நடிகர் அஜித் குமார் - இயக்குநர் மகிழ் திருமேனி கூட்டணியில் உருவாகி இருக்கும் படம் விடாமுயற்சி. அஜித் குமாருடன், ஆரவ், அர்ஜுன், திரிஷா, ரெஜினா கசான்ட்ரா, நிகில் நாயர் மற்றும் பலர் இந்தப் படத்தில் நடித்துள்ளனர்.
விடாமுயற்சி திரைப்படத்திற்கு அனிருத் இசையமைத்துள்ளார். ஒளிப்பதிவு பணிகளை ஓம் பிரகாஷ் மேற்கொள்ள, படத்தொகுப்பு பணிகளை என்.பி. ஸ்ரீகாந்த் மேற்கொண்டுள்ளார். லைகா நிறுவனம் இப்படத்தை தயாரித்துள்ளது. இப்படத்தின் டீசர், பர்ஸ்ட் சிங்கிள் சமீபத்தில் வெளியாகி மக்களிடம் நல்ல வரவேற்பை பெற்று வருகிறது.
இந்தப் படம் பொங்கல் பண்டிகை அன்று வெளியாகும் என்று அறிவிக்கப்பட்ட நிலையில், திடீரென ரிலீஸ் தேதி தள்ளி வைப்பதாக லைகா நிறுவனம் அறிவித்தது. இந்த நிலையில், விடாமுயற்சி படத்தின் சென்சார் விவரங்கள் வெளியாகி உள்ளது.
அதன்படி விடாமுயற்சி படத்திற்கு சென்சார் போர்டு யு/ஏ சான்று வழங்கி இருக்கிறது. இந்தப் படம் 2 மணி 30 நிமிடங்களை கொண்டுள்ளது.
இந்தப் படத்தில் இடம்பெற்று இருந்த சில வார்த்தைகள் மட்டும் மியூட் செய்யப்பட்டதாக சென்சார் சான்றிதழில் குறிப்பிடப்பட்டு இருக்கிறது. இந்தப் படம் வருகிற ஜனவரி 23 அல்லது ஜனவரி 30 ஆம் தேதி வெளியாகும் என்று எதிர்பார்க்கப்படுகிறது.
உங்கள் அருகாமையில் உள்ள திரையரங்குகளில் ரிலீசான படங்களைப் பற்றிய தகவல்களை உடனுக்குடன் தெரிந்துக் கொள்ள இந்த லிங்க்-ஐ க்ளிக் செய்யவும்.
