தமிழகத்தில் கொரோனா தொற்றின் தாக்கம் ஏறுமுகத்திலேயே இருந்து வருகிறது. கடந்த சில தினங்களாக தினசரி பாதிப்பு 30 ஆயிரத்தை தாண்டிய நிலையில், நேற்று 33 ஆயிரத்தை தாண்டியுள்ளது.
ஒருபக்கம் கொரோனா தொற்று அதிகரித்து வரும் நிலையில், மற்றொரு பக்கம் கொரோனா தடுப்பூசி செலுத்தும் பணியையும் முடுக்கிவிட்டுள்ளது. தற்போது தமிழகத்தில் கொரோனா தடுப்பூசி செலுத்திக் கொண்டவர்களின் எண்ணிக்கை மிகக்குறைவாக உள்ளது. பொதுமக்களும் மிகப்பெரிய அளவில் ஆர்வம் காட்டவில்லை. இதனால் தமிழக அரசு தடுப்பூசி செலுத்திக் கொள்ள விழிப்புணர்வு மேற்கொண்டு வருகிறது.
இந்த நிலையில் ‘‘மாற்றுத் திறனாளிகளுக்கு தனி வரிசை ஏற்படுத்த வேண்டும். மாற்றுத்திறனாளிகள் எந்தவித சிரமுமில்லாமல் கொரோனா தடுப்பூசி போடுவதற்கு சிறப்பு ஏற்பாடு செய்ய வேண்டும். அனைத்து தடுப்பூசி மையங்களிலும் மாற்றத்திறனாளிகளுக்கு முன்னுரிமை அளிக்க வேண்டும்’’ என தமிழக அரசு உத்தரவிட்டுள்ளது.
