புதுடெல்லி:
இந்திய ராணுவ தலைமை தளபதி தல்பீர் சிங் தலைமையில் மூத்த ராணுவ அதிகாரிகள் அடங்கிய குழு 4 நாட்கள் பயணமாக இன்று (திங்கட்கிழமை) சீனா செல்கிறது. இந்த குழுவினர் சீன ராணுவத்தின் தரைப்படை உள்ளிட்ட பல பிரிவுகளை பார்வையிட்ட பின் அந்நாட்டு ராணுவ அதிகாரிகளுடன் ஆலோசனை நடத்த உள்ளனர்.
அப்போது இரு நாடுகளுக்கு இடையேயான ராணுவ ஒத்துழைப்பு, பரஸ்பர மேம்பாடு குறித்து ஆலோசிக்கப்படுகிறது.
மேலும் பயங்கரவாதம் பற்றிய தகவல் பறிமாற்றம், மனிதாபிமான ஒத்துழைப்பு, அமைதி நடவடிக்கைகளை மேம்படுத்துவது மற்றும் இருநாட்டு ராணுவ கூட்டு நடவடிக்கைகள் ஆகியவை பற்றியும் ஆலோசனை நடத்தப்பட உள்ளது.
