புதுச்சேரி:
புதுவை நெட்டப்பாக்கத்தை சேர்ந்தவர் மகேந்திரன் (வயது 32). இவரது மனைவி முத்தழகி. நெட்டப்பாக்கத்தில் உள்ள அரசு ஆரம்ப சுகாதார நிலையத்தில் நர்சாக வேலை செய்து வருகிறார்.
வழக்கம்போல் முத்தழகி ஆஸ்பத்திரியில் பணியில் ஈடுபட்டிருந்தபோது, 2 வாலிபர்கள் குடிபோதையுடன் உள்ளே நுழைந்தனர். அவர்கள் ரகளை செய்ததுடன், முத்தழகிக்கு மிரட்டல் விடுத்து விட்டு தப்பி சென்றனர்.
இதுபற்றி நெட்டப்பாக்கம் போலீசில் புகார் செய்யப்பட்டது அதன்பேரில் போலீசார் வழக்கு பதிவு செய்து விசாரணை நடத்தினர்.
அதனைத்தொடர்ந்து, இந்த சம்பவம் தொடர்பாக நெட்டப்பாக்கத்தை சேர்ந்த சிலம்பரசன், ஏரிப்பாக்கத்தை சேர்ந்த சத்தியசீலன் ஆகிய 2 வாலிபர்களை போலீசார் கைது செய்தனர்.
