வடமலையான் மருத்துவமனை சார்பில் மருத்துவ மாநாடு

மதுரை

திண்டுக்கல்லில் வடமலையான் மருத்துவ மனை சார்பில் வீகான்-2023 என்ற அவசர சிகிச்சை தொடர்பான ஒருநாள் மருத்துவ மாநாடு நடந்தது. டாக்டர் கார்த்திகேயன் வரவேற்று பேசினார். மருத்துவ மாநாட்டை திண்டுக்கல் சரக டி.ஐ.ஜி. அபினவ்குமார் தொடங்கி வைத்தார். அப்போது அவர் பேசியதாவது:-

ஒவ்வொருவரும் மறைமுகமாகவோ நேரடியாகவோ சமூகப் பணியாற்றுகின்றனர். அதில் மருத்துவர்களும் காவல்துறையினரும் நேரடியாக மக்கள் பணியாற்றுகின்றனர். அந்த வகையில், உயிர்காக்கும் பணியில் ஈடுபட்டுள்ள மருத்துவர்களின் பங்கு மகத்தானது.

இதுபோன்ற மாநாடு அவர்களது துறை சார்ந்த அறிவைப் புதுப்பித்துக் கொள்ள பெரிதும் உதவும், அதன்மூலம் அவர்களால் மேலும் சிறப்பாக பணி யாற்ற முடியும்.

இவ்வாறு அவர் பேசினார்.

மாநாட்டில் வடமலை யான் மருத்துவமனை நிர்வாக இயக்குநர் டாக்டர் புகழகிரி பேசுகையில், திண்டுக்கல்லில் பன்முக மருத்துவமனை அமைக்கவேண்டும் என்பது எனது தந்தையின் கனவு அது தற்போதுநிறை வேறியுள்ளது.

சிறுநீரக மாற்று அறுவை சிகிச்சை மேற்கொள்வதற் கான அரசு அனுமதியும் தற்போது இம்மருத்துவ மனைக்கு கிடைத்துள்ளது. இதன்மூலம் திண்டுக்கல் நகரில் சிறுநீரக மாற்று அறுவைசிகிச்சை வசதி கொண்ட முதல் மருத்துவ மனை என்ற பெயரைப் பெற்றுள்ளது.

அனுபவமிக்க நரம்பியல், இருதய சிகிச்சை வல்லு நர்கள் என 40 முழுநேர மருத்துவர்களைக்கொண்டு அனைத்து நவீன வசதிக ளுடன் 24 மணி நேரமும் இம்மருத்துவமனை செயல்படுகிறது என்றார்.

தொடர்ந்து மாநாட்டில் டாக்டர் கார்த்திகேயனுக்கு நினைவுப்பரிசை புகழகிரி வழங்கினார். இதில் மருத்துவமனை இயக்குநர் டாக்டர் அஸ்வின் புகழகிரி, திண்டுக்கல் மருத்துவக் கல்லூரி கண்காணிப்பாளர் வீரமணி, இந்திய அவசர சிகிச்சை மருத்துவ அமைப்பின் துணைத் தலைவர் டாக்டர் சாய் மற்றும் மருத்துவர்கள் கலந்து கொண்டனர். மாநாட்டில் உயிர் காக்கும் செய்முறை பயிற்சி அளிக்கப்பட்டு சான்றிதழ்கள் வழங்கப்பட்டன.