null
- டிராகன் படத்தில் இயக்குனர்களான கவுதம் மேனன், மிஷ்கின் மற்றும் கே.எஸ் ரவிக்குமார் நடித்து இருப்பது குறிப்பிடத்தக்கது.
- தனுஷ் இயக்கத்தில் கடந்த மாதம் வெளியானது நிலவுக்கு என்மேல் என்னடி கோபம் திரைப்படம்.
திரையரங்கில் வாரந்தோறும் பல திரைப்படங்கள் வெளிவந்தாலும். அதை எல்லாவற்றையும் மக்கள் திரையரங்கிற்கு சென்று பார்ப்பதில்லை.
இதனால் திரைப்படங்களை ஓடிடியில் பார்ப்பதற்கு மக்கள் ஆர்வத்துடன் வாரந்தோறும் காத்துக் கொண்டு இருக்கின்றனர்.
அந்த வகையில், இந்த வாரம் எந்த திரைப்படங்கள் எந்தெந்த ஓ.டி.டி தளங்களில் வெளியாகி உள்ளன என்பதைக் காணலாம்.
டிராகன்
அஷ்வத் மாரிமுத்து இயக்கத்தில் பிரதீப் ரங்கநாதன், கயாடு லோஹர் மற்றும் அனுபமா பரமேஷ்வரன் முன்னணி கதாப்பாத்திரத்தில் நடித்து கடந்த மாதம் வெளியானது டிராகன் திரைப்படம். இப்படத்தில் இயக்குனர்களான கவுதம் மேனன், மிஷ்கின் மற்றும் கே.எஸ் ரவிக்குமார் நடித்து இருப்பது குறிப்பிடத்தக்கது. இப்படம் வெளியாகி மக்களிடையே பெரும் வரவேற்பை பெற்று வெற்றி திரைப்படமாக அமைந்தது. இந்நிலையில் இத்திரைப்படம் நாளை நெட்பிளிக்ஸ் ஓடிடி தளத்தில் வெளியாகிறது
நிலவுக்கு என்மேல் என்னடி கோபம்
தனுஷ் இயக்கத்தில் கடந்த மாதம் வெளியானது நிலவுக்கு என்மேல் என்னடி கோபம் திரைப்படம். இப்படத்தில் பவிஷ்,மாத்யு தாமஸ், அனிகா சுரேந்திரன், பிரியா பிரகாஷ் வாரியர், சரத்குமார் மற்றும் பலர் முக்கிய கதாப்பாத்திரத்தில் நடித்துள்ளனர். இப்படம் இந்த நவீன சமூகத்து காதல் மற்றும் நட்பை பிரதிபலிக்கும் வகையில் கதைக்களம் அமைந்துள்ளது. திரைப்படம் நாளை அமேசான் பிரைம் ஓடிடி தளத்தில் வெளியாகிறது.
Officer On Duty
மலையாள சினிமாவில் முன்னணி நடிகராக இருப்பவர் குஞ்சாக்கோ போபன். இவரது நடிப்பில் கடந்த பிப்ரவரி 20 ஆம் தேதி ஆபிஸர் ஆன் டியூட்டி திரைப்படம் வெளியானது. இப்படம் வெளியாகி மக்களிடையே மிகப்பெரிய வரவேற்பை பெற்று வருகிறது. இப்படத்தை அறிமுக இயக்குனரான ஜித்து அஷ்ரஃப் இயக்கியுள்ளார். குஞ்சக்கோ போபன் உடன் பிரியாமணி, ஜெகதீஷ் மற்றும் விஷாக் நாயர் முன்னணி கதாப்பாத்திரத்தில் நடித்துள்ளனர். திரைப்படம் இன்று நெட்பிளிக்ஸ் ஓடிடி தளத்தில் வெளியானது.
பேபி & பேபி
பிரதாப் இயக்கத்தில் நடிகர் ஜெய் நடித்து சில மாதங்களுக்கு முன் வெளியானது பேபி & பேபி திரைப்படம். இப்படம் வெளியாகி மக்களிடையே கலவையான விமர்சனத்தை பெற்றது.
இப்படத்தில் ஜெய்யுடன், யோகி பாபு, சத்யராஜ், கீர்த்தனா, சாய் தன்யா, பிரக்யா நக்ரா, இளவரசு, ஸ்ரீமன், ஆனந்த்ராஜ், ரெடின் கிங்ஸ்லி, நிழல்கள் ரவி, சிங்கம்புலி, தங்கதுரை, ராமர், ராஜேந்திரன், சேஷு, பிரத்தோஷ் மற்றும் பலர் என நகைச்சுவை நடிகர்களின் பட்டாளமே இப்படத்தில் நடித்துள்ளது.
இப்படத்திற்கு டி,இமான் இசையமைத்துள்ளார். யுவராஜ் பிலிம்ஸ் தயாரிப்பு நிறுவனம் இப்படத்தை தயாரித்துள்ளது. இந்நிலையில் திரைப்படம் வரும் மார்ச் 21 ஆம் தேதி சன் நெக்ஸ்ட் ஓடிடி தளத்தில் வெளியாகிறது.
ரிங் ரிங்
இயக்குனர் சக்திவேல் இயக்கத்தில் பிரவீன் ராஜ், விவேக், விவேக் பிரசன்னா, சாக்ஷி அகர்வால், டானியல், அர்ஜுனன் முக்கிய கதாப்பாத்திரத்தில் நடித்து வெளியானது ரிங் ரிங் திரைப்படம்.
நண்பர்கள் இணைந்து ஒன்றாக பார்டி செய்யும் போது அவர்களின் தொலைப்பேசியை ஒருவருக்கொருவர் ஸ்பீக்கரில் தான் பேச வேண்டும் அவர்களுக்கு வரும் குறுஞ்செய்தியையும் ஒருவருக்கொருவர் தெரிவிக்க வேண்டும் என ஒரு விளையாட்டை விளையாடுகின்றனர். இந்த விளையாட்டு இவர்களுக்குள் பெரிய பிரச்சனையாக உருமாறுகிறது.என்பதே படத்தின் கதைக்களமாகும். இப்படம் நாளை ஆஹா ஓடிடி தளத்தில் வெளியாகிறது.
தினசரி
ஜி.சங்கர் இயக்கத்தில் நடிகர் ஸ்ரீகாந்த் மற்றும் சிந்தியா முக்கிய கதாப்பாத்திரத்தில் நடித்து கடந்த மாதம் வெளியானது தினசரி திரைப்படம். இப்படத்தில் எம்.எஸ் பாஸ்கர், பிரேம்ஜி அமரன், சாம்ஸ், ராதா ரவி, மீரா கிருஷ்ணன், வினோதினி மற்றும் பலர் நடித்துள்ளனர். இப்படத்தின் இசையை இளையராஜா மேற்கொண்டுள்ளார் என்பது குறிப்பிடத்தக்கது. திரைப்படம் நாளை டெண்ட்கொட்டா ஓடிடி தளத்தில் வெளியாகிறது.