ஜம்மு காஷ்மீர்

ஸ்ரீநகர்:

ஜம்மு காஷ்மீர் யூனியன் பிரதேசத்தில் உள்ள 90 சட்டசபை தொகுதிக்கு நடந்த தேர்தலில் தேசிய மாநாட்டு கட்சி- காங்கிரஸ் கூட்டணி வெற்றி பெற்றது. 10 வருடங்களுக்கு பிறகு காஷ்மீரில் மக்களால் தேர்ந்தெடுக்கப்பட்ட அரசு அமைந்தது.

ஜம்மு காஷ்மீர் முதல்-மந்திரியாக உமர்அப்துல்லா பதவி ஏற்றார். அவரது தலைமையில் நடந்த முதல் மந்திரிசபை கூட்டத்தில் ஜம்மு காஷ்மீருக்கு சிறப்பு அந்தஸ்து வழங்க வலியுறுத்தி தீர்மானம் நிறைவேற்றப்பட்டது.

இந்த தீர்மானம் ஒப்புதலுக்காக துணை நிலை கவர்னர் மனோஜ் சின்காவுக்கு அனுப்பி வைக்கப்பட்டது. அவரும் ஒப்புதல் வழங்கி இருந்தார். இது தொடர்பாக உமா் அப்துல்லா டெல்லி சென்று பிரதமர் மோடி, மத்திய உள்துறை மந்திரி அமித்ஷா ஆகியோரை சந்தித்து பேசி இருந்தார்.

இந்த நிலையில் காஷ்மீர் சட்டசபையின் முதல் கூட்டம் இன்று தொடங்கியது.

தேசிய மாநாட்டு கட்சி யின் மூத்த தலைவரும், 7 முறை எம்.எல்.எ.வுமான அப்துல் ரகீம் ஜம்மு-காஷ்மீர் யூனியன் பிரதேச சட்ட சபையின் முதல் சபாநாயகராக தேர்ந்து எடுக்கப் பட்டார்.

சபாநாயகர் பதவிக்கு எதிர்க்கட்சிகள் போட்டியிட விரும்பாததால் குரல் வாக்கெடுப்பு மூலம் அவர் தேர்வானார். அப்துல் ரகீமை முதல்-மந்திரி உமர் அப்துல்லா, எதிர் கட்சி தலைவர் சுனில் சர்மா ஆகியோர் சபா நாயகர் இருக்கையில் அமர வைத்தனர். அவர் 2002 முதல் 2008 வரை பி.டி.பி-காங்கிரஸ் அரசு இருந்தபோது எதிர்க்கட்சித் தலைவராக இருந்தார்.

அதை தொடர்ந்து ஜம்மு-காஷ்மீருக்கு சிறப்பு அந்தஸ்து வழங்கப்படும் அரசியலமைப்பின் 370-வது சட்டப் பிரிவு ரத்து செய்ததை எதிர்த்தும், சிறப்பு அந்தஸ்தை வழங்க வலியுறுத்தியும் மெகபூபாவின் மக்கள் ஜனநாயக கட்சி (பி.டி.பி) எம்.எல்.ஏ. வகீத் பாரா தீர்மானம் கொண்டு வந்தார்.

புல்வாமா எம்.எல்.ஏ. வான அவர் கூறும்போது, `ஜம்மு-காஷ்மீர் மக்களின் உணர்வுகளை மனதில் வைத்து சிறப்பு அந்தஸ்து ரத்து செய்யப்பட்டதை இந்த அவை எதிர்க்கிறது என்று கூறி தீர்மானத்தை முன் வைத்தார்.

இதற்கு பா.ஜ.க. எம்.எல்.ஏ.க்கள் கடும் எதிர்ப்பு தெரிவித்தனர். 28 எம்.எல்.ஏ.க்களும் இதற்கு எதிராக எழுந்து நின்றனர். இதனால் சபையில் கடும் அமளி ஏற்பட்டது.

சட்டசபை விதிகளை மீறி தீர்மானம் கொண்டு வந்ததற்காக வகீத் பாராவை சஸ்பெண்டு செய்ய வேண்டும் என்று பா.ஜ.க. எம்.எல்.ஏ. ஷாம்லால் சர்மா கோரிக்கை வைத்தார்.

அமளிக்கு பிறகு உமர் அப்துல்லா பேசினார். அதைத் தொடர்ந்து கவர்னர் மனோஜ் சின்கா உரை ஆற்றினார்.

ஜம்மு காஷ்மீர் ஸ்ரீநகரில் வார சந்தையில் கையெறிகுண்டு தாக்குதல் நடத்தப்பட்டுள்ளது. ஸ்ரீநகரில் உள்ள லால் சவுக் பகுதியில் அமைத்துள்ள சுற்றுலா மையத்தின் அருகே உள்ள ஞாயிறு சந்தையில் பயங்கரவாதிகள் கையெறிகுண்டுகளை வீசியுள்ளனர்.

இந்த தாக்குதலில் அப்பகுதியில் இருந்த பொதுமக்கள் 10 பேர் படுகாயமடைந்துள்ளனர். அவர்கள் மீட்கப்பட்டு அருகில் மருத்துவமனையில் சிகிச்சைக்காக சேர்க்கப்பட்டுள்ளனர்.

இந்த தாக்குதலால் அப்பகுதியில் பரபரப்பான சூழல் ஏற்பட்டுள்ளது. நேற்று பாதுகாப்பு படையினர் நடத்திய என்கவுன்டர் தாக்குதலில் லஷ்கர் இ தொய்பா அமைப்பை சேர்ந்த பாகிஸ்தான் பயங்கரவாதி உள்பட 3 பயங்கரவாதிகள் சுட்டுக்கொல்லப்பட்ட நிலையில் இன்று இந்த தாக்குதலானது நடந்துள்ளது.

இந்நிலையில் இந்த தாக்குதலுக்கு முதல்வர் உமர் அப்துல்லா கண்டனம் தெரிவித்துள்ளார். ஜம்மு காஷ்மீரில் முன்பைவிட தற்போது பயங்கரவாத தாக்குதல்கள் குறைந்துள்ளதாக நேற்றைய தினம் மத்திய பாதுகாப்புத் துறை அமைச்சர் ராஜ்நாத்சிங் பேசியது குறிப்பிடத்தக்கது.

ஸ்ரீநகர்:

ஜம்மு காஷ்மீரின் ஸ்ரீநகரில் உள்ள கன்யார் பகுதியில் பாதுகாப்புப் படையினர் மற்றும் பயங்கரவாதிகளுக்கு இடையே துப்பாக்கிச் சண்டை நடந்து வருகிறது.

இந்த மோதலில் அப்பகுதியில் இருந்த சில வீடுகள் தீப்பிடித்து எரிந்தன. இதனால் அப்பகுதியில் பதற்றம் ஏற்பட்டுள்ளது.

முன்னதாக, அனந்த்நாக் மாவட்டத்தில் உள்ள ஹல்கன்காலி பகுதி அருகே பாதுகாப்பு படையினர் மற்றும் பயங்கரவாதிகள் இடையே நடந்த துப்பாக்கி சண்டையில் 2 பயங்கரவாதிகள் சுட்டுக் கொல்லப்பட்டனர் என பாதுகாப்புப்படை தெரிவித்தது. கொல்லப்பட்ட 2 பயங்கரவாதிகளில் ஒருவர் வெளிநாட்டவர் என்பதும், மற்றொருவர் உள்ளூரைச் சேர்ந்தவர் என்பதும் உறுதி செய்யப்பட்டது. 

ஸ்ரீநகர்:

காஷ்மீரின் புத்காம் மாவட்டத்தில் புலம்பெயர் தொழிலாளர்கள் மீது பயங்கரவாதிகள் துப்பாக்கி சூடு நடத்தினர். இந்த தாக்குதலில் உத்தர பிரதேச மாநிலத்தைச் சேர்ந்த 2 தொழிலாளர்கள் படுகாயமடைந்தனர். அவர்கள் இருவரும் மீட்கப்பட்டு மருத்துவமனையில் அனுமதிக்கப்பட்டுள்ளனர். அவர்களின் உடல்நிலை சீராக இருப்பதாக மருத்துவர்கள் தெரிவித்துள்ளனர்.

காயமடைந்தவர்கள் உத்தர பிரதேசத்தைச் சேர்ந்த உஸ்மான் மாலிக்(20) மற்றும் சோபியான்(25) என்பது தெரியவந்துள்ளது. காஷ்மீரில் கடந்த 2 வாரங்களில் புலம்பெயர் தொழிலாளர்கள் மீது நடத்தப்பட்ட நான்காவது தாக்குதல் இதுவாகும்.

கடந்த மாதம் 20-ந்தேதி கந்தர்பால் மாவட்டத்தில் சுரங்கப்பாதை அமைக்கும் பணியில் ஈடுபட்டிருந்த தொழிலாளர்கள் மீது பயங்கரவாதிகள் நடத்திய தாக்குதலில் பீகாரைச் சேர்ந்த இருவர், ஒரு டாக்டர் உள்பட மொத்தம் 7 பேர் உயிரிழந்தனர் என்பது குறிப்பிடத்தக்கது.

மத்திய அமைச்சர் ஜிதேந்திர சிங்கின் சகோதரரும், நக்ரோடா எம்எல்ஏ-வுமான தேவேந்தர் சிங் ராணா, அரியானா மாநிலம் பரிதாபாத்தில் உள்ள தனியார் மருத்துவமனையில் காலமானார். அவருக்கு வயது 59.

உடல்நலக்குறைவால் தனியார் மருத்துவமனையில் சிகிச்சை பெற்று வந்த ராணா சிகிச்சை பலனின்றி உயிரிந்தார். அவருக்கு மனைவி குஞ்சன் ராணா மற்றும் 2 மகள்கள், ஒரு மகன் ஆகியோர் உள்ளனர்.

1965-ம் ஆண்டு ஜம்முவின் தோடா மாவட்டத்தில் டோக்ரா குடும்பத்தில் பிறந்த இவர், முன்னாள் அதிகாரி ராஜீந்தர் சிங் ராணாவின் மகனும், மத்திய அமைச்சர் ஜிதேந்திர சிங்கின் சகோதரரும் ஆவார்.

சிவில் இன்ஜினியரிங் பட்டம் பெற்ற பிறகு, ராணா சொந்தமாக ஆட்டோமொபைல் நிறுவனத்தை நிறுவி வியாபாரத்தில் இறங்கினார். ஜம்காஷ் வெஹிகிலேட்ஸ் குழுமம் என்ற பல கோடி மதிப்பிலான நிறுவனத்தையும் புதிதாக ஒரு கேபிள் டிவி சேனலையும் உருவாக்கி, ஜம்மு காஷ்மீரில் ஒரு சிறந்த தொழில்முனைவோராக தன்னை நிலைநிறுத்திக் கொண்டார்.

தேசிய மாநாடு கட்சியில் (NC) ராணா தனது அரசியல் வாழ்க்கையைத் தொடங்கினார். உமர் அப்துல்லாவின் நம்பிக்கைக்குரிய உதவியாளராக, ஜம்முவில் கட்சி வியூகங்களை வடிவமைப்பதில் கணிசமான பங்கு வகித்தார். ஜம்மு மற்றும் காஷ்மீர் சட்டமன்றத்திற்கான தனது முதல் முயற்சியில், ராணா நக்ரோட்டா சட்டமன்ற தொகுதியில் பாஜகவை எதிர்த்து போட்டியிட்டு வெற்றி பெற்றார்.

2021 அக்டோபரில், இரண்டு தசாப்தங்களுக்கும் மேலாக NC உடன் இருந்த பிறகு, ராணா ராஜினாமா செய்து பாஜக-வில் இணைந்தார். ஜம்மு பகுதியில் உள்ளூர் சமூகங்களுடனான நெருங்கிய தொடர்புகள் அவரை ஜம்மு காஷ்மீர் அரசியலில், குறிப்பாக பிஜேபிக்கு ஒரு முக்கிய நபராக ஆக்கியது.

ராணாவின் மறைவுக்கு அரசியல் தலைவர்கள் பலரும் இரங்கல் தெரிவித்து வருகின்றனர்.

ஸ்ரீநகர்:

ஜம்மு-காஷ்மீர் யூனியன் பிரதேசமாக அறிவிக்கப்பட்டதன் 5-ம் ஆண்டு தின விழா நிகழ்ச்சிக்கு ஏற்பாடு செய்யப்பட்டிருந்தது. இந்நிகழ்ச்சியில் பங்கேற்மால் உமர் அப்துல்லா மற்றும் ஆளும் கூட்டணி கட்சி தலைவர்கள் பங்கேற்காமல் புறக்கணித்தனர்.

இதனால் அதிருப்தி அடைந்த துணை நிலை கவர்னர் கூறியது, தற்போதுவரை ஜம்மு-காஷ்மீர் யூனியன் பிரதேசம் தான் அதனை கொண்டாடுவதை அனைவரும் ஏற்றுக்கொள்ள வேண்டும். மாநிலமாக மாறினால் அந்த நாளையும் கொண்டாவோம்.யூனியன் பிரதேச முதல்வராக பதவியேற்று கொண்டு, அதன் உருவான தினத்தை முதல்வர் ஒமர் அப்துல்லா புறக்கணித்தது. அரசியல் சாசனத்திற்கு எதிராக இரட்டை தன்மை பிரதிபலிப்பதாக உள்ளது என விமர்சித்து பேசினார்.

மாநில அந்தஸ்து கோரி அதற்கான முயற்சியை முன்னெடுத்து பிரதமர் மோடி, அமித்ஷாவை சந்தித்து வலியுறுத்தி வரும் உமர் அப்துல்லா, யூனியன் பிரதேச தினவிழாவில் பங்கேற்காமல் புறக்கணித்து வருவதன் மூலம், ஜம்மு-காஷ்மீரில் முதல் மந்திரி - துணை நிலை கவர்னர் மோதல் துவங்கியுள்ளது.

ஜம்மு-காஷ்மீர் மாநிலத்தில் பயங்கரவாதிகள் நடமாட்டம் அதிகரித்துள்ளது. 60-க்கும் மேற்பட்ட பயங்கரவாதிகள் பாகிஸ்தான் எல்லை வழியாக இந்தியாவுக்குள் ஊடுருவ தயாராக இருப்பதாக உளவுத்துறை தகவல் கொடுத்ததன் பேரில் கண்காணிப்பு பணி அதிகரிக்கப்பட்டுள்ளது.

ஆக்னூர் என்ற பகுதியில் பயங்கரவாதிகளுக்கும், பாதுகாப்புப்படையினருக்கும் இடையில் கடும் துப்பாக்கிச் சண்டை நடைபெற்றது. இதில் 3 பயங்கரவாதிகள் கொல்லப்பட்டனர்.

இந்த நிலையில் ஜம்மு-காஷ்மீர் மாநிலத்தில் ஆட்சியை பிடித்துள்ள தேசிய மாநாடு கட்சியின் தலைவர் பரூக் அப்துல்லாவிடம் பயங்கரவாதிகள் சுட்டுக்கொலை செய்யப்பட்டது தொடர்பாக கேள்வி எழுப்பப்பட்டது.

அதற்கு பரூக் அப்துல்லா பதில் கூறுகையில் "என்கவுண்டர்கள் தொடர்ந்து நடைபெறும். பயங்கரவாதிகள் வந்து கொண்டிருக்கும் வரை, அவர்கள் சுட்டுக்கொலை செய்யப்படுவார்கள்

தலைமைச் செயலகம், அரசு அதிகாரிகள் அலுவலகம் ஒரு தலைநகரில் இருந்து மற்றொரு நகருக்குச் செல்லும் தர்பார் நகர்வு நடைபெறும்.

எல்லோரும் தீபாவளி கொண்டாட வேண்டும். இது மிகப்பெரிய திருவிழா. இந்த பகுதியில் செல்வம் குறைவாக இருப்பதால், கடவுளும் லட்சுமி தேவியும் இங்குள்ள மக்களுக்கு செழிப்புடன் அருள்பாலிக்கட்டும். இன்று, பெரும்பாலான கடைகள் இங்கு காலியாக காட்சியளிக்கிறது" என்றார்.

'ஜம்மு பகுதிக்குள் ஊடுருவ 50 முதல் 60 வரையிலான பயங்கரவாதிகள் எல்லையில் காத்திருப்பதாக உளவுத் தகவல்கள் கிடைக்கப் பெற்றுள்ளன. அவா்களின் ஊடுருவல் முயற்சியை முறியடிக்க பாதுகாப்புப் படையினா் விழிப்புடன் உள்ளனா்' என்று ராணுவ உயரதிகாரி ஒருவா் தெரிவித்தார்.

ஜம்மு அருகே உள்ள அக்னூா் பகுதியில் பாதுகாப்புப் படையினா் மேற்கொண்ட 27 மணிநேர அதிரடி நடவடிக்கையில் 3 பயங்கரவாதிகள் சுட்டுக்கொல்லப்பட்டனா். இந்த நடவடிக்கைக்குப் பிறகு, ராணுவத்தின் 10-வது காலாட்படைப் பிரிவின் தளபதி சமீா் ஸ்ரீவாஸ்தவா செய்தியாளா்களிடம் கூறியதாவது:-

அக்னூரில் 3 பயங்கரவாதிகள் கொல்லப்பட்டது, பாதுகாப்புப் படையினருக்கு கிடைத்த மாபெரும் வெற்றியாகும். இவா்கள் மூவரும் ஜம்முவுக்குள் புதிதாக ஊடுருவிய பயங்கரவாத குழுவைச் சோ்ந்தவா்கள்.

இதேபோல், ஜம்மு பகுதிக்குள் ஊடுருவ மேலும் 50 முதல் 60 வரையிலான பயங்கரவாதிகள் எல்லையில் காத்திருப்பதாக உளவுத் தகவல்கள் கிடைக்கப் பெற்றுள்ளன. அவா்களின் முயற்சியை முறியடிக்க பாதுகாப்புப்படைகள் முழு அளவில் தயார் நிலையில் உள்ளன. எல்லையில் கண்காணிப்பு தீவிரப்படுத்தப்பட்டுள்ளது என்றார்.

ஸ்ரீநகர்:

ஜம்மு காஷ்மீரின் பாராமுல்லா மாவட்டத்தில் குல்மார்க் பகுதியில் உள்ள போடாபதேர் பகுதியில் ராணுவ வீரர்கள் ஒரு வாகனத்தில் சென்று கொண்டிருந்தனர்.

அப்போது அங்கு வந்த பயங்கரவாதிகள் ராணுவ வாகனத்தைக் குறிவைத்து திடீர் தாக்குதல் நடத்தினர்.

இந்த தாக்குதலில் 2 வீரர்கள் வீர மரணம் அடைந்தனர். 2 போர்ட்டர்களும் பலியாகினர். மேலும் சிலர் படுகாயம் அடைந்து சிகிச்சை பெற்று வருகின்றன.

பயங்கரவாதிகள் தாக்குதலை தொடர்ந்து அப்பகுதியில் பாதுகாப்பு பலப்படுத்தப்பட்டு உள்ளது.

ஜம்மு காஷ்மீரில் சட்டசபை தேர்தல் நடைபெற்று புதிய ஆட்சி அமைந்துள்ள நிலையில், பயங்கரவாதிகள் தொடர் தாக்குதல் நடத்தி வருகின்றனர் என்பது குறிப்பிடத்தக்கது.

ஜம்மு-காஷ்மீர் மாநிலத்தில் நடைபெற்ற சட்டமன்ற தேர்தலில் தேசிய மாநாடு கட்சி- காங்கிரஸ் கூட்டணி வெற்றி பெற்று ஆட்சியை பிடித்தது. தேசிய மாநாடு கட்சியின் துணைத் தலைவர் உமர் அப்துல்லா முதல்வராக பதவி ஏற்றுக்கொண்டார்.

அவர் புட்காம் மற்றும் கந்தர்பால் ஆகிய இரண்டு தொகுதிகளில் போட்டியிட்டார். இரண்டிலும் வெற்றி பெற்றார். இரண்டு தொகுதிகளில் வெற்றி பெற்றால் ஒரு தொகுதி எம்.எல்.ஏ. பதவியை ராஜினாமா செய்ய வேண்டும்.

அதன்படி உமர் அப்துல்லா புட்காம் தொகுதி எம்.எல்.ஏ. பதவியை ராஜினாமா செய்துள்ளார். இந்த தொகுதியில் மக்கள் ஜனநயாக கட்சியின் அகா சையத் முந்தாஜிர் மெஹ்தியை 18 ஆயிரத்திற்கு 485 வாக்குகள் வித்தியாசத்தில் தோற்கடித்தார்.

கந்தர்பால் தொகுதியில் பிடிபி வேட்பாளர் பஷிர் அகமது மிர்-ஐ 10 ஆயிரத்து 574 வாக்குகள் வித்தியாசத்தில் தோற்கடித்தார்.

புட்காம் தொகுதி எம்.எல்.ஏ. பதவியை ராஜினாமா செய்ததை தற்காலிய சபாநாயகர் முபாரக் குல் உறுதிப்படுத்தியுள்ளார்.

உமர் அப்துல்லா ஏற்கனவே ஜம்மு-காஷ்மீர் மாநில முதல்வராக இருந்தவர். அப்போதைய 2009 முதல் 2014 வரையிலான காலக்கட்ட்தில் கந்தர்பால் தொகுதி எம்.எல்.ஏ.-வாக இருந்தார்.

கந்தர்பால் தொகுதியில் அவரது தந்தை பரூக் அப்துல்லா, உமர் அப்துல்லா தாத்தா ஷேக் அப்துல்லா ஆகியோரும் போட்டியிட்டுள்ளனர்.

கடந்த வாரம் புதன்கிழமை ஜம்மு-காஷ்மீர் மாநில முதல்வராக உமர் அப்துல்லா பதவி ஏற்றுக் கொண்டார். யூனியன் பிரதேசமாக அறிவிக்கப்பட்ட பின் ஜம்மு- காஷ்மீரின் முதல் முதல்வராக உமர் அப்துல்லா பதவி ஏற்றுள்ளார்.

ஜம்மு காஷ்மீரின் கந்தர்பால் மாவட்டத்தில் உள்ள சோனமார்க் எனும் பகுதியில் சுரங்கப்பாதை கட்டுமானம் நடைபெற்று வருகிறது.

அப்போது, அங்கு பணியில் ஈடுபட்டிருந்த பணியாளர்கள் மீது பயங்கரவாதிகள் திடீர் தாக்குதல் நடத்தினர். இந்த தாக்குதலில் 6 பேர் சுட்டுக்கொல்லப்பட்டனர். டாக்டர் ஒருவரும் துப்பாக்கிச் சூட்டில் உயிரிழந்தார்.

இதைத் தொடர்ந்து அப்பகுதியில் பாதுகாப்புப் படைவீரர்கள் அங்கு குவிக்கப்பட்டுள்ளனர்.

ஜம்மு காஷ்மீர் முதலமைச்சர் உமர் அப்துல்லா இந்த தாக்குதல் சம்பவத்திற்கு கண்டனம் தெரிவித்துதார்.

தொடர்ந்து, இந்த சம்பவத்திற்கு ஜம்ஜம்மு-காஷ்மீர் தேசிய மாநாட்டுத் தலைவரும், ஜம்மு-காஷ்மீர் மாநிலத்தின் முன்னாள் முதல்வருமான ஃபரூக் அப்துல்லா கண்டனம் தெரிவித்துள்ளார்.

இதுகுறித்து அவர் கூறுகையில், " பாகிஸ்தானில் உள்ள தலைமைக்கு நான் கூற விரும்புகிறேன், அவர்கள் உண்மையிலேயே இந்தியாவுடன் நட்புறவை விரும்பினால், அவர்கள் பயங்கரவாதத்திற்கு முற்றுப்புள்ளி வைக்க வேண்டும், மேலும் காஷ்மீர் ஒருபோதும் பாகிஸ்தானாக மாறாது" என்றார்.

ஸ்ரீநகர்:

ஜம்மு காஷ்மீரின் கந்தர்பால் மாவட்டத்தில் உள்ள சோனமார்க் எனும் பகுதியில் சுரங்கப்பாதை கட்டுமானம் நடைபெற்று வருகிறது.

இந்நிலையில், அங்கு பணியில் ஈடுபட்டிருந்த பணியாளர்கள்மீது பயங்கரவாதிகள் திடீர் தாக்குதல் நடத்தினர். இந்த தாக்குதலில் 6 பேர் சுட்டுக்கொல்லப்பட்டனர். டாக்டர் ஒருவரும் துப்பாக்கிச் சூட்டில் உயிரிழந்தார்.

இதைத் தொடர்ந்து அப்பகுதியில் பாதுகாப்புப் படைவீரர்கள் அங்கு குவிக்கப்பட்டுள்ளனர்.

ஜம்மு காஷ்மீர் முதல் மந்திரி உமர் அப்துல்லா இந்த தாக்குதல் சம்பவத்திற்கு கண்டனம் தெரிவித்துள்ளார். புலம்பெயர் தொழிலாளர்கள் மீது நடத்தப்பட்ட இந்த தாக்குதல் கொடூரமானது மற்றும் கோழைத்தனமானது என தெரிவித்துள்ளார்.