கொல்கத்தா:
மேற்கு வங்க மாநிலத்தில் இந்த முறை அதிக தொகுதிகளில் வெற்றி பெறும் முனைப்புடன் பாஜக தீவிர களப்பணியாற்றி வருகிறது. கட்சி நிர்வாகிகள் வீதி வீதியாகச் சென்று மக்களை சந்தித்து வாக்கு கேட்டு வருகின்றனர். பாஜக வேட்பாளர்களை ஆதரித்து பிரதமர் மோடி நேற்று சிலிகுரியில் பிரசாரம் மேற்கொண்டார்.
இந்நிலையில், சிலிகுரியில் உள்ள பாஜக பூத் அலுவலகத்தில் சுமார் 42 வயது மதிக்கத்தக்க நபர் தூக்கில் சடலமாக தொங்கினார். இதுபற்றி இன்று அதிகாலை அந்த பகுதி காவல் நிலையத்திற்கு தகவல் தெரிவிக்கப்பட்டது. போலீசார் சம்பவ இடத்திற்கு வந்து, தூக்கில் தொங்கிய சடலத்தை கீழே இறக்கி பிரேத பரிசோதனைக்கு அனுப்பி வைத்தனர்.
பூத் அலுவலகத்தில் இறந்தவர் யார்? அவர் தற்கொலை செய்தாரா அல்லது கொலை செய்யப்பட்டாரா? என பல்வேறு கோணங்களில் போலீசார் விசாரணை நடத்தி வருகின்றனர். #LokSabhaElections2019 #BJPBoothOffice #Siliguri
