சமையல்

தேவையான பொருட்கள்:

மைதா மாவு - 100 கிராம்

வெண்ணெய் - 80 கிராம்

சர்க்கரை - 40 கிராம்

வறுத்த தேங்காய் துருவல் - 25 கிராம்

வெனிலா சுகர் பவுடர் - அரை தேக்கரண்டி

பாதாம் பருப்பு தூள் - 15 கிராம்

உப்பு - சிட்டிகை

செய்முறை:

• முதலில் உருக்கிய வெண்ணெய்யுடன் பதப்படுத்தப்பட்ட தேங்காய் துருவல், பாதாம் பருப்பு தூள் சேர்த்து கலக்கவும்.

• அதனுடன் சீனி, மைதா மாவு, வெனிலா சுகர், உப்பு சேர்த்து கலந்து கொள்ளவும்.

• அனைத்தையும் சேர்த்து சப்பாத்தி மாவு பதத்தில் பிசையவும்.

• பின் பாலிதின் பையில் போட்டு அரை மணி நேரம் ஃபிரிட்ஜில் வைக்கவும்.

• அரை மணி நேரத்திற்கு பின் ஃபிரிட்ஜிலிருந்து எடுத்து சமதளத்தில் வைத்து சப்பாத்தி போல் வார்த்து, விரும்பிய அச்சுகள் கொண்டு வெட்டி, எண்ணெய் தடவிய மெலிதான ட்ரேயில் சிறிது இடைவெளி விட்டு வைக்கவும்.

• பின் 180 டிகிரியில் முற்சூடு செய்யப்பட்ட மைக்ரோவேவ் அவனில் 15 நிமிடம் வரை வேகவைத்து எடுக்கவும். சுவையான தேங்காய் பிஸ்கட் தயார்.

பனைமரத்திலிருந்து எடுக்கப்படும் பதனீரைக் காய்ச்சுவதன் மூலம் கருப்பட்டி என்ற வெல்லம் தயாரிக்கப்படுகிறது. இதை பனைவெல்லம், கருப்புக்கட்டி, பனைஅட்டு, பானாட்டு என்றும் சொல்வார்கள்.

கருப்பட்டி ரத்தத்தை சுத்திகரித்து, உடலை சுறுசுறுப்பாக்குவதோடு, மேனி பளபளக்கவும் வைக்கும். பெண்கள் பூப்பெய்திய நேரத்தில் ரத்தப்போக்கைக் கட்டுப்படுத்தவும், இடுப்பு எலும்புகள் மற்றும் கர்ப்பபையை வலுப்பெறவும் செய்யும் ஆற்றல் கொண்டது கருப்பட்டி.

காபியில் சர்க்கரைக்குப் பதிலாக, கருப்பட்டி போட்டுக் குடித்தால் உடலில் சர்க்கரையின் அளவு கட்டுப்பாடாக இருக்கும், கிராமங்களில் கருப்பட்டிக்காபி குடிக்கும் பழக்கம் இன்றும் உள்ளது. இதனாலதான் சர்க்கரை நோயாளிகளும் கருப்பட்டிக்காபி குடித்து வருகிறார்கள்.

இதன் நிழலாகத்தான் தற்போது பரவிக் கிடக்கும் இயற்கை உணவங்களிலும் கருப்பட்டிக்காபி வாசனை பரவ ஆரம்பித்திருக்கிறது. இது தவிர கருப்பட்டி அல்வா, கருப்பட்டி பணியாரம், கருப்பட்டி பால்கோவா, கருப்பட்டி களி என நீண்டு கொண்டே போகும். கருப்பட்டி கலந்த பதார்த்தங்களில் கலந்திருப்பது உண்மையான கருப்பட்டிதானா..? நாம் கடைகளில் வாங்கும் கருப்பட்டியும் உண்மையான கருப்பட்டிதானா..?

ஒரிஜினல் கருப்பட்டி எது? போலி கருப்பட்டி எது என்பதை எளிதில் அடையாளம் கண்டுபிடிப்பது எப்படி? 20 வருடம் அனுபவமுள்ள தொழிலாளி கூறும்போது,

* கருப்பட்டியை அல்லது கருப்பட்டித் துண்டைக் கடித்து மெல்லும் போது, அதன் சுவை கரிப்புத்தன்மையுடன் கூடிய இனிப்புச்சுவையாக இருந்தால், அதுதான் ஒரிஜினல் கருப்பட்டி. அதே நேரத்தில் கருப்பட்டியை மெல்லும் போது, வாசனையில்லாமல், சர்க்கரையின் இனிப்புச்சுவை மட்டும் உணர முடிந்தால் அது போலி கருப்பட்டி.

* முழுக்கருப்பட்டியை உடைத்துப் பார்த்தால் கறுப்பும், பழுப்பும் கலந்த நிறத்தில் மங்கலாக இருக்கும். ஆனால், போலி கருப்பட்டி உட்புறம் பளபளப்பாக இருக்கும்.

* கடைகளில் வாங்கி வீட்டில் வைத்திருக்கும் கருப்பட்டி சில நாட்களில், சில வாரங்களில் அதனுடைய கெட்டித்தன்மையில் இருந்து இளக ஆரம்பித்தால் அது போலி. கல்லு போன்று அதன் தன்மை மாறாமல் இருந்தால், அது ஒரிஜினல் கருப்பட்டி.

* கருப்பட்டியை கையில் எடுத்து உற்றுப்பார்த்தால் பளபளப்பில்லாமல் இருந்தால் அது ஒரிஜினல். அதுவே, கருப்பட்டியின் மேல் மைதா மாவு போல, தொட்டால் கையில் வெள்ளையாக ஒட்டினால் அது போலி.

* வயது முதிர்ந்த கிராமத்து ஆட்கள் கருப்பட்டியின் அடிப்பாகத்தை நுகர்ந்து பார்த்து அதன் மணத்தை வைத்து ஒரிஜினலா, போலியா என்பதை கண்டுபிடித்து விடுவார்கள்.

* தேங்காயைத் தட்டிப்பார்ப்பது போல, கருப்பட்டியின் அடிப்பாகத்தை தரையில் தட்டிப் பார்க்கவும். சத்தம் மிதமாகக் கேட்டால் அது ஒரிஜினல். சத்தம் அதிகமாகக் கேட்டால் அது போலி கருப்பட்டி.

* ஒரு டம்ளர் தண்ணீரில் சின்னக் கருப்பட்டிதுண்டைப் போட்டால், அது முழுவதுமாக கரைய ஒன்றரை மணி நேரத்துக்கு மேலாகும். ஆனால் போலி கருப்பட்டி, அரை மணி நேரத்திலேயே கரைந்துவிடும்.

* நாள்பட்ட கருப்பட்டியின் மேல்புறம் புள்ளிப் புள்ளியாக மாறும். பதநீரில் சுண்ணாம்பு சேர்ப்பதால்தான் இந்த மாற்றம். ஆனால், போலி கருப்பட்டியில் புள்ளி வராது.

* கருப்பட்டி வாங்கும்போது தட்டிப்பார்த்தும், நுகர்ந்தும் கண்டுபிடிக்க முடியாவிட்டால், சிறு துண்டை உடைத்து வாயில் போட்டு மென்று பாருங்கள். கரிப்புத்தன்மையுடன் கூடிய இனிப்புச்சுவையில் நிச்சயம் கண்டுபிடித்து விடலாம்.

குஜராத், ராஜஸ்தான் மற்றும் மகாராஷ்டிரா போன்ற வட இந்திய பகுதிகளில், தால் தோக்லி என்ற டிஷ், பிரபலமாக இருக்கிறது. பார்ப்பதற்கு சிம்பிளாக தெரிந்தாலும், ருசி அப்படி இருக்கும்.

இதில் எண்ணெய் சேர்க்கப்படாது. நெய் கொண்டு தான் செய்யப்படும். அதுவும் குறைந்த அளவு தான். அதனால் இது ருசி மட்டும் அல்ல, ஆரோக்கியமான உணவு என்றே சொல்லலாம். இத்தகைய தால் தோக்லி உணவை எப்படி செய்வது என்று இங்கே காண்போம்.

தேவையான பொருட்கள்

துவரம் பருப்பு - 1/2 கப்

மஞ்சள் தூள் - 1 சிட்டிகை

பூண்டு - 5 பல்

கோதுமை மாவு- 1 கப்

ஓமம் - 1/4 டீஸ்பூன்

நெய் - 3 டீஸ்பூன்

கடுகு - 1/2 டீஸ்பூன்

பெருங்காயம் - சிறிதளவு

மிளகாய் தூள் - 1 டீஸ்பூன்

மல்லி தூள் - 1 டீஸ்பூன்

வெங்காயம் - 1

பச்சை மிளகாய் - 2

மல்லி இலை - ஒரு கைப்பிடி

செய்முறை

குக்கரில் தேவையான அளவு தண்ணீர் ஊற்றி, அரை கப் துவரம் பருப்பை சேர்க்கவும். இதனுடன் மஞ்சள் தூள், பூண்டு சேர்த்து மூடவும். 5 விசில் வரும் வரை விடவும்.

தற்போது ஒரு பாத்திரத்தில் கோதுமை மாவு, ஓமம், உப்பு, தேவையான அளவு தண்ணீர் சேர்த்து சப்பாதி மாவு பதத்திற்கு பிசையவும்.

பின்னர் இந்த மாவை சப்பாத்தி போல் தேய்த்து எடுத்துக்கொள்ளவும். இதனை சின்ன சின்ன துண்டுகலாக நறுக்கவும். இதனை ஒரு தட்டில் எடுத்துக்கொள்ளவும்.

கடாயில் நெய் சேர்த்து கடுகு, பெருங்காயம் சேர்த்து வதக்கவும். கடுகு வெடித்ததும், வெந்த பருப்பை சேர்த்துக்கொள்ளவும்.

இதில் தேவையான அளவு தண்ணீர் ஊற்றி பருப்பை கலந்துவிட்வும். இதனுடன் உப்பு, மிளகாய் தூள், மல்லி தூள் சேர்த்து கொதிக்க விடவும்.

இவை நன்கு கொதித்து வந்ததும், நறுக்கி வைத்த மாவு துண்டுகளை இதில் சேர்க்கவும். 15 நிமிடம் வேக வைக்கவும்.

அவ்வளவு தான் தால் தோக்லி ரெடி. இதனை வேறு பாத்திரத்தில் மாற்றி, இதன் மேல் பொடியாக நறுக்கிய வெங்காயம், பச்சை மிளகாய் மற்றும் மல்லி இலை சேர்த்து சாப்பிடவும்.

அலுவலகம் சென்று வரும் பெண்களும், ஆண்களுக்கும் மிகவும் சவாலாக இருப்பது சாப்பாடுதான். சில நேரங்களில் வேலை பளு காரணமாக ஹோட்டல்களில் சாப்பிடும் சூழ்நிலை ஏற்படுகிறது. ஆனால் ஹோட்டல்களில் உபயோகிக்கும் மசாலா, சிக்கன், எண்ணெய் போன்றவற்றால் உடல் ஆரோக்கியமும் பாதிக்கப்படும் என்று கவலையும் அடைகிறார்கள். உங்களுக்காக ஈஸியா வீட்டிலேயே உடலுக்கு எந்த விதி பாதிப்பும் ஏற்படாமல் சுவையான சிக்கன் பிரைடு ரைஸ் எப்படி செய்யலாம் என்று பார்ப்போம் வாங்க...

தேவையான பொருட்கள்:

முட்டை - 3

உப்பு - தேவையான அளவு

எண்ணெய் - 2 டேபிள் ஸ்பூன்

பூண்டு பொடியாக நறுக்கியது - ஒரு டேபிள் ஸ்பூன்

எலும்பில்லாத சிக்கன் - 100 கிராம்

மிளகுத்தூள் - ஒரு டீஸ்பூன்

சோயா சாஸ் - 3 டீஸ்பூன்

வினிகர் - ஒரு டீஸ்பூன்

கேரட் - 1

குடைமிளகாய் சிகப்பு மற்றும் மஞ்சள் - 1 ஒன்று

வடித்த சாதம் - 2 கப்

வெங்காயத்தாள் - 2 டேபிள்ஸ்பூன்

செய்முறை:

• முதலில் scramble egg செய்ய ஒரு கடாயில் எண்ணெய் முட்டை உப்பு சேர்த்து ஒரு நிமிடம் நன்றாக கலக்கவும். பின்னர் அதை தனியாக ஒரு பக்கம் எடுத்து வைத்து கொள்ளவும்.

• சிக்கனை 65 மசாலா சேர்ந்து பொரித்து எடுத்துக் கொள்ளவும். பொரித்த சிக்கன்களை சிறுசிறு துண்டுகலாக வெட்டிக் கொள்ளவும்.

• கடாயில் எண்ணெய் விட்டு பொடியாக நறுக்கிய சிக்கன் சேர்த்து வதக்கவும். இதனுடன் பொடியாக நறுக்கிய பூண்டை சேர்த்து நன்றாக 3 நிமிடம் வதக்கவும்.

• அதனுடன் சோயா சாஸ், கேரட், குடமிளகாய் சேர்த்து 2 நிமிடம் வதக்கவும்.

• குடைமிளகாய் கேரட் வெந்ததும் வடித்த சாதம் சேர்த்து உப்பு மிளகுத்தூள் சோயா சாஸ் சேர்த்து நன்றாக கலக்கவும்

• பின் scramble egg வெங்காயத்தாள் சேர்த்து நன்றாக கலக்கவும்.

• இதோ சுவையான சிக்கன் பிரைடு ரைஸ் வீட்டிலே ரெடி.

இதுபோல் வீட்டிலேயே நாம் கண்ணெதிரே செய்து சாப்பிடும் உணவுகளால் நமது உடலுக்கு எந்த தீங்கும் ஏற்படாது.

உண்ணும் உணவில் தயிர் தவிர்க்கமுடியாத அங்கமாக இருக்கிறது. தயிரை ருசிக்க ஆர்வம் காண்பிக்காதவர்கள் கூட ரைத்தா, லஸ்சி, பச்சடி வடிவில் உட்கொள்கிறார்கள். தயிரில் புரோபயாடிக்குகள் நிறைவாக உள்ளன. அதில் இருக்கும் நன்மை தரும் பாக்டீரியாக்கள் குடல் ஆரோக்கியத்தையும், செரிமானத்தையும் மேம்படுத்தும். எலும்புகளின் ஆரோக்கியத்துக்கும், உடலுக்கு தேவையான புரதத்துக்கும் தயிர் அவசியமானது.

தயிரை எப்போது சாப்பிடுவது சரியானது என்ற குழப்பம் பலரிடம் இருக்கிறது. அதனை எப்போது வேண்டுமானாலும் சாப்பிடலாம். ஆனால் அவரவர் உடல் நலனை பொறுத்து உண்ணும் நேரத்தை தீர்மானிப்பது நல்லது.

குறிப்பாக சளி, இருமல், சுவாச கோளாறுகள் சார்ந்த பிரச்சினை இருப்பவர்கள் தயிர் உண்ணும் விஷயத்தில் கவனமாக இருக்க வேண்டும். எந்தெந்த நேரத்தில் தயிர் சாப்பிட்டால் உடலில் என்னென்ன மாற்றங்கள் நடக்கும் என்பது பற்றி பார்ப்போம்.

காலை: சுகாதார வல்லுனர்கள், ஊட்டச்சத்து நிபுணர்களின் கருத்துப்படி, காலையில் தயிர் சாப்பிட்டுவிட்டு அன்றைய நாளை தொடங்குவது வளர்சிதை மாற்றத்தை தூண்டும். தயிரில் உள்ள புரோபயாடிக்குகள் செரிமானத்தை சீராக்கவும், குடல் ஆரோக்கியத்தை மேம்படுத்தவும் உதவும்.

பழங்கள் அல்லது முழு தானியங்களுடன் தயிர் கலந்து காலை உணவாக உட்கொள்வது உடலுக்கு தேவையான ஊட்டச்சத்தையும் அளிக்கும். அன்றைய நாள் முழுவதையும் திருப்தியுடன் உணரவைக்கும்.

மதியம்: மதிய உணவில் அவசியமாக தயிரை சேர்த்துக்கொள்ள வேண்டும். ஏனெனில் மதியம் தயிர் சாப்பிடுவது அன்றைய நாளில் இழந்த அத்தியாவசிய ஊட்டச்சத்துக்களை நிரப்ப உதவும்.

பொதுவாக மதிய வேளை நெருங்கும்போது நமது உடலில் ஆற்றலின் அளவு குறைய தொடங்கும். சாப்பாட்டுடன் தயிர் சாப்பிடும்போது ஊட்டச்சத்து இழப்பை ஈடு செய்துவிடும்.

அத்துடன் திடீர் பசியை போக்க உதவும். அதனால் மாலை வேளையில் நொறுக்குத்தீனிகளை அதிகம் சாப்பிட தோன்றாது. ஒட்டுமொத்த ஆரோக்கியத்தை பேணுவதற்கும் தயிர் வித்திடும்.

இரவு: ஆயுர்வேத வல்லுனர்களின் கூற்றுப்படி இரவு உணவுடனோ அல்லது இரவு உணவை சாப்பிட்டு முடித்த பிறகோ தயிர் சாப்பிடுவது ஊட்டச்சத்துக்களை சீராக பராமரிக்க உதவும். குடல் ஆரோக்கியத்தை பாதுகாக்கவும் செய்யும்.

அதேவேளையில் சளி, சுவாசம் சார்ந்த பிரச்சினைகளால் அவதிப்படுபவர்கள் இரவில் தயிரை தவிர்ப்பது நல்லது. மற்றவர்கள் தயிருடன் அன்றைய நாளை நிறைவு செய்வது செரிமானத்திற்கு நன்மை சேர்க்கும்.

கால்சியம், புரத தேவைகளை ஈடு செய்யும். ஒட்டுமொத்த ஆரோக்கியத்தையும் மேம்படச் செய்யும்.

அரிசியை பொரிப்பதன் மூலம் தயார் செய்யப்படும் அரிசிப் பொரியை உட்கொள்ளலாமா? என்ற தயக்கம் நிறைய பேருக்கு இருக்கிறது. அரிசிப் பொரியும் ஊட்டச்சத்துமிக்க பொருள்தான். அதில் நார்ச்சத்து, புரதம், துத்தநாகம், இரும்பு, வைட்டமின்கள் ஏ, சி உள்பட பல்வேறு நுண் ஊட்டச்சத்துக்கள் நிரம்பியுள்ளன. அதனை சாப்பிடுவதால் கிடைக்கும் நன்மைகள் இவை. 

* அரிசிப் பொரியில் இருக்கும் நார்ச்சத்து மலச்சிக்கலுக்கு அரு மருந்தாக செயல்படும்.

* இது குறைந்த கலோரி கொண்டது. அதனால் உடல் எடையை குறைக்கும் நபர்களுக்கு சிறந்த தேர்வாக அமையும். இதிலிருக்கும் நார்ச்சத்தும், அத்தியாவசியமான ஊட்டச்சத்து கலவைகளும் பசியை கட்டுப்படுத்த உதவும். அதனால் அதிகம் சாப்பிடுவதை தடுத்து, விரைவாக உடல் எடை குறைவதற்கு வித்திடும்.

* மனித உடலின் முக்கிய அங்கமாக விளங்கும் எலும்புகளை வலுப்படுத்துவதற்கும் அரிசிப் பொரி உதவும். அதிலிருக்கும் கால்சியம், இரும்பு, வைட்டமின் டி, தியாமின், ரிபோபிளேவின் உள்ளிட்ட ஊட்டச்சத்துக்கள் எலும்புகளிலுள்ள செல்களின் வளர்ச்சியை ஊக்குவிக்கும். மீளுருவாக்கமும் செய்யும். ஒட்டுமொத்த உடல் கட்டமைப்பு வளர்ச்சிக்கும் உதவும்.

* அரிசிப் பொரியில் சோடியம் குறைவாகவே இருக்கும். அதனை உட்கொள்வது ரத்த அழுத்தத்தை சீராக பராமரிப்பதற்கு உதவும். உயர் ரத்த அழுத்தம், குறைந்த ரத்த அழுத்தம் இரண்டையும் நிர்வகிக்க உதவும். இதய செயல்பாட்டையும் மேம்படுத்தும். மாரடைப்பு, ரத்த குழாய்களில் அடைப்பு, பக்கவாதம் போன்ற பாதிப்புகள் ஏற்படுவதற்கான வாய்ப்புகளை குறைக்கும்.

* அரிசிப் பொரியில் ஏராளமான ஆன்டி ஆக்சிடென்டுகள், தாதுக்கள், அத்தியாவசிய ஊட்டச்சத்துக்கள் உள்ளன. அவை நோய் எதிர்ப்பு மண்டலத்தை வலுப்படுத்தவும் செய்கின்றன. தீங்கு விளைவிக்கும் நுண்ணுயிரிகளை எதிர்த்து போராடுவதற்கும், வயிற்றை பாதிக்கும் நோய்த்தொற்றுகளுக்கு எதிராக பாதுகாப்பை வழங்குவதற்கும் உதவுகின்றன. சளி, தொண்டை புண் மற்றும் சுவாசம் சார்ந்த பிரச்சினைகளில் இருந்து தற்காத்துக்கொள்ளவும் துணைபுரிகின்றன.

* செரிமானத்தை ஊக்குவிக்கவும் அரிசிப் பொரி சிறந்த சிற்றுண்டியாக பரிமாறப்படுகிறது. வயிறு மற்றும் குடலில் சேரும் உணவுத்துகள்களை உடைத்து ஊட்டச்சத்துக்களை உடல் உறிஞ்சுவதற்கு தூண்டிவிடும்.

* அரிசிப் பொரியில் உள்ள ஆன்டி ஆக்சிடென்டுகள் சருமத்தை பொலிவாகவும் வைத்திருக்க உதவும். குறிப்பாக சருமத்திற்கு தீங்கு விளைவிக்கும் சூரியக்கதிர்களால் ஏற்படும் பாதிப்பில் இருந்து பாதுகாக்கும். தோல் சுருக்கம், கரும்புள்ளிகள் போன்றவை ஏற்படுவதை தடுப்பதோடு விரைவில் வயதான அறிகுறிகள் எட்டிப்பார்ப்பதையும் தள்ளிப்போடும்.

* அரிசிப் பொரியுடன் மசாலாப் பொருட்களை கலந்து சிற்றுண்டியாக தயார் செய்து சாப்பிடலாம். அரிசிப் பொரி ஏராளமான நன்மைகளை வழங்கினாலும் அதனை அளவோடுதான் உட்கொள்ள வேண்டும். 150 கிராமுக்கு அதிகமாக சாப்பிடக்கூடாது. அதை விட அதிகமாக உட்கொள்வது உடல் பருமன் பிரச்சினைக்கு வித்திடும். இரவுப்பொழுதில் உட்கொள்வது தூக்கத்திற்கு இடையூறு ஏற்படுத்திவிடும்.

குழந்தைகளுக்கு முட்டை, மீன் போன்றவற்றை கொடுப்பதில் தாய்மார்களுக்கு பெரும் சாவாலாக உள்ளது. மீன் மற்றும் முட்டையில் அதிகப்படியாக சத்துக்கள் உள்ளன. சில குழந்தைகள் மீன் வறுதால்தான் சாப்பிடுவார்கள். ஆனால் மீன் வறுவலில் அதிக எண்ணெய் சேர்ப்பது உடல் ஆரோக்கியத்திற்கு கேடு விளைவிக்கும். எந்த உணவாக இருந்தாலும் அதை வேகவைத்து சாப்பிடுவதுதான் உடலுக்கு மிகவும் ஆரோக்கியமானதாக இருக்கும். அந்த வகையில் மீன் மற்றும் முட்டையை எப்படி குழந்தைகளுக்கு எளிய முறையில் செய்து கொடுக்கலாம் என்பதை பார்ப்போம்.

தேவையான பொருட்கள்:

முட்டை - 5

சதை அதிகம் உள்ள மீன் - 3

வெங்காயம் - 2

தக்காளி - 2

பச்சைமிளகாய் - 5

கறிவேப்பிலை - 2 கொத்து

எண்ணெய் - தேவையான அளவு

சீரகம் - 1 ஸ்பூன்

மிளகு தூள் - தேவையான அளவு

உப்பு - தேவையான அளவு

செய்முறை:

• முதலில் நன்கு சதை பகுதி உள்ள மீனை சுத்தம் செய்து கொள்ளவும்

• வெங்காயம், தக்காளி, பச்சை மிளகாய் அனைத்தையும் பொடியாக நறுக்கி வைத்துக் கொள்ளவும்.

• இட்லி வேக வைக்கும் பாத்திரத்தில் சுத்தம் செய்து வைத்திருந்த மீன்களை வைத்து நன்கு ஆவி வரும் வரை (15 நிமிடம்) வேகவைத்து எடுத்து கொள்ளவும்.

• வேக வைத்த மீன்களை எடுத்து பொடி பொடியாக மீன் முள்களை நீக்கிவிட்டு உதிர்த்து கொள்ளவும்.

• ஒரு கடாயில் தேவையான அளவு எண்ணெய் ஊற்றி சீரகம், வெங்காயம், தக்காளி, பச்சைமிளகாய், கறிவேப்பை ஆகியவற்றை சேர்த்து பொன்னிறமாக வதக்கவும்.

• பின்னர் வதக்கிய இந்த கலவையுடன் உதிர்த்து வைத்துள்ள மீனை சேர்த்து நன்கு பிரட்டி எடுக்கவும்.

• இதனுடன் தேவையான அளவு உப்பு, மிளகு தூள் சேர்க்கவும்.

• பின்னர் இந்த மீன் கலவையை தனியாக எடுத்து வைக்கவும்.

• ஒரு பாத்திரத்தில் முட்டைகளை உடைத்து ஊற்றவும்.

• முட்டையுடன் தயாரித்து வைத்திருந்த முன் கலவையை சேர்த்து நன்கு டிப் செய்யவும்.

• இதனுடன் முட்டைக்கு தேவையான உப்பு சேர்க்கவும்.

• ஒரு தோசை கல்லை அடுப்பில் வைத்து கல் நன்கு சூடு ஆனதும். சிறிது எண்ணெயை கல்லின் மீது பூசவும்.

• பின்னர் முட்டை ஆம்லெட் செய்வதற்கான கலவையை எடுத்து கல்லில் ஊற்றவும்.

• ஒரு புறம் வெந்தவுடன், மறுபுறம் திருப்பவும்.

• இதோ இப்போது சுவையான ஃபிஷ் ஆம்லெட் ரெடி.

குழந்தைகள் முதல் பெரியவர்கள் வரை மிகவும் விரும்பி சாப்பிடுவார்கள். ஆரோக்கியமான உணவும் ஆகும்.

தேவையான பொருட்கள்:

டோஃபு பன்னீர் - 400 கிராம்

கார்ன்ஃப்ளார் - தேவைக்கேற்ப

மைதா மாவு - தேவைக்கேற்ப

பிரட்தூள்கள் - தேவையான அளவு

இஞ்சி-பூண்டு விழுது - 1 டீஸ்பூன்

ரெட் சில்லி சாஸ் - 2 டீஸ்பூன்

சோயா சாஸ் - 2 தேக்கரண்டி

எண்ணெய் - வறுக்க

மிளகுத்தூள் - சுவைக்கு ஏற்ப

உப்பு - ருசிக்கேற்ப

செய்முறை:

• டோஃபு பன்னீரை சதுர வடிவில் வெட்டி எடுத்துக் கொள்ளவும்.

• ஒரு கண்ணாடி பவுளில் வெட்டி வைத்துள்ள டோஃபு பன்னீர், ரெட் சில்லி சாஸ், சோயா சாஸ், மிளகு தூள், உப்பு சேர்த்து கலந்து கொள்ளவும்

• பின்னர் இந்த பன்னீர் கலவையை ஒரு 15 நிமிடம் ஊறவிடவும்.

• ஒரு தட்டில் மைதா மாவு, மற்றொரு தட்டில் பிரட் தூள்கள், ஒரு பவுளில் கார்ன்ஃப்ளார் மாவுவை கெட்டியாக கரைத்து எடுத்து கொள்ளுங்கள்

• டோஃபு பன்னீர் 15 நிமிடங்கள் ஊறிய பின்னர் முதலில் மைதா மாவில் டிப் செய்து பின்னர் கார்ன்ஃப்ளார் மாவில் டிப் செய்து எடுத்து கொள்ளவும்.

• கார்ன்ஃப்ளார் மாவில் டிப் செய்த டோஃபு பன்னீரை பிரட் தூளில் நன்கு அனைத்து பக்கங்களில் பிரட்டி எடுக்கவும்.

• ஒரு வாணலில் தேவையான எண்ணெய் ஊறி பிரட் தூளில் பிரட்டி வைத்திருந்த டோஃபு பன்னீரை போட்டு நன்கு பொன்னிறம் வரும் வரை பொறித்து எடுக்கவும்.

• டோஃபு பன்னீர் நகட்ஸ் ரெடி.

• இதனுடன் டெமேட்டோ சாஸ் வைத்து சாப்பிட கொடுத்தால் சிறியவர்கள் முதல் பெரியவர்கள் விருப்பி சாப்பிடுவார்கள்.

தேவையான பொருட்கள்:

நண்டு - 10

தக்காளி - 6

காஷ்மீர் மிளகாய் - 50 கிராம்

குடமிளகாய் - 4 வண்ணங்களில்

வெங்காயம் - 2

இஞ்சி - 2 துண்டு

பூண்டு - 15 பல்

வெண்ணெய் - தேவையான அளவு

எண்ணெய் - பொறிக்க

உப்பு - தேவையான அளவு

செய்முறை:

• முதலில் நண்டை நன்கு சுத்தம் செய்து எடுத்துக் கொள்ளவும். அதன் ஓடை எடுத்து வைத்துக் கொள்ளவும்.

• தக்காளி மற்றும் காஷ்மீர் மிளகாய் இரண்டையும் ஒரு மிக்ஸியில் போட்டு நன்கு விழுதாக அறைத்துக் கொள்ளவும்.

• வெங்காயம், இஞ்சி, பூண்டு, குடமிளகாய் ஆகியவற்றை பொடியான நறுக்கி கொள்ளவும்.

• ஒரு வாணயில் எண்ணெய் ஊற்றவும். எண்ணெய் நன்கு காய்ந்தவுடன் சுத்தம் செய்து வைத்திருந்த நண்டை அதன் ஓடுடன் பொறித்து எடுத்துக் கொள்ளவும்.

• பின்னர் ஒரு வாணலியில் வெண்ணெய் சேர்க்கவும். அதனுடன் பொடியாக நறுக்கிய வெங்காயம் சேர்க்கவும்.

• வெங்காயம் பொன்னிறமானவுடன் நறுக்கி வைத்த இஞ்சி, பூண்டு, குடமிளகாய் ஆகியவற்றை சேர்த்து நன்கு வதக்கவும்.

• பின்னர் பொறித்து வைத்திருந்த நண்டை சேர்த்து நன்கு பிரட்டவும்.

• பிரட்டிய நண்டில் அரைத்து வைத்திருந்த தக்காளி காஷ்மீர் மிளகாய் விழுதை சேர்த்து நன்கு கிளறி அதனுடன் தேவையான அளவு உப்பு சேர்த்து 10 நிமிடங்கள் மிதமான சூட்டில் வைக்கவும்.

• இறுதியாக அடுப்பை அணைத்து விட்டு நண்டு மற்றும் அதன் ஓடு இரண்டு ஒன்றாக வைத்து பாறிமாறுங்கள் சுவையோ ஆஹா... ஓஹோ... என்று இருக்கும்.

தேவையான பொருட்கள்:

துருவிய சீஸ் - கால் கப்

உருளைக்கிழங்கு - 4

பிரெட் துண்டுகள் - 8

இஞ்சி - ஒரு சிறிய துண்டு

பூண்டு - 4 பல்

பச்சை மிளகாய் - 4

கொத்தமல்லி - ஒரு சிறுகட்டு (சுத்தம் செய்யவும்)

எலுமிச்சைச் சாறு - ஒரு டேபிள்ஸ்பூன்

சோள மாவு - 4 டேபிள்ஸ்பூன்

பால் - ஒரு கப்

மைதா - ஒரு டேபிள்ஸ்பூன்

மிளகுத்தூள் - ஒரு டீஸ்பூன்

எண்ணெய், உப்பு - தேவையான அளவு.

செய்முறை:

உருளைக்கிழங்கை வேகவைத்து, தோல் நீக்கி, நன்கு மசிக்கவும். இஞ்சி, பூண்டு, பச்சை மிளகாய், கொத்தமல்லித் தழை, எலுமிச்சைச் சாறு ஆகியவற்றை மிக்ஸியில் சேர்த்து, சிறிதளவு நீர் விட்டு நைஸாக அரைக்கவும். இதை மசித்த உருளைக்கிழங்குடன் சேர்த்து நன்கு கலக்கவும்.

சோள மாவு, பால், மைதா, மிளகுத்தூள், துருவிய சீஸ், சிறிதளவு உப்பு ஆகியவற்றை தண்ணீர் சேர்த்து பஜ்ஜி மாவு பதத்தில் கரைக்கவும். பிரெட் துண்டுகளின் ஓரங்களை நீக்கிவிட்டு, இரண்டாக நறுக்கவும். நறுக்கிய பிரெட் துண்டுகளின் மேல் உருளை மசாலாவைத் தடவி, அதன் மேலே சோள மாவு கலவையை பரப்பி, சூடான எண்ணெயில் பொரித்தெடுக்கவும். பின்னர் பரிமாறவும்.

தேவையான பொருட்கள்:

ஓட்ஸ் - 1 கப்

அரிசி மாவு - ¼ கப்

கோதுமை மாவு - ¼ கப்

வெங்காயம் - 1 நறுக்கியது

பச்சை மிளகாய் - 1 நறுக்கியது

இஞ்சி - 1 தேக்கரண்டி நறுக்கியது

சீரகம் - 1 தேக்கரண்டி

கருப்பு மிளகு தூள் - 1 தேக்கரண்டி

கொத்தமல்லி இலைகள் - 1 தேக்கரண்டி

உப்பு - சுவைக்கு ஏற்ப

தண்ணீர் - தேவைக்கேற்ப

செய்முறை:

ஒரு பத்திரத்தில் ஓட்ஸ், கோதுமைமாவு, அரிசி மாவு, இஞ்சி, பச்சை மிளகாய், கறிவேப்பிலை, மிளகு, சீரகம், மற்றும் உப்பு ஆகியவற்றை எடுத்துக் கொள்ளவும்.

இவை அனைத்தையும் நன்றாக கலந்து கொள்ளவும். பின்னர் கொஞ்சம் கொஞ்சமாக தண்ணீர் சேர்த்து தோசை மாவு பதத்திற்கு கரைத்துக் கொள்ளவும். ரவை தோசை பதத்திற்கு கரைத்து கொண்டால் இன்னும் சிறப்பு.

பின்னர் அடுப்பில் தோசை கல்லை வைத்து சூடாக்கவும். பின்னர் சிறிது எண்ணெய் தடவவும். ஒரு குழி கரண்டி அளவு ஓட்ஸ் மாவை எடுத்து தோசை கல்லில் நல்லா வட்ட வடிவமாக சூடவும். இந்த தோசையை மிதமான தீயில் வைத்து செய்யவும். தோசை பொன்னிறமானதும் எடுத்து பரிமாறலாம். இந்த தோசையை புரட்டி போட அவசியம் இல்லை.

தேவையான பொருட்கள்:

இறால்கள் - 1/4 கிலோ

சின்ன வெங்காயம் - 5 முதல் 6 எண்

வேர்க் கடலை - 50 கிராம்

முந்திரி - 7

பிரிஞ்சி இலைகள் - 2

கிராம்பு - 2

இலவங்கப்பட்டை குச்சி - 1 அங்குலம்

பச்சை ஏலக்காய் - 2

எண்ணெய் - தேவையான அளவு

கொத்தமல்லி - தேவையான அளவு

உப்பு - 2 பின்ச்

செய்முறை:

வேர்க்கடலையை சிறிது நேரம் (20 நிமிடம்) ஊறவைத்து பின்னர் அதை ஒரு மிக்ஸர் சாரில் சிறிது தண்ணீர் சேர்த்து நன்கு விழுதாக அறைத்து எடுத்தக் கொள்ளவும்.

ஒரு வாணலியில் சிறிது எண்ணெயை ஊற்றி சூடானதும், இலவங்கப்ட்டை, ஏலக்காய், கிராம்பு, பிரிஞ்சி இலையுடன் சின்ன வெங்காயம் சேர்த்து வதக்கவும்.

பின்னர் முந்திரியை சேர்க்கவும், பின்னர் சுத்தம் செய்து வைத்துள்ள இறாலை சேர்ந்து நன்கு வதக்கவும்.

இறால் நன்றாக வெந்தவுடன் அறைத்து வைத்துள்ள வேர்க்கடலை விழுதை அதனுடன் சேர்ந்து 5 நிமிடம் கிளறவும்.

இறுதியாக கொத்தமல்லி சேர்ந்து பரிமாறவும்.