`விசாரணை' படத்திற்கு பிறகு வெற்றிமாறன் இயக்கத்தில் உருவாகி வரும் படம் `வட சென்னை'. மூன்று பாகங்களாக உருவாகும் இந்த படத்தின் முதல் பாகத்திற்கான படப்பிடிப்பு நிறைவடைந்துவிட்டதாக படக்குழு இன்று அறிவித்துள்ளது.
தனுஷ் நாயகனாக நடிக்கும் இந்த படத்தில் ஐஸ்வர்யா ராஜேஷ் - ஆண்ட்ரியா நாயகிகளாக நடிக்கின்றனர். இயக்குநர் அமீர், சமுத்திரக்கனி, டேனியல் பாலாஜி, கிஷோர், கருணாஸ், பவான், சுப்ரமணியன் சிவா, சீனு மோகன், டேனியல் அனி போப் உள்ளிட்ட நட்சத்திரப் பட்டாளங்கள் பலரும் நடித்திருக்கும் இந்த படத்தை தனுஷ் அவரது சொந்த தயாரிப்பு நிறுவனமான வுண்டர்பார் பிலிம்ஸ் மூலம் தயாரிக்கிறார்.
சந்தோஷ் நாராயணன் இசையமைக்கும் இந்த படத்திற்கு வேல்ராஜ் ஒளிப்பதிவு பணிகளை மேற்கொள்கிறார். லைகா புரொடக்ஷன்ஸ் இந்த படத்தை வெளியிடுகிறது.
`பொல்லாதவன்', `ஆடுகளம்' படத்திற்கு பிறகு தனுஷ் - வெற்றிமாறன் மீண்டும் இணைந்திருப்பதால் இந்த படத்தின் மீதான எதிர்பார்ப்பு அதிகரித்துள்ளது. #VadaChennai #Dhanush
