நீங்கள் தேடியது "widespread rain"

சென்னை:

சென்னையில் பரவலாக மழை பெய்து வருகிறது. மேகங்கள் சூழ்ந்து மழை தூறலும் பல பகுதிகளில் காணப்பட்டது. இரவிலும் லேசான மழை பெய்து வந்த நிலையில் சென்னையில் இன்று காலை திடீரென மின்தடை ஏற்பட்டது.

தலைமை செயலகம், எழிலகம், அண்ணாசாலை, எழும்பூர், ஆயிரம் விளக்கு, புரசைவாக்கம் உள்ளிட்ட மத்திய சென்னை பகுதியிலும், வட சென்னை பகுதியிலும் மின் தடை ஏற்பட்டது.

காலை 10 மணி முதல் 11.30 மணி வரை மின்சாரம் தடைப்பட்டதால் அரசு அலுவலகங்கள் சிறிது நேரம் இருளில் மூழ்கின. பின்னர் ஜெனரேட்டர் இயக்கப்பட்டு மின் வினியோகம் வழங்கப் பட்டது.

அரசு ஆஸ்பத்திரிகள், தனியார் மருத்துவமனைகள், தொழில் நிறுவனங்கள், ஓட்டல்கள், ஜவுளி கடைகள் உள்ளிட்ட வர்த்தக நிறு வனங்களும் இதனால் சிறிது நேரம் பாதிக்கப் பட்டன.

பெரம்பூர், மாதவரம், கொடுங்கையூர், வியாசர் பாடி, தண்டையார் பேட்டை, வண்ணாரப் பேட்டை, மணலி, அண்ணாநகர் உள்ளிட்ட பல பகுதிகளில் மின்சாரம் தடைப்பட்டதால் வீடுகளில் வீடுகளில் இருந்து மக்கள் வெளியே வந்தனர்.

எண்ணூரில் இருந்து மணலி துணை மின் நிலையத்திற்கு மின்சாரம் வரக்கூடிய மின் வழித்தடத் தில் ஏற்பட்ட தடை காரணமாக இந்த பாதிப்பு ஏற்பட்டதாக அதிகாரிகள் தெரிவித்தனர்.

மணலி துணை மின் நிலையத்தில் இருந்து சென்னையின் முக்கிய பகுதிகளுக்கும் மின்சாரம் வினியோகிக்கப்படுகிறது. அங்கு வரக்கூடிய மின்சாரம் தடைப்பட்டதால் பெரும் பாலான இடங்களில் மின் தடை ஏற்பட்டது.

இதையடுத்து அதனை சரிசெய்யும் பணியில் ஊழியர்கள் ஈடுபட்டனர். போர்க்கால வேகத்தில் பழுது சரி பார்க்கப்பட்டதை தொடர்ந்து பகல் 11.30 மணியளவில் படிப்படியாக மின் வினியோகம் சீரானது.

சேலம்:

வட தமிழகம் மற்றும் அதனை ஒட்டிய பகுதிகளில் வளி மண்டல மேலடுக்கு சுழற்சி நிலவி வருகிறது. இதையொட்டி தமிழகத்தில் பரவலாக மழை பெய்து வருகிறது.

கன மழை

அதன் தொடர்ச்சியாக நேற்று முன்தினம் இரவு சேலம் மாவட்டத்தில் கன மழை பெய்தது. தொடர்ந்து நேற்றிரவும் ஒரு சில பகுதிகளில் மழை பெய்தது. குறிப்பாக மேட்டூரில் நேற்று பெய்த கன மழையால் சாலைகளில் தண்ணீர் பெருக்கெடுத்து ஓடியது. தாழ்வான பகுதிகளில் தண்ணீர் தேங்கியது.

மேலும் மாவட்டத்தில் பெய்து வரும் தொடர் மழையால் மாவட்டத்தில் உள்ள ஏரி, குளங்களுக்கு நீர்வரத்து அதிகரித்துள்ளது. இதனால் நிலத்தடி நீர்மட்டம் உயர்ந்துள்ளதால் வி வசாயிகள் மகிழ்ச்சி அடைந்துள்ளனர். மாவட்டத்தில் அதிக பட்சமாக மேட்டூரில் 9.8 மி.மீ. மழை பதிவாகி உள்ளது. இன்று காலையும் வானம் மேக மூட்டத்துடன் காட்சி அளித்ததுடன் ரம்மியமான சூழல் நிலவி வருகிறது.

வானிலை எச்சரிக்கை

இதற்கிடையே வானிலை ஆய்வு மையம் வெளியிட்டுள்ள செய்திகுறிப்பில், சேலம், நாமக்கல் மாவட்டங்களில் 6-ந் தேதியான இன்றும், நாளையும் (7-ந் தேதியும்) இடி, மின்னலுடன் கன மழை பெய்ய வாய்ப்புள்ளது. இதனால் பொது மக்கள் எச்சரிக்கையுடன் இருக்க வேண்டும் என்றும் அதில் கூறப்பட்டுள்ளது.

நெல்லை:

நெல்லை, தூத்துக்குடி மாவட்டங்களில் நேற்று பரவலாக மழை பெய்தது. நெல்லை மாவட்டத்தில் கடந்த சில நாட்களாகவே மாலை நேரத்தில் பெரும்பா லான இடங்களில் கனமழை பெய்து வருகிறது.

நெல்லை

இந்நிலையில் நேற்று மாலை மாநகர பகுதிகளான பழைய பேட்டை, டவுன், வண்ணார்பேட்டை, புதிய பஸ் நிலைய பகுதிகளில் பரவலாக மழை பெய்தது. அதிகபட்சமாக நெல்லையில் 4 மில்லிமீட்டர் மழை பெய்தது. மாவட்டத்தை பொறுத்தவரை சேரன்மகா தேவி, கன்னடியன் கால்வாய் பகுதிகளில் விட்டு விட்டு மழை பெய்தது. மூலக்கரைப்பட்டி மற்றும் அதன் சுற்றுவட்டார பகுதிகளில் சுமார் 1 மணி நேரம் வரை பலத்த மழை பெய்தது. அங்கு 20 மில்லிமீட்டர் மழை பதிவாகியது.

மேற்கு தொடர்ச்சி மலையையொட்டி அமைந்துள்ள அம்பை மற்றும் அதன் சுற்றுவட்டார பகுதிகளிலும் விட்டு விட்டு மழை பெய்தது. அம்பையில் 9 மில்லிமீட்டர் மழை பதிவானது.

முக்கூடல் மற்றும் அதன் சுற்றுவட்டார பகுதிகளில் மாலையில் பலத்த மழை பெய்தது. சேரன்மகாதேவி யில் 4.4 மில்லிமீட்டர் மழை பதிவாகி உள்ளது. பெரும்பாலான இடங்களில் வானம் மேகமூட்டத்துடன் காணப்பட்டது.

அணை பகுதிகளை பொறுத்தவரை கடந்த சில நாட்களாக மழை பெய்ய வில்லை. பாபநாசம் அணைக்கு சுமார் 700 கனஅடி நீர் தண்ணீர் வந்து கொண்டிருக்கிறது. அந்த அணை நீர்மட்டம் 90 அடியை கடந்து விட்டது.

மழை இல்லாததால் அணைகளுக்கு நீர் வரத்து குறைந்தது. சேர்வலாறு அணை 84 அடியாக குறைந்தது. தென்காசி மாவட்டத்தில் கருப்பாநதி அணை பகுதியில் மட்டும் 10 மில்லிமீட்டர் மழை பெய்தது.

தூத்துக்குடி

தூத்துக்குடி மாவட்டத் தில் கழுகுமலை மற்றும் அதன் சுற்றுவட்டார பகுதிகளில் சுமார் 1 மணி நேரம் வரை பலத்த மழை பெய்தது. இதனால் அங்கு வெப்பம் தணிந்து குளிர்ச்சி நிலவியது. வானம் பார்த்த பூமியான கழுகுமலையில் பெய்த மழையால் மக்கள் மகிழ்ச்சி அடைந்தனர். அங்கு தாழ்வான இடங்க ளில் தண்ணீர் தேங்கியது. இன்று காலை நிலவரப்படி 28 மில்லிமீட்டர் மழை பதிவானது. கயத்தாறு மற்றும் கடம்பூரிலும் நேற்று மாலையில் திடீரென வானில் கருமேக கூட்டங்கள் திரண்டு, பலத்த மழை பெய்தது. அங்கு அதிகபட்ச மாக கடம்பூரில் 16 மில்லிமீட்டரும், கயத்தாறில் 5.6 மில்லிமீட்டரும் மழை பெய்தது.

வருசநாடு:

தேனி மாவட்டத்தில் கடந்த சில நாட்களாக வெயிலின் தாக்கம் நாளுக்கு நாள் அதிகரித்து வருகிறது. இதனால் அணைகளுக்கு நீர்வரத்தின்றி காணப்பட்டது.

மேலும் வராகநதி, கொட்டக்குடி, மூலவைக யைாறு உள்ளிட்ட ஆறுகள் வறண்டு காணப்பட்டது. கோடைகாலம் முடிந்த பின்னரும் வெயில் சுட்டெறித்து வருவதால் விவசாயிகள் மற்றும் பொதுமக்கள் கவலை அடைந்தனர்.

இந்த நிலையில் நேற்று மாவட்டம் முழுவதும் பரவலாக மழை பெய்ததால் வெப்பம் தணிந்து குளிர்ச்சி ஏற்பட்டது. வருசநாடு அருேக உள்ள சின்ன சுருளி அருவிக்கு மேகமலையில் மழை பெய்யும் போது தண்ணீர் வரத்து இருக்கும். தற்போது பெய்து வரும் மழையால் நீண்ட நாட்களுக்கு பிறகு வறண்டு கிடந்த சுருளி அருவிக்கு தண்ணீர் வரத்து ஏற்பட்டுள்ளது. மேலும் சுற்றுலா பயணிகளுக்கும் அனுமதி வழங்கப்பட்டு ள்ளதால் மகிழ்ச்சி அடைந்துள்ளனர். இன்றும் மேகமூட்டத்துடன் காணப்படுகிறது. மூலவைகையாற்றுக்கு நீர்வரத்து இல்லை. மழை தொடரும் பட்சத்தில் தண்ணீர் வரத்து ஏற்படும் என எதிர்பார்க்கப்படுகிறது.

முல்லைப்பெரியாறு அணையின் நீர்மட்டம் 119.10 அடியாக உள்ளது. 199 கன அடி நீர் வருகிறது. அணையில் இருந்து தமிழக பகுதிக்கு 400 கன அடி நீர் திறக்கப்படுகிறது. வைகை அணையின் நீர்மட்டம் 47.41 அடியாக உள்ளது. 30 கன அடி நீர் வருகிறது. மதுரை மாநகர குடிநீருக்காக 69 கன அடி நீர் திறக்கப்படுகிறது. மஞ்சளாறு அணையின் நீர்மட்டம் 47.95 அடியாக உள்ளது. வரத்து திறப்பும் இல்லை. சோத்துப்பாறை அணையின் நீர்மட்டம் 69.20 அடியாக உள்ளது. ஒரு கன அடி நீர் வருகிற நிலையில் 3 கன அடி நீர் திறக்கப்படுகிறது.

பெரியாறு 3.6, கூடலூர் 1.2, சண்முகாநதி அணை 2, போடி 1.8, வைகை அணை 8.2, மஞ்சளாறு 12, சோத்துப்பாறை 17, வீரபாண்டி 13.6 மி.மீ. மழை அளவு பதிவாகி உள்ளது.

கடலூர்:

தமிழகத்தில் மேற்கு திசை காற்றின் வேக மாறு பாடு காரணமாக, நேற்று முதல் வருகிற 29- ந் தேதி வரை தமிழகம், புதுச்சேரி மற்றும் காரைக்கால் பகுதி களில் ஒருசில இடங்களில் இடி மின்னலுடன் கூடிய லேசானது முதல் மிதமான மழை பெய்யக்கூடும் என வானிலை ஆய்வு மையம் அறிவித்து இருந்தது. இதனை தொடர்ந்து தமிழக வங்க கடல் பகுதியில் மோசமான வானிலை நிலவி வருவதோடு 55 கிலோ மீட்டர் வேகத்தில் காற்று வீசும் என எச்சரிக்கை விடுக்கப்பட்டுள்ளது.

ஆகையால் நேற்று முதல் அடுத்த அறிவிப்பு வரும் வரை யாரும் மீன்பிடிக்க செல்லக்கூடாது என மீனவ துறை அதிகாரி கள் எச்சரிக்கை விடுத்துள்ள னர். இந்த நிலையில் கடலூர் மாவட்டத்தில் கடந்த சில தினங்களாக தொடர் மழை பெய்து வந்த நிலையிலும், இடையில் 100 டிகிரி சுட்டெரிக்கும் வெயி லும் பதிவானது. இதன் காரணமாக சீதோஷ்ண மாற்றம் ஏற்பட்டு பொது மக்களுக்கு உடல்நிலை பாதிப்பு ஏற்பட்ட கார ணத்தினால் அரசு மற்றும் தனியார் மருத்துவமனை களில் ஏராளமான பொது மக்கள் தொடர் சிகிச்சை பெற்று வந்தனர்.

இந்த நிலையில் நேற்று மாலை கடலூர் மாவட்டத் தில் வானம் மேகமூட்டத் துடன் காணப்பட்டு வந்த நிலையில் மாவட்டத்தில் பரவலாக மழை பெய்தது. கடலூர், நெல்லிக்குப்பம், பண்ருட்டி, விருத்தாச்சலம் ,சிதம்பரம், குறிஞ்சிப்பாடி, பரங்கிப்பேட்டை, ஸ்ரீ முஷ்ணம், காட்டுமன்னார் கோவில், லால்பேட்டை, சேத்தியாதோப்பு, புவனகிரி, வடலூர் உள்ளிட்ட மாவட்டம் முழுவதும் பரவ லாக மழை பெய்து வந்தது. இதனை தொடர்ந்து மாவட்டம் முழுவதும் இன்று காலை முதல் வானம் மேகமூட்டத்துடன் காணப்பட்டு வந்தது. இந்த மழை காரணமாக மாவட்ட முழுவதும் குளிர்ந்த காற்று வீசி வருவதோடு, விவசாய பணிகள் விறுவிறுப்பாகவும் நடைபெற்று வருகின்றது. தற்போது கடலூர் மாவட் டத்தில் தொடர் மழை பெய்து வருவதால் ஆங்காங்கே குளங்களில் தண்ணீர் அதிகரித்து வருகிறது. கடலூர் மாவட்டத்தில் பெய்த மழை அளவி மில்லி மீட்டரில் வருமாறு:- காட்டுமன்னார்கோவில் - 22.4, பெல்லாந்துறை - 22.2, வேப்பூர் - 22.0, லால்பேட்டை - 22.0,லக்கூர் - 13.4, ஸ்ரீமுஷ்ணம் - 11.3, கீழ்செருவாய் - 11.0, பரங்கிப்பேட்டை - 10.2, தொழுதூர் - 8.0, கலெக்டர் அலுவலகம்-6.2, சேத்தியா தோப்பு - 6.2, புவனகிரி - 6.0, குறிஞ்சிப்பாடி - 4.0, எஸ்.ஆர்.சி.குடிதாங்கி - 3.75, பண்ருட்டி - 3.0, சிதம்பரம்-2.2, அண்ணா மலைநகர் - 2.2, விருத்தா சலம் - 2.0,கடலூர் - 2.0, வானமாதேவி-1.2, கொத்தவாச்சேரி - 1.0 கடலூர் மாவட்டத்தில் மொத்தம் 182.25 மில்லி மீட்டர் மழை அளவு பதிவாகி உள்ளது.

சேலம்:

சேலம் மாவட்டத்தில் கடந்த சில நாட்களாக வெயிலின் தாக்கம் அதிகரித்தது. இதனால் பொதுமக்கள் வெளியில் நடமாட முடியாமல் வீட்டில் முடங்கி உள்ளனர்.

இந்த நிலையில் நேற்று முன்தினம் மாவட்டத்தின் பல பகுதிகளில் பரவலாக மழை பெய்தது. 2-வது நாளாக நேற்றும் பல பகுதிகளில் மழை பெய்தது.

குறிப்பாக எடப்பாடி, சங்ககிரி, கரிய கோவில், கெங்கவல்லி உட்பட பல பகுதிகளில் கனமழை பெய்தது.

இந்த மழையால் சாலைகளில் தண்ணீர் பெருக்கெடுத்து ஓடியது தாழ்வான பகுதிகளில் தண்ணீர் தேங்கியது. அதிகபட்சமாக எடப்பாடியில் 22 மில்லி மீட்டர் மழை பதிவாகியுள்ளது.

சங்ககிரி- 21, கரியக்கோவில்-12, கொங்கவல்லி -10, தம்மம்பட்டி-6, பெத்தநாயக்கன்பாளையம் -7, சேலம் -3, ஆத்தூர் -2.4, ஏற்காடு -1.6 என மாவட்டம் முழுவதும் 70 மில்லி மீட்டர் மழை பதிவாகியுள்ளது.

இன்று காலை முதலே வெயிலின் தாக்கம் அதிகமாக இருந்தது. இதனால் சேலம் மாநகரில் பல்வேறு சாலைகள் மக்கள் நடமாட்டம் குறைந்து வெறிச்சோடி காணப்பட்டன.

சேலம்:

சேலம் மாவட்டத்தில் கடந்த சில நாட்களாக மாலை நேரங்களில் பரவலாக மழை பெய்து வருகிறது.

இந்த நிலையில் நேற்றும் மாவட்டம் மற்றும் நகரின் பல்வேறு இடங்களில் மழை கொட்டியது. இதில் அதிகபட்சமாக ஓமலூர் மற்றும் அதன் சுற்றுவட்டார பகுதிகளில் 35 மில்லிமீட்டர் வரை மழை பதிவானது.

சேலத்தில் மாவட்டத்தின் மற்ற இடங்களில் பெய்த மழையளவு (மில்லி மீட்டரில்) வருமாறு:- சங்ககிரி - 22.3, காடயாம்பட்டி - 18, தம்மம்பட்டி - 14, ஏற்காடு - 8.4, எடப்பாடி - 3.2, ஆணைமடுவு - 3, சேலம் - 2.9 என மொத்தம் 106.80 மில்லிமீட்டர் மழை பதிவானது.

சேலம்:

வங்கக்கடலில் நிலவும் காற்றழுத்த தாழ்வு மண்டலம் காரணமாக பல்வேறு மாவட்டங்களில் கனமழை பெய்யும் என்று வானிலை ஆய்வு மையம் தெரிவித்து உள்ளது. சேலம் மாவட்டத்தில் கடந்த சில நாட்களாக மழையின் தாக்கம் குறைந்து, பனிப்பொழிவு அதிகரிக்க தொடங்கியது.

இந்த நிலையில், சேலத்தில் நேற்று காலை முதல் வானம் மேகமூட்டத்துடன் காணப்பட்டது. மதியம் 3 மணியளவில் லேசான சாரல் மழை பெய்ய தொடங்கியது. இதையடுத்து மாவட்டத்தில் ஏற்காடு, ஆத்தூர், ஓமலுார், எடப்பாடி, சங்ககிரி, மேட்டூர், ஓமலூர், தலைவாசல் உள்ளிட்ட பல்வேறு பகுதிகளில் நேற்று மாலை இடியுடன் கூடிய பலத்த மழை பெய்தது. இதனால் சாலையிலும், தாழ்வான பகுதிகளிலும் மழைநீர் பெருக்கெடுத்து ஓடியது.

சேலம் மாநகரத்தில் பழைய மற்றும் புதிய பஸ் நிலையம், அழகாபுரம், சூரமங்கலம், அஸ்தம்பட்டி, கிச்சிப்பாளையம், அன்ன

தானப்பட்டி, கொண்ட லாம்பட்டி உள்பட பல்வேறு இடங்களில் சுமார் ஒரு மணி நேரத்திற்கு மேலாக பலத்த மழை பெய்தது. அஸ்தம்பட்டி, காந்திரோடு பகுதியில் சாலையோரம் இருந்த ஒரு மின்கம்பம் சாய்ந்து விழுந்ததால் அங்கு மின்சாரம் தடைபட்டது. பின்னர் அதை சரிசெய்யும் பணியில் மின்வாரிய ஊழியர்கள் ஈடுபட்டனர். இந்த மழையினால் விவசாயிகள், பொதுமக்கள் மகிழ்ச்சி அடைந்தனர்.

ஏற்காட்டில்...

கிறிஸ்துமஸ் பண்டி கையை ஒட்டி, ஏற்காட்டிற்கு நேற்று முன்தினம் இரவே அதிக அளவில் சுற்றுலா பயணிகள் குவிந்து, அங்குள்ள விடுதிகளில் தங்கினர். காலையில் ஏற்காட்டை சுற்றி பார்க்க காத்திருந்தனர்.

இந்நிலையில் நேற்று காலை முதல் ஏற்காடு, அதன் சுற்றுவட்டார பகுதிகளில் பனிமூட்டம் நிலவியது. 5 அடி தூரத்தில் உள்ளவர் கூட தெரியவில்லை. இதனால் வாகன ஓட்டிகள் சிரமத்துடன் சென்றனர்.

மாலை 3 மணிக்கு மேல் திடீரென மழை பெய்ய தொடங்கியது. மாலை முதல் இரவு 8 வரை தொடர்ந்து மழை பெய்தது. இருப்பினும் சுற்றுலா பயணிகள் நனைந்தபடியும், குடைபிடித்த படியும் அண்ணா, ஏரி பூங்காக்கள், ரோஜா தோட்டம், லேடீஸ், ஜென்ட்ஸ் சீட் பகுதிகளை பார்த்து ரசித்தனர். பலர், படகு இல்லத்தில் சவாரி செய்து மகிழ்ந்தனர்.

சேலம் மாவட்டத்தில் அதிகபட்சமாக ஏற்காட்டில் 29.6 மில்லி மீட்டர் மழை பதிவானது.

மழையளவு

சேலம் மாவட்டத்தில் பெய்த மழை அளவு மில்லிமீட்டரில் வருமாறு:-ஏற்காடு - 29.6, தலை வாசல் - 14, பெத்தநா யக்கன்பாளையம்-10, ஆனைமடுவு - 10, சேலம்-9.6, ஓமலூர்- 9, எடப்பாடி-9, கரிய கோவில் - 9, வீரகனூர் - 8, ஆத்தூர் - 7.2 தம்மம்பட்டி-6, சங்ககிரி - 5.3, கெங்கவல்லி - 4, காடையாம்பட்டி - 4, மேட்டூர் - 3.4 என மாவட்டம் முழுவதும் 138.10 மில்லிமீட்டர் மழை பதிவாகி உள்ளது.

வேலூர்:

மாண்டஸ் புயலை தொடர்ந்து ராணிப்பேட்டை வேலூர் திருவண்ணாமலை திருப்பத்தூர் மாவட்டத்தில் பலத்த மழை பெய்து வருகிறது. ராணிப்பேட்டை மாவட்டத்தில் நேற்று இரவு முதல் பரவலாக மழை பெய்து வருகிறது.

அரக்கோணம், நெமிலி, காவேரிப்பாக்கம், சோளிங்கர், வாலாஜா, ஆற்காடு ஆகிய வட்டா ரங்களில் கனமழை பெய்தது. இதனால் அரக்கோணம் மற்றும் நெமிலி தாலுகாவில் உட்பட்ட பள்ளி கல்லூரிகளுக்கு விடுமுறை அறிவித்து கலெக்டர் உத்தரவிட்டார்.

ராணிப்பேட்டை மாவட்டத்தில் அதிக அளவில் நெற்பயிர்கள் சேதமடைந்துள்ளன.இது குறித்து அதிகாரிகள் கணக்கெடுப்பு நடத்தி வருகின்றனர்.

வேலூர் மாவட்டத்தில் இன்று அதிகாலை முதல் பரவலாக மழை பெய்தது. காலையில் பள்ளி கல்லூரிகளுக்கு சென்ற மாணவ மாணவிகள் நனைந்தபடி சென்றனர். வேலூர் மாநகராட்சியில் பல்வேறு இடங்களில் போக்குவரத்து நெரிசல் ஏற்பட்டது. மாலை 3 மணிக்கு பள்ளிகளுக்கு கலெக்டர் குமாரவேல் பாண்டியன் விடுமுறை அறிவித்தார்.

திருப்பத்தூர் மாவட்டத்தில் இன்று அதிகாலை முதல் மழை பெய்து வருகிறது. மேலும் கடும் குளிரும் வாட்டி வதைக்கிறது. இதனால் பொதுமக்கள் கடும் அவதி அடைந்துள்ளனர்.

தொடர் மழை காரணமாக பாலாற்றில் நீர்வரத்து மேலும் அதிக ரித்துள்ளது. பாலாற்றில் இருந்து வேலூர், ராணிப்பேட்டை மாவட்டத்தில் உள்ள ஏரிகளுக்கு தண்ணீர் திருப்பி விடப்பட்டுள்ளது.

ராணிப்பேட்டை மாவட்டத்தில் 369 ஏரிகள் உள்ளன. இதில் நேற்று வரை 194 ஏரிகள் நிரம்பியது. ஒரே நாளில் மேலும் 10 ஏரிகள் முழு கொள்ளளவை எட்டியது. இதனால் மாவட்டத்தில் 204 ஏரிகள் நிரம்பி கோடிப் போகிறது. 56 ஏரிகள் விரைவில் நிரம்பும் தருவாயில் உள்ளது. மற்ற ஏரிகளுக்கும் நீர் வரத்து ஏற்பட்டுள்ளது.

சேலம்:

சேலம் மாவட்டத்தில் கடந்த சில நாட்களாக மழை பெய்து வருகிறது. குறிப்பாக வீரகனூர், ஆத்தூர், ஏற்காடு, தலைவாசல், சேலம், ஓமலூர், தம்மம்பட்டி, சங்ககிரி, கெங்கவல்லி, எடப்பாடி ஆகிய பகுதிகளில் கனமழை பெய்து வருகிறது. நேற்று காலையில் வெயில் வாட்டி வதைத்த நிலையில், மாலையில் வானம் மேகமூட்டத்துடன் காணப்பட்டது. பின்னர் மழை பெய்யத் தொடங்கியது. குறிப்பாக சேலம், ஆத்தூர், கெங்கவல்லி, சங்ககிரி, தலைவாசல், வீரகனூர், கரிய கோவில், எடப்பாடி, ஓமலூர், தம்மம்பட்டி ஆகிய பகுதிகளில் பரவலாக மழை பெய்தது.

62.60 மி.மீ மழை பதிவு

இதனால் சாலைகளில் மழைநீர் பெருக்கெடுத்து ஓடியது. தலைவாசலில் அதிகபட்சமாக 16 மில்லிமீட்டர் மழை பதிவாகி உள்ளது. இதனால் மாவட்டம் முழுவதும் கடும் குளிர் நிலவி வருகிறது. சேலம் மாவட்டத்தில் பெய்த மழை அளவு மில்லி மீட்டரில் வருமாறு:-

தலைவாசல் - 16 மி.மீ, வீரகனூர் - 9, சங்ககிரி - 7.4, தம்மம்பட்டி - 6, ஏற்காடு - 5, கரியகோவில் - 4, பெத்தநாயக்கன் பாளையம் - 3, ஆத்தூர்-2.4, கெங்கவல்லி- 2.2, ஓமலூர்- 2, எடப்பாடி- 2, ஆணைமடுவு - 2 சேலம்-1.6 என மாவட்டம் முழுவதும் மொத்தம் 62.60 மில்லி மீட்டர் மழை பதிவாகி உள்ளது.

நாமக்கல்

நாமக்கல் மாவட்டத்தில் நேற்று மாலை பரவலாக மழை பெய்தது. குறிப்பாக ராசிபுரம், நாமகிரிப்பேட்டை, சீராப்பள்ளி, காக்காவேரி உள்பட பல பகுதிகளில் நேற்று காலை முதலே வானம் மேகமூட்டத்துடன் காணப்பட்டது. மதியம் திடீரென மழை பெய்தது. மதியம் 3 மணிக்கு தொடங்கிய மழை, மாலை 5 மணி வரை பெய்து கொண்டிருந்தது. இதனால் இயல்பு வாழ்க்கை பாதிக்கப்பட்டது.

இந்நிலையில், இன்று அதிகாலையும் நாமக்கல் நகரில் பரவலாக மழை பெய்தது. சுமார் அரை மணி நேரத்திற்கும் மேலாக நீடித்த சாரல் மழையால், நாமக்கல் நகரில் குளிர்ந்த சீதோஷ்ணம் நிலவி வருகிறது.

வியாபாரிகள் பாதிப்பு

பரமத்தி வேலூர், நன்செய் இடையாறு, பாலப்பட்டி, ஓலப்பாளையம், மோகனூர், பொத்தனூர், பாண்டமங்கலம், வெங்கரை, பரமத்தி, கொந்தளம், சேளூர், பிலிக்கல்பாளையம், குன்னத்தூர், ஆனங்கூர், வடகரையாத்தூர், இருக்கூர், பெரியசோளிபாளையம், தி.கவுண்டம்பாளையம், திடுமல், சிறு நல்லிகோவில், கொத்தமங்கலம், குரும்பல மகாதேவி, ஜமீன்எளம்பள்ளி, சோழசிராமணி, சுள்ளிப்பா ளையம், பெருங்குறிச்சி, குப்பரிக்காபாளையம், கந்தம்பாளையம், மணியனூர், நல்லூர், கூடச்சேரி, ஒத்தக்கடை உள்ளிட்ட பல்வேறு பகுதிகளில் நேற்று பகல் 12 மணி முதல் திடீரென சாரல் மழை பெய்ய ஆரம்பித்தது.

பின்னர் வேகமாக பெய்ய தொடங்கிய மழை, விட்டு விட்டு இரவு முழுவதும் பெய்து கொண்டிருந்தது. இதன் காரணமாக சாலைகளில்

வெள்ளம் பெருக்கெடுத்து ஓடியது. இதனால் சாலை யோரம் போடப்பட்டிருந்த பழக்கடைகள், பலகார கடைகள், டிபன் கடைகள், பூக்கடைகள், ஜவுளிக்கடைகள், மண்பாண்டம் கடைகள், தள்ளுவண்டி கடைக்காரர்கள் வியாபாரம் செய்ய முடியாமல் அவதிப்பட்டனர். திடீரென மழை பெய்ததால், இருசக்கர வாகனங்கள், நடந்து செல்வோர் நனைந்தபடியே சென்றனர். 

கடலூர்:

வங்க கடலில் குறைந்த காற்றழுத்த தாழ்வு பகுதி உருவானது. இதனை தொடர்ந்து அடுத்த 24 மணி நேரத்தில் மேற்கு - வட மேற்கு திசையில் நகர்ந்து காற்றழுத்த தாழ்வு மண்டலமாக வலுவடைய உள்ளது. மேலும் டிசம்பர் 8 ந்தேதி புயலாக மாற வாய்ப்பு உள்ளது . புயலாக மாறும் பட்சத்தில் புயலுக்கு மாண்டஸ் என பெயர் சூட்டப்பட்டுள்ளது. 

இதனை தொடர்ந்து தமிழகத்தில் பல்வேறு மாவட்டங்களில் மழை பெய்யும் என வானிலை ஆய்வு மையம் அறிவித்துள்ளனர். அதன்படி கடலூர் மாவட்டத்தில் கடந்த 2 தினங்களாக விடிய விடிய மழை பெய்து வந்தது. இதில் கடலூர், நெல்லிக்குப்பம், பண்ருட்டி, சிதம்பரம், விருத்தாச்சலம், வேப்பூர், சேத்தியாத்தோப்பு, வானமாதேவி, குறிஞ்சிப்பாடி, புவனகிரி, பரங்கிப்பேட்டை, காட்டுமன்னார்கோவில், அண்ணாமலை நகர், காட்டு மயிலூர், தொழுதூர், வடக்குத்து உள்ளிட்ட மாவட்டம் முழுவதும் மழை பெய்து வந்தது.

இந்த மழை நேற்று முழுவதும் பெய்து வந்த நிலையில் சிறிது நேரம் வெயில் அடித்தும்,  சில மணி நேரம் கன மழை பெய்து வந்தது. இதன் காரணமாக தாழ்வான பகுதிகளில் தற்போது குறைந்த அளவில் தண்ணீர் தேங்கி வருகின்றது. மேலும் மாவட்டம் முழுவதும் மழைநீர் சூழும் பகுதியும் அதிகாரிகள் கண்காணித்து வருகின்றனர். மேலும் கடலூர் மாவட்டத்தில் காலை நேரங்களில் வானம் மேக மூட்டத்துடனும், அதன் பிறகு சுட்டெரிக்கும் வெயிலும் இதற்கிடையில் கனமழையும் அதிகாலையில் பணிபொழிவும் மாலையில் குளிர்ந்த காற்று என தொடர்ந்து சீதோசன மாற்றம் காரணமாக பொதுமக்கள் கடும் அவதி அடைந்து வருகின்றனர்.

கடலூர் மாவட்டத்தில் மழை அளவு மில்லி மீட்டர் அளவில் பின்வருமாறு-

காட்டுமன்னார்கோயில் - 78.2, லால்பேட்டை - 55.0,அண்ணாமலைநகர் - 45.0,கடலூர் - 38.4, கொத்தவாச்சேரி - 38.0, ஸ்ரீமுஷ்ணம் - 33.2,சிதம்பரம் - 30.2,கலெக்டர் அலுவலகம் - 27.9, பரங்கிப்பேட்டை - 25.2, புவனகிரி - 25.0, பெல்லாந்துறை - 24.2, குறிஞ்சிப்பாடி - 24.0, வானமாதேவி - 21.8, சேத்தியாத்தோப்பு - 21.6, குப்பநத்தம் - 20.0, கீழ்செருவாய் - 18, பண்ருட்டி - 18.0, எஸ்ஆர்சி குடிதாங்கி - 17.5, வேப்பூர் - 17.0, விருத்தாசலம் - 16.5, தொழுதூர் - 15.0, காட்டுமயிலூர் - 13.0, லக்கூர் - 7.4, வடக்குத்து - 6.0, மீ-மாத்தூர் - 5.0,என மொத்தம் - 641.10 மில்லி மீட்டர் மழையளவு பதிவாகி உள்ளது ‌

சேலம்:

வடகிழக்கு பருவ மழையொட்டி சேலம் மாவட்டத்தில் பல்வேறு பகுதிகளில் கடந்த சில நாட்களாக மழை பெய்து வருகிறது. குறிப்பாக வீர கனூர், ஆத்தூர், ஏற்காடு, தலைவாசல், சேலம், ஓமலூர் ஆகிய பகுதிகளில் அதிக அளவில் மழை பெய்து வருகிறது.

வெயில் வாட்டியது

இந்த நிலையில் நேற்று காலையில் வெயில்

வாட்டி வதைத்த நிலையில்,

மாலையில் வானம் மேக

மூட்டத்துடன் காணப்பட்டது. தொடர்ந்து மாலை 5 மணியளவில் மழை பெய்ய தொடங்கியது. குறிப்பாக ஆத்தூர், கெங்க

வல்லி, சங்ககிரி, தலைவா சல், வீரகனூர், கரிய கோவில் ஆகிய பகுதிகளில் கனமழை பெய்தது. இதனால் மழை நீருடன் சாக்கடைநீர் கலந்து சாலைகளில் பெருக்கெடுத்து ஓடியது. அதிகபட்சமாக ஆத்தூரில் 28.6 மில்லிமீட்டர் மழை பதிவாகி உள்ளது. மழையால் மாவட்டம் முழுவதும் கடும் குளிர் நிலவி வருகிறது.

சேலம் மாவட்டத்தில் பெய்த மழை அளவு மில்லி மீட்டரில் வருமாறு:-

ஆத்தூர்-28.6 மி.மீ, கெங்கவல்லி- 22, சங்ககிரி - 20, தலைவாசல் - 17, சேலம் - 7.1, வீரகனூர் - 7, கரிய கோவில் - 4 என மாவட்டம் முழுவதும் மொத்தம் 105.70 மில்லி மீட்டர் மழை பதிவாகி உள்ளது.

நாமக்கல்

நாமக்கல் மாவட்டத்தில் நேற்று பரவலாக மழை பெய்தது. குறிப்பாக ராசிபுரம், புதுச்சத்திரம் பகுதிகளில் கனமழை பெய்தது. இந்த மழையால் தாழ்வான பகுதிகளில் தண்ணீர் தேங்கியது. இதே போல எருமைப்பட்டி, பரமத்தி வேலூர், நாமக்கல் நகர பகுதிகளிலும் லேசான சாரல் மழை பெய்தது.

மாவட்டத்தில் அதிகபட்ச மாக ராசிபுரத்தில் 19.3

மில்லி மீட்டர் மழை பதிவா கியுள்ளது. புதுச்சத்திரம்-10, பரமத்தி-3, நாமக்கல்-1.5, எருமப்பட்டி-2 என மாவட்டம் முழுவதும் 35.80 மில்லி மீட்டர் மழை பதிவாகி உள்ளது.

32 ஏரிகள் நிரம்பின

நாமக்கல் மாவட்டத்தில் 32 ஏரிகள் முழுவதும் நிரம்பி உள்ளன. 8 ஏரிகள் 75 சதவீதமும், 4 ஏரிகள் 50 சதவீதமும், 6 ஏரிகள் 25 சதவீதமும், 7 ஏரிகளில் 1 முதல் 25 சதவீதமும் நிரம்பி உள்ளன. 22 ஏரிகளில் ஒரு சொட்டு தண்ணீர் கூட இல்லை. அந்த ஏரிகளிலும் தண்ணீர் நிரம்ப நடவடிக்கை எடுக்க வேண்டும் என விவசாயிகள் கோரிக்கை விடுத்துள்ளனர்.