கரூர்:
கரூர் அருகே உள்ள சுங்க கேட் பகுதியில் பாதி கட்டிய நிலையில் கட்டிடம் ஒன்று உள்ளது. இந்த கட்டிடத்தில் இன்று காலை 55 வயது மதிக்கத்தக்க முதியவர் ஒருவர் தூக்கில் பிணமாக தொங்கினார். இதனைப் பார்த்த அக்கம் பக்கத்தினர் சம்பவம் குறித்து பசுபதி பாளையம் போலீஸ் நிலையத்தில் தகவல் தெரிவித்தனர். அதன் பேரில் விரைந்து வந்த போலீசார் உடலை கைப்பற்றி பிரேத பரிசோதனைக்காக கரூர் அரசு ஆஸ்பத்திரிக்கு அனுப்பி வைத்தனர்.இது குறித்து வழக்கு பதிவு செய்த போலீசார் தூக்கில் பிணமாக தொங்கியவர் யார்? எந்த ஊரைச் சேர்ந்தவர்? தற்கொலை செய்து கொண்டாரா? அல்லது கொலை செய்யப்பட்டரா? என விசாரணை நடத்தி வருகின்றனர்.
