செயின்பறித்த வழக்கில் வாலிபர் கைது

ராணிப்பேட்டை:

வாலாஜா அடுத்த குடிமல்லூர் கிராமத்தை சேர்ந்தவர் ரங்கநாயகி இவர் கடந்த ஆண்டு ஜூன் மாதம் 15-ந் தேதி தனது வீட்டிலிருந்து விவசாய நிலத்திற்கு செல்ல நடந்து சென்றார்.

அப்போது அந்த வழியாக இருசக்கர வாகனத்தில் வந்த அடையாளம் தெரியாத நபர் ரங்கநாயகி கழுத்தில் அணிந்திருந்த சுமார் 5 பவுன் தங்கச் சங்கிலியை பறித்து கொண்டு மின்னல் வேகத்தில் தப்பி விட்டார்.

இது தொடர்பான புகாரின் பேரில் வாலாஜா போலீசார் வழக்கு பதிவு செய்து விசாரணை நடத்தி வந்தனர்.

இந்த நிலையில் வாணியம்பாடி பகுதியை சேர்ந்த முகமது சதாம் (வயது 23) என்பவர் ரங்கநாயகியிடம் செயினை பறித்து சென்றது தெரியவந்தது.

பின்னர் வாலாஜா போலீசார் முகமது சதாமை கைது செய்து , அவரிடம் இருந்த 5 சவரன் செயினை பறிமுதல் செய்து சிறையில் அடைத்தனர்.