திருவண்ணாமலை

போளூர்:

சேத்துப்பட்டு பகுதியைச் சேர்ந்தவர் 33 வயது இளம் பெண். அதே பகுதி சேர்ந்த வாலிபரை கடந்த 10 வருடங்களாக காதலித்து வந்ததாக கூறப்படுகிறது.

இந்த நிலையில் அந்த வாலிபர் இளம் பெண்ணை ஆசை வார்த்தைகள் கூறி தனிமையில் சந்தித்து உல்லாசம் அனுபவித்து வந்துள்ளார்.

இதனால் அப்பெண் கர்ப்பிணியானர். இதனால் அந்த வாலிபரை திருமணம் செய்து கொள்ள வற்புறுத்தினார். வாலிபர் இதற்கு மறுத்தார்.

பின்னர் ஏதோ சில மாத்திரைகளை கொடுத்து பெண்ணின் கர்ப்பத்தை கலைத்ததாக கூறப்படுகிறது. இந்த நிலையில் மீண்டும் இளம் பெண் வாலிபரிடம் தன்னை திருமணம் செய்யக்கோரி வலியுறுத்தினார்.

இதனால் ஆத்திரம் அடைந்த வாலிபர் திருமணம் செய்து கொள்ள முடியாது என்று ஆபாசமாக பேசி கொலை மிரட்டல் விடுத்துள்ளார்.

பின்னர் இது குறித்து போளூர் அனைத்து மகளிர் போலீசில் இளம் பெண் புகார் அளித்தார். போலீசார் வழக்கு பதிவு செய்து விசாரணை நடத்தி வருகின்றனர்.

வெம்பாக்கம்:

வெம்பாக்கம் அடுத்த நம்மண்டியை சேர்ந்தவர் அசோகன் (வயது 45). கூலி தொழிலாளி. இவர் நேற்று அரிஹரபாக்கத்திற்கு சென்றார். பின்னர் அங்குள்ள ஒரு ஓட்டலில் சாப்பிட்டு கொண்டிருந்தார்.

அதே பகுதியை சேர்ந்த அண்ணன் தம்பிகளான சக்கரபாண்டி, சுரேஷ் ஆகியோர் அந்த ஓட்டலுக்கு வந்தனர். அப்போது முன் விரோதம் காரணமாக சாப்பிட்டுக் கொண்டிருந்த அசோகனிடம் தகராறில் ஈடுபட்டனர்.

பின்னர் கைகலப்பாக மாறி ஒருவரை ஒருவர் தாக்கி கொண்டனர். ஆத்திரம் அடைந்த சக்கரபாண்டி அருகே இருந்த பீர் பாட்டிலாலும், சுரேஷ் கல்லாலும் அசோகன் தலையில் தாக்கினர். இதில் அவர் பலத்த காயம் அடைந்தார்.

அருகே இருந்தவர்கள் அசோகனை மீட்டு 108 ஆம்புலன்ஸ் மூலம் காஞ்சிபுரம் அரசு ஆஸ்பத்திரிக்கு சிகிச்சைக்காக அனுப்பி வைத்தனர்.

இதுகுறித்து அசோகன் மனைவி மைதிலி தூசி போலீசில் புகார் அளித்தார். புகாரின் பேரில் போலீசார் வழக்கு பதிவு செய்து தலைமறைவான அண்ணன்- தம்பிகளை தேடி வருகின்றனர்.

ஆரணி:

விழுப்புரம் மாவட்டம் மேல்மலையனூர் பகுதியை சேர்ந்தவர் குமார் (46), விவசாயி.

இவர் கடந்த சில நாட்களுக்கு முன்பு திருவண்ணாமலை மாவட்டம், நரியம்பாடியில் உள்ள பெற்றோர் வீட்டிற்கு வந்து தங்கி இருந்தார்.

சேத்துப்பட்டு-செஞ்சி சாலையில் உள்ள ஆவணியாபுரம் கிராமத்தை சேர்ந்தவர் கமலக்கண்ணன் (வயது 33). இவர்கள் இருவரும் நண்பர்கள்.

இந்த நிலையில் நேற்று மாலை இருவரும் செஞ்சி சாலையில் உள்ள ஒரு பெட்ரோல் பங்க் அருகே சென்று கொண்டிருந்தனர். அப்போது பணம் கொடுக்கல்-வாங்கலில் குமார், கமலக்கண்ணன் இடையே தகராறு ஏற்பட்டு ஒருவரை ஒருவர் தாக்கிக்கொண்டனர்.

இதில் ஆத்திரம் அடைந்த கமலக்கண்ணன் அங்குள்ள ஒரு கட்டிடம் கட்டும் இடத்தின் அரு கில் கிடந்த மண்வெட்டியை எடுத்து வந்து, குமாரின் தலையில் சரமாரியாக தாக்கினார். பின்னர் அவரை தாக்கி விட்டு அங்கிருந்து தப்பியோடிவிட்டார்.

பலத்த காயம் அடைந்த குமார் ரத்த வெள்ளத்தில் கீழே சுருண்டு விழுந் தார். அவரை அங்கிருந்தவர் கள் மீட்டு சேத்துப்பட்டு அரசு மருத்துவமனையில் சேர்த்தனர். மேல் சி கிச்சைக்காக திருவண்ணா மலை அரசு மருத்துவக் கல் லூரி மருத்துவ மனையில் அனுமதித்தனர். அங்கு, சிகிச்சை பலனின்றி குமார் நேற்று இரவு பரிதாபமாக இறந்தார்.

இதுகுறித்து சேத்துப்பட்டு போலீசில் புகார் செய்யப்பட் டது. அதன் பேரில் சம்பவ இடத்திற்கு விரைந்து சென்ற போலீசார் குமார் உடலை மீட்டு பிரேத பரிசோதனைக்காக மருத்துவமனைக்கு அனுப்பி வைத்தனர்.

மேலும் போலீஸ் இன்ஸ்பெக்டர் தமிழரசி வழக்குப்பதிவு செய்து கமலக் கண்ணனை கைது செய்து விசாரணை நடத்தி வருகிறார். கொடுக்கல்- வாங்கல் தகராறில் விவசாயி கொலை செய்யப்பட்ட சம்பவம் அப்பகுதியில் பரபரப்பை ஏற்படுத்தி உள்ளது.

சேத்துப்பட்டு:

பெரணமல்லூர் அடுத்த நகரந்தலை சேர்ந்தவர் தொப்பளான் (வயது 23). விவசாயி.

இவர் வீட்டிற்கு தேவையான மளிகை பொருட்கள் வாங்குவதற்காக நேற்று முன்தினம் நகரந்தலில் இருந்து சேத்துப்பட்டுக்கு தனது பைக்கில் சென்றார். கடையில் இருந்து பொருட்களை வாங்கிக் கொண்டு வீட்டிற்கு செல்வதற்காக ஆரணி- சேத்துப்பட்டு சாலையில் வந்து கொண்டிருந்தார்.

அப்போது பின்னால் வந்த பைக் இவர் ஓட்டி வந்த பைக் மீது திடீரென மோதியது. இதில் தொப்பளான் பைக்கில் இருந்து நிலை தடுமாறி கீழே விழுந்ததில் அவருக்கு தலையில் பலத்த காயம் ஏற்பட்டது.

ரத்த வெள்ளத்தில் கிடந்தவரை அந்த வழியாக சென்றவர்கள் மீட்டு ராணிப்பேட்டை மாவட்டத்தில் உள்ள தனியார் மருத்துவமனையில் சேர்த்தனர். அங்கு சிகிச்சை பலனின்றி நேற்று தொப்பளான் பரிதாபமாக இறந்தார்.

இது குறித்து அவரது மகன் ராமலிங்கம் சேத்துப்பட்டு போலீசில் புகார் அளித்தார். அதன் பேரில் போலீசார் சம்பவ இடத்திற்கு விரைந்து சென்று தொப்பளான் உடலை மீட்டு பிரேத பரிசோதனைக்காக அடுக்கம்பாறை அரசு ஆஸ்பத்திரிக்கு அனுப்பி வைத்தனர்.

மேலும் போலீசார் வழக்கு பதிவு செய்து விபத்தை ஏற்படுத்தி சென்ற பைக்கை தேடி வருகின்றனர்.

திருவண்ணாமலை:

திருவண்ணாமலை நகரில் திருவள்ளுவர் சிலை கடந்த 1998-ம் ஆண்ட அமைக்கப்பட்டது. திருவண் ணாமலை - திருக்கோவிலூர் சாலை சந்திப்பில் கேப்டன் சாமிநாதன் என்பவர் திருவள்ளுவர் சிலையை நிறுவினார்.

அப்போதைய வீட்டு வசதி வாரியத் துறை அமைச்சர் கு.பிச்சாண்டி திறந்து வைத்தார். திருவள்ளுவர் சிலைக்கு தை மாதம் 2-ம் நாளன்று அரசியல் கட்சியினர் மற்றும் பொது நல அமைப்பினர் மாலை அணிவித்து மரியாதை செலுத்துவது வழக்கம்.

இந்நிலையில், திருவள்ளுவர் சிலை கடந்த 19-ந் தேதி இரவு அகற்றப்ப ட்டது. திருவள்ளுவர் சிலை அகற்றப்பட்டதும், 'பொக்லைன்' இயந்திரம் மூலம்பீடம் இடிக்கப்பட்டது. நகராட்சி சார்பில் சிலை அகற்றப்பட்டு பாது காப்பாக வைக்கப்ப ட்டுள்ளதாக கூறப்படு கிறது.

விரிவாக்கப் பணிக்காக சிலை அகற்றப்பட்டதாக தகவல் வெளியாகியுள்ளது. இப்பணி நிறைவு பெற்றதும், அதே இடத்தில் மீண்டும் திருவள்ளுவர் சிலை நிறுவப்படும். என கூறப்படுகிறது.

இதுகுறித்து திருவள்ளு வர். பற்றாளர்கள் கூறும்போது,

"திருவண்ணாமலை நகரின் அடை யாளமாக கடந்த 25 ஆண்டுகளாக திருவள்ளுவர் சிலை இருந்தது. திருவள்ளுவர் தின விழாவில் அனைத்து அரசியல் கட்சியினரும் மாலை அணிவித்து மரியாதை செலுத்துவது வழக்கம் சாலை விரிவாக்கம் என்ற பெயரில் சிலை அகற்றப்பட்டு ள்ளதாக கூறுகின் றனர்.

சிலையை அகற்று வதாகவும், மீண்டும் வருவாய்த் நிறுவப்படும் என நகராட்சிதுறை நிர்வாகம் மற்றும் நெடுஞ்சாலைத் துறை தரப்பில் தெரிவிக்க வில்லை. அனைத்து செயல்களையும் மறைமு கமாகவே செய்துள்ளனர்.

அரசியல் கட்சி தலைவர்களின் சிலை அகற்றப்பட்டிருந்தால் கூட்டம் கூடியிருக்கும், எதிர்ப்பு கிளம்பியிருக்கும். திருவள்ளுவருக்கு கூட்டம் கூடவில்லை.

சாலை விரிவாக்கம் என்ற பெயரில் கோவி ல்களை இடிப்பதை போல் புலவர் திருவள்ளுவர் சிலையும் இடிக்கப்ப ட்டுள்ளது.

திருவள்ளுவர் சிலையை அகற்றியதற்கு கண்டனத்தை தெரிவித்துக் கொள்கிறோம். அகற்ற ப்பட்ட திருவள்ளு வர் சிலையின் நிலை தெரி யவில்லை. திருவள்ளு வர் சிலையை மீண்டும் அதே இடத்தில் நிறுவப்படும் என பொது ப்பணித் துறை அமைச்சர் எ.வ. வேலுவும், மாவட்ட கலெக்டர் பா.முரு கேஷும் உறுதி அளிக்க வேண்டும்" என்றனர்.

போளூர்:

போளூர் பொன்னுசாமி தெருவை சேர்ந்தவர் விஷ்வா (வயது 25).கட்டிட மேஸ்திரி. இவர் தனது நண்பர்களான ஆகாஷ் (20) மற்றும் சஞ்சயுடன் (20) வேலை சம்பந்தமாக பைக்கில் தேவிகாபுரம் சென்றனர்.

வேலைகள் முடிந்து மீண்டும் போளூர் நோக்கி ஒரே பைக்கில் வந்து கொண்டிருந்தனர்.

மட்டபிரையூர் அருகே வரும் போது எதிரே வந்த டிராக்டரும் -பைக்கும் எதிர்பாராத விதமாக மோதிக்கொண்டன.

இதில் விஷ்வா உள்பட 3 பேர் படுகாயம் அடைந்தனர்.

காயம் அடைந்தவர்களை அந்த வழியாக சென்றவர்கள் மீட்டு திருவண்ணாமலை அரசு மருத்துவமனைக்கு அனுப்பி வைத்தனர்.

மேல் சிகிச்சைக்காக விஷ்வா, ஆகாஷ் ஆகியோரை வேலூர் அடுக்கம்பாறை அரசு மருத்துவமனைக்கு கொண்டு சென்றனர். அங்கு சிகிச்சை பலனின்றி விஷ்வா பரிதாபமாக நேற்று முன்தினம் இறந்தார். இந்த நிலையில் அங்கு சிகிச்சை பெற்று வந்த ஆகாஷ் என்பவர் நேற்று மாலை சிகிச்சையில் பலனின்றி பரிதாபமாக இறந்தார்.

போளூர் போலீசார் ஆகாஷ் உடலை மீட்டு விசாரணை நடத்தி வருகின்றனர்.

கண்ணமங்கலம்:

கண்ணமங்கலம் அடுத்த வாழியூர் கிராமத்திற்கு செல்லும் சாலையில் சமீபத்தில் பெய்த வரும் தொடர் மழையால் அப்பகுதியில் உள்ள தரைப்பாலம் வழியாக அளவுக்கு அதிகமாக தண்ணீர் செல்கிறது.

இதன் காரணமாக பொதுமக்கள் நடந்து செல்லவும், வாகனங்களில் செல்லவும் முடியாமல் அவதிப்படுகின்றனர்.

இது குறித்து வாழியூர் ஊராட்சியில் கிராமமக்கள் சார்பில் மேம்பாலம் கட்ட வேண்டும் என்று பலமுறை கோரிக்கை விடுத்துள்ளனர். ஆனால் மேம்பாலம் கட்ட எவ்வித முயற்சியும் எடுக்க வில்லை என்று கூறப்படுகிறது. எனவே வாழியூர் கிராமத்திற்கு செல்லும் சாலையில் உள்ள தரைபாலத்தில் உடனடியாக மேம்பாலம் கட்ட வேண்டும் என பொதுமக்கள் கோரிக்கை விடுத்துள்ளனர்.

வேங்கிக்கால்:

திருவண்ணாமலை மாவட்ட தி.மு.க. மகளிர் அணி நிர்வாகிகளுக்கு விண்ணப்பிக்க விருப்பம் உள்ளவர்கள் வருகிற 30 -ந் தேதிக்குள் விண்ணப்பி க்கலாம் என பொதுப்ப ணித்துறை அமைச்சர் எ.வ.வேலு தெரிவித்தார்.

திருவண்ணாமலை தெற்கு மற்றும் வடக்கு மாவட்டத்தில் மகளிர் அணி மற்றும் மகளிர் தொண்டர் அணி நிர்வாகிகள் பொறுப்புகளுக்கு விண்ணப்பிக்க விருப்பம் உள்ளவர்கள் பூர்த்தி செய்யப்பட்ட விண்ண ப்பத்தை சாரோனில் உள்ள திருவண்ணாமலை தெற்கு மாவட்ட தி.மு.க. அலுவல கத்திலும், வடக்கு மாவட்டத்தைச் சேர்ந்தவர்கள் வந்தவாசியில் உள்ள தி.மு.க. அலுவலகத்திலும் வழங்கலாம்.

நகர, ஒன்றிய, பேரூர் அமைப்புகளுக்கு ஒரு அமைப்பாளர், 5 துணை அமைப்பாளர்கள் நியமிக்கப்படுவர். பேரூர் அமைப்புகளுக்கு ஒரு அமைப்பாளர் 3 துணை அமைப்பாளர்கள் நியமிக்கப்படுவர்.

தற்போது பொறுப்பில் உள்ள நிர்வாகிகள் மீண்டும் அந்த பொறுப்புகளுக்கு வர விரும்பினாலும் விண்ணப்பிக்க வேண்டும்.

முழுமையாக பூர்த்தி செய்யப்பட்ட விண்ணப்பங்களை வருகிற 30-ந் தேதிக்குள் மாவட்ட தி.மு.க. அலுவலகத்தில் சேர்க்க வேண்டும் என பொதுப்ப ணித்துறை அமைச்சர் எ.வ.வேலு தனது அறிக்கையில் கூறியுள்ளார்.

திருவண்ணாமலை:

திருவண்ணாமலை அருணாசலேஸ்வரர் கோவிலில் கார்த்திகை தீபத் திருவிழாவை முன்னிட்டு பந்தக்கால் நடப்பட்டது.

திருவண்ணாமலையில் உலக பிரசித்தி பெற்ற அருணாசலேஸ்வரர் கோவில் உள்ளது. இந்த கோவிலில் கார்த்திகை தீபத் திருவிழா ஆண்டுதோறும் வெகு சிறப்பாக நடைபெறும். இந்த ஆண்டிற்கான கார்த்திகை தீபத் திருவிழா வருகிற நவம்பர் மாதம் 17-ந்தேதி கொடியேற்றத்துடன் தொடங்குகிறது. இந்த விழா தொடர்ந்து 10 நாட்கள் சிறப்பாக நடைபெறும்.

10-ம் நாள் விழாவான நவம்பர் மாதம் 26-ந் தேதி காலையில் பரணி தீபமும், மாலையில் கோவில் பின்புறம் உள்ள மலை உச்சியில் மகா தீபமும் ஏற்றப்படுகிறது. திருவண்ணாமலையில் மலையையே சிவனாக வழிபடுவதால் மகா தீபத்தன்று தமிழகத்தில் உள்ள பல்வேறு மாவட்டங்களில் இருந்தும், பல்வேறு மாநிலங்களில் இருந்தும் லட்சக்கணக்கான பக்தர்கள் வந்து மலையை சுற்றி கிரிவலம் செல்வார்கள். இவ்விழாவிற்கான பூர்வாங்க பணிகள் தொடங்குவதற்கான பந்தக்கால் நடும் நிகழ்ச்சி நேற்று அருணாசலேஸ்வரர் கோவில் ராஜகோபுரம் முன்பு நடைபெற்றது.

முன்னதாக அதிகாலையில் கோவில் நடை திறக்கப்பட்டு அருணாசலேஸ்வரருக்கு சிறப்பு அபிஷேகம் நடைபெற்றது. தொடர்ந்து கோவிலின் 3-ம் பிரகாரத்தில் உள்ள சம்பந்த விநாயகருக்கு மங்கள வாத்தியங்கள் முழங்க சிறப்பு அபிஷேகம் மற்றும் ஆராதனை நடந்தது. பின்னர் சம்பந்த விநாயகர் சன்னதில் இருந்து பந்தக்கால் கோவிலின் ராஜகோபுரம் முன்பு கொண்டு வரப்பட்டது.

தொடர்ந்து சிவாச்சாரியார்கள் தேரடி வீதியில் உள்ள முனீஸ்வரன் கோவில் மற்றும் பஞ்ச மூர்த்திகள் தேர்களுக்கு சிறப்பு பூஜை செய்தனர். அதன் பின்னர் சிவாச்சாரியார்கள் வேத மந்திரங்கள் சொல்ல மங்கள வாத்தியம் முழங்க ராஜகோபுரம் எதிரில் பந்தக்கால் நடும் நிகழ்ச்சி வெகு சிறப்பாக நடைபெற்றது.

நிகழ்ச்சியில் திருவண்ணாமலை மாவட்ட கலெக்டர் முருகேஷ், கோவில் இணை ஆணையர் ஜோதி, கோவில் அறங்காவலர் குழு தலைவர் இரா.ஜீவானந்தம், அறங்காவலர் குழு உறுப்பினர்கள் மீனாட்சிசுந்தரம், ராஜாராம், கோமதி குணசேகரன், பெருமாள், சைபர் கிரைம் மாவட்ட கூடுதல் போலீஸ் சூப்பிரண்டு பழனி மற்றும் பலர் கலந்து கொண்டனர்.

போளூர்:

போளூர் பொன்னுசாமி தெருவை சேர்ந்தவர் விஷ்வா (வயது 25).கட்டிட மேஸ்திரி. இவர் தனது நண்பர்களான ஆகாஷ் (20) மற்றும் சஞ்சயுடன் (20) வேலை சம்பந்தமாக பைக்கில் தேவிகாபுரம் சென்றனர். வேலைகள் முடிந்து மீண்டும் போளூர் நோக்கி ஒரே பைக்கில் வந்து கொண்டிருந்தனர்.

மட்டபிரையூர் அருகே வரும் போது எதிரே வந்த டிராக்டரும் -பைக்கும் எதிர்பாராத விதமாக மோதிக்கொண்டன.

இதில் விஷ்வா உள்பட 3 பேர் படுகாயம் அடைந்தனர்.

காயம் அடைந்தவர்களை அந்த வழியாக சென்றவர்கள் மீட்டு திருவண்ணாமலை அரசு மருத்துவமனைக்கு அனுப்பி வைத்தனர்.

மேல் சிகிச்சைக்காக விஷ்வா உள்பட 2 பேரை வேலூர் அடுக்கம்பாறை அரசு மருத்துவமனைக்கு கொண்டு சென்றனர். அங்கு சிகிச்சை பலனின்றி விஷ்வா பரிதாபமாக இறந்தார்.

இது குறித்து போளூர் போலீசுக்கு தகவல் தெரிவிக்கப்பட்டது. சம்பவ இடத்திற்கு விரைந்து சென்ற போலீசார் விஷ்வா உடலை மீட்டு பிரேத பரிசோதனைக்காக அனுப்பி வைத்தனர் . மேலும் விபத்து குறித்து வழக்கு பதிவு செய்து விசாரணை நடத்தி வருகின்றனர்.

கண்ணமங்கலம்:

சந்தவாசல் அருகே உள்ள கேளூர் காலனியை சேர்ந்தவர் பரிமளா (வயது 45) என்பவர் கடந்த மாதம் 20-ந் தேதி தனது வீட்டின் பின்புறம் சாராயத்தை பதுக்கி வைத்திருந்ததை கண்ணமங்கலம் போலீஸ் இன்ஸ்பெக்டர் மகாலட்சுமி, சந்தவாசல் சப் - இன்ஸ்பெக்டர் விஜயகுமார் ஆகியோர் கண்டுபிடித்து, பறிமுதல் செய்து அழித்தனர்.

இவர் ஏற்கனவே பலமுறை சாராய வழக்கில் சம்பந்தப்பட்டவர் என்பதால் பரிமளாவை குண்டர் சட்டத்தில் கைது செய்ய எஸ்.பி. கார்த்திகேயன் கலெக்டருக்கு பரிந்துரை செய்தார்.

இதையடுத்து கலெக்டர் முருகேஷ், பரிமளாவை குண்டர் சட்டத்தில் கைது செய்ய உத்தரவிட்டார். 

சேத்துப்பட்டு:

சேத்துப்பட்டு அருகே கங்காபுரம் கிராமத்தை சேர்ந்தவர் விஜய் அரசன் (வயது 30). இவர் பைக்கில் நேற்று மாலை வேலை முடிந்து கங்காபுரத்துக்கு திரும்பிக்கொண்டிருந்தார்.

பெரிய கொழப்பலூர் கூட்ரோடு அருகே வந்தபோது சாலை ஓரத்தில் நின்று கொண்டிருந்த மினி வேன் மீது இவரது மோட்டார்சைக்கிள் மோதியது.

இதில் அவர் பலத்த காயம் அடைந்தார். அக்கம்பக்கத்தில் இருந்தவர்கள் படுகாயம் அடைந்தவரை மீட்டு 108 ஆம்புலன் மூலம் மருத்துவமனைக்கு அனுப்பி வைத்தனர்.

ஆனால் வழியிலேயே இறந்து விட்டார். இதுகுறித்து சேத்துப்பட்டு போலீசாருக்கு தகவல் தெரிவிக்கப்பட்டது.

சம்பவ இடத்திற்கு விரைந்து சென்ற போலீசார் விஜய் அரசன் உடலை மீட்டு பிரேத பரிசோதனைக்காக மருத்துவமனைக்கு அனுப்பி வைத்தனர். மேலும் போலீசார் வழக்குப்பதிவு செய்து விசாரணை நடத்தி வருகின்றனர்.