தமிழக அரசு சார்பில் வெளியிட்டுள்ள அறிக்கையில் கூறியிருப்பதாவது:-
தமிழ்நாடு முதலமைச்சர் மு.க. ஸ்டாலினை, ஜம்மு- காஷ்மீர் தேசிய மாநாட்டுக் கட்சியின் தலைவர் பரூக் அப்துல்லா தொலைபேசி வாயிலாகத் தொடர்பு கொண்டு உமர் அப்துல்லாவின் பதவியேற்பு விழாவுக்கு அழைப்பு விடுத்தார்.
வடகிழக்குப் பருவமழையின் காரணமாக 'ரெட் அலர்ட்' விடுக்கப்பட்டு, முன்னெச்சரிக்கைப் பணிகளில் ஈடுபட்டுள்ளதால், அவ்விழாவில் நேரில் கலந்து கொள்ள இயலாது என்று அவரிடம் தெரிவித்த முதலமைச்சர் தி.மு.க. சார்பில் கழக நாடாளுமன்றக் குழுத் தலைவர் கனிமொழி எம்.பி., பதவியேற்பு நிகழ்ச்சியில் கலந்துகொள்வார் என்று தெரிவித்துள்ளார்.
ஜம்மு-காஷ்மீர் மாநிலத்தில் மூன்று கட்டங்களாக நடைபெற்ற தேர்தலில் பதிவான வாக்குள் கடந்த 8-ந்தேதி எண்ணப்பட்டன. இதில் ஜம்மு காஷ்மீர் தேசிய மாநாடு கட்சி- காங்கிரஸ் கூட்டணி அமோக வெற்றி பெற்றது. தேசிய மாநாடு கட்சியின் உமர் அப்துல்லா 2-வது முறையாக அம்மாநில முதல்வராக பதவி ஏற்க இருக்கிறார்.
தேர்தல் முடிவு வெளியான நிலையில், ஜம்மு-காஷ்மீர் மாநிலத்தில் அமல்படுத்தப்பட்டிருந்து ஜனாதிபதி ஆட்சி திரும்பப்பெறப்பட்டது குறிப்பிடத்தக்கது.
