கோபி அருகே வீட்டு கதவை உடைத்து நகை கொள்ளை

கோபி:

கோபி அடுத்த மொடச்சூரை சேர்ந்தவர் சதா சிவம்(வயது50). பலகாரம் விற்கும் வியாபாரி. சதாசிவம் தனது குடும்பத்துடன் காஞ்சி புரத்தில் உள்ள கோவில் விழாவுக்கு சென்று விட்டார்.

இந்த நிலையில் வீட்டை நோமிட்ட மர்ம ஆசாமிகள் நள்ளிரவில் வீட்டின் கதவு பூட்டை உடைத்து உள்ளே புகுந்தனர்.

உள்ளே இருந்த பீரோவை உடைத்தனர். அதில் இருந்த துணிமணிகளை தாறுமாறாக வீசினர்.

பிறகு பீரோவில் இருந்த 2 பவுன் நகை மற்றும் மோதிரம் ஆகியவற்றை கொள்ளையர்கள் எடுத்து கொண்டு தப்பி சென்று விட்டனர்.

இந்தநிலையில் ஊர் திரும்பிய சதாசிவம் வீட்டு கதவு திறந்து கிடப்பதை கண்டு திடுக்கிட்டார். உள்ளே சென்று பார்த்த போது நகைகள் கொள்ளையடிக்கப்பட்டிருப்பதை கண்டு அதிர்ச்சி அடைந்தார்.

இது குறித்து அவர் சிறுவலூர் போலீசில் புகார் செய்தார்.போலீசார் வழக்கு பதிவு செய்து மர்ம ஆசாமியை தேடி வருகிறார்கள்.