புரோ கபடி லீக்: குஜராத்தை வீழ்த்தி 9வது வெற்றியை பதிவு செய்தது ஜெய்ப்பூர்

புனே:

11-வது புரோ கபடி லீக் தொடர் கடந்த அக்டோபர் 18-ம் தேதி ஐதராபாத்தில் தொடங்கியது. இந்த தொடரின் இரண்டாம் கட்ட லீக் ஆட்டங்கள் உத்தர பிரதேசத்தின் நொய்டாவில் நடைபெற்றது.

புரோ கபடி லீக்கின் மூன்றாம் கட்ட லீக் ஆட்டங்கள் மகாராஷ்டிராவின் புனே நகரில் நடந்து வருகிறது.

இந்நிலையில், இன்று இரவு 8 மணிக்கு நடந்த முதல் போட்டியில் ஜெய்ப்பூர் பிங்க் பாந்தர்ஸ், குஜராத் ஜெயண்ட்ஸ் அணிகள் மோதின.

இதில், ஆரம்பம் முதலே சிறப்பாக ஆடிய ஜெய்ப்பூர் அணி 42-29 என்ற புள்ளிக்கணக்கில் குஜராத் அணியை வீழ்த்தி 9-வது வெற்றியைப் பதிவு செய்தது.