படைத்த கடவுளுக்கும், அவரது படைப்புக்கும் உள்ள தொடர்பை விளக்கும் எண்ணாக 108 திகழ்கிறது. பிரார்த்தனை, வேண்டுதல் என்று அன்றாடம் நாம் 108 என்ற எண்ணைப் பயன்படுத்துகிறோம். அதற்கு இதோ ஒருசில உதாரணங்கள்.
* வேதத்தில் 108 உபநிடதங்கள் உள்ளன.
* பஞ்ச பூதத்தலங்கள், அறுபடை வீடுகள் என்பது போல வைணவ திவ்ய தேசங்கள் 108.
* பிரபஞ்ச அமைப்பில், பூமிக்கும் சந்திரனுக்கும் இடையே உள்ள தூரம் சந்திரனின் விட்டத்தைப் போல் 108 மடங்கு.
* பூமிக்கும் சூரியனுக்கும் இடையே உள்ள தூரம் சூரியனின் விட்டத்தைப் போல 108 மடங்கு.
* நடராஜரின் கரணங்கள் 108. தாளங்கள் 108. அர்ச்சனையில் நாமங்கள் 108.
* சூரியனின் விட்டம் பூமியின் விட்டத்தைப் போல 108 மடங்கு அதிகம்.
* முக்திநாத் திருத்தலத்தில் 108 நீரூற்றுக்கள் காணப்படுகின்றன.
* உத்தராகண்டில் உள்ள ஜோகேஸ்வரர் சிவன் கோவிலில் 108 சிவ சன்னிதிகள் இருக்கின்றன.
* மனித மனதில் தோன்றும் ஆசைகளும் 108 விதமாக வகைப்படுத்தப்பட்டுள்ளன.
* உடலின் பல்வேறு பாகங்களில் இருந்து 108 சக்தி நாடிகள், இருதய ஸ்தானத்தில் குவிவதாக தந்திர சாஸ்திரம் கூறுகிறது.
* அரச மரத்தையும், பல தெய்வங்களையும் 108 முறை வலம் வருவது வழக்கமாகும்.
