சுகாதார காப்பீட்டில் மூத்த குடிமக்களுக்கு ஜி.எஸ்.டி.யில் விலக்கு

புதுடெல்லி:

மூத்த குடிமக்களுக்கான சுகாதார காப்பீடு மற்றும் டேர்ம் இன்சூரன்ஸ் ஆகியவற்றில் ஜி.எஸ்.டி. விலக்கு அளிக்க மாநில நிதி அமைச்சர்கள் குழு முடிவு செய்துள்ளது.

மூத்த குடிமக்களுக்கு ரூ.5 லட்சம் வரை மருத்துவ காப்பீடுக்கு வரியை நீக்குவது குறித்தும் பரிசீலிக்கப்படுகிறது. இந்த வருவாயை ஈடு செய்ய ரூ.25 ஆயிரத்துக்கும் மேல் விலையுள்ள கடிகாரங்கள் மற்றும் ரூ.15 ஆயிரத்துக்கும் மேல் விலையுள்ள காலணிகள் போன்ற ஆடம்பர பொருட்களுக்கான ஜி.எஸ்.டி. வரி 28 சதவீதம் உயர்த்தப்படுகிறது.