புதுச்சேரி:
புதுவை சட்டமன்ற தேர்தலில் நாம் தமிழர் கட்சி தனித்து போட்டியிடுகிறது. புதுவை மற்றும் காரைக்காலில் உள்ள 28 தொகுதிகளிலும் இக்கட்சியின் வேட்பாளர்கள் போட்டியிடுகிறார்கள்.
அதாவது 14 பெண்கள், 14 ஆண்கள் வேட்பாளர்களாக போட்டியிடுகிறார்கள். இந்த வேட்பாளர் அறிமுக கூட்டம் ரோடியர் மில் திடலில் இன்று (செவ்வாய்க்கிழமை) மாலை 5.30 மணிக்கு நடக்கிறது.
கூட்டத்தில் 28 வேட்பாளர்களும் ஒரே மேடையில் அறிமுகப்படுத்தி நாம் தமிழர் கட்சியின் தலைமை ஒருங்கிணைப்பாளர் சீமான் பேசுகிறார். அப்போது அவர் விவசாயி சின்னத்துக்கு ஆதரவு திரட்டுகிறார்.
இதற்காக ரோடியர் மில் திடலில் ஏற்பாடு செய்யப்பட்டு வருகிறது. மேடை அமைக்கும் பணிகள் இரவு, பகலாக தீவிரமாக நடந்து வருகின்றன.
