நீங்கள் தேடியது "train passenger"

திருப்பதியில் இருந்து விசாகப்பட்டினத்தில் உள்ள துவ்வாடா வரையிலான ரெயில் பயணத்தின் போது 55 வயது நபரும் அவரது குடும்பத்தினரும் கடும் சிரமத்திற்கு ஆளானதால் அவருக்கு இழப்பீடாக 30,000 ரூபாய் வழங்குமாறு இந்திய ரெயில்வேக்கு நுகர்வோர் நீதிமன்றம் உத்தரவிட்டுள்ளது.

திருமலா எக்ஸ்பிரஸ் ரெயிலில் மூர்த்தி என்பவர் 4 ஏ.சி. டிக்கெட்டுகளை பதிவு செய்து பயணம் மேற்கொண்டார். பயணத்தின் போது அவர்களின் பெட்டியில் ஏர் கண்டிஷன் சரியாக வேலை செய்யவில்லை. மேலும் கழிப்பறை அசுத்தமாகவும், தண்ணீரும் வரவில்லை. பயணம் முழுவதும் சுகாதாரமற்ற சூழ்நிலையில் சிரமங்களை எதிர்கொண்டு பயணம் மேற்கொண்டனர். மேலும் இதுகுறித்து துவ்வாடாவில் உள்ள சம்பந்தப்பட்ட அலுவலகத்தில் மூர்த்தி புகார் அளித்தும் நடவடிக்கை எடுக்கப்படவில்லை. இதை தொடர்ந்து அவர் விசாகப்பட்டினத்தில் உள்ள நுகர்வோர் நீதிமன்றத்தை அணுகி வழக்கு தொடர்ந்தார்.

வழக்கு நீதிமன்றத்திற்கு வந்தபோது, குற்றச்சாட்டை மறுத்த ரெயில்வேதுறை, பொய்யான குற்றச்சாட்டை மூர்த்தி கூறியுள்ளதாகவும், ரெயில்வே வழங்கிய சேவைகளைப் பயன்படுத்தி மூர்த்தியும் அவரது குடும்பத்தினரும் பாதுகாப்பாக பயணத்தை மேற்கொண்டதாகவும் கூறியது.

இருப்பினும், நுகர்வோர் நீதிமன்றம், புகாரைப் பெற்ற பிறகு, சம்பந்தப்பட்ட ஊழியர்கள் அதைப் பார்வையிடவில்லை என்றும் கழிப்பறைகளுக்கு நீர் தடைபட்டதைக் கண்டறிந்ததாகவும் தெரியவந்தது. இதனால் குறைந்தபட்ச வசதிகளைக் கூட சரிபார்க்காமல் பிளாட்பாரத்தில் ரெயில் நிறுத்தப்பட்டதை நிரூபித்த நீதிமன்றம், திருப்பதியில் இருந்து துவ்வாடா (வைசாக் மாவட்டம்) செல்லும் போது ஏற்பட்ட சிரமத்திற்காக மூர்த்திக்கு 25,000 இழப்பீடு வழங்க ரெயில்வேக்கு உத்தரவிட்டது. வழக்கிற்கு ஏற்பட்ட செலவுகளுக்காக ஈடுகட்ட கூடுதலாக 5,000 என மொத்தம் ரூ.30,000 வழங்க உத்தரவிட்டது.

அகமதாபாத்:

ரெயில்களில் மூத்த குடிமக்களுக்கு பயண கட்டணத்தில் 50 சதவீதம் வரை சலுகை அளிக்கப்பட்டு வந்தது. இந்த சூழலில் கடந்த 2020-ம் ஆண்டு கொரோனா பரவல் உச்சத்தில் இருந்த காலகட்டத்தில் நாடு முழுவதும் 3 மாதங்கள் ரெயில் சேவை முற்றிலும் முடங்கியது.

இதனால் ஏற்பட்ட வருவாய் இழப்பை சமாளிக்க மூத்த குடிமக்களுக்கான சலுகையை இந்திய ரெயில்வே ரத்து செய்தது. ஆனால் 2022-ம் ஆண்டு ஜூன் மாதமே ரெயில் சேவை முழுவதுமாக தொடங்கப்பட்ட நிலையில் இப்போது வரை மூத்த குடிமக்களுக்கு பயண கட்டணத்தில் சலுகை வழங்கப்படவில்லை.

இந்த நிலையில் மத்திய ரெயில்வே மந்திரி அஸ்வினி வைஷ்ணவ், குஜராத்தின் அகமதாபாத் நகரில் மேற்கொள்ளப்பட்டு வரும் புல்லட் ரெயில் திட்டப்பணிகளை நேற்று நேரில் ஆய்வு செய்தார்.

அதன் பின்னர் அவர் பத்திரிகையாளர்களை சந்தித்தபோது, 'மூத்த குடிமக்களுக்கான கட்டண சலுகை மீண்டும் வழங்கப்படுமா?' என நிருபர்கள் கேள்வி எழுப்பினர்.

அதற்கு அவர் நேரடியாக பதிலளிக்காமல் "இந்திய ரெயில்வே ஏற்கனவே ஒவ்வொரு ரெயில் பயணிக்கும் ரெயில் கட்டணத்தில் 55 சதவீத சலுகையை வழங்கி வருகிறது. சேரும் இடத்துக்கான ரெயில் டிக்கெட் ரூ.100 என்றால், ரெயில்வே கட்டணம் ரூ.45 மட்டுமே. இதன் மூலம் ரூ.55 சலுகையாக அளிக்கப்படுகிறது" என கூறினார்.

ஆலந்தூர்:

சென்னை கடற்கரை-தாம்பரம் மின்சார ரெயில்களில் பயணம் செய்யும் பயணிகளிடம் பணம் கேட்டு திருநங்கைகள் அதிகஅளவு தொந்தரவு செய்வதாக ரெயில்வே போலீசாருக்கு புகார்கள் வந்தன. இதையடுத்து பரங்கிமலை ரெயில்வே போலீஸ் நிலையத்தில் இன்ஸ்பெக்டர் விஜயகுமார் தலைமையில் திருநங்கைகளுடன் ஆலோசனை கூட்டம் நடைபெற்றது. அப்போது ரெயில் பயணிகளிடம் அத்துமீறும் திருநங்கைகள் மீது வழக்கு பதிவு செய்து நடவடிக்கை எடுக்கப்படும் என்று போலீசார் எச்சரித்தனர்.இதில் 40-க்கும் மேற்பட்ட திருநங்கைகள் கலந்து கொண்டனர். படித்த மற்றும் தொழில் திறன் உள்ள திருநங்கைகளுக்கு தன்னார்வ தொண்டு நிறுவனம் மூலமாக வேலை கிடைக்க ரெயில்வே போலீசார் ஏற்பாடு செய்து உள்ளனர்.

அரக்கோணம்:

அரக்கோணம் ரெயில்வே போலீஸ் இன்ஸ்பெக்டர் பச்சையம்மாள், சப்-இன்ஸ்பெக்டர் கணேஷ்பாபு மற்றும் போலீசார் ரோந்து பணியில் ஈடுபட்டனர். அப்போது ரெயில் நிலையத்தில் சந்தேகப்படும்படி சுற்றித்திரிந்த 3 பேரை பிடித்து விசாரணை நடத்தினர்.

விசாரணையில், திண்டுக்கல்லை சேர்ந்த வெங்கடேஷ் (வயது 21), திருநெல்வேலியை சேர்ந்த மதன் (23), ராமநாதபுரத்தை சேர்ந்த அரிகரசுதன் (23) என்பதும், ஓடும் ரெயிலில் பயணிகளிடம் செல்போன்கள் திருடியவர்கள் என்பதும் தெரியவந்தது.

இதனையடுத்து போலீசார், அவர்கள் 3 பேரையும் கைது செய்து, அவர்களிடம் இருந்து 3 செல்போன்களையும் பறிமுதல் செய்தனர்.

சென்னை:

நீண்ட தூரம் பயணம் செய்யும் எக்ஸ்பிரஸ் மற்றும் அதிவிரைவு ரெயில்களில் பயணிகளின் பாதுகாப்பு மற்றும் புகார்கள், குறைகளை தீர்க்க தென்னக ரெயில்வே புதிய திட்டங்களை அமல் படுத்தி வருகிறது.

இந்த நிலையில் அனைத்து எக்ஸ்பிரஸ் மற்றும் அதிவிரைவு ரெயில்களில் ‘கேப்டன்’கள் என்ற புதிய பணியாளர்கள் நியமிக்கப்பட உள்ளனர். இப்பணியை டிக்கெட் பரிசோதகர்கள் மேற்கொள்ள உள்ளனர்.

பயணத்தின் போது ஏற்படும் குறைகள் மற்றும் பாதுகாப்பு குறைபாடுகள் குறித்து ‘கேப்டன்’களை நேரடியாக தொடர்பு கொண்டு பயணிகள் புகார் செய்யலாம். புகார்களை ரெயில்வே அதிகாரிகளிடம் இவர்கள் எடுத்துக்கூறி நிவர்த்தி செய்வார்கள்.

பெண் பயணிகள் தங்கள் பாதுகாப்பு தொடர்பான பிரச்சினைகளை ‘கேப்டன்’ கள் மட்டுமின்றி ரெயில்வே போலீஸ், ரெயில்வே பாதுகாப்பு படையினரிடம் தெரிவிக்கலாம் என அதிகாரி ஒருவர் தெரிவித்தார்.

கடந்த ஆண்டு சென்னை -மேட்டுப்பாளையம் நீலகிரி எக்ஸ்பிரஸ், திருவனந்தபுரம்- சென்னை மெயில், திருவனந்தபுரம்- சென்னை எக்ஸ்பிரஸ் மற்றும் மங்களூரு சென்ட்ரல்- சென்னை சென்ட்ரல் மெயில் ஆகிய 4 ரெயில்களில் ‘கேப்டன்’கள் என்ற புதிய பணியிடங்கள் உருவாக்கப்பட்டன. இந்த திட்டம் வெற்றி பெற்றதை தொடர்ந்து அனைத்து எக்ஸ்பிரஸ் மற்றும் அதிவிரைவு ரெயில்களில் இது அமல்படுத்தப்பட உள்ளது.

இத்திட்டம் அடுத்த ஆண்டு (2019) முதல் அமல்படுத்தப்பட உள்ளது. தொடக்கத்தில் அனைத்து ரெயில்களிலும் சீனியர் டிக்கெட் பரிசோதகர்கள் கேப்டன்களாக நியமிக்கப்பட உள்ளதாக ரெயில்வே உயர் அதிகாரிகள் நிராஜ் சாகே தெரிவித்தார்.

டிக்கெட் பரிசோதகர்கள் தங்களது சீருடையில் கேப்டன் என்ற பேட்ஜ் அணிந்து இருப்பர். மேலும் அவரது பெயர் மற்றும் தொடர்பு கொள்ளும் செல் நம்பர் தகவல்களும் பயணிகளின் முன்பதிவு அட்டவணையில் இடம் பெற்று இருக்கும். மேலும் ரெயில் பெட்டியில் ஓடும் அறிவிப்பு பலகையில் இத்தகவல் இடம் பெறும். அதை படித்து பயணிகள் அறிந்து கொள்ள முடியும்.

ஆனால் கேப்டன் பதவி தங்களுக்கு கூடுதல் பணிச்சுமை என டிக்கெட் பரிசோதகர்கள் தெரிவித்துள்ளனர். தென்னக ரெயில்வேயில் டிக்கெட் பரிசோதகர் பற்றாக் குறை உள்ளது. கடந்த சில ஆண்டுகளாக 1 அல்லது 2 ரெயில் பெட்டிகளில் மட்டுமே பரிசோதகர்கள் டிக்கெட்டை பரிசோதித்து வந்தனர்.

தற்போது பற்றாக்குறை காரணமாக 4 முதல் 5 ரெயில் பெட்டிகளில் பரிசோதித்து வருகின்றனர். இது தமிழ்நாடு மற்றும் கேரளாவில் நடை முறைப்படுத்தப்பட்டு வருகிறது. எனவே கூடுதலாக நியமித்தால் மட்டுமே கேப்டன் பணியை திறம்பட செய்ய முடியும் என டிக்கெட் பரிசோதகர்கள் தெரிவித்தனர். #Train #traincaptain