போலீசார் சம்பவ இடத்திற்கு விரைந்து சென்று படுகாயம் அடைந்த 5 பேரையும் மீட்டு நெல்லை அரசு மருத்துவ மனைக்கு அனுப்பி வைத்த னர். அங்கு அவர்களுக்கு தீவிர சிகிச்சை அளிக்கப்பட்டு வருகிறது.

தொடர்ந்து இது குறித்து வழக்குப்பதிவு செய்த போலீசார் டேங்கர் லாரியை ஓட்டி வந்த புதுக்கோட்டை மாவட்டம் கீரனூரை சேர்ந்த சண்முகம் என்ப வரை பிடித்து விசாரணை நடத்தி வருகின்றனர்.

நெல்லை:

தச்சநல்லூர் அருகே உள்ள ஊருடையார்புரத்தில் தனியார் எண்ணை நிறுவன சேமிப்பு கிடங்கு செயல்பட்டு வருகிறது.

இங்கு பெட்ரோல், டீசல்கள் சேமித்து வைக்கப்பட்டு நெல்லை, தென்காசி, தூத்துக்குடி, கன்னியாகுமரி, விருதுநகர், ராமநாதபுரம் ஆகிய 6 மாவட்டங்களுக்கு கொண்டு செல்லப்படுகிறது.

தினமும் 138 டேங்கர் லாரிகள் மூலம் பெட்ரோல், டீசல்கள் எடுத்து செல்லப்படுகிறது. இந்நிலையில் ஸ்மார்ட் சிட்டி திட்டத்தின்கீழ் கூட்டு குடிநீர் திட்டம், பாதாள சாக்கடை திட்டப்பணிகளுக்காக மாநகரின் பல்வேறு இடங்களில் பள்ளங்கள் தோண்டப்பட்டு பணிகள் நடைபெற்று வருகிறது.

ஸ்ரீபுரம்- ஊருடையார்புரம் சாலையில் கடந்த ஓராண்டுக்கும் மேலாக பணிகள் முடிக்கப்படாமல் உள்ளதால் வாகனங்களில் செல்வோர் அவதி அடைந்து வருகிறார்கள். எனவே உடனடியாக அந்த சாலைகளை சீரமைக்க வேண்டும் என டேங்கர் லாரி டிரைவர்கள் கோரிக்கை விடுத்து வருகின்றனர்.

இந்நிலையில் ஸ்ரீபுரம்- ஊருடையார்புரம் சாலையை உடனடியாக சீரமைக்க கோரி டிரைவர்கள் இன்று போராட்டத்தில் ஈடுபட்டனர்.

இதனால் டேங்கர் லாரிகள் சாலைகளில் வரிசையாக நிறுத்தி வைக்கப்பட்டிருந்தது. தகவலறிந்ததும் மாநகராட்சி உதவிசெயற்பொறியாளர் லெனின் தலைமையிலான அதிகாரிகள் விரைந்து சென்று பேச்சுவார்த்தை நடத்தினர்.

அப்போது டிரைவர்கள் கூறும்போது, சாலை பணிகள் நடைபெறுவதால் குண்டும், குழியுமாக காட்சி அளிக்கிறது. இதனால் மாற்றுபாதை வழியாக செல்ல வேண்டி உள்ளது. அப்படி செல்லவேண்டும் என்றால் நகர பகுதி வழியாக செல்லவேண்டும். அப்போது போலீசார் எங்களுக்கு அபராதம் விதித்து வருகிறார்கள். மேலும் நகர்பகுதி வழியாக செல்லும் போது போக்குவரத்து நெருக்கடியும் ஏற்பட்டு சில நேரங்களில் விபத்து அபாயமும் நிகழ்கிறது.

எனவே உடனடியாக ஸ்ரீபுரம்- ஊருடையார்புரம் சாலையை சீரமைக்க வேண்டும் என கூறினர்.

தொடர்ந்து அவர்களிடம் அதிகாரிகள் பேச்சுவார்த்தை நடத்தி வருகின்றனர்.