மதுராந்தகம்:
செங்கல்பட்டு மாவட்டம் மதுராந்தகம் அருகே கடந்த 7-ந்தேதி விக்கிரவாண்டியில் இருந்து லாரி வந்து கொண்டிருந்தது. லாரியை டிரைவர் பச்சையப்பன் (வயது 32) என்பவர் ஓட்டி வந்தார். அப்போது லாரியை வழிமறித்த 2 பேர் கத்திமுனையில் பச்சையப்பனை மிரட்டி அவரிடம் இருந்த செல்போனை பறித்து சென்றனர்.
இது குறித்து படாளம் போலீஸ்நிலையத்தில் புகார் செய்யப்பட்டது. இன்ஸ்பெக்டர் பாலசுப்பிரமணியன், சப்-இன்ஸ்பெக்டர் டில்லிபாபு ஆகியோர் செல்போன் பறிப்பில் ஈடுபட்டவர்களை தேடி வந்தனர். இந்த நிலையில் நேற்று செல்போன் பறிப்பில் ஈடுபட்டதாக கூடுவாஞ்சேரியை அடுத்த மாம்பாக்கம் கிராமத்தை சேர்ந்த அர்ஜுனா ( 22), படாளத்தை அடுத்த நடராஜபுரத்தை சேர்ந்த மணிகண்டன் (21) ஆகியோரை போலீசார் கைது செய்து நீதிபதி முன்னிலையில் ஆஜர் படுத்தி சிறையில் அடைத்தனர்.
