திருவண்ணாமலை

திருவண்ணாமலை:

திருவண்ணாமலை மாவட்ட தி.மு.க. சார்பில் கலைஞரின் நூற்றாண்டு விழா மற்றும் மூத்த கழக முன்னோடிகளுக்கு பொற்கிழி வழங்குதல், 10 ஆயிரத்து 100 பேர்களுக்கு நலத்திட்ட உதவிகள் வழங்கும் பொதுக்கூட்டம் ஆகியவை திருவண்ணாமலை-திருக்கோவிலூர் சாலையில் உள்ள கலைஞர் திடலில் நேற்று இரவு நடை பெற்றது.

கூட்டத்திற்கு தி.மு.க. மாவட்ட செயலாளரும் பொதுப்பணித்துறை மற்றும் நெடுஞ்சாலைதுறை அமைச்ச ரும், தி.மு.க.வின் உயர்நிலை செயல் திட்டக்குழு உறுப் பினருமான எ.வ.வேலு தலைமை தாங்கினார். துணை சபாநாயகர் கு.பிச்சாண்டி, மாநில மருத்துவர் அணி துணை தலைவர் டாக்டர் எ.வ.வே.கம்பன், சி.என்.அண்ணாதுரை எம். பி., எம்.எல்.ஏ.க்கள் மு.பெ.கிரி, சரவணன், எஸ். அம்பேத்குமார், ஜோதி ஆகியோர் முன்னிலை வகித்தனர்.

வடக்கு மாவட்ட செயலாளர் எம்.எஸ்.தரணிவேந்தன் வரவேற்று பேசினார்.

கூட்டத்தில் இளைஞர் நலன் மற்றும் விளையாட்டு மேம்பாட்டுதுறை அமைச்சர் உதயநிதி ஸ்டாலின் கலந்து கொண்டு 10,100 கழக முன்னோடிகளுக்கு தலா ரூ.10 ஆயிரம் வீதம் பொற்கொழி வழங்கி கவுரவித்தார்.

அவர் பேசியதாவது:-

இன்று மிக மிக முக்கியமான நாள். 1968-ம் ஆண்டு இதே ஜூலை 18-ந் தேதி தான் பேரறிஞர் அண்ணாவால் தமிழ்நாடு என்று பெயர் சூட்டப்பட்டது அதே நாளில் உங்களை சந்திப்பதில் மகிழ்ச்சி அடைகிறேன்.

அன்றைக்கு எப்படி தமிழ் நாடு என்றபெயருக்கு எதிர்ப்பு தெரிவித்தார்களோ அப்படியே இன்றைக்கும் எதிர்ப்பு தெரிவிக்கிறார்கள். அன்று அண்ணா உறுதியோடு இருந் தது போல இன்றும் நமது தலைவர் ஸ்டாலின் உறுதியோடு தமிழ்நாடு என்றபெயரை மாற் றுவதற்கு எதிர்ப்பு தெரிவித்து வருகிறார்.

தமிழ்நாடு என்ற பெயருக்கு மாநிலத்தின் ஆளுனர் எதிர்ப்பு தெரிவிக்கிறார். தமிழ்நாட்டில் இன்றைக்கு அ.தி.மு.க. ஆண்டு கொண்டி ருந்தால் இன்றைக்கு தமிழ் நாடு என்று பெயரையும் மாற் றியிருப்பார்கள் ஆகவே தமிழனை மட்டுமல்ல தமிழ்நாட்டையும் நமது தலைவர் மு.க.ஸ்டாலின் காப்பாற்றி வருகிறார். இந்தியாவிலேயே நம்பர் ஒன் ஆட்சியாக தி.மு.க.ஆட்சி உள்ளது.

ஆனால் பாசிச பா.ஜ.க. அரசு தி.மு.க.வை எப்படியாவது அழிக்கலாம் என்று பகல் கனவு காண்கிறது. அதற்காக அமலாக்கதுறையினர் மூலம் நம்மை மிரட்டி பார்க்கிறது தி.மு.க.வில் பல அணிகள் உள்ளன.

இளைஞரணி, மகளிர் அணி, மருத்துவர் அணி, மாணவர் அணி என பல அணிகள் உள்ளன. ஆனால் அ.தி.மு.க.வில் ஓ.பி.எஸ். அணி ஈ.பி.எஸ். அணி, தினகரன் அணி, சசிகலா அணி, ஜெ.தீபா அணி, ஜெ.தீபா டிரைவரின் அணி என பல அணிகள் உள்ளது.

அதேபோல் பா.ஜ.க.வில் ஈ.டி. அணி (அமலாக்கத்துறை), சி.பி.ஐ. அணி, முத்துறை அணி என்று அணிகள் உள் ளன. இந்த அணியை கொண்டு பா.ஜ.க. அமைச்சர் செந்தில் பாலாஜியை மிரட்டி பார்த்தது ஒன்றும் கிடைக்க வில்லை.

இப்போது அமைச்சர் பொன்முடியை மிரட்டி பார்க்கிறது அங்கும் ஒன்றும் கிடைக்காது. சட்ட ரீதியாக சட்டப் போராட்டம் நடத்தி இதனை நாங்கள் எதிர்கொள்வோம்.

விஜயபாஸ்கர், தங்கமணி போன்றவர்களிடம் அமலாக்கத் துறையினர் ரெய்டு நடத்தி அவர்களை அடிமைகளாக வைத்துக் கொண்டார்கள். இது அ.தி.மு.க. ஆட்சி. இல்லை.நாங்கள் சொல்லிக் கொள்கிறோம். இது முத்துவேல் கருணாநிதி ஸ்டாலின் ஆட்சி நாங்கள் மோடிக்கும் பயப்பட மாட்டோம். ஈ.டி.க்கும் (அம லாக்கத்துறை) பயப்பட மாட் டோம். தி.மு.க. கிளை கழக செயலாளர் கூட உங்கள் மிரட்டலுக்கு பயப்பட மாட்டான்.

நான் முதல்முறையாக திருவண்ணாமலை மாவட்டத்தில் தான் தலைவர் கலைஞரின் சிலையை திறந்து வைத்தேன். அந்த வாய்ப்பை தந்த அமைச்சர் எ.வ.வேலுவிற்கு நான் நன்றியை தெரிவித்துக் கொள்கிறேன். இது என் வாழ் நாளில் மறக்க முடியாத நிகழ்ச்சியாகும்.

கழக முன்னோடிகளை பார்க்கிற போது கலைஞர் இல்லையே என்ற எனது ஏக்கம் தீர்க்கிறது. அதனால் நான் மகிழ்ச்சி அடைகிறேன் உங்களை வாழ்த்துகிறேன். பாராட்டுகிறேன். இவ்வாறு அவர் பேசினார்.

திருவண்ணாமலை:

திருவண்ணாமலை மாவட்டம் கலசபாக்கத்தை அடுத்த காலூர் மதுரா செல்வாநகர் பகுதியை சேர்ந்தவர் கார்த்தி கேயன்,கூலி தொழிலாளி. இவரது மனைவி சாந்தி (வயது 45). இவர் நேற்று முன்தினம் இரவு வீட்டிற்கு வெளியே உள்ள திண்ணையில் கழுத்தை அறுத்து கொலை செய்யப் பட்டு கிடந்தார்.

இது குறித்து கலசபாக்கம் போலீசார் வழக்குப்பதிவு செய்து தீவிர விசாரணை மேற்கொண்டு வந்தனர். இந்த நிலையில் சாந்தி கொலை செய்யப்பட்ட வழக்கில் அவரது கள்ளக்காதலன் பால்நகரை சேர்ந்த செந்தில்குமார் (42) என்பவரை போலீசார் கைது செய்தனர்.

போலீஸ் விசாரணையில் அவர் கூறியதாக போலீசார் தெரிவித்ததாவது:-

சாந்திக்கும், செந்தில்குமாருக்கும் இடையே பழக்கம் இருந்துள்ளது. தற்போது சாந்தி, செந்தில்குமாருடன் பழகுவதை தவிர்த்து வந்துள்ளார்.

இந்த நிலையில் குடி போதையில் செந்தில்குமார் பலமுறை சாந்திக்கு போன் செய்துள்ளார். ஆனால் அவர் போனை எடுக்கவில்லை என்று கூறப்படுகிறது.

இதனால் ஆத்திரமடைந்த அவர் காய்கறி வெட்டும் கத்தியை எடுத்து சென்று, தூங்கிக்கொண்டிருந்த சாந்தியின் கழுத்தை சரமாரியாக அறுத்துள்ளார்.

செந்தில்குமார், சாந்திக்கு செல்போன் செய்ததை வைத்து அவரை கைதுசெய்ததாக போலீசார் தெரிவித்தனர். இந்த சம்பவம் அப்பகுதியில் பெரும் பரபரப்பை ஏற்படுத்தியுள்ளது.

ஆரணி:

திருவண்ணாமலை மாவட்டம் ஆரணி மற்றும் அதன் சுற்றுவட்டார கிராமங்களில்

இருந்து தினந்தோறும் சுமார் 2 ஆயிரத்திற்கும் மேற்பட்ட மாணவ, மாணவிகள் செய்யாறு அரசு கலைக் கல்லூரியில் படித்து வருகின்றனர்.

மாலை நேரம் கல்லூரியில் சுமார் 500-க்கும் மேற்பட்ட மாணவர்கள் கல்லூரிக்கு குறிப்பிட்ட நேரத்தில் செல்ல ஆரணி பழைய பஸ் நிலையத்தில் போதிய பஸ் வசதி வசதிகள் இல்லாத காரணத்தினால் தினந்தோறும் 2 பாடபிரிவுகள் பின்னரே கல்லூரிக்கு செல்ல நேரிடுகின்றன.

இதனால் கல்லூரி படிப்பு வீணாகி போவதாகவும் உடனடியாக மாவட்ட நிர்வாகம் தலையீட்டு மதிய நேரத்தில் செய்யாறு பகுதிக்கு அதிகளவில் சிறப்பு பஸ்கள் இயக்கி மாணவர்களின் படிப்பை தொடர வழிவகை செய்ய வேண்டும என்று கல்லூரி மாணவர்கள் மற்றும் பெற்றோர்கள் கோரிக்கை விடுத்துள்ளனர்.

செய்யாறு:

திருவண்ணாமலை மாவட்டம் செய்யாறு அடுத்த நேரு நகரை சேர்ந்தவர் தினேஷ் (33). இவரது மனைவி கலைவாணி. தம்பதியினருக்கு 3 பிள்ளைகள் உள்ளனர்.

தினேஷ் மேல்மருவத்தூரில் உள்ள தனியார் கம்பெனியில் வேலை செய்து வருகிறார்.

இந்த நிலையில் நேற்று இரவு தினேஷ், தாய் நிர்மலா மற்றும் மனைவி, குழந்தைகளுடன் வீட்டை பூட்டி விட்டு மாடியில் படுத்து தூங்கினார்.

பின்னர் இன்று காலை எழுந்து வீட்டின் உள்ளே செல்ல வந்து பார்த்தார். அப்போது வீட்டின் முன்பக்க கதவு உடைக்கப்பட்டு இருந்ததை கண்டு அதிர்ச்சி அடைந்தார்.

உள்ளே சென்று பார்த்தபோது பூஜை அறை மற்றும் பீரோ உடைக்கப்பட்டு அதில் வைத்து இருந்த 55 பவுன் நகை, ஒன்றரை கிலோ வெள்ளி மற்றும் ரூ.1.50 லட்சம் பணம் உள்ளிட்டவைகளை மர்ம நபர்கள் கொள்ளையடித்து சென்றது தெரியவந்தது.

இது குறித்து தினேஷ் செய்யாறு போலீசில் புகார் செய்தார். அதன்பேரில் செய்யாறு போலீஸ் சப்- இன்ஸ்பெக்டர் சங்கர் மற்றும் போலீசார் சம்பவ இடத்திற்கு விரைந்து சென்று விசாரணை நடத்தினர்.

தினேஷ் வீட்டின் வெளியே பொருத்தப்பட்டிருந்த கண்காணிப்பு கேமரா பதிவுகளை ஆய்வு செய்தனர். அதில் மர்ம நபர்கள் 3 பேர் பூட்டை உடைத்து உள்ளே நுழைந்து திருடும் காட்சி பதிவாகியிருந்தது.

மேலும் கொள்ளையர்கள் தாங்கள் மாட்டிக் கொள்ளக் கூடாது என கண்காணிப்பு கேமராக்களுக்கு செல்லும் வயர்களையும் அறுத்து வீசி உள்ளனர். இந்த பதிவுகளும் கண்காணிப்பு கேமராவில் பதிவாகியுள்ளது.

இது குறித்து போலீசார் வழக்கு பதிவு செய்து விசாரணை நடத்தி வருகின்றனர்.

வீட்டின் பூட்டை உடைத்து நகை மற்றும் பணம் உள்ளிட்டவைகளை மர்ம நபர்கள் கொள்ளையடித்து சென்ற சம்பவம் அந்தப் பகுதியில் பெறும் பரபரப்பை ஏற்படுத்தியது.

திருவண்ணாமலை:

திருவண்ணாமலை மாவட்டம், ஜவ்வாது மலையில் 23-வது கோடை விழா இன்று தொடங்கியது. அமைச்சர் உதயநிதி ஸ்டாலின் தொடங்கி வைத்து நலத்திட்ட உதவிகள் வழங்கினார்.

கோடை விழா நடந்த வளாகத்தில் வண்ண, வண்ண மலர்கள் ெகாண்ட தோரணங்கள், மாலைகள் உள்ளிட்ட அலங்காரப் பொருட்கள் கொண்டு அனைவரையும் கண்கவரும் வகையில் வடிவமை க்கப்பட்டு இருந்தது.

ேமலும் முக்கிய சந்திப்பு இடங்களில் வரவேற்பு வளைவுகள், நிகழ்ச்சிகள் விவரம் குறித்த பேனர்கள் வைக்கப்பட்டிருந்தது.

கோடை விழாவிற்கு வரும் பொதுமக்களுக்கு போக்குவரத்து வசதி, மருத்துவ வசதி, குடிநீர், கழிப்பறை உட்பட அனைத்து அடிப்படை வசதிகளும் செய்யப்பட்டு இருந்து. காவல்துறையினர் கண்காணிப்பு கோபுரங்கள் அமைத்து தீவிரமாக கண்காணித்தனர்.

மேலும் போலீசார் மோப்ப நாய்களின் நிகழ்ச்சி மற்றும் போக்குவரத்து விதிமுறைகள் குறித்த சாகச விழிப்புணர்வு நிகழச்சிகளும் நடந்தது.

வேளாண்மை துறை மற்றும் தோட்டக்க லைத்துறை சார்பில் ஏற்பாடு செய்யப்பட்டு இருந்த மலர் மற்றும் காய்கறி கண்காட்சி அணைவரையும் கவர்ந்து இழுத்தது. ஜவ்வாதுமலையில் விளையும் காய்கறிகள், பழங்கள், பயிர்கள் அடங்கிய விற்பனை சந்தையும் அமைக்கப்பட்டு இருந்தது.

முன்னெச்சரிக்கை நடவடிக்கையாக தீயணைப்பு வாகனம், 108 ஆம்புலன்ஸ் மற்றும் மருத்துவ குழுவினர் விழா நடக்கும் இடத்தில் முகாமிட்டிருந்தனர்.

நிகழ்ச்சியில் தொடக்கமாக மலைவாழ் மக்களின் பாரம்பரிய நடனங்கள் மற்றும் மலைவாழ் மக்களின் வாழ்க்கை முறையினை விளக்கும் கலை நிகழ்ச்சிகள் நடந்தது.

இதில் ஒருங்கிணைந்த குழந்தைகள் வளர்ச்சி திட்டம் சார்பில் பாரம்பரிய உணவுத் திருவிழா, சமூகநலத்துறை, மகளிர் திட்டம் மற்றும் குழந்தைகள் பாதுகாப்பு அலகு துறை சார்பில் பெண்களுக்கான கோலப் போட்டி, பொதுமக்கள், இளைஞர்கள் மற்றும் மாணவர்களுக்கு என தனித்தனியே விளையாட்டு போட்டிகள் நடக்கிறது.

கலை பண்பாட்டுத்துறை. சுற்றுலாத்துறை, பள்ளி கல்வித் துறை மூலமாக கண்கவர் கலை நிகழ்ச்சிகள், மலை வாழ் மக்களின் பாரம்பரிய நடனங்கள். பாடல்கள், விளையா ட்டுகள், உணவு வகைகள் உள்ளிட்ட போட்டிகளும் நடத்தப்படுகின்றன.

கண்காட்சி அரங்கங்களில் அரசு திட்டங்கள் குறித்த விளக்க மாதிரிகள் மற்றும் குறும்படங்கள் திரையிட்டு காண்பிக்கப்பட்டது. மேலும், துறை சார்ந்த அரசு திட்டங்கள், சாதனைகள் குறித்த விளக்க கையேடுகள் மற்றும்துண்டு பிரசுரங்கள் வழங்கப்பட்டது.

எந்த ஆண்டும் இல்லாத அளவுக்கு இன்று நடந்த கோடை விழாவில் ஏராளமானோர் கலந்துகொண்டதால் அந்த பகுதியில் விழாக்கோலம் பூண்டது.

இன்று காலை நிகழ்ச்சியில் பங்கேற்க வந்த இளைஞர் நலன் மற்றும் விளையாட்டு மேம்பாட்டு துறை அமைச்சர் உதயநிதி ஸ்டாலினுக்கு சிறப்பான வரவேற்பு அளிக்கப்பட்டது. மேளத்தாளங்கள், பாராம்பரிய கலை நிகழ்ச்சிகள் மூலம் சிறப்பான வரவேற்பு அளித்தனர்.

இதில் திருவண்ணாமலை நாடாளுமன்ற உறுப்பினர் சி.என்.அண்ணாதுரை, சட்டமன்ற உறுப்பினர்கள் பெ.சு.தி.சரவணன், எஸ்.அம்பேத்குமார் ஆகியோர் பூங்கொத்து கொடுத்து வரவேற்றனர்.

இதில் அமைச்சர் உதயநிதி ஸ்டாலின் கலந்துகொண்டு ் 6000 பயனாளிகளுக்கு ரூ. 500 கோடி மதிப்பில் நலத்திட்ட உதவிகள் வழங்கி பேசினார்.

திருவண்ணாமலை மாவட்டம் ஜவ்வாது மலை கோடை விழாவில் அமைச்சர் உதயநிதி ஸ்டாலின் கலந்து கொண்டு நலத்திட்ட உதவிகளை வழங்கினார்.

இதில் 86 ஆயிரத்து 708 பயனாளிகளுக்கு நல திட்ட உதவிகள், செய்து முடிக்கப்பட்ட 583 பணிகளின் திறப்பு விழா மற்றும் புதிதாக தொடங்கப்பட உள்ள 380 பணிகளுக்கு அடிக்கல் நாட்டு விழா என மொத்தம் ரூ.580.68 கோடியில் நலத்திட்டங்கள் செயல்படுத்தப்பட்டது.

உதயநிதி ஸ்டாலின் வருகையால் திருவண்ணாமலையில் தொண்டர்கள் உற்சாகத்துடன் குவிந்துள்ளனர்.

வந்தவாசி:

வந்தவாசி அடுத்த சென்னாவரம் கிராமத்தில் அமைந்துள்ள ஸ்ரீ காளியம்மன் கோவிலில் ஆடி மாதம் அமாவாசை முன்னிட்டு கூழ்வார்த்தல் மற்றும் தீமிதி திருவிழா வெகு விமரிசையாக நடைபெற்றது.

ஸ்ரீ காளியம்மனுக்கு அதிகாலை முதல் சிறப்பு அபிஷேகங்கள் ஆராதனைகள் நடைபெற்றது. பின்னர் காளி வேடம் அணிந்து கொண்டு கோவிலை சுற்றி வலம் வந்தனர்.

ஏராளமான பெண்கள் குழந்தை வரம் வேண்டி வினோதமான வழிபாட்டில் ஈடுபட்டனர். கோவில் வளாகத்தில் தீ மிதித்து நேற்று கடன் செலுத்தினர்.

இந்த விழாவில் ஏராளமான பக்தர்கள் கலந்து கொண்டு ஸ்ரீ காளியம்மனை தரிசனம் செய்து சென்றனர்.

திருவண்ணாமலையில் உலக பிரசித்தி பெற்ற அருணாசலேஸ்வரர் கோவில் உள்ளது. இக்கோவில் பஞ்சபூத ஸ்தலங்களில் அக்னி ஸ்தலமாக விளங்குகிறது. இக் கோவிலுக்கு உள்ளூர் மட்டுமின்றி வெளி மாவட்டங்கள், மாநிலங்களில் இருந்து தினமும் ஆயிரக்கணக்கான பக்தர்கள் வந்து சாமி தரிசனம் செய்கின்றனர்.

இந்த கோவிலில் விடுமுறை நாட்கள், விசேஷ நாட்களில் பக்தர்கள் கூட்டம் அதிகமாக காணப்படும். மேலும் பவுர்ணமி நாட்களில் கிரிவலம் செல்வதற்காக வரும் பக்தர்களால் கோவிலில் கூட்டம் அலைமோதும்.

இக்கோவிலில் ஆண்டுதோறும் நடைபெறும் முக்கிய விழாக்களில் ஆனி பிரம்மோற்சவமும் ஒன்றாகும். இந்த ஆண்டிற்கான ஆனி பிரம்மோற்சவம் கடந்த 8-ந் தேதி காலை கொடியேற்றத்துடன் தொடங்கியது.

விழா நாட்களில் காலையும், மாலையும் மாட வீதியில் சந்திரசேகர் மற்றும் விநாயகர் உற்சவ உலா நடைபெற்றது.

இந்த நிலையில் ஆனி பிரம்மோற்சவ நிறைவு நாளான நேற்று மதியம் 12 மணியளவில் திருவண்ணாமலை அய்யங்குளத்தில் தீர்த்தவாரி நிகழ்ச்சி நடைபெற்றது. முன்னதாக கோவிலில் சாமி சன்னதியில் இருந்து சிறப்பு அலங்காரத்தில் அம்பாளுடன் சந்திரசேகர் சிறப்பு அலங்காரத்தில் எழுந்தருளி பக்தர்களுக்கு காட்சி அளித்தார்.

பின்னர் கோவிலில் இருந்து புறப்பட்டு மாட வீதியில் வலம் வந்து அய்யங்குளத்தில் உள்ள மண்டபத்தில் எழுந்தருளினார்.

அப்போது அங்கு சாமிக்கு சிறப்பு பூஜை நடைபெற்றது. பின்னர் சூல ரூபத்திற்கு அய்யங்குளத்தில் தீர்த்தவாரி நடைபெற்றது. தொடர்ந்து சிவாச்சாரியார்கள் மங்கல வாத்தியங்களுடன் வேத மந்திரங்கள் முழங்க சூலத்திற்கு அபிஷேகம் மற்றும் ஆராதனை செய்தனர். பின்னர் சாமிக்கும் தீபாராதனை நடைபெற்றது. இதில் திரளான பக்தர்கள் கலந்து கொண்டனர். அய்யங்குளத்தில் தூர் வாரும் பணி நடைபெற்று வருவதால் தீர்த்தவாரி நிகழ்ச்சியானது குளத்தின் கரையில் பாத்திரத்தில் புனித நீர் எடுக்கப்பட்டு அதன் மூலம் தீர்த்தவாரி நிகழ்ச்சி நடைபெற்றது என்பது குறிப்பிடத்தக்கது.

கண்ணமங்கலம்:

கண்ணமங்கலம் அடுத்த படவேடு கிராமத்தில் சம்புவராயர் ஆய்வுமைய அறக்கட்டளையின் செயலாளர் அமுல்ராஜ் தனது குழுவினருடன் வரலாற்று சிற்பங்கள் குறித்த கள ஆய்வில் ஈடுபட்டார்.

அப்போது படவேடு கிராமத்தில் அரசமரத்தின் அருகே அமைந்துள்ள மாரியம்மன் கோவிலில் பல்வேறு சிலைகள் மற்றும் கல்வெட்டுகள் இருப்பதை கண்டுபிடித்தனர்.

இதில் கைக்கூப்பியபடி உள்ள ராஜா சிலை, அம்மன் சிரசு, நரசிம்மர் சிலை ஆகியவை ஒரே இடத்தில் கிடைத்ததுடன், கோவில் வாசல் மற்றும் அரசமரத்தடியில் வரலாற்று கல்வெட்டுகளும் கண்டுபிடித்துள்ளனர்.

இதுகுறித்து அமுல்ராஜ் கூறியதாவது:-

13-ம் நூற்றாண்டில் சம்புவராய மன்ன ர்களின் தலைநகரமாக படவேடு கிராமம் புகழ்பெற்று விளங்கியதாக கருதப்படுகிறது.

இங்கு நிலப்பகுதியில் அகக்கோட்டை (பெரிய கோட்டை), புறக்கோட்டை (சிறியகோட்டை) ஆகிய 2 கோட்டைகளும், ஜவ்வாதுமலை தொடரில் அமைந்துள்ள ராஜகம்பீரன் மலையில் ஒரு மலைக் கோட்டையையும் அவர்கள் அமைத்துள்ளதாக வரலாற்று பதிவேடுகள் கூறுகிறது. இந்த படவேடு நகரத்தை சுற்றிலும் ஆங்காங்கே பல்வேறு கோவில்கள் கட்டி உள்ளனர்.

அந்த கோவில்கள் போர் நடந்தபோதும், சரியான பராமரிப்பு இல்லாததாலும் காலப்போக்கில் அழியத் தொடங்கின.

சம்புவராய மன்னர்கள் கட்டிய கோயில்களில் ஒன்றுதான் இந்த படவேடு மாரியம்மன் கோவில். இதற்கு எடுத்துக்காட்டாக பழங்கால சிலைகள் மற்றும் கல்வெட்டுகள் இன்றளவும் இந்த கோவிலில் அழியாமல் ஆதாரமாக விளங்குகிறது.

இங்குள்ள சிற்பங்கள் மற்றும் கல்வெட்டுகள் மிகவும் முக்கியமான வையாகும்.

இங்கு தொல்லியல் துறையினர் ஆய்வு நடத்தினால் பல்வேறு வரலாற்று செய்திகள் தெரியவரும்.

மேலும் கண்டெடுக்கப்படும் சிற்பங்கள் மற்றும் கல்வெட்டுகளை பாதுகாக்க மாவட்ட நிர்வாகம், வரலாற்று அருங்காட்சியகம் ஒன்றை ஏற்படுத்த வேண்டும்.

இவ்வாறு அவர் கூறினார்.

திருவண்ணாமலை:

திருவண்ணாமலை அருகே தண்டரை கிராமத்தில் ஒரே வளாகத்தில் அரசு தொடக்கப்பள்ளி மற்றும் உயர்நிலைப் பள்ளி தனித்தனியாக செயல்பட்டு வருகிறது.

தினந்தோறும் தொடக்கப் பள்ளியில் சத்துணவு சமைத்து 2 பள்ளிகளுக்கும் வழங்கப்பட்டு வருவது வழக்கம்.

இந்நிலையில் காமராஜர் பிறந்த நாளையொட்டி மாணவர்களுக்கு கலவை சாதத்துடன் கூடுதலாக சர்க்கரை பொங்கல் வழங்கப்பட்டது.

இதனை மாணவர்கள் ஆர்வத்துடன் வாங்கி சாப்பிட்டனர்.

ஒரு மாணவரின் பொங்கலில் பல்லி இறந்து கிடந்தது. இதனால் அதிர்ச்சி அடைந்த மாணவர்கள் ஆசிரியர்களுக்கு தகவல் தெரிவித்தனர்.

இதனிடையே உணவு சாப்பிட்ட மாணவர்களுக்கு வாந்தி, மயக்கம் ஏற்பட்டு 50 பேர் திருவண்ணாமலை அரசு மருத்துவக் கல்லூரி மருத்துவமனையில் அனுமதிக்கப்பட்டனர்.

இதனையடுத்து மாவட்ட முதன்மை கல்வி அலுவலர் கணேஷ் மூர்த்தி, தொடக்கக்கல்வி மாவட்ட கல்வி அலுவலர் கார்த்திகேயன் ஆகியோர் சத்துணவு ஊழியர்களிடம் விசாரணை நடத்தினர்.

பின்னர் சத்துணவு சமைப்பதில் அலட்சியமாக செயல்பட்டதாக அமைப்பாளர் ஷியாமளா, சமையலர் மஞ்சுளா ஆகியோர் சஸ்பெண்ட் செய்யப்பட்டனர்.

வெம்பாக்கம்:

தூசி போலீஸ் சப்-இன்ஸ் பெக்டர் சுரேஷ்பாபு மற்றும் போலீசார் காஞ்சீபுரம்-வந்தவாசி சாலையில் உள்ள அப்துல்லாபுரம் கூட்டுச்சாலையில் வாகன தணிக்கையில் ஈடுபட்டு இருந்தனர். அப்போது அந்த வழியாக வந்த காரை மடக்கி சோதனையிட்டனர்.

அதில் தடை செய்யப்பட்ட போதைபொருட்களை 3 மூட்டைகளில் கடத்தி வந்தது தெரியவந்தது. இதையடுத்து

ரூ.40 ஆயிரம் மதிப்புள்ள போதை பொருட்களை போலீசார் பறிமுதல் செய்தனர்.

இதுகுறித்து போலீசார் வழக்குப்பதிவு செய்து ஆந்திர மாநிலம் சித்தூரைச் சேர்ந்த ஜே.ரமேஷ் என்பவரை கைது செய்தனர். மேலும் கடத்தலுக்குப் பயன்படுத்தப்பட்ட காரையும் பறிமுதல் செய்தனர்.

வந்தவாசி:

வந்தவாசி நகராட்சிக்குட்பட்ட பஜார் சாலை, அச்சரப்பாக்கம் சாலை, காந்தி சாலை, சன்னதி தெரு, உள்ளிட்ட பல்வேறு பகுதிகளில் ஏராளமான மாடுகள் சுற்றி திரிகின்றன.

இதனால் பள்ளி மாணவர்கள் முதியோர்கள் பெண்கள் சாலையில் நடந்து செல்லும் போது மாடுகள் முட்டி கீழே தள்ளுகிறது. இதனால் பொதுமக்கள் வாகன ஓட்டிகள் பெரும் அவதிப்பட்டு வந்தனர்.

இந்த நிலையில் பொதுமக்களுக்கு இடையூறாக சுற்றி திரியும் மாடுகளை பிடிக்க வேண்டும் என்று நகராட்சி அதிகாரிகளுக்கு புகார் மனு அளித்தனர்.

நகராட்சி அதிகாரிகள் வந்தவாசி நகராட்சிக்குட்பட்ட பல்வேறு பகுதிகளில் சுற்றி திரிந்த மாடுகளை பிடித்தனர்.

மேலும் மாட்டின் உரிமையாளர்களுக்கு நகராட்சி அதிகாரிகள் அபராதம் விதித்தனர்.

திருவண்ணாமலை:

பொதுப்பணித் துறை அமைச்சரும், கட்சியின் உயர்நிலை செயல்திட்டக் குழு உறுப்பினருமான எ.வ.வேலு வெளியிட்டுள்ள அறிக்கையில் கூறியிருப்பதாவது:-

இளைஞர் அணி, இயக்கத்தின் புது ரத்தம் என்பார் முத்தமிழறிஞர் கலைஞர் கருணாநிதி. கட்சியின் வளர்ச்சியும், வெற்றியும் வெறும் கட்சிக்கானது மட்டுமல்ல. அது ஒட்டு மொத்த தமிழ்நாட்டிற்கான வெற்றி.

வாய்ப்புகள் மறுக்கப்பட்ட பிற்படு த்தப்பட்ட, ஒடுக்கப்பட்ட, சிறுபான்மை மக்களுக்கான வெற்றி என அடுத்த கட்டத்திற்கு இளைஞர் அணியை, தந்தை பெரியார்,பேரறிஞர் அண்ணா, முத்தமிழறிஞர் கலைஞர் கருணநிதி, கட்சி தலைவரும், முதல்- அமைச்சருமான மு.க.ஸ்டாலின் ஆகியோர் எடுத்து சென்றனர்.

அமைச்சர் உதயநிதி ஸ்டாலின் வருகை

அந்த வழியில் இளைஞர் அணியை வழிநடத்திடும். இளைஞர் அணி செயலாளரும், இளைஞர் நலன் மற்றும் விளையாட்டு மேம்பாட்டுத் துறை அமைச்சருமான உதயநிதி ஸ்டாலின் திருவண்ணமலை மாவட்டத்திற்கு வருகை தருகிறார். திருவண்ணாமலை மாவட்டத்தில் வருகிற 18-ந் தேதி அன்று கட்சி கொடியேற்று விழா, கருணாநிதி சிலை திறப்பு விழா, அரசு விழாக்களான ஜவ்வாதுமலை கோடை விழா மற்றும் புதிய கட்டிடங்கள் திறப்பு விழா, கலெக்டர் அலுவகத்தில் பல்வேறு துறைகளின் ஆய்வுக்கூட்டம், நெடுஞ்சா லைத்துறை சார்பில் அமைக்கப்பட்ட காளை சின்னத்துடன் கூடிய ரவுண்டானா திறப்பு விழா, சமூக வலைதள செயற்பாட்டாளர்கள் ஆலோசனைக் கூட்டம், முத்தாய்ப்பாக கலைஞர் கருணாநிதி நூற்றாண்டு விழாவினை முன்னிட்டு 10 ஆயிரத்து 100 பயனாளிகளுக்கு நலத்திட்ட உதவிகள், மூத்த முன்னோடிகளுக்கு பொற் கிழி வழங்கும் விழா என பிரமாண்டமான பொதுக் கூட்டம் நடைபெற உள்ளது.

எழுச்சியான வரவேற்பு

திருவண்ணாமலை மாவட்டத்திற்கு வருகை தரும் இளைஞர் அணி செயலாளர் உதயநிதி ஸ்டாலினுக்கு வருகிற 18-ந் தேதி காலை 9 மணியளவில் மாவட்ட எல்லையான கலசபாக்கம் தொகுதி காவலூர் ஊராட்சியில் எழுச்சியான வரவேற்பு அளிக்கப்பட உள்ளது.

எல்லையில் அளிக்கப்படும் வரவேற்பு நிகழ்ச்சியில் மாவட்ட, ஒன்றிய, நகர, பேரூர் கட்சி நிர்வாகிகள், அணிகளின் நிர்வாகிகள், உள்ளாட்சி அமைப்பினர் பிரதிநிதிகள் மற்றும் பொதுமக்கள் என ஆயிரக்கணக்கில் திரண்டு வந்து எழுச்சியான வரவேற்பு அளிக்க வேண்டும். இவ்வாறு அதில் கூறப்பட்டுள்ளது.