search icon
என் மலர்tooltip icon
      முகப்பு » women asia cup

      நீங்கள் தேடியது "Women Asia Cup"

      category icon கிரிக்கெட் (Cricket)
      அட்கின்சன்- சமிரா அட்டப்பட்டு

      ஐசிசி-யின் ஜூலை மாத சிறந்த கிரிக்கெட்டராக அட்கின்சன், சமாரி அட்டப்பட்டு தேர்வு

      • வெஸ்ட் இண்டீஸ்க்கு எதிரான தொடரில் 22 விக்கெட்டுகள் கைப்பற்றினார்.
      • ஆசிய கோப்பை தொடரில் சமாரி அட்டப்பட்டு 304 ரன்கள் குவித்தார்.

      கிரிக்கெட் போட்டியில் சிறப்பாக விளையாடும் வீரர்களை மாதந்தோறும் ஐசிசி தேர்வு செய்து அவர்களை அந்தந்த மாதத்திற்கான சிறந்த வீரர் மற்றும் வீராங்கனையாக அறிவிக்கும்.

      அதன்படி ஜூலை மாதத்தின் சிறந்த வீரராக இங்கிலாந்து அணியின் கஸ் அட்கின்சன் தேர்வு செய்யப்பட்டுள்ளார். இவர் வெஸ்ட் இண்டீஸ் அணிக்கெதிராக டெஸ்ட் போட்டியில் அறிமுகமாகி, இங்கிலாந்து தொடரை கைப்பற்ற முக்கிய காரணமாக இருந்தார்.

      இலங்கையில் நடைபெற்ற பெண்களுக்கு ஆசிய கோப்பை கிரிக்கெட்டில் சமாரி அட்டப்பட்டு சிறப்பாக விளையாடி இலங்கை அணி சாம்பியன் பட்டம் வெல்ல முக்கிய காரணமாக இருந்தார். இதனால் சமாரி அட்டப்பட்டு ஜூலை மாதத்திற்கான சிறந்த வீராங்கனையாக தேர்வு செய்யப்பட்டுள்ளார்.

      வெஸ்ட் இண்டீஸ்க்கு எதிரான டெஸ்ட் தொடரை இங்கிலாந்து 3-0 எனக் கைப்பற்றியது. இந்தத் தொடரில் அட்கின்சன் 22 விக்கெட்டுகள் கைப்பற்றினார்.

      சமாரி அட்டப்பட்டு பெண்களுக்கான ஆசிய கோப்பை தொடரில் 304 ரன்கள் குவித்தார். சராசரி 101.33 ஆகும். மலேசியாவுக்கு எதிராக 119 ரன்கள் எடுத்து ஆட்டமிழக்காமல் இருந்தார். முக்கியமான போட்டிகளில் இரண்டு அரைசதங்கள் விளாசினார்.

      ICC Women Asia Cup Gus Atkinson Chamari Athapaththu ஐசிசி பெண்கள் ஆசிய கோப்பை 
      category icon விளையாட்டு
      மகளிர் ஆசிய கோப்பை: நேபாளத்தை வீழ்த்தி முதல் வெற்றியை பதிவு செய்த பாகிஸ்தான்

      மகளிர் ஆசிய கோப்பை: நேபாளத்தை வீழ்த்தி முதல் வெற்றியை பதிவு செய்த பாகிஸ்தான்

      • 20 ஓவர்கள் முழுமையாக விளையாடிய நேபாளம் 6 விக்கெட்டுகளை இழந்து 108 ரன்கள் மட்டுமே அடித்தது.
      • அதிரடியாக விளையாடி அரைசதம் அடித்த குல் பெரோசாக் இலக்கை நெருங்கிய தருவாயில் ஆட்டமிழந்தார்.

      9-வது மகளிர் ஆசிய கோப்பை தொடரில் நேற்று நடைபெற்ற 6-வது லீக் ஆட்டத்தில் பாகிஸ்தான் - நேபாளம் அணிகள் மோதின. இந்த ஆட்டத்தில் டாஸ் வென்ற பாகிஸ்தான் பந்துவீச்சை தேர்வு செய்தது.

      அதன்படி முதலில் பேட்டிங் செய்த நேபாளம், பாகிஸ்தானின் பந்து வீச்சை சமாளித்து அதிரடியாக விளையாட முடியாமல் திணறியது. 20 ஓவர்கள் முழுமையாக விளையாடிய நேபாளம் 6 விக்கெட்டுகளை இழந்து 108 ரன்கள் மட்டுமே அடித்தது. அதிகபட்சமாக கபிதா ஜோஷி 31 ரன்கள் அடித்தார். பாகிஸ்தான் தரப்பில் அதிகபட்சமாக சாடியா இக்பால் 2 விக்கெட்டுகள் வீழ்த்தினார்.

      இதனையடுத்து 109 ரன்கள் அடித்தால் வெற்றி என்ற எளிய இலக்கை நோக்கி களமிறங்கிய பாகிஸ்தான் அணியின் தொடக்க ஆட்டக்காரர்கள் ஆன குல் பெரோசாக் மற்றும் முனீபா அலி அதிரடியாக விளையாடி அணியை வெற்றிப்பாதைக்கு அழைத்து சென்றனர். அதிரடியாக விளையாடி அரைசதம் அடித்த குல் பெரோசாக் இலக்கை நெருங்கிய தருவாயில் ஆட்டமிழந்தார். வெறும் 11.5 ஓவர்களிலேயே 1 விக்கெட்டை மட்டுமே இழந்த பாகிஸ்தான் 110 ரன்கள் அடித்து எளிதில் வெற்றி பெற்றது. முனீபா அலி 46 ரன்கள் அடித்து ஆட்டமிழக்காமல் களத்தில் இருந்தார்.

      நடப்பு தொடரில் பாகிஸ்தான் பெற்ற முதல் வெற்றி இதுவாகும். முன்னதாக நடைபெற்ற முதலாவது ஆட்டத்தில் இந்தியாவுக்கு எதிராக பாகிஸ்தான் தோல்வியடைந்திருந்தது.

      Women Asia Cup PAK Vs NEP மகளிர் ஆசிய கோப்பை 
      category icon செய்திகள்
      மகளிர் ஆசிய கோப்பை - இலங்கை அணியை 7 விக்கெட் வித்தியாசத்தில் வீழ்த்தியது இந்தியா
      சென்னை

      மகளிர் ஆசிய கோப்பை - இலங்கை அணியை 7 விக்கெட் வித்தியாசத்தில் வீழ்த்தியது இந்தியா

      மலேசியாவில் நடைபெற்றுவரும் மகளிர் ஆசிய கோப்பை தொடரில் இந்திய அணி, இலங்கை அணியை 7 விக்கெட் விக்கெட் வித்தியாசத்தில் வீழ்த்தியது. #WomenAsiaCup #WAC2018 #INDvSL

      இந்தியா, இலங்கை, பாகிஸ்தான், வங்காளதேசம், தாய்லாந்து, மலேசியா ஆகிய ஆறு அணிகள் கலந்துகொள்ளும் மகளிர் ஆசிய கோப்பை டி20 கிரிக்கெட் தொடர் இலங்கையில் நடைபெற்று வருகிறது. இந்திய அணி தனது முதல் இரண்டு போட்டிகளில் மலேசியா மற்றும் தாய்லாந்து அணிகளை எளிதாக வீழ்த்தியது. நேற்று நடைபெற்ற மூன்றாவது போட்டியில் வங்காளதேச அணியிடம் அதிர்ச்சி தோல்வியடைந்தது.

      இந்நிலையில், இந்திய அணி தனது 4-வது லீக் போட்டியில் இலங்கை அணியை இன்று எதிர்கொண்டது. இப்போட்டியில், டாஸ் வென்ற இலங்கை அணி பேட்டிங்கை தேர்வு செய்தது. இலங்கை அணியின் தொடக்க வீராங்கனைகளாக யசோதா மெண்டிஸ், நிபுனி ஹன்சிகா ஆகியோர் களமிறங்கினர். நிபுனி 2 ரன்கள் எடுத்திருந்த நிலையில் ஆட்டமிழந்தார்.

      அதன்பின் யசோதா உடன், ஹாசினி பெரேரா ஜோடி சேர்ந்தார். இருவரும் நிதானமாக விளையாடி ரன் சேர்த்தனர். யசோதா 27 ரன்களில் ஆட்டமிழந்தார். அதன்பின் வந்தவர்கள் இந்திய அணியின் பந்துவீச்சுக்கு தாக்குபிடிக்க முடியாமல் அடுத்தடுத்து ஆட்டமிழந்தனர். இதனால் இலங்கை அணி 20 ஓவர்கள் முடிவில் 7 விக்கெட் இழப்பிற்கு 107 ரன்கள் மட்டுமே எடுத்தது. ஹாசினி 46 ரன்களுடன் களத்தில் இருந்தார். இந்திய அணி பந்துவீச்சில் எக்தா பிஷிட் 2 விக்கெட் வீழ்த்தினார்.



      இதையடுத்து 108 ரன்கள் எடுத்தால் வெற்றி என்ற இலக்குடன் இந்திய அணி பேட்டிங் செய்தது. இந்திய அணியின் தொடக்க வீராங்கனைகளாக மிதாலி ராஜ், ஸ்மிரிதி மந்தனா ஆகியோர் களமிறங்கினர். மந்தனா 12 ரன்கள் எடுத்திருந்த நிலையில் ஆட்டமிழந்தார். அவரைத்தொடர்ந்து ஹர்மன்பிரீத் கவுர் களமிறங்கினார். மிதாலி ராஜ் 23 ரன்களில் அவுட் ஆனார். அதன்பின் வேதா கிருஷ்ணமூர்த்தி களமிறங்கினார்.

      கேப்டன் ஹர்மன்பிரீத் கவுர் 24 ரன்களில் ஆட்டமிழந்தார்.  அதைத்தொடர்ந்து அனுஜா பட்டேல் களமிறங்கினார். இந்திய அணி 18.5 ஓவர்களில் 3 விக்கெட் இழப்பிற்கு 110 ரன்கள் எடுத்து 7 விக்கெட் வித்தியாசத்தில் வெற்றி பெற்றது. இந்திய அணி நாளை தனது கடைசி லீக் ஆட்டத்தில் பாகிஸ்தான் அணியை எதிர்கொள்கிறது. #WAC2018 #INDvSL
      Women Asia Cup Cricket India Srilanka மகளிர் ஆசிய கோப்பை கிரிக்கெட் இந்தியா இலங்கை 
      category icon செய்திகள்
      முதல் முறையாக தோல்வியை சந்தித்த இந்திய மகளிர் அணி
      சென்னை

      முதல் முறையாக தோல்வியை சந்தித்த இந்திய மகளிர் அணி

      மகளிர் ஆசிய கோப்பையில் இன்று நடைபெற்ற போட்டியில் இந்திய அணியை வீழ்த்தியதன் மூலம் வங்காளதேச அணி இந்திய அணியின் தொடர் ஆசிய கோப்பை வெற்றிக்கு முற்றுப்புள்ளி வைத்துள்ளது. #WAC2018 #TeamIndia #BCCI #BleedBlue

      மகளிர் ஆசிய கோப்பை கிரிக்கெட் தொடர் கடந்த 2004-ம் ஆண்டு முதல் நடைபெற்று வருகிறது. முதல் தொடரில் இந்தியா - இலங்கை அணிகள் கலந்துகொண்டன. ஐந்து போட்டிகள் கொண்ட இந்த தொடரை இந்திய அணி முழுமையாக கைப்பற்றியது. 

      அதன்பின் 2005-06 தொடரில் பாகிஸ்தானும் கலந்துகொண்டது. இந்த முறையும் ஒரு போட்டியில் கூட தோல்வியடையாமல் இந்திய அணி கோப்பை கைப்பற்றியது. 2006-ம் ஆண்டு நடைபெற்ற தொடரிலும் இந்திய அணி கோப்பையை கைப்பற்றியது. இதன்மூலம் இந்திய அணி ஹாட்ரிக் வெற்றி பெற்றது. 

      2008-ம் ஆண்டு நடைபெற்ற ஆசிய கோப்பை தொடரில் வங்காளதேசம் அணியும் கலந்துகொண்டது. இந்த முறையும் வழக்கம்போல இந்திய அணி ஒரு போட்டியில் கூட தோல்வியடையாமல் கோப்பையை நான்காவது முறையாக கைப்பற்றியது. 2012-ம் ஆண்டு முதல் இந்த தொடர் டி20 முறைக்கு மாற்றப்பட்டது. இந்த தொடரில் சீனா, தாய்லாந்து, ஹாங்காங், நேபாளம் ஆகிய அணிகளும் கலந்துகொண்டன. இந்த முறையும் இந்திய அணி கோப்பையை கைப்பற்றியது.

      2016-ம் ஆண்டு நடைபெற்ற தொடரில் சீனா, ஹாங்காங் பங்கேற்கவில்லை. இந்த தொடரில் வெற்றிபெற்றதன் மூலம் தொடர்ந்து ஆறாவது முறையாக இந்திய அணி கோப்பையை கைப்பற்றி அசத்தியது. இதன்மூலம் ஆறு தொடர்களில் விளையாடிய 32 போட்டிகளில் ஒரு போட்டியில் கூட இந்திய அணி தோல்வியடையாமல் இருந்தது.



      இந்நிலையில், 7-வது மகளிர் ஆகிய கோப்பை போட்டிகள் இலங்கையில் நடைபெற்று வருகிறது. இதில் இந்தியா, இலங்கை, பாகிஸ்தான், வங்காளதேசம், தாய்லாந்து, மலேசியா ஆகிய ஆறு அணிகள் கலந்துகொண்டுள்ளன. இந்திய அணி தனது முதல் இரண்டு போட்டிகளில் மலேசியா மற்றும் தாய்லாந்து அணிகளை எளிதாக வீழ்த்தியது. இந்நிலையில், இன்று நடைபெற்ற மூன்றாவது போட்டியில் இந்திய அணி, 7 விக்கெட் வித்தியாசத்தில் வங்காளதேச அணியிடம் தோல்வியடைந்தது.

      இதன்மூலம், இந்திய அணியின் தொடர் வெற்றிக்கு வங்காளதேச அணி முற்றுப்புள்ளி வைத்தது. இதுவரை விளையாடிய 34 போட்டிகளில் இந்திய அணி தோல்வியடையாமல் இருந்தது என்பது குறிப்பிடத்தக்கது.  #WAC2018 #TeamIndia #BCCI #BleedBlue
      Women Asia Cup Cricket India மகளிர் ஆசிய கோப்பை கிரிக்கெட் இந்தியா 
      category icon செய்திகள்
      மகளிர் ஆசிய கோப்பை - இந்திய அணியை 7 விக்கெட் வித்தியாசத்தில் வீழ்த்தியது வங்காளதேசம்
      சென்னை

      மகளிர் ஆசிய கோப்பை - இந்திய அணியை 7 விக்கெட் வித்தியாசத்தில் வீழ்த்தியது வங்காளதேசம்

      மலேசியாவில் நடைபெற்றுவரும் மகளிர் ஆசிய கோப்பை தொடரில் வங்காளதேச அணி, இந்திய அணியை 7 விக்கெட் விக்கெட் வித்தியாசத்தில் வீழ்த்தியது. #WomenAsiaCup #WAC2018 #BANWvINDW

      இந்தியா, இலங்கை, பாகிஸ்தான், வங்காளதேசம், தாய்லாந்து, மலேசியா ஆகிய ஆறு அணிகள் கலந்துகொள்ளும் மகளிர் ஆசிய கோப்பை டி20 கிரிக்கெட் தொடர் மலேசியாவில் நடைபெற்று வருகிறது. இந்திய அணி தனது முதல் இரண்டு போட்டிகளில் மலேசியா மற்றும் தாய்லாந்து அணிகளை எளிதாக வீழ்த்தியது. இந்நிலையில், இன்று நடைபெற்ற மூன்றாவது போட்டியில் இந்திய அணி, வங்காளதேச அணியை எதிர்கொண்டது.

      இப்போட்டியில், டாஸ் வென்ற இந்திய அணி பேட்டிங்கை தேர்வு செய்தது. இந்திய அணியின் தொடக்க வீராங்கனைகளாக மிதாலி ராஜ், ஸ்மிரிதி மந்தனா ஆகியோர் களமிறங்கினர். மந்தனா 2 ரன்கள் மட்டுமே எடுத்திருந்த நிலையில் ஆட்டமிழந்தார். அவரைத்தொடர்ந்து மிதாலி ராஜ் 15 ரன்களில் எதிர்பாராத விதமாக ரன் அவுட் ஆனார். அதன்பின் பூஜா வஸ்த்ரகர் - ஹர்மன்பிரீத் கவுர் ஆகியோர் ஜோடி சேர்ந்தனர்.

      இருவரும் நிதானமாக விளையாடினர். பூஜா 20 ரன்னில் ஆட்டமிழந்தார். அதைத்தொடர்ந்து தீப்தி சர்மா களமிறங்கினார். சிறப்பாக விளையாடிவந்த ஹர்மன்பிரீத் கவுர் 42 ரன்னிலும், தீப்தி சர்மா 32 ரன்னிலும் ஆட்டமிழந்தனர். இந்திய அணி 20 ஓவர்கள் முடிவில் 7 விக்கெட் இழப்பிற்கு 141 ரன்கள் எடுத்தது. வங்காளதேச அணி பந்துவீச்சில் ருமானா அகமது 3 விக்கெட் வீழ்த்தினார். 



      இதையடுத்து 142 ரன்கள் எடுத்தால் வெற்றி என்ற இலக்குடன் வங்காளதேச அணி களமிறங்கியது. அந்த அணியின் தொடக்க ஆட்டக்காரர்களாக ஷமிமா சுல்தனா, ஆயஷா ரஹ்மான் ஆகியோர் களமிறங்கினர். ஆயஷா 12 ரன்களில் ஆட்டமிழந்தார். அதைத்தொடர்ந்து பர்கானா ஹக் களமிறங்கினார். நிதானமாக விளையாடிய ஷமிமா 33 ரன்களில் ஆட்டமிழந்தார். இதில் 7 பவுண்டரிகள் அடங்கும்.

      அதன்பின் வந்த நிகார் சுல்தானா 1 ரன்னில் ஆட்டமிழந்தார். அதைத்தொடர்ந்து பர்கானா உடன் ருமானா அகமது ஜோடி சேர்ந்தார். இந்த ஜோடி சிறப்பாக விளையாடி ரன் சேர்த்தது. ஒரு கட்டத்தில் வங்காளதேச அணியின் வெற்றிக்கு 3 ஓவரில் 20 ரன்கள் தேவைப்பட்டது. ஜூலன் கோஸ்வாமி 18-வது ஓவரை வீசி 10 ரன்கள் விட்டுக்கொடுத்தார். இதனால் வங்காளதேச அணிக்கு 12 பந்துகளில் 10 ரன்கள் தேவைப்பட்டது.

      சிறப்பாக விளையாடி வந்த பர்கானா 44 பந்தில் அரைசதம் அடித்தார். கடைசி ஓவரில் வங்காளதேச அணிக்கு 4 ரன்கள் மட்டுமே தேவைப்பட்டது. இறுதியில் வங்காளதேச அணி 19.4 ஓவர்களில் 3 விக்கெட் இழப்பிற்கு 142 ரன்கள் எடுத்து 7 விக்கெட் வித்தியாசத்தில் வெற்றி பெற்றது. பர்கானா 52 ரன்களுடனும், ருமானா 42 ரன்களுடனும் களத்தில் இருந்தனர். இந்திய அணி நாளை தனது 4-வது லீக் ஆட்டத்தில் இலங்கை அணியை எதிர்கொள்கிறது. #WAC2018 #BANWvINDW

      Women Asia Cup Cricket India Bangladesh மகளிர் ஆசிய கோப்பை கிரிக்கெட் இந்தியா வங்காளதேசம் 
      ×
        X
        sidekick