1950 ஆம் ஆண்டு இதே நாளில் (ஜனவரி 25) தான் தேர்தல் ஆணையம் உருவாக்கப்பட்டது. அதனை கொண்டாடும் விதமாக ஒவ்வொரு ஆண்டும் ஜனவரி 25 அன்று வாக்காளர் தினமாக கொண்டாடப்படுகிறது.
இந்நிலையில், வாக்காளர் தினத்தை ஒட்டி காங்கிரஸ் பொதுச்செயலாளர் ஜெய்ராம் ரமேஷ் தனது எக்ஸ் பக்கத்தில் பதிவிட்டுள்ளார்.
அவரது பதிவில், "தேர்தல் ஆணையத்தின் செயல்பாடு அரசியலமைப்பை கேலிக்கூத்தாகிறது, வாக்காளர்களை அவமதிப்பு செய்கிறது.
கடந்த பத்தாண்டுகளில், பிரதமர் மோடி, அமித் ஷாவால் தேர்தல் ஆணையத்தின் சுதந்திரம் கடுமையாக சமரசமாகியுள்ளது.
அண்மையில் நடந்து முடிந்த அரியானா மற்றும் மகாராஷ்டிராவில் எழுப்பப்பட்ட பிரச்சினைகளில் தேர்தல் ஆணையம் பாகுபாடாகவும் ஒருபக்க சார்பாகவும் நடந்துகொண்டது" என்று பதிவிட்டுள்ளார்.
