சர்வதேச செஸ் போட்டி: 9-வது சுற்றில் குகேஷ் வெற்றி: 6.5 புள்ளிகளுடன் முன்னிலை
- வைஷாலி 5 புள்ளியுடன் 8-வது இடத்திலும், திவ்யா தேஷ்முக் 2 புள்ளியுடன் 13-வது இடத்திலும் உள்ளனர்.
- பிரக்ஞானந்தா 5.5 புள்ளியுடன் 4-வது இடத்தில் உள்ளார்.
டாடா ஸ்டீல் மாஸ்டர்ஸ் செஸ் போட்டி நெதர்லாந்தின் விஜ்க் ஆன் ஜீ நகரில் நடைபெற்று வருகிறது. 13 சுற்றுகளை கொண்ட இந்த தொடரின் 9-வது சுற்று நடைபெற்றது.
உலக சாம்பியனான சென்னையை சேர்ந்த கிராண்ட்மாஸ்டர் டி. குகேஷ் சகநாட்டை சேர்ந்த மென்டோன்காவுடன் மோதினார். 43-வது காய் நகர்த்தலுக்கு பிறகு குகேஷ் வெற்றி பெற்றார்.
அதே நேரத்தில் மற்றொரு சென்னை கிராண்ட்மாஸ்டரான பிரக்ஞானந்தா தோல்வி அடைந்தார். அவரை நெதர்லாந்தை சேர்ந்த அனிஷ் கிரி தோற்கடித்தார். இதேபோல ஹரி கிருஷ்ணா, ரஷிய வீரர் விளாடிமிர் வாசிலியேச்சிடம் தோற்றார். அர்ஜூன் எரிகேசி இந்த சுற்றில் சீன வீரருடன் டிரா செய்தார்.
9-வது சுற்று முடிவில் குகேஷ் மட்டும் 6.5 புள்ளிகளுடன் முன்னிலையில் உள்ளார். உஸ்பெகிஸ்தான் வீரர் நோடிர்பெக் அப்து சாட்டோரோவ் மற்றும் விளாடிமிர் தலா 6 புள்ளிகளுடன் உள்ளனர்.
பிரக்ஞானந்தா 5.5 புள்ளியுடன் 4-வது இடத்தில் உள்ளார். ஹரி கிருஷ்ணா 4 புள்ளியும், அர்ஜூன் எரிகேசி மென்டோன்கா தலா 2.5 புள்ளிகளும் பெற்றுள்ளனர்.
சேலஞ்சர்ஸ் பிரிவில் சென்னையை சேர்ந்த வைஷாலி 9-வது சுற்றில் சக நாட்டைச் சேர்ந்த திவ்யா தேஷ்முக்குடன் 'டிரா' செய்தார்.
வைஷாலி 5 புள்ளியுடன் 8-வது இடத்திலும், திவ்யா தேஷ்முக் 2 புள்ளியுடன் 13-வது இடத்திலும் உள்ளனர்.