‘மனைவி அமைவதெல்லாம் இறைவன் கொடுத்த வரம்’ என்றும், ‘கணவன் அமைவதெல்லாம் கடவுள் கொடுத்த வரம்’ என்றும் தான் சொல்ல வேண்டும். ஒவ்வொரு ஜாதகத்திலும் களத்திர ஸ்தானாதிபதி பகை வீட்டில் இருந்தாலோ, நீச்சம் பெற்றுச் சூரியனோடு கூடியிருந்தாலோ, பாவ கிரகங்களோடு சம்பந்தப்பட்டிருந்தாலோ குடும்பத்தில் ஒற்றுமைக் குறைவு ஏற்படும்.
ஜாதகத்தில் இரண்டாம் இடமும், ஏழாம் இடமும் பலமிழந்து இருந்தாலும், அஷ்டம ஸ்தானத்தில் சப்தமாதிபதி பாவ கிரகங்களோடு இணைந்திருந்தாலும், இல்லத்தில் ஒற்றுமை குறையும். எப்போதும் சண்டை சச்சரவு உருவாகிக் கொண்டே இருக்கும். வழிபாட்டின் மூலம் அமைதி காணலாம். குடும்ப உறவை சீராக்கிக் கொள்ளலாம். பொதுவாக அர்த்தநாரீஸ்வரர் வழிபாட்டால் கணவன்- மனைவிக்குள் ஒற்றுமை பலப்படும்.
