வார ராசிபலன் 27.10.2024 முதல் 3.11.2024 வரை

27.10.2024 முதல் 3.11.2024 வரை

வெற்றி மேல் வெற்றி வந்து சேரும் வாரம். ராசி அதிபதி புதன் பூர்வ புண்ணிய ஸ்தான அதிபதி சுக்ரனுடன் உப ஜெய ஸ்தானமான 6ம் மிடத்தில் சேர்க்கை பெற்றுள்ளார். எதிரிகள் ஒதுங்குவார்கள். தொட்டது துலங்கும். விரய ஸ்தானத்தில் நிற்கும் குருவின் வக்ர பெயர்ச்சியால் வலிமையான சுப மாற்றம் நடக்கும். வீண் விரயங்கள் மருத்துவ செலவு குறையும். எந்த ஒரு பிரச்சனையாக இருந்தாலும் அதை எதிர்த்து போராடி ஜெயிப்பீர்கள். இதுவரை வேலைக்கு செல்லாதவர்கள் கூட இனி வரக்கூடிய காலகட்டத்தில் அயராது உழைப்பார்கள். வேலையிலும் தொழிலிலும் உங்களை தோற்கடிக்க யாராலும் முடியாது.

பாகப் பிரிவினை சுமூகமாக முடியும். வீடு, வாகன பிராப்த்தம் உள்ளது. குடும்பத்தில் ஒற்றுமை ஓங்கும். திறமைகளின் மூலம் பணியில் பொறுப்புகள் உயரும்.வாழ்க்கைத் துணையால் செல்வ நிலை உயரும், செல்வாக்கு மேலோங்கும்.நினைத்ததை நினைத்தபடி செய்து முடிக்கக் கூடிய சந்தர்ப்பம் கிடைக்கும்.பிறரின் பணப் பிரச்சனையில் தலையிடக்கூடாது. தீபாவளி ஆபரில் புதிய வீட்டு உபயோக பொருட்கள் வாங்குவீர்கள். ஆரோக்கியம் சீராகும்.விஷ்ணு சகஸ்ஹர நாமம் படிக்கவும்.

`பிரசன்ன ஜோதிடர்'

ஐ.ஆனந்தி

செல்: 98652 20406