சென்னை:
தமிழக சட்டசபையில் இன்று 110-வது விதியின் கீழ் முதலமைச்சர் எடப்பாடி பழனிசாமி ஒரு அறிவிப்பை வெளியிட்டார். அவர் பேசியதாவது:-
தமிழகத்தில் 17 மாவட்டங்களில் படைப்புழு தாக்குதலால் பாதிக்கப்பட்ட மக்காச்சோளப் பயிர்களுக்கு நிவாரணம் வழங்கப்படும். 2 லட்சம் மக்காச் சோள விவசாயிகளுக்கு ரூ.186.25 கோடி நிவாரணம் வழங்கப்படும். இறைவை பயிருக்கு ஹெக்டேருக்கு ரூ.13,500-ம், மானாவாரி பயிருக்கு ஹெக்டேருக்கு ரூ.7,410-ம் நிவாரணமாக வழங்கப்படும்.
பயிர்க் காப்பீட்டுத் திட்டத்தில் சேராத விவசாயிகள் உடனே காப்பீட்டு திட்டத்தில் சேர வேண்டும்.
இவ்வாறு அவர் பேசினார்.
