மேலும் வளர்ச்சி தேவை என்பது தான் எனது எண்ணம்- முதலமைச்சர் மு.க.ஸ்டாலின் பேச்சு

நந்தம்பாக்கம்:

சென்னை நந்தம்பாக்கத்தில் தகவல் தொழில்நுட்பவியல் மற்றும் டிஜிட்டல் சேவைகள் துறை சார்பில் 2 நாட்கள் நடைபெறும் Umagine TN தகவல் தொழில்நுட்ப உச்சி மாநாட்டை முதலமைச்சர் மு.க.ஸ்டாலின் தொடங்கி வைத்தார். இதன்பின்னர் உரையாற்றிய முதலமைச்சர் மு.க.ஸ்டாலின்,

* AI தான் இன்று பல இடங்களில் பேசுபொருளாக உள்ளது. இந்த தொழில் நுட்பம் மூலம் வேலைவாய்ப்புகள் பெருகதான் செய்யும். AI தொழில்நுட்ப வளர்ச்சியால் எந்த பாதிப்பும் இல்லை என்று கூறியுள்ளனர். இதனால் இந்த நேரத்தில் இந்த மாநாடு அவசியமே.

* வணிகத்தையும், தொழில்நுட்பத்தையும் எப்போதும் ஊக்குவிக்கும் அரசாக திமுக அரசு திகழ்கிறது.

* புத்தாக்கம் மற்றும் தொழில் வளர்ச்சியில் தமிழகம் முதன்மை மாநிலமாக உள்ளது. தமிழ்நாடு முழுவதும் உள்ள புத்தொழில் நிறுவனங்கள் பயனடையும் வகையில் அரசு செயல்படுகிறது.

* இன்னும் கூடுதலான வளர்ச்சியை நோக்கி தமிழகம் செல்ல வேண்டும் என்று நினைக்கிறேன்.

* எத்தனை வளர்ச்சி தமிழ்நாட்டில் ஏற்பட்டாலும் மேலும் வளர்ச்சி தேவை என்பது தான் எனது எண்ணம். உண்மையான வளர்ச்சி என்பது சமச்சீரானதாக இருக்க வேண்டும்.

* ஐ.டி துறை வளர மனித வளம் என்பது மிகவும் முக்கியமானது.

* 2-ம் கட்ட, 3-ம் கட்ட நகரங்களில் சிப்காட் தொழிற்பூங்காக்கள் அமைக்கப்பட்டுள்ளன.

* தொழில் சார்ந்த திறன்களை வளர்க்க 'நான் முதல்வன் திட்டம்' மிகவும் பயன் உள்ளதாக உள்ளது. நான் முதல்வன் திட்டத்தால் நம் மாநில இளைஞர்களின் Soft Skills வளர்ந்துள்ளது.

* தமிழ் மென்பொருள் உருவாக்க மிகுந்த முக்கியத்துவம் வழங்கப்பட்டுள்ளது.

* மாநிலத்தின் அனைத்து திட்டங்களும் இணையதத்தில் வழங்கப்பட வேண்டும். அதனால் மக்கள் பயனடைவர்.

* இணைய சேவை எல்லா இடங்களிலும் இருக்க வேண்டும் என்ற நோக்கத்துடன் செயல்படுகிறோம்.

* சைபர் பாதுகாப்பிற்கும் தமிழக அரசு முக்கியத்துவம் கொடுத்து வருகிறது.

* சைபர் செக்யூரிட்டி, இணையத்தில் தமிழ் வழிக்கல்வி, தமிழ் வழி தேடுதலை மேம்படுத்த நடவடிக்கை எடுக்கப்பட்டுள்ளது.

* பல்வேறு திட்டங்கள் மூலம் வங்கி கணக்கில் நேரடியாக பணம் செலுத்தப்பட்டு வருகிறது.

* இனி மக்களின் எல்லா பயன்பாடுகளும் டிஜிட்டல் வழியாகவே அமையும்.

* டிஜிட்டல் குற்றங்களை தடுக்க புதிய தொழில்நுட்பங்களை வடிவமைக்க வேண்டும் என்றார்.