இளையான்குடி:
இளையான்குடி அருகே உள்ள இந்திரா நகர் காந்திசாலையை சேர்ந்தவர் கார்த்திகைசாமி. இவருடைய மனைவி காளீஸ்வரி (வயது 42.). இவர் நேற்று முன்தினம் வீட்டுக்கு பின்புறம் நடந்து சென்ற போது பாம்பு கடித்ததில் மயங்கி விழுந்தார். உடனே அக்கம், பக்கத்தினர் அவரை மீட்டு இளையான்குடி அரசு ஆஸ்பத்திரியில் சேர்த்தனர். அங்கு மேல்சிகிச்சைக்காக பரமக்குடி மற்றும் சிவகங்கை அரசு ஆஸ்பத்திரியில் சேர்த்தனர். அங்கு சிகிச்சை பலனின்றி அவர் இறந்தார். இது குறித்து இளையான்குடி போலீசார் வழக்குபதிவு செய்து விசாரணை நடத்தினார்கள்.
