சிறுவர்களுக்கு குத்தியோட்டம் நடப்பது போல 10 வயதுக்கு உட்பட்ட சிறுமிகள் பங்கேற்கும் நிகழ்ச்சியே தாலப்பொலி.
இதுவும் ஆற்றுகால் பொங்காலை விழாவின் போது நடைபெறும்.
இவ்விழாவின் பொங்காலை பண்டிகையின் போது இச்சிறுமிகள் அனைவரும் புத்தாடைகள் அணிந்து, தலையில் மலர் கிரீடம் அணிந்தபடி கோவிலுக்கு அணிவகுத்து வருவார்கள்.
கைகளில் தாம்பாளம் ஏந்தி, அதில் பூஜை பொருட்களை எடுத்து வருவார்கள்.
பின்னர் உறவு பெண்களுடன் இணைந்து அம்மன் சன்னதியை சென்றடைவார்கள்.
அங்கு அம்மனின் முன்பு தாம்பாளத்தையும், அதில் இருக்கும் பூஜை பொருட்களையும் சமர்ப்பிப்பார்கள்.
தாலப்பொலியில் பங்கேற்பதன் மூலம் சிறுமிகளுக்கு நீண்ட ஆயுளும், நோய் நொடியற்ற வாழ்க்கையும், எதிர்காலத்தில் அவர்களுக்கு நல்ல வரன் அமையும் என்பதும் நம்பிக்கை.
