லாட்டரி சீட்டுகள் விற்ற 2 பேர் கைது

கரூர்

குளித்தலை அருகே உள்ள தண்ணீர்ப்பள்ளி, பெரியபாலம் பகுதிகளில் தமிழக அரசால் தடை செய்யப்பட்ட வெளி மாநில லாட்டரி சீட்டுகள் விற்கப்படுவதாக போலீசாருக்கு தகவல் கிடைத்துள்ளது. அதன் பேரில் அங்கு சென்ற குளித்தலை போலீசார் அந்த பகுதிகளில் ஆன்லைன் லாட்டரி சீட்டுகள் விற்ற குளித்தலை மின்காரத்தெருவை சேர்ந்த முகமதுரபி (வயது 55), தண்ணீர்ப்பள்ளி சேடர் தெருவை சேர்ந்த ரமேஷ் (48) ஆகிய 2 பேரையும் கைது செய்தனர். மேலும் அவர்களிடமிருந்து ஆன்லைன் லாட்டரி சீட்டுகளும் பறிமுதல் செய்யப்பட்டன.