தருமபுரி,
வேலூர் மாவட்டம் வாணியம்பாடி அருகே யுள்ள பெருமைப்பட்டு பகுதியை சேர்ந்தவர் ராமராஜன். இவர் தனது குடும்பத்துடன் காரிமங்கலம் அருகேயுள்ள சுண்ணாம்பட்டியில் நடந்த கோவில் திருவிழாவுக்காக வந்தார். இவரது மகன் தர்சன் ராஜ் (வயது 12).
இந்த சிறுவன் அப்பகுதியில் சாலை ஓரம் சிறுநீர் கழிக்க சென்ற போது அவ்வழியாக வந்த கார் மோதியதில் படுகாயம் அடைந்தான். தருமபுரி அரசு மருத்துவ கல்லூரி மருத்துவமனையில் சேர்க்கப்பட்ட தர்சன் ராஜ் அங்கு சிகிச்சை பலனின்றி உயிரிழந்தார். இது குறித்து காரிமங்கலம் போலீசார் வழக்கு பதிவு செய்து விசாரித்து வருகின்றனர்.
பாப்பிரெட்டிப்பட்டி அருகேயுள்ள முள்ளிக்காடு பகுதியை சேர்ந்த மாது (40) என்ற கூலி தொழிலாளியும், கள்ளிப்பட்டியை சேர்ந்த மணி (45) என்ற இளநீர் வியாபாரியும் தங்களது இருசக்கர வாகனங்களில் சென்ற போது ஏற்பட்ட விபத்துகளில் உயிரிழந்தனர்.
