நீங்கள் தேடியது "Tirupati"

மறைந்த நடிகை ஸ்ரீதேவியின் மகளான ஜான்வி கபூர் இந்தி படங்களில் நடித்து வருகிறார். ஜூனியர் என்.டி.ஆருடன் 'தேவாரா' படத்தில் நடித்து தெலுங்கிலும் அறிமுகமானார். தமிழ் படங்களில் நடிக்கவும் கதை கேட்டு வருகிறார்.

ஜான்வி கபூர் அடிக்கடி திருப்பதி கோவிலுக்கு சென்று சாமி கும்பிட்டு வருகிறார். தனது தாயாரின் பிறந்த நாள் மற்றும் நினைவு நாட்களிலும் திருப்பதிக்கு செல்வதை வழக்கமாக வைத்துள்ளார். திருப்பதி ஏழுமலையானை பற்றி யார் பேசினாலும் அவரது முகம் பிரகாசமாகி விடுகிறது. ஏழுமலையான் மீதான பக்தியால் திருப்பதியிலேயே குடியேறவும் விருப்பம் தெரிவித்து உள்ளார்.

இதுகுறித்து ஜான்வி கபூர் கூறும்போது, ''திருமணத்துக்கு பிறகு கணவருடன் திருப்பதியில் குடியேற வேண்டும் என்ற முடிவில் இருக்கிறேன். திருப்பதியில் சாதாரணமான பெண்ணாக வாழ்க்கையை கழிக்க வேண்டும் என்பது எனது விருப்பம். 

திருப்பதியில் வாழை இலையில் உணவை சாப்பிட்டு தினமும் கோவிந்த நாம சங்கீர்த்தனத்தை கேட்டுக் கொண்டு காலத்தை கழிக்கவும், மூன்று குழந்தைகளை பெற்றுக்கொண்டு அங்கேயே அமைதியாக வாழவும் விரும்புகிறேன். ஏழுமலையான் கோவிலில் கடைபிடிக்கும் சம்பிரதாயத்துக்கு ஏற்ற மாதிரி எனது கணவரை வேட்டி அணியும்படியும் சொல்வேன்'' என்றார்.

திருப்பதி:

ஆந்திர மாநிலம் சந்திரகிரி மண்டலம், கந்துலவாரி பள்ளியை சேர்ந்தவர் ராகேஷ் சவுத்ரி. இவர் தெலுங்கு தேசம் கட்சியின் அப்பகுதி இளைஞர் அணி செயலாளராக இருந்து வந்தார்.

மேலும் கந்துல வாரி பள்ளி ஊராட்சி மன்ற துணைத் தலைவராகவும் இருந்தார். இவருக்கு வனப்பகுதியை ஒட்டி விவசாய நிலம் உள்ளது.

இந்த நிலையில் நேற்று சின்ன ராமபுரம் மற்றும் கொங்கரவாரிப்பள்ளி உள்ளிட்ட கிராமப் பகுதிகளில் வனப்பகுதியில் இருந்து வந்த காட்டு யானைகள் கூட்டம் விவசாய நிலங்களில் புகுந்தது. அப்பகுதிகளில் பயிரிடப்பட்டு இருந்த கரும்பு, வாழை, நெல், தென்னை, மா உள்ளிட்ட பயிர்களை நாசம் செய்தது.

நேற்று இரவு யானைகள் கூட்டம் விளைநிலங்களில் புகுந்து நாசம் செய்வதாக அப்பகுதி மக்கள் ராகேஷ் சவுத்ரிக்கு தகவல் தெரிவித்தனர். சம்பவ இடத்திற்கு சென்ற ராகேஷ் சவுத்ரி விவசாய நிலத்தில் இருந்த யானைகள் கூட்டத்தை விரட்ட முயன்றார். இதில் ஆத்திரமடைந்த யானைகள் கூட்டம் ராகேஷ் சவுதிரியை துரத்தியது.

ராகேஷ் சவுத்ரி யானைகளிடம் இருந்து தப்பிப்பதற்காக அலறி கூச்சலிட்டபடி ஓடினார். ஆனால் ஆக்ரோஷமாக இருந்த யானைகள் கூட்டம் விடாமல் துரத்தி வந்து காலால் மிதித்து கொன்றது.

இதனை கண்ட கிராம மக்கள் பட்டாசுகளை வெடித்தும், மேளம் அடித்தும் யானைகள் கூட்டத்தை வனப்பகுதிக்குள் விரட்டினர். பின்னர் ராகேஷ் சவுத்ரி பிணத்தை மீட்டனர்.

இது குறித்து தகவல் அறிந்த தெலுங்கு தேசம் எம்எல்ஏ புலிவர்த்தி ஞானி சம்பவ இடத்திற்கு வந்து விசாரணை நடத்தி, அவரது குடும்பத்தினருக்கு ஆறுதல் கூறினார்.

திருப்பதி:

ஆந்திர மாநிலம் கடப்பா மாவட்டம் சின்ன சோவ் கிராமத்தைச் சேர்ந்த தம்பதியினர் நேற்று தங்களது 2 மகன்களுடன் திருப்பதி ஏழுமலையான் கோவிலுக்கு வந்தனர். கோவில் அருகே உள்ள பத்மநாப நிலைய கட்டிடத்தில் அவர்கள் தரிசனத்திற்கு செல்வதற்காக காத்திருந்தனர்.

அப்போது அவருடைய மகன்கள் அங்கு விளையாடிக் கொண்டிருந்தனர். படிக்கட்டில் கிரில் இடைவெளி வழியாக அவர்களது 3 வயது மகன் தவறி கீழே விழுந்தான். அதில் பலத்த காயமடைந்த சிறுவன் பரிதாபமாக இறந்தான்.

இந்த சம்பவம் திருப்பதி கோவில் பகுதியில் பெரும் பரபரப்பை ஏற்படுத்தியது. போலீசார் சிறுவன் உடலை கைப்பற்றி விசாரணை நடத்தினர்.

திருப்பதி:

ஐபிஎல் தொடர் மூலம் அறிமுகமாகி இந்திய அணியில் வாய்ப்பு கிடைத்து அதில் சாதித்து காட்டியவர் நிதிஷ்குமார் ரெட்டி. வெறும் 21 வயதான நிதிஷ்குமார் ரெட்டி இந்திய அணிக்காக மூன்று டி20 போட்டிகளில் விளையாடி அதில் அதிகபட்சமாக 74 ரன்கள் அடித்திருக்கிறார்.

இதேபோன்று ஆஸ்திரேலியாவிற்கு எதிரான பார்டர் கவாஸ்கர் தொடரில் இந்திய அணியின் ஆல்ரவுண்டராக 5 போட்டிகளிலும் நிதிஷ்குமார் ரெட்டி பங்கேற்றார். இதில் பேட்டிங்கில் அவர் மொத்தமாக 298 ரன்கள் குவித்தார். இதில் மெல்போர்ன் டெஸ்ட் போட்டியில் 114 ரன்கள் அடித்து அசத்தினார்.

இதேபோன்று இந்த தொடரில் பந்து வீச்சில் ஐந்து விக்கெட்டுகளை அவர் வீழ்த்தினார். பார்டர் கவாஸ்கர் தொடரில் அதிக ரன்கள் அடித்த இரண்டாவது இந்திய வீரர் என்ற பெருமையும் அவருக்கு கிடைத்தது.

இந்த நிலையில் தனது வாழ்க்கையே மாறிய நிலையில் திருப்பதி ஏழுமலையான் கோவிலில் நிதிஷ்குமார் ரெட்டி முட்டி போட்டு படியில் ஏறி சுவாமி தரிசனம் செய்து கொண்ட நிகழ்வு ரசிகர்களை நெகிழ்ச்சியில் ஆழ்த்தியுள்ளது.

கிரிக்கெட் வீரர் ஒருவர் கடின நேர்த்திக்கடனை செலுத்தியதை பார்த்து அங்கிருந்த ரசிகர்கள் கோவிந்தா! கோவிந்தா என்று முழக்கமிட்டனர். நிதிஷ்குமார் ஆட்டத்தின் மூலம் அவர் சாம்பியன்ஸ் கோப்பை தொடரில் இடம் பெற வேண்டும் என்று ரசிகர்கள் வலியுறுத்தி வருகின்றனர்.

திருப்பதி கோவில் வளாகத்தில் செயல்பட்டு வந்த லட்டு வினியோக மையத்தில் திடீர் தீ விபத்து ஏற்பட்டதால் பரபரப்பு. தீ விபத்தைத் தொடர்ந்து அதனை கட்டுப்படுத்தும் பணிகள் மேற்கொள்ளப்பட்டன.

வைகுண்ட துவார தரிசனத்தின் பத்தாவது நாளான இன்று லட்டு வினியோகம் செய்யும் இடத்தில் தீ விபத்து ஏற்பட்டுள்ளது குறிப்பிடத்தக்கது. முன்னதாக ஜனவரி 8 ஆம் தேதி திருப்பதியில் ஏற்பட்ட கூட்ட நெரிசலில் சிக்கி ஆறு பேர் உயிரிழந்த சம்பவம் பெரும் அதிர்ச்சியை ஏற்படுத்தியது.

இந்த சம்பவத்தில் சிக்கி 40-க்கும் மேற்பட்டோர் காயமுயற்றனர். சமீபத்திய கூட்ட நெரிசலை தொடர்ந்து திருப்பதியில் தீ விபத்து ஏற்பட்டுள்ளது பேசு பொருளாகி இருக்கிறது.

திருப்பதி:

திருப்பதி ஏழுமலையான் கோவிலில் வைகுண்ட ஏகாதசியை முன்னிட்டு தரிசன டோக்கன்கள் அமைக்கப்பட்ட கவுண்ட்டர்களில் கடந்த 8-ந்தேதி கூட்ட நெரிசல் ஏற்பட்டது. அதில் சேலத்தைச் சேர்ந்த பெண் உள்பட 6 பேர் இறந்தனர்.

இந்த சம்பவம் நாட்டையே உலுக்கியது. மேலும் இறந்தவர்களின் குடும்பங்களுக்கு ஆந்திரா அரசு தலா ரூ.25 லட்சம், பலத்த காயமடைந்தவர்களுக்கு தலா ரூ.5 லட்சம் சிகிச்சை பெற்று வருவபவர்களுக்கு தலா ரூ.2 லட்சம் வழங்க உத்தரவிட்டது.

இதே போல இறந்தவர்களின் குடும்பத்தில் உள்ள குழந்தைகளுக்கு திருப்பதி தேவஸ்தானத்தின் கல்வி நிறுவனங்களில் இலவச கல்வி வழங்க அறங்காவலர் குழு முடிவு செய்துள்ளது.

மேலும் இறந்தவர்களின் குடும்ப உறுப்பினர்களுக்கு அறங்காவலர் குழு உறுப்பினர்கள் ரூ.13 லட்சம் நிதி வழங்க முன் வந்துள்ளனர் என தேவஸ்தான அதிகாரிகள் தெரிவித்துள்ளனர்.

திருப்பதி:

திருப்பதி ஏழுமலையான் கோவிலில் நேற்று முன்தினம் இரவு கூட்ட நெரிசலில் சிக்கி 6 பக்தர்கள் உயிரிழந்தனர்.

இந்த சம்பவம் தொடர்பாக அங்கு பாதுகாப்பு பணியில் ஈடுபட்டு இருந்த திருப்பதி குற்றப்பிரிவு தேவஸ்தான டி.எஸ்.பி. ரமணகுமார், கோசாலை இயக்குனர் ஹரிநாத் ரெட்டி ஆகியோர் சஸ்பெண்டு செய்யப்பட்டனர்.

மேலும் போலீஸ் சூப்பிரண்டு சுப்பா ராயுடு, தலைமை பாதுகாப்பு விஜிலென்ஸ் அதிகாரி ஸ்ரீதர், ஜே.இ.ஓ கவுதமி ஆகியோர் பணியிட மாற்றம் செய்யப்பட்டனர்.

கூட்ட நெரிசலில் இறந்தவர்களின் 6 பேரின் குடும்பத்தில் ஒருவருக்கு திருப்பதி தேவஸ்தானத்தில் தற்காலிக வேலை வழங்கப்படும் என முதல் மந்திரி சந்திரபாபு நாயுடு அறிவித்துள்ளார்.

மேலும் துணை முதல் மந்திரி பவன் கல்யாண் ஆஸ்பத்திரியில் சிகிச்சை பெற்று வருபவர்களை நேரில் சந்தித்து ஆறுதல் கூறினார் அப்போது அவர் கூறுகையில்:-

இந்த சம்பவத்திற்கு பொறுப்பேற்று உயிரிழந்தவர்களின் குடும்பத்தினர், காயமடைந்தவர்கள் மற்றும் ஏழுமலையானின் பக்தர்களிடம் இரு கரங்களையும் கூப்பி மன்னிப்பு கேட்டுக்கொள்கிறேன். உயிர் இழந்தவர்களின் வீடுகளுக்கு தேவஸ்தான நிர்வாகிகள் சென்று தவறுக்கு பொறுப்பேற்று மன்னிப்பு கேட்க வேண்டும் என்றார்.

திருப்பதி:

திருப்பதி ஏழுமலையான் கோவிலில் இன்று முதல் வரும் 19-ந்தேதி வரை 10 நாட்கள் வைகுண்ட துவார தரிசனம் நடைபெறுகிறது.

வைகுண்ட ஏகாதசி முன்னிட்டு கோவில் வளாகம் மற்றும் வெளிப்புறம் முழுவதும் கர்நாடக மாநிலத்தைச் சேர்ந்த தசரா குழுவினரால் மின்விளக்கு அலங்காரம் செய்யப்பட்டுள்ளது.

மேலும் ஆந்திரா, கர்நாடகா, தெலுங்கானா தமிழ்நாடு உள்ளிட்ட மாநிலங்களில் இருந்து பல டன் எடையுள்ள பல வகையான மலர்கள் மற்றும் பழங்கள் கொண்டு வியக்கும் வகையில் அலங்காரம் செய்யப்பட்டுள்ளது.

வைகுண்ட ஏகாதசி முன்னிட்டு நேற்று இரவு 12.5 மணியளவில் கோவில் திறக்கப்பட்டு பாசுரங்கள் வாசிக்கப்பட்டன. பின்னர் அச்சகர்கள் 12.25 மணி அளவில் பூஜைகள் செய்து ஆர்த்தி எடுத்தனர்.

தோமாலையுடன் கருவறை கதவு திறக்கப்பட்டு மூலவருக்கு அர்ச்சனைகள் நடந்தது. வழக்கமான பூஜைகள் நடந்தன. இன்று அதிகாலை சொர்க்கவாசல் திறக்கப்பட்டது.

இதையடுத்து மத்திய, மாநில அமைச்சர்கள், எம்.எல்.ஏ.க்கள், தரிசனத்திற்கு அனுமதிக்கப்பட்டனர்.

வி.ஐ.பி. பிரேக் தரிசனம் முடிந்த பிறகு சாதாரண பக்தர்கள் வைகுண்ட வாசல் வழியாக தரிசனத்திற்கு அனுமதிக்கப்பட்டனர். 

திருப்பதியில் வைகுண்ட ஏகாதசி பண்டிகைக்கான சொர்க்கவாசல் திறப்பை ஒட்டி திருப்பதியில் இலவச தரிசன டோக்கன் நேற்று விநியோகம் செய்யப்பட்டது.

இந்த இலவச தரிசன டோக்கனை வாங்குவதற்காக ஆயிரக்கணக்கான பக்தர்கள் குவிந்ததால் அங்கு கடும் கூட்ட நெரிசல் ஏற்பட்டது. இந்த கூட்ட நெரிசலில் சிக்கி சேலத்தை சேர்ந்த மல்லிகா உள்பட 6 பேர் பலியாகினர். மேலும் பலர் படுகாயங்களுடன் மீட்கப்பட்டு மருத்துவனையில் அனுமதிக்கப்பட்டுள்ளனர்.

திருப்பதியில் கூட்ட நெரிசலில் சிக்கி உயிரிழந்தவர்களின் குடும்பத்தினருக்கு ஆந்திர அரசு நிவாரணம் அறிவித்துள்ளது. ஒவ்வொரு குடும்பத்திற்கும் தலா ரூ.25 லட்சம் இழப்பீடு வழங்கப்படும் என வருவாய்த்துறை மந்திரி அங்கனி சத்ய பிரசாத் தெரிவித்தார்.

இந்நிலையில், இந்த விவகாரம் தொடர்பாக பேசிய ஆந்திர முன்னாள் அமைச்சர் ரோஜா, "புஷ்பா 2 கூட்ட நெரிசல் விவகாரத்தில் நடிகர் அல்லு அர்ஜுனை கைது செய்ததைப் போல, திருப்பதி கூட்ட நெரிசல் சம்பவத்திலும் இதற்கு காரணமானவர்கள் கைது செய்யப்பட வேண்டும். இந்த விவாகரத்தில் சந்திரபாபு நாயுடு மீது வழக்கு பதிவு செய்யவேண்டும்.

திருப்பதி லட்டு விவகாரத்தில் பரிகார தீட்சை செய்த துணை முதல்வர் பவன் கல்யாண், இந்த சம்பவத்திற்கும் தீட்சை செய்வாரா? அல்லது சந்திரபாபு நாயுடுவுடன் சேர்ந்து பவன் கல்யாண் ராஜினாமா செய்வாரா?

பிரதமர் மோடிக்கு ஒரு கோரிக்கை வைக்கிறேன். இதற்கு காரணமானவர்கள் கடுமையாக தண்டிக்கப்பட வேண்டும்" என்று தெரிவித்தார். 

சென்னை:

முதலமைச்சர் மு.க.ஸ்டாலின் வெளியிட்டுள்ள இரங்கல் செய்தியில் கூறி இருப்பதாவது:-

சேலம் மாவட்டம், மேட்டூர் வட்டம், மேச்சேரி கிராமம், தாசனூரைச் சேர்ந்த மல்லிகா (வயது 55) நேற்று ஆந்திர மாநிலம், திருமலை திருப்பதி கோயிலில் சுவாமி தரிசனம் செய்ய சென்றிருந்தபோது, அங்கு சொர்க்கவாசல் திறப்பிற்காக வழங்கப்பட்ட இலவச தரிசனத்திற்கான நுழைவுச்சீட்டை வாங்கும்போது எதிர்பாராதவிதமாக ஏற்பட்ட கூட்ட நெரிசலில் சிக்கி சம்பவ இடத்திலேயே உயிரிழந்தார்.

இந்தத் துயரமான செய்தியை அறிந்து முதலமைச்சர் மு.க.ஸ்டாலின் தனது ஆழ்ந்த இரங்கலையும், வருத்தத்தையும் உடனடியாகத் தெரிவித்துக் கொண்டதுடன், உயிரிழந்த மல்லிகா உடலை அவரது சொந்த ஊருக்குக் கொண்டு வருவதற்கான அனைத்து ஏற்பாடுகளையும் தமிழ்நாடு அரசு சார்பில் மேற்கொள்ள உத்தரவிட்டார்.

மேலும், இச்சம்பவத்தில் உயிரிழந்த மல்லிகா குடும்பத்தினருக்கு 2 லட்சம் ரூபாய் முதலமைச்சரின் பொது நிவாரண நிதியில் இருந்து வழங்கிடவும் உத்தரவிட்டுள்ளார்.

இவ்வாறு அதில் கூறப்பட்டுள்ளது.

திருப்பதி:

திருப்பதியில் கூட்ட நெரிசலில் சிக்கி உயிரிழந்தவர்களின் குடும்பத்தினருக்கு ஆந்திர அரசு நிவாரணம் அறிவித்துள்ளது. ஒவ்வொரு குடும்பத்திற்கும் தலா ரூ.25 லட்சம் இழப்பீடு வழங்கப்படும் என வருவாய்த்துறை மந்திரி அங்கனி சத்ய பிரசாத் தெரிவித்தார். மேலும் அவர் கூறுகையில்:-

வைகுண்ட ஏகாதசியின் தொடக்கத்தில் நடந்திருப்பது வருத்தமளிக்கிறது. அவசர நடவடிக்கை சம்பவத்திற்கு காரணமா? ஒருங்கிணைப்பு இல்லாததா என்பது விசாரணையில் தெரியவரும். இறந்தவர்களின் உடல்கள் சொந்த ஊர்களுக்கு அனுப்பி வைக்கப்படும். இறுதி சடங்கிற்கு பங்களிக்க அந்தந்த கலெக்டர்களுக்கு தெளிவான அறிவுறுத்தல்கள் வழங்கப்பட்டுள்ளன.

இதற்கு காரணமானவர்கள் மீது கடும் நடவடிக்கை எடுக்கப்படும் என்றார்.

சென்னை:

தமிழக காங்கிரஸ் தலைவர் செல்வப்பெருந்தகை வெளியிட்டுள்ள அறிக்கையில் கூறியிருப்பதாவது:-

திருப்பதி ஏழுமலையான் கோவிலில் வெள்ளிக்கிழமை நடைபெறும் வைகுண்ட ஏகாதசி விழாவில் கலந்து கொள்ள திருப்பதி சீனுவாசம் தங்கும் விடுதி வளாகத்தில் உள்ள கவுண்டர்களில் இலவச தரிசன டோக்கன் வாங்குவதற்காக ஆயிரக்கணக்கான பக்தர்கள் ஒரே நேரத்தில் குவிந்ததால் ஏற்பட்ட நெரிசலில் சிக்கி 6 பக்தர்கள் பலியாகி இருக்கிற செய்தி நெஞ்சை உலுக்குவதாக இருக்கிறது.

மேலும் 30 பக்தர்கள் படுகாயம் அடைந்துள்ளனர். திருமலை திருப்பதி தேவஸ்தானம் சார்பில் 1 லட்சத்து 20 ஆயிரம் டோக்கன்கள் வழங்க இலக்கு நிர்ணயிக்கப்பட்டிருந்தது.

ஆனால், பேருந்து நிலையத்திற்கு அருகில் உள்ள கவுண்டரில் ஆயிரக்கணக்கான பக்தர்கள் ஒரே நேரத்தில் குவிவதை தடுக்க காவல்துறையினர் எந்த நடவடிக்கையும் எடுக்கவில்லை.

லட்சக்கணக்கில் இலவச டோக்கன்கள் வழங்கும் போது நிறைய கவுண்டர்களை திறந்து ஒரே இடத்தில் பக்தர்கள் குவியாமல் தடுக்கிற பொறுப்பு திருமலை திருப்பதி தேவஸ்தான நிர்வாகத்திற்கு இருக்கிறது.

அந்த பொறுப்பை காவல்துறையினரின் ஒத்துழைப்போடு சரிவர நிர்வகிக்காத காரணத்தினால் 6 பேர் பலியான கோர சம்பவம் நிகழ்ந்திருக்கிறது.

பொதுவாக இலவசங்களை வழங்கும் போது மக்கள் நெரிசலில் சிக்கி இத்தகைய கோர சம்பவங்கள் ஏற்கனவே நிறைய நடந்திருக்கின்றன. அதிலிருந்து படிப்பினையை பெற்று கோர சம்பவங்கள் நிகழாமல் தடுக்க உரிய நடவடிக்கையை திருமலை திருப்பதி தேவஸ்தானம் உரிய முன்னெச்சரிக்கை பாதுகாப்பு நடவடிக்கைகளை ஏன் எடுக்கவில்லை என்று தெரியவில்லை.

இதுகுறித்து ஆந்திர மாநில முதலமைச்சர் சந்திரபாபு நாயுடு விசாரணை நடத்தி 6 பேர் பலியான சம்பவத்திற்கு உரிய காரணத்தை அறிய முற்பட வேண்டும்.

விபத்தில் பலியானவர்களுக்கு தலா ரூபாய் 25 லட்சம் ஆந்திர மாநில அரசு இழப்பீடு வழங்க வேண்டுமென கேட்டுக் கொள்கிறேன்.

இறந்தவர்களின் குடும்பத்தினருக்கு தமிழ்நாடு காங்கிரஸ் சார்பில் ஆழ்ந்த இரங்கலையும், அனுதாபத்தையும் தெரிவித்துக் கொள்கிறேன்.

இவ்வாறு அவர் கூறி உள்ளார்.