பயிற்சிக்கு வந்த சிறுமியை 2 மாதமாக பாலியல் வன்கொடுமை செய்த கிரிக்கெட் கோச்

 உத்தரப் பிரதேச மாநிலத்தில் 12 வயது சிறுமி கிரிக்கெட் பயிற்சியாளரால் 2 மாதமாக பாலியல் வன்கொடுமை செய்யப்பட்ட சம்பவம் அதிர்ச்சியை ஏற்படுத்தி உள்ளது.

உத்தரப் பிரதேசத்தின் கான்பூரில் உள்ள பாங்கி பகுதியை சேர்ந்த 12 வயது சிறுமி அங்குள்ள நியூ ஸ்டார் அகாடமிக்கு கிரிக்கெட் பயிற்சிக்கு செல்வது வழக்கம்.

அங்கு பயிற்சியாளராக இருந்த நீரஜ் வர்மா, சிறுமிக்கு பயிற்சிக் குறிப்புகள் என்ற பெயரில், தனது வீட்டிற்கு அழைத்துச் சென்று, காபியில் போதைப்பொருள் கலந்து கொடுத்து கடந்த 2 மாதமாக பாலியல் வன்கொடுமை செய்து வந்ததுள்ளான்.

சிறுமி எதிர்ப்பு தெரிவித்தபோது, கொலை மிரட்டல் விடுத்தும், சாதியை குறிப்பிட்டு இழிவாக பேசியும் உள்ளான். இதனால் ஒரு கட்டத்த்தில் மனம் நொந்து போன சிறுமி, தைரியத்தை வரவழைத்து தன் குடும்பத்தாரிடம் நடந்ததை கூறினாள். இதையடுத்து, சிறுமியின் குடும்பத்தினர் பாங்கி காவல் நிலையத்துக்குச் சென்று புகார் அளித்தனர்.

குற்றம் சாட்டப்பட்ட பயிற்சியாளர் மீது போக்ஸோ மற்றும் எஸ்.சி. எஸ்.டி வன்கொடுமை தடுப்புச் சட்டத்தின்கீழ் வழக்குப்பதிவு செய்து போலீசார் விசாரணை நடத்தி வருகின்றனர்.